Тод мэдээ
Сүрьеэтэй тэмцэх чиглэлээр БНСУ-ын Сүрьеэгийн үндэсний нийгэмлэгтэй хамтран ажиллана
Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч З.Төмөртөмөө БНСУ-ын Сүрьеэгийн үндэсний нийгэмлэгийн дэд ерөнхийлөгч Шин Хи Буг тэргүүтэй төлөөлөгчдийг хүлээн авч уулзлаа. Уулзалтын үеэр тус нийгэмлэгийн зүгээс Улаанбаатар хотод сүрьеэ өвчний эсрэг төсөл хэрэгжүүлэх хүсэлтээ илэрхийлсэн юм.
БНСУ-ын Сүрьеэгийн үндэсний нийгэмлэг нь 1953 онд байгуулагдсан, ашгийн бус байгууллага юм. 2014 оноос хойш Улаанбаатар хотод сүрьеэтэй тэмцэх үйл ажиллагаа явуулж буй бөгөөд сүүлийн дөрвөн жилд КОИКА-гийн дэмжлэгтэйгээр богино хугацааны төслүүдийг хэрэгжүүлж иржээ. Мөн тус байгууллага нь 2020 оноос нийслэлийн төвийн зургаан дүүрэгтэй сүрьеэгийн илрүүлгийн үйл ажиллагаанд хамтран ажиллаж эхэлсэн. Энэ хугацаанд бүртгэгдсэн сүрьеэтэй өвчтөний ойрын хавьтлыг эрт илрүүлэгт хамруулах, өвчилсөн тохиолдлыг эмчилж эдгэрүүлэх, хянах зэрэг ажлыг хийж байна.
Өнгөрсөн хугацаанд зөвхөн богино хугацааны төслүүд хэрэгжүүлж байсан тул энэ удаад урт хугацаанд хэрэгжих боломжтой төсөл боловсруулсан гэдгийг БНСУ-ын Сүрьеэгийн үндэсний нийгэмлэгийн дэд ерөнхийлөгч Шин Хи Буг онцлов. Мөн тэд төслөө Эрүүл мэндийн яам, Халдварт өвчин судлалын үндэсний төвд танилцуулжээ. Төслийн хүрээнд тус нийгэмлэг нь Улаанбаатар хотод
- Сүрьеэгийн эмчилгээ, тусламж, үйлчилгээгээр дагнасан эрүүл мэндийн байгууллага байгуулах,
- Эрүүл мэндийн байгууллагуудад рентгений алсын зайны болон хиймэл оюун ухааны оношилгооны үйлчилгээ үзүүлэх,
- Сүрьеэгийн нян судлалын шинжилгээний үйлчилгээ үзүүлэх,
- Алслагдсан газруудад явуулын эрүүл мэндийн шинжилгээний үйлчилгээ үзүүлэх гэсэн дөрвөн чиглэлийн үйл ажиллагааг хэрэгжүүлэхээр төлөвлөсөн байна.
Нийтийн эрүүл мэндийг дэмжих, халдварт өвчнөөс урьдчилан сэргийлэхэд тустай уг төслийг нийслэлийн зүгээс дэмжин ажиллахад бэлэн гэдгийг Нийслэлийн Засаг даргын орлогч З.Төмөртөмөө хэлж, талархал илэрхийллээ. Төслийн цаашдын төлөвлөлт, үйл ажиллагаанд НЗДТГ, Нийслэлийн Эрүүл мэндийн газар хамтран ажиллах юм.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
Тод мэдээ
Алба хаагчид 614 иргэний амь нас, 116.9 тэрбум төгрөгийн эд хөрөнгийг авран хамгаалжээ
Улсын хэмжээнд он гарсаар хоёрдугаар сарын байдлаар 774 удаагийн гамшиг, аюулт үзэгдэл, ослын дуудлага, мэдээлэл бүртгэгдлээ.
Дуудлагын дагуу төв, орон нутгийн Онцгой байдлын байгууллагын алба хаагчид үүрэг гүйцэтгэн, 614 хүний амь нас, 116.9 тэрбум төгрөгийн өмч хөрөнгийг авран хамгааллаа.
Тохиолдсон гамшиг, аюулт үзэгдэл, ослын 619 нь гал түймэр, 134 нь хүний үйл ажиллагаатай холбоотой осол /зам тээврийн осол, төөрсөн, сураггүй болсон, өндрөөс унах, мөс цөмрөх/, 14 нь геологийн гаралтай аюулт үзэгдэл, 6 нь биологийн гаралтай аюулт үзэгдэл, 1 нь ус цаг уурын гаралтай аюулт үзэгдэл байна гэж ОБЕГ-аас мэдээллээ.
Тод мэдээ
COP17 бага хурлын бэлтгэл ажлын явцыг хэлэлцэж, холбогдох дэд хороодод чиглэл өглөө
Тод мэдээ
Хууль бусаар мод бэлтгэсэн гэмт хэргийг илрүүлж, шүүхэд шилжүүлжээ
Цагдаагийн байгууллагаас 2025 оны 10 дугаар сарын 11-ний өдөр Өвөрхангай аймгийн Хархорин сумын нутаг дэвсгэрт иргэн Л.Б нь шинэс төрлийн 16 ширхэг, 1.291 шоо метр модыг тээврийн хэрэгсэл ашиглан хууль бусаар бэлтгэж, байгаль орчинд 391,888 төгрөгийн хохирол учруулсан гэмт хэргийг илрүүлж, мөрдөн шалгах ажиллагааг явуулан шүүхэд шилжүүлэх саналтай прокурорын байгууллагад шилжүүлсэн.
Тус гэмт хэргийг үйлдсэн иргэн Л.Б нь Монгол Улсын Эрүүгийн хуулийн 24.6 дугаар зүйлийн 2 дахь хэсгийн 2.3-т зааснаар Өвөрхангай аймгийн Хархорин сум дахь сум дундын шүүхээс 1 жилийн хугацаагаар тэнсэх ял оногдуулж, гэмт хэрэг үйлдэхэд ашигласан техник хэрэгслийг улсын орлого болгосон.
Иймд иргэдийг Хүрээлэн байгаа орчны эсрэг гэмт хэрэг, зөрчлийн талаар Цагдаагийн байгууллагын 102 болон 70191070 тусгай дугаарын утсанд мэдээлж, хамтран ажиллахыг Экологийн цагдаагийн албанаас уриаллаа.
-
Өнөөдөр2024/11/05
Улаанбаатарт өдөртөө 5 хэм дулаан
-
Тод мэдээ2025/01/23
"Монголын төмөр зам" ТӨХК, "Тавантолгой төмөр зам" ХХК-ийг нэгтгэж, орон тоог 30...
-
Тод мэдээ2021/10/04
“Зөвхөн хамтдаа… Бид эх дэлхийгээ аварч чадна”
-
Тод мэдээ2020/09/17
Налайхын замыг 10 дугаар сарын 25-ныг хүртэл хэсэгчлэн хаана