Бидэнтэй нэгдэх

Тод мэдээ

Дугуй цагаан орчмын тохижилтын ажлыг шалгалаа

Огноо:

,

Сэтгүүлч:

Нийслэлийн Засаг дарга бөгөөд Улаанбаатар хотын Захирагч Д.Сумъяабазар Нийслэлийн удирдах ажилтнуудын шуурхай зөвлөгөөн дээр Дугуй цагаан орчмын тохижилтыг зургаадугаар сарын 1-н гэхэд дуусгах үүрэг өгсөн. Энэ дагуу өгсөн үүрэг, даалгаврын биелэлтийг шалган, тус бүтээн байгуулалтын ажлын явцыг шалгаж, газар дээр нь ажиллалаа.

Тохижилтын ажлыг гүйцэтгэгч “Цагаан толгой нуур” компанийнхан бүтээн байгуулалтыг хугацаандаа дуусгахаар төлөвлөсөн ч бороо орсонтой холбоотойгоор хугацаа алдсан гэдгийг хэлж байв. Мөн явган хүний болон дугуйн зам тавьж, машины зогсоол хийх гэж байсан газрыг амрах талбай болгон тохижуулж эхэлжээ. Явган хүний замыг 3-5 метрийн өргөнтэй хийсэн байна.

НЗДТГ-ын Хяналт-шинжилгээ, үнэлгээний хэлтсийн дарга Х.Гантулга “Ариун цэврийн байгууламжийн доторх тоноглолуудыг хийсэн. 7-14 хоногийн дотор ашиглалтад оруулна. Мөн 3х3 сагсан бөмбөгийн талбай байгуулахаар төлөвлөж байна. Өнгөрсөн долоо хоногт явган хүний замын хажуу талаар бор шороо асгаж, зүлэг тарьсан” гэв.

“Цагаан толгой нуур” компанийн гүйцэтгэх захирал Б.Батцэнгэл:

-Дугуй цагаан орчмын дээд хэсгийн тохижилтын ажил бүрэн дууссан. Доод хэсэг дэх чулуу болон дээврийн ажил дутуу байгаа. Чулууг бороонд нааж болохгүй учраас хугацаа алдлаа. Хүүхдийн тоглоомын талбайн тохижилтын ажил бүрэн дууссан. Түүнчлэн үлдсэн тохижилтын ажлыг 14 хоногийн хугацаанд дуусгах боломжтой хэмээв.

Хан-Уул дүүргийн Засаг даргын орлогч Б.Цэрэн “Тоглоомын талбай ашиглалтад орсноос хойш хүүхдүүд маш их ирж тоглож байна. Энэ орчмын хогийг Богдхан уулын дархан цаазат газрын хамгаалалтын захиргаа хариуцдаг. Цаашид нийслэл, эсвэл дүүрэгт нэг мөр хариуцуулбал зүгээр. Иргэд дүүрэг хариуцах ёстой гэж ойлгодог. Тэгэхээр үүнийг шийдвэрлэх шаардлагатай байна” гэлээ.

Хотын дарга дүүргээс хөрөнгө гаргаж, явган хүний зам нэмж тавих, гэрэлтүүлгийг сайжруулах үүрэг өгөв. Мөн хөгжлийн бэрхшээлтэй, дугуйтай, хүүхдийн тэрэгтэй хүмүүс зорчиход саадгүй байдлаар тохижилтын ажлыг гүйцэтгэх хэрэгтэйг онцоллоо. Түүнчлэн Дугуй цагаан орчмыг жишиг байдлаар тохижуулж, цаашид нэгдсэн стандарт бий болгох шаардлагатайг хэлж байв.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Тод мэдээ

“Нийтийн ахуйн үйлчилгээний төв” төслийн бүтээн байгуулалтын ажил эхэллээ

Огноо:

,

“Улаанбаатар хотын хөгжлийн корпораци” ХК төр, хувийн хэвшлийн түншлэлээр хүрээнд “Петровис” ХХК-тай хамтран “Нийтийн ахуйн үйлчилгээний төв төсөл”-ийг хэрэгжүүлэхээр бүтээн байгуулалтын ажлыг эхлүүллээ.

СХД-ийн 28 дугаар хороонд хэрэгжих уг төслийн хүрээнд барилгын ажил болон тоглоомын талбай, ногоон байгууламж, спортын талбай, амрах орчны тохижилтын ажлыг цогцоор нь хийж гүйцэтгэх юм.

Нийслэл газар олголтын асуудлыг шийдвэрлэсэн бөгөөд төслийн шаардлагатай хөрөнгө оруулалтыг “Петровис” ХХК санхүүжүүлэх юм.

Төсөл хэрэгжсэнээр СХД-ийн 28 дугаар хорооны иргэд, оршин суугчид халуун усны газар, өөртөө үйлчлэх автомат угаалгын газар, үсчин зэрэг үйлчилгээг авахаас гадна сүлжээ дэлгүүрээр үйлчлүүлэх зэрэг нийтийн ахуйн үйлчилгээг нэг дороос авах боломжтой болно.

Мөн уг төсөлд НҮБ-ын Хүүхдийн сан дэмжин хамтарч байгаа бөгөөд төвийг түшиглэн номын сан, хүүхдийн тоглоомын өрөө бүхий хүүхдэд ээлтэй орчныг бүрдүүлэх юм.

Дэлгэрэнгүй унших

Тод мэдээ

Нөөцийн махны борлуулалт 64.1 хувьтай байна

Огноо:

,

Нийслэлийн хүн амын 2024 оны хаврын улирлын махны хэрэгцээнд зориулан бэлтгэсэн нөөцийн махны борлуулалт 64.1 хувьтай байна. Засгийн газрын 2023 оны 344 дүгээр тогтоолоор баталсан “Стратегийн хүнсний улирлын нөөц бүрдүүлэх, зарцуулах журам”-ын хүрээнд нийслэлийн хүн амын 2024 оны хаврын улирлын махны нөөц бүрдүүлэх зорилгоор үхрийн мах 1901.25 тн, хонины мах 3802.5 тн, ямааны мах 633.75 тн нийт 6337.5 тн махыг бэлтгэн нөөцөлсөн.

2024 оны гуравдугаар сарын 11-ний өдрөөс 9 дүүргийн 375 хүнсний дэлгүүрээр нөөцийн махны худалдааг иргэдэд хүргэж байсан бол нэмэлтээр 2024 оны гуравдугаар сарын 11-ний өдрөөс 7 хоног бүр өргөтгөсөн худалдааг зохион байгуулж нөөцөлсөн махны 64.1 хувийг худалдан борлуулаад байна. 

Энэ долоо хоногт 7 дүүргийн 48 байршилд өргөтгөсөн худалдаа зохион байгуулна гэж Улаанбаатар хотын Захирагчийн ажлын албанаас мэдээллээ.   


Дэлгэрэнгүй унших

Тод мэдээ

Улаанбаатарт зургаадугаар сарын 21-22-нд шилжих шөнө бороотой бөгөөд сар дуустал олон жилийн дунджаас сэрүүн байна

Огноо:

,

Улаанбаатар хотын зуны улирлын цаг уурын урьдчилсан төлөвийн талаар УЦУОСМХ-ийн Ерөнхий инженер Б.Жаргалангаас тодрууллаа.

Тэрбээр "Азийн бүсийн уур амьсгалын хяналт шинжилгээ, үнэлгээ ба урьдчилсан төлөв” хэлэлцүүлэх хурлын дүнгээр энэ зун Зүүн Азийн бүс нутагт олон жилийн дунджаас дулаан, хур тунадас ахиу орох урьдчилсан төлөв гарсан. Энэ нь гэнэтийн ус ихтэй борооны давтагдал их байгааг илэрхийлж буй. Улаанбаатар хотод зургаадугаар сарын 21-22-ны шилжих шөнө бороотой бөгөөд сар дуустал олон жилийн дунджаас сэрүүн байх төлөвтэй байна" гэв.

Мөн төв болон зүүн аймгийн нутгаар гэнэтийн ус ихтэй, аадрын давтамж нэмэгдэх төлөвтэй байгаа тул иргэд та бүхнийг үер, усны аюулаас урдчилан сэргийлэхийг анхааруулж байна.

Түүнчлэн сар, улирлын төлөвөөс илүү тав хоногийн нарийвчилсан цаг агаарын мэдээг мэргэжлийн байгууллагаас авч байхыг уриаллаа. 

Дэлгэрэнгүй унших
сурталчилгаа
Тод мэдээ17 минутын өмнө

“Нийтийн ахуйн үйлчилгээний төв” төслийн бүтээн байгуула...

Тод мэдээ22 минутын өмнө

Нөөцийн махны борлуулалт 64.1 хувьтай байна

Тод мэдээ26 минутын өмнө

Улаанбаатарт зургаадугаар сарын 21-22-нд шилжих шөнө бороотой бөгөөд...

Тод мэдээ29 минутын өмнө

Үерийн эрсдэлтэй бүсэд суурьшсан 1917 айл өрх байна

Тод мэдээ31 минутын өмнө

Зэвсэгт хүчний 119 дүгээр ангийг түшиглэсэн “Оюутан цэрэг&rdqu...

Тод мэдээ34 минутын өмнө

Өнөөдөр хууль, эрх зүйн зөвлөгөө үнэ төлбөргүй өгнө

Тод мэдээ37 минутын өмнө

Үерийн дараах хор уршгийг арилгах ажил үргэлжилж байна

Өнөөдөр39 минутын өмнө

УБЦТС: Иргэд, олон нийтэд сэрэмжлүүлэх нь...

Тод мэдээ42 минутын өмнө

Хан-Уул дүүргийн сонгогчид итгэл дүүрэн байна

Тод мэдээ44 минутын өмнө

МАН-ын дарга, Ерөнхий сайд Л.Оюун-Эрдэнэ эрүүл мэндийн салбарын төлө...

Тод мэдээ48 минутын өмнө

МАН-ын дарга, Ерөнхий сайд Л.Оюун-Эрдэнэ “Хөгжлийн бэрхшээл-Ши...

Тод мэдээ51 минутын өмнө

Иргэний нийгэм, мэргэжлийн холбоодын төлөөлөлтэй санамж бичигт гарын...

Өнөөдөр53 минутын өмнө

Нийслэлийн 2024 оны төсөвт өөрчлөлт оруулах тогтоолын төслийг баталл...

Өнөөдөр57 минутын өмнө

Улаанбаатарт өдөртөө 26 хэм дулаан

Өнөөдөр2024/06/18

МАН Г.Сайханбаярыг нэр дэвшигчээс эргүүлэн татах албан бичгийг СЕХ-н...

Тод мэдээ2024/06/18

Зүүн бүсэд нэр дэвшигчид Хэнтий аймгийн Дадал, Норовлин, Батноров, Б...

Өнөөдөр2024/06/18

Налайх, Багануур, Багахангай дүүрэгт ипотекийн 3 хувийн хүүтэй зээл ...

Тод мэдээ2024/06/18

Г.САЙХАНБАЯР: Цаашдаа сурталчилгаагаа үргэлжлүүлээд сонгуульдаа орол...

Тод мэдээ2024/06/18

Баянзүрх дүүргийн иргэд, сонгогчид МАН-ын нэр дэвшигчдэд итгэл хүлээ...

Тод мэдээ2024/06/18

Хан-Уулчууд хамтад нь дэмжиж, багаар нь сонгоно гэдгээ илэрхийлсээр ...

Тод мэдээ2024/06/18

Бутаны Хаант Улсаас Монгол Улсад суух Элчин сайд Итгэмжлэх жуух бичг...

Тод мэдээ2024/06/18

Фижи улсын Ерөнхий сайд асан Фрэнк Байнимарама нэг жил шоронд хоригд...

Тод мэдээ2024/06/18

Гадаад улсад байгаа 13095 иргэн сонгуульд оролцохоор бүртгүүллээ

Тод мэдээ2024/06/18

Хөгжлийн банкны гэх тодотголтой 80 хүн, 4 хуулийн этгээдэд холбогдох...

Өнөөдөр2024/06/18

НОБГ: Зөвхөн баталгаат зам гүүрээр зорчихыг зөвлөж байна

Тод мэдээ2024/06/18

АНУ-ын сенатор Боб Менендезийг авлигын хэргээр шүүж байна

Тод мэдээ2024/06/18

АТГ: Төлөвлөгөөт хяналтаар 28 албан тушаалтны ХАСХОМ-ийг шалгав

Өнөөдөр2024/06/18

Улиас модны цагаан хөвөнг шатаахгүй байхыг анхааруулж байна

Тод мэдээ2024/06/18

НӨАТ-ын сугалааны тохирол тааруулах шууд нэвтрүүлэг маргааш гарна

Өнөөдөр2024/06/18

Улаанбаатарт өдөртөө 27 хэм дулаан

Санал болгох