Дэлхий нийтээр..
Улсын аварга малчид харилцан туршлага солилцов
Мал эмнэлэг, үржлийн алба үүсэж хөгжсөний түүхт 100 жилийн ойн хүрээнд Хүнс, хөдөө аж ахуй, хөнгөн үйлдвэрийн яам, “Дорнод Монголын хуурай хээрийн тогтвортой ландшафт, биологийн олон янз байдлын хамгаалал” төсөлтэй хамтран 21 аймаг, нийслэлээс Улсын аварга, хошой аварга малчдын төлөөлөл 22 малчныг оролцуулан Улсын аварга малчдын туршлага солилцох арга хэмжээг 2023 оны 08 дугаар сарын 21-23-ны өдрүүдэд Сүхбаатар, Хэнтий аймагт зохион байгуулав.
Тус арга хэмжээгээр Хэнтий аймгийн Хэрлэн сум дахь “МЕТАГРО” ХХК-ийн махны үхрийн бүрэн эрчимжсэн аж ахуй, Сүхбаатар аймгийн “Арга Түшиг” ХХК-ийн махны үхрийн хагас эрчимжсэн аж ахуйн үйл ажиллагаатай, Сүхбаатар аймгийн “Улсын аварга малчдын холбоо” ТББ-ын үйл ажиллагаа болон Хэнтий аймгийн Баянхутаг сумын гавьяат малчин Н.Гантуяагийн мал маллах арга туршлагатай тус тус танилцаж, харилцан туршлага солилцлоо.
Хүнс, хөдөө аж ахуй, хөнгөн үйлдвэрийн сайд Х.Болорчулуун 21 аймаг, нийслэлийн улсын аварга малчдын төлөөллийг хүлээн авч уулзаж, мал аж ахуйн салбарын талаарх төрийн бодлого, авч хэрэгжүүлж байгаа арга хэмжээний талаар харилцан ярилцаж, санал солилцов.
Улсын аварга малчид Хүнс, хөдөө аж ахуй, хөнгөн үйлдвэрийн яамнаас туршлага судлах арга хэмжээг зохион байгуулж, хүлээн авч уулзаж байгаад талархал илэрхийлээд хагас суурин мал аж ахуй эрхлэх, ногоон тэжээл тариалах зэрэг орон нутагтаа хэрэгжүүлж болох шинэ санаа, сайн туршлагыг олж мэдсэн тухай өгүүлэв.
Мөн Дархан-Уул аймагт баригдаж байгаа арьс, шир боловсруулах үйлдвэрийг шуурхай барьж байгуулах, сумдад малын түүхий эд бэлтгэлийн төв байгуулах, мал, махны борлуулалтад анхаарах, улсын аварга малчдыг жижиг дунд үйлдвэрлэл эрхлэгчээр бүртгэх талаар санал хэлсэн юм.
Эх сурвалж: ХХААХҮЯ
Дэлхий нийтээр..
БНХАУ-д зорчих иргэдийн анхааралд...
Дэлхий нийтээр..
Ши Жиньпин, Доналд Трамп нар Бээжинд уулзаж, хоёр улсын харилцааны гол асуудлуудыг хэлэлцэж байна
БНХАУ-ын дарга Ши Жиньпин АНУ-ын Ерөнхийлөгч Доналд Трамптай Бээжин хотноо хэлэлцээ хийж байна. Олон улсын хэвлэлүүдийн мэдээлж буйгаар, хоёр улсын төрийн тэргүүн нарын уулзалтаар худалдаа, тариф, Тайванийн асуудал, хиймэл оюун ухаан, мөн Ираны нөхцөл байдал зэрэг олон улсын анхаарал татсан сэдвүүдийг хэлэлцэж байна.
“Reuters” агентлагийн мэдээлснээр, энэ удаагийн уулзалт АНУ, БНХАУ-ын худалдааны түр тохиролцоог баталгаажуулах, хоёр талын эдийн засаг, технологийн салбар дахь маргаантай асуудлуудыг хэлэлцэх өндөр ач холбогдолтой уулзалт болж байна. АНУ-ын тал Хятадтай худалдаа, хиймэл оюун ухаан, чип үйлдвэрлэл, нисэхийн салбар дахь хамтын ажиллагаа болон Америкийн компаниудын Хятадын зах зээлд нэвтрэх боломжийг хөндөж байгаа талаар мэдээлжээ.
Уулзалтын бас нэг гол сэдэв нь Тайванийн асуудал байна. Бээжин АНУ-ын Тайваньд үзүүлж буй дэмжлэг, зэвсгийн худалдаанд эсэргүүцэл илэрхийлсээр байгаа бол Вашингтон Тайванийн асуудлаарх бодлогодоо өөрчлөлт ороогүй гэж өмнө нь мэдэгдсэн байна. Тайвань нь АНУ, БНХАУ-ын харилцааны хамгийн эмзэг сэдвүүдийн нэг хэвээр байгааг ажиглагчид онцолж байна.
Мөн АНУ-ын тал Ираны нөхцөл байдалтай холбоотойгоор Хятад улс Тегеранд үзүүлэх нөлөөгөө ашиглан хурцадмал байдлыг намжаахад дэмжлэг үзүүлэхийг хүсэж байгаа талаар “Reuters” мэдээлэв. Гэхдээ шинжээчид Бээжин Ираны эсрэг хатуу байр суурь баримтлах магадлал бага гэж үзэж байна.
АНУ-ын Ерөнхийлөгч Доналд Трамп уулзалтын эхэнд Ши Жиньпинийг “агуу удирдагч” хэмээн тодорхойлж, энэ уулзалтыг томоохон ач холбогдолтой гэж үнэлсэн талаар олон улсын хэвлэлүүд мэдээлж байна. Харин БНХАУ-ын тал хоёр улсын харилцааны тогтвортой байдал нь дэлхийн эдийн засаг, олон улсын аюулгүй байдалд чухал нөлөөтэйг онцолжээ.
Уулзалтын хүрээнд хоёр талын албан ёсны хэлэлцээ, төрийн хүндэтгэлийн арга хэмжээ болон бизнесийн хүрээний уулзалтууд болох төлөвтэй байна. АНУ-ын төлөөлөгчдийн бүрэлдэхүүнд технологи, санхүү, үйлдвэрлэлийн салбарын томоохон компанийн удирдлагууд багтсан нь энэ удаагийн айлчлал эдийн засаг, технологийн хамтын ажиллагаанд онцгой ач холбогдол өгч байгааг харуулж байна.
Дэлхий нийтээр..
Хятад, АНУ-ын төрийн тэргүүнүүд дахин нүүр тулан уулзана
Хятад улсын дарга Ши Жиньпиний урилгаар АНУ-ын ерөнхийлөгч Дональд Трамп 5-р сарын 13-15-ны хооронд БНХАУ-д төрийн айлчлал хийж байна.
Энэ нь Хятад, АНУ-ын төрийн тэргүүнүүдийн өнгөрсөн оны 10-р сард Пусан хотод уулзсаны дараа хоёр дахь удаагаа нүүр тулан уулзах бөгөөд АНУ-ын Ерөнхийлөгчийн есөн жилийн хугацаанд Хятадад хийсэн анхны айлчлал юм. Хоёр орны тэргүүн Хятад, Америкийн харилцаа, дэлхийн энх тайван, хөгжлийн гол асуудлаар гүнзгий санал солилцох болно.
-
Дэлхий нийтээр..2024/05/22
Метромоллын уулзвараас Хүнсний 4 дүгээр дэлгүүрийн уулзвар хүртэлх авто замыг за...
-
Хэн юу хэлэв...2022/12/07
Ерөнхий сайд Л.Оюун-Эрдэнэ: Монгол Улс “Чингис” бондын өрийг бүрэн т...
-
Үйл явдал2026/04/27
COP17: Замын хөдөлгөөний зохицуулалтын асуудлаар хамтарсан уулзалт зохион байгуу...
-
Үйл явдал2022/03/14
Дархлаажуулалтын цэгийг дүүрэг тус бүрээр танилцуулж байна