Тод мэдээ
FTX-ын үүсгэн байгуулагч Сэм Банкман-Фрийг хахууль авсан байж болзошгүй хэмээн сэжиглэж байна
Холбооны прокурорууд FTX-ийн үүсгэн байгуулагч Сэм Банкман Фридийг хятадын албан тушаалтнуудад 40 сая долларын үнэ бүхий криптовалютын хахууль өгсөн гэж үзсэн бөгөөд нийт 13 зүйл ангид холбогдуулан хэрэг үүсгэсэн байна.
Прокурорын яллах дүгнэлтэд Банкман Фрид өөрийн “Alameda” компанийн 1 тэрбум доллар /дижитал хөрөнгө/ бүхий Хятадын Засгийн газраас царцаагаад байсан дансыг сэргээлгэхийн тулд хятадын албан тушаалтнуудад 40 сая долларын хахууль өгсөн байж болзошгүй талаар дурдсан.
Мөн төлбөрийг Alameda-ийн үндсэн арилжааны данснаас хувийн криптовалют данс руу шилжүүлэн авсан гэж яллах дүгнэлтэд дурджээ.
Мягмар гарагт Нью-Йоркийн Өмнөд дүүргийн Эрүүгийн хэргийн шүүхэд шинэ яллах дүгнэлтийг танилцуулсан. Тэрээр 250 сая ам.долларын барьцаа бүхий батлан даалтад гарсан бөгөөд түүнд холбогдуулан шалгаж байгаа 8 авлигын болон залилангийн шинжтэй гэмт хэрэгт гэм буруугүй хэмээн мэдэгдсэн бол бусад таван хэрэг нь хараахан шүүхийн шатанд шилжээгүй байна.
Батлан даалтад гаргах эсэх талаар хэлэлцэх шүүх хурал пүрэв гаригийн өглөөний 11:00 цагт товлогджээ.
Хэргийн талаар Банкман Фридийн төлөөлөгч тайлбар өгөхөөс татгалзав.
Батлан даалтын нөхцөлийг өөрчлөв
Тэрээр батлан даалтад байх хугацаанд VPN ашиглан FTX-ийн ерөнхий зөвлөх асантай холбоо тогтоож, гэрчид нөлөөлөхөөр оролдсон байна. Улмаар Мягмар гарагт болсон шүүх хуралдаанаар шүүгч Льюс Каплан Банкман Фридийг цахим сүлжээ, харилцаа холбооны аппликейшн хэрэглээнд хязгаар тавих шинэ нөхцөлтэйгөөр батлан даах арга хэмжээг зөвшөөрчээ.
Шинэ нөхцөлийн дагуу Банкман Фридэд хоёр төрлийн электрон төхөөрөмж болох нарийн хяналттай зөөврийн компьютер болон зөвхөн дуут дуудлага, мессеж бичихэд ашиглах боломжтой гар утас ашиглахыг зөвшөөрчээ. Харилцаа холбооны бусад гар утас, таблет, компьютер, видео тоглоомын хэрэгсэл, интернэтэд нэвтрэх боломжтой "ухаалаг" төхөөрөмжүүдийг ашиглахыг хориглоно" хэмээжээ.
Мөн түүний зөөврийн компьютерын хэрэглээнд түүний хуулийн багийнхан хяналт тавьж ажиллана.
Түүнд зөвхөн шүүхийн хэлэлцүүлэгт бэлдэх зорилгоор VPN ашиглахыг зөвшөөрнө. VPN ашиглах үед хуульчид түүнийг хэрэглээг хянах бөгөөд Банкман Фридийг зөөврийн компьютер ашиглаж байх хугацаанд нь хамт байж, ашиглаж дуусахад нь зөөврийн компьютерыг буцааж авах нөхцөлтэй юм.
FTX-ын дампуурал
Банкман Фрид эрсдэлтэй бооцоог санхүүжүүлж, Америкийн улс төрчдөд хандив цуглуулж, Бахамын арлууд дахь өөрийн болон ажилчдынхаа тансаг амьдралын хэв маягийг бий болгохын тулд өөрийн криптовалют биржийн FTX-аас мөнгө хулгайлах асар том схем зохион байгуулсан нь АНУ-ын түүхэн дэх эдийн засгийн эсрэг хамгийн том гэмт хэргүүдийн нэгд тооцогдоно гэж прокурорын байгууллага тодорхойлжээ.
FTX нь 11 дүгээр сард дампуурахаасаа өмнө хамгийн алдартай, хамгийн том криптовалютын биржүүдийн нэг байсан.
31 настай Банкман Фрид нь бизнесээ буруу удирдаж дампууралд хүргэснээ хүлээн зөвшөөрсөн ч залилангийн гэмт хэргийн шинжтэй үйлдэл хийгээгүй гэж мэдэгдсэн.
Банкман Фрид хуучин бизнесийн хамтрагч болох Гари Ван, Каролин Эллисон, Нишад Сингх нар олон хэрэгт буруутай гэдгээ хүлээн зөвшөөрч, мөрдөн байцаалтад дэмжлэг үзүүлэн хамтран ажиллаж байна.
Шүүх хурлыг аравдугаар сард хийхээр товлосон бөгөөд хэрэв шүүх хурлаар бүх зүйл ангиар гэм буруутай нь тогтоогдвол 155-аас дээш жил хорих ял оноох магадлалтай.
Банкман Фридийн зорчих эрхийг хязгаарласан бөгөөд тэрээр Калифорниа мужийн Пало Алто дахь эцэг эхийнхээ гэрт гэрийн хорионд байгаа юм.
Эх сурвалж: https://edition.cnn.com/2023/03/28/business/sbf-bribery-indictment/index.html
/Прокуророос шинэ яллах дүгнэлтээ танилцуулснаас 2 хоногийн дараах мэдээ/
Сэм Банкман Фрид дээр дурдагдсан хэргүүдэд буруугүй гэж мэдэгджээ
FTX-ийг үүсгэн байгуулагч Сэм Банкман Фрид Холбооны прокуророос түүнд холбогдуулан шинээр яллах дүгнэлт үйлдсэн хятадын албан тушаалтнуудад авлига өгсөн байж болзошгүй болон бусад залилангийн шинжтэй таван гэмт хэрэгт буруугүй хэмээн мэдэгджээ.
Тэрээр нийт 13 зүйл ангиар буруутгагдаж байгаа бөгөөд өмнөх 8 хэрэгт буруугүй гэдгээ мэдэгдэж байсан бол шинээр нэмэгдсэн 5 хэрэгт ч мөн өөрийгөө буруугүй гээд байна.
Эх сурвалж: https://edition.cnn.com/Тод мэдээ
АНУ: Аялал жуулчлал, ажил хэргийн шугамаар зорчих Замби, Малави улсын иргэдээс визийн барьцаа шаардана
АНУ-ын Төрийн департамент аялал жуулчлал болон ажил хэргийн шугамаар зорчих Бүгд Найрамдах Замби Улс, Бүгд Найрамдах Малави Улсын иргэдэд виз мэдүүлэхдээ 15.000 ам.доллар хүртэл барьцаа төлөх шаардлагыг тавьж эхэлснийг зарлалаа.
Тус шаардлага нь дэлхийн хамгийн ядуу орнуудын тоонд багтдаг дээрх хоёр улсад “визийн хориг” тавьсантай адил гэж зарим хүмүүс үзэж байна.
Визийн хугацаа хэтрүүлэх явдлыг хязгаарлах зорилгоор хэрэгжүүлж буй энэ арга хэмжээ нь “виз олгох баталгаа болохгүй” хэмээн мягмар гарагт нийтэлсэн тус мэдэгдэлдээ анхааруулсан бөгөөд тодорхой нөхцөлийг хангасан тохиолдолд барьцааг буцаан олгох юм. Тухайлбал, виз мэдүүлсэн иргэн зөвшөөрөгдсөн хугацаанд багтаж АНУ-аас гарсан, эсвэл визийн хүчинтэй хугацаанд АНУ-д зорчоогүй зэрэг тохиолдолд барьцааг автоматаар буцаан олгоно.
Малави Улсын Хүний эрхийн комиссын дарга, хуульч Хабиба Османы хэлснээр энэ барьцаа нь шударга бус бөгөөд жинхэнэ зорчих иргэдэд санхүүгийн хүнд дарамт болж байна гэжээ.
Ирэх саруудад Африк тивийн олон улсын хувьд АНУ руу зорчих нөхцөл улам хүндэрч болзошгүй байна. Хоёр сарын өмнө Африк тивийн долоон улсад АНУ-д нэвтрэх хориг, гурван улсад хэсэгчилсэн хязгаарлалт тавьсан.
Мөн түүнчлэн одоогоор төлөвлөж буй нэмэлт хориг хэрэгжвэл Баруун Африкийн дийлэнх улсын иргэдийг АНУ руу зорчихыг бүр мөсөн зогсоох магадлалтай байна.
Эх сурвалж: ГИХГ
Тод мэдээ
Дэлхий дахинаа гадаад оюутнуудын урсгал Их Британи, Ази болон Дундад Ази руу чиглэжээ
АНУ нэгэн цагт гадаад оюутнуудын хамгийн их хүсдэг, мөрөөдлийн улс байсан бол өдгөө энэ байр сууриа алдаж эхэлжээ. Учир нь АНУ-ын Засгийн газраас баримталж буй цагаачлалын хатуу бодлого, визийн нөхцөл, шаардлагыг чангатгаж буй нь АНУ-ын нэр хүндтэй сургуулиудад элсэн суралцах хүсэлтэй оюутнуудын тоо буурахад нөлөө үзүүлж байна.
Үүний улмаас АНУ-ын нэр хүндтэй их, дээд сургуулиудад суралцах хүсэлтэй оюутнуудын тоо эрс буурч, тэдний дийлэнх нь Их Британи, Ази тивийн орнууд болон Дубай, Сингапур зэрэг шинэ чиглэлүүдийг сонгох болжээ.
Эх сурвалжийн мэдээлснээр АНУ-д суралцах хүсэлтэй оюутнуудын тоо 30-40 хувиар буурсны улмаас тус улс 7 тэрбум долларын эдийн засгийн алдагдал хүлээх эрсдэлтэй байна. Харин Их Британид эсрэгээрээ олон улсын бакалаврын түвшний элсэлт 2.2 хувиар өссөн үзүүлэлттэй байна.
Цар тахлын дараах нөхцөл байдал ч оюутнуудын сонголтод өөрчлөлт оруулжээ. Соёлын хувьд ижил төстэй, дасан зохицоход хялбар орнуудад суралцах хандлага эрчимжиж, Малайз, Хонгконг, Сингапурт суралцах сонирхол ихэссэн байна. Тухайлбал, Хонгконгийн Шинжлэх ухаан, технологийн их сургуулийн бакалаврын элсэлт 40 хувиар нэмэгдсэн байна.
Мөн өмнө нь боловсролын чиглэлээр тэр бүр анхаарал татдаггүй байсан Арабын Нэгдсэн Эмират улсын гадаад оюутнуудын тоо 2024-2025 онд 33 хувиар өсжээ. Дубайд байрлах олон улсын сургуулиудын салбар кампусууд өргөжин хөгжиж, бүс нутгийн боловсролын шинэ төв болон төлөвшиж байна.
Үүнтэй адил Illinois Tech, Arizona зэрэг АНУ-ын их сургуулиуд Казахстан улсад салбараа нээж, Төв Азийг олон улсын боловсролын шинэ зангилаа болгох алхмууд хийгдэж байна.
Эх сурвалж: ГИХГ
Тод мэдээ
Цахилгаан дугуй, скүүтэрийн зогсоол хийж байна
Нийслэлийн ИТХ-ын дарга бөгөөд Нийслэлийн гэмт хэргээс урьдчилан сэргийлэх ажлыг зохицуулах салбар зөвлөлийн дарга А.Баяр өнгөрсөн зургаадугаар сарын 18-нд явган зорчигчийн зам дээр замбараагүй байршуулсан мопед, скүүтэрийг цэгцлэх асуудлаар “Eco bike”, “Таbо” компанийн төлөөлөл болон Тээврийн цагдаагийн алба, Замын хөдөлгөөний удирдлагын төв, Нийслэлийн Замын хөгжлийн газрын удирдлагатай уулзсан.
Энэ үеэрээ гудамж талбайд эмх замбараагүй байршуулсан цахилгаан дугуй, скүүтэрийг тодорхой таних тэмдэг бүхий зогсоолтой болгохыг Нийслэлийн Замын хөгжлийн газрын дарга Б.Одбаярт үүрэг болгосон.
Тэгвэл өчигдрөөс Бага тойруу дотор 105 байршилд 2460 ширхэг цахилгаан дугуй, мопед, скүүтэрийн тэмдэг тэмдэглэгээ бүхий зогсоолыг хийж эхэллээ.
Өнөөдрийн байдлаар Мөнгөн завъяагийн уулзвараас СУИС-ын уулзвар хүртэл 250 скүүтэр, мопед байршуулах боломжтой зогсоолыг тэмдэглэж байна.
Зориулалтын тэмдэг тэмдэглэгээ бүхий зогсоолд скүүтэр, мопедоо байршуулаагүй, явган иргэдийн зорчих хэсэгт саадтай, эмх замбараагүй байршуулсан түрээсийн үйлчилгээ эрхлэгч компанийн цахилгаан дугуй, скүүтэр, мопедыг наймдугаар сарын 21-ний өдрөөс эхлэн журамлаж ачих бөгөөд мотоцикл, суррон, мопед, скүүтэр тус бүрийг 30.000 төгрөгөөр торгох хүртэл арга хэмжээ авах гэнэ.
Түрээсийн үйлчилгээ эрхлэгчид өөрсдийн техникээ арчлах, зориулалтын зогсоолд байршуулах, иргэдэд төвөг, чирэгдэл болохгүй байх зэрэг үүргийг хүлээх юм.
Тээврийн цагдаагийн албанаас өгч буй мэдээллээр мопед, скүүтэрийг өдөрт дунджаар 18000 орчим хүн түрээсээр ашигладаг бөгөөд гудамж талбай, авто болон явган хүний зам, гарц, гүүр зэрэгт орхих, замбараагүй байршуулсаар байгаа нь хотын өнгө үзэмж, иргэдийн явганаар зорчих хөдөлгөөнд саад учруулж байна гэх гомдлын шалтгаан болсоор байна.
Эх сурвалж: НИТХ-ХМОНХА
-
Тод мэдээ2024/06/25
Ашиг сонирхлын зөрчилд хамаарах 39 гомдол, мэдээллийг хянан шалгав
-
Тод индэр2024/08/22
Н.Учрал: Засгийн газар их өгөгдөлд суурилж шийдвэр гаргах нөхцөлийг бүрдүүлж бай...
-
Өнөөдөр2022/09/26
Үс шинээр үргээлгэх буюу засуулахад тохиромжгүй
-
Өнөөдөр2021/12/20
Үс шинээр үргээлгэх буюу засуулахад тохиромжгүй