Бидэнтэй нэгдэх

Тод мэдээ

Улаанбаатар хотын утаа болон сайжруулсан шахмал түлштэй холбогдох асуулгын хариуг сонсов

Огноо:

,

Улсын Их Хурлын чуулганы 2023 оны 11 дүгээр сарын 24-ний өдрийн үдээс хойших нэгдсэн хуралдааныг Улсын Их Хурлын дарга Г.Занданшатар нээж, үг хэлснээр эхлэв.

Тэрбээр парламентын ардчиллыг төлөвшүүлж хөгжүүлэхэд хамгийн үнэ цэнтэй асуудал бол иргэдийн дуу хоолой, хүсэл тэмүүллийг сонсдог, оролцоог хангадаг байх явдал юм. Иргэдийнхээ үндсэн эрхийг хүндэтгэж, судалгаа тооцоолол, бодит мэдээлэлд үндэслэн шийдвэр гаргадаг байх ёстой. Нийтийн өргөдлийн D-petition цахим системд 100 мянгаас дээш санал авсан гурван өргөдлийг Улсын Их Хурлын даргад ирүүлсэн тул нэгдсэн хуралдаанд танилцуулж байна. Иргэдийн амьдрал ахуйд ойр бодлого, шийдвэр гаргах шаардлагатай гэсэн юм. Мөн Монгол Улсын Их Хурал, түүний Тамгын газраас Олон Улсын Парламентын Холбооны дэмжлэгтэйгээр 2023 оны 11 дүгээр сарын 22, 23-нд “Хүний эрх, жендэрийн мэдрэмжтэй парламент” өөрийн үнэлгээг Монгол Улсад анх удаа амжилттай зохион байгуулсныг онцлоод олон улсын шинжээчидтэй хамтран үнэлгээ хийх боломж олгосон ОУПХ, Монгол Улсын парламентын нэн шинэ түүхийн анхдагч хуудсыг бичиж буй УИХ-ын гишүүд, Тамгын газрын ажилтнууд, холбогдох байгууллагад баяр хүргэе. Энэ бол манай парламентын түүхэн чухал үйл явдал хэмээн тэмдэглэв.

УИХ-ын даргыг үг хэлсний дараа Монгол Улсын Их Хурлын гишүүн О.Цогтгэрэлээс Монгол Улсын Ерөнхий сайдад хандаж тавьсан асуулгын хариуг сонслоо. Улаанбаатар хотын утаа, сайжруулсан шахмал түлшний талаар долоон бүлэг асуултын хариуг Улсын Их Хурлын гишүүн, Эрчим хүчний сайд Б.Чойжилсүрэн танилцуулав. Сайд Улаанбаатар хотын агаарын чанарыг тодорхойлохын тулд агаар бохирдуулагч хүхэрлэг хий, азотын исэл, тоосонцорыг хэмждэг. Нүүрстөрөгчийн дутуу ислийг автомат багажаар тодорхойлж байгаа. 2022-2023 оны хүйтний улиралд PM 2,5 тоосонцрын агууламж 65 микрограмм мкуб, PM10 тоосонцрын дундаж агууламж 107 микрограмм мкуб байгаа нь Багануурын нүүрс түлж байсан үетэй харьцуулахад 50 хувиар буурсан үзүүлэлт юм. Утааг бууруулах чиглэлээр авч хэрэгжуулсэн арга хэмжээ, тэдгээрт зарцуулагдсан төсөв, хөрөнгө оруулалт, татаас болон эх үүсвэрийн талаарх асуулгын хариуд: Гэр хорооллын айл өрхүүдэд цахилгаан халаагуур ашиглах техникийн боломж бүрдүүлэх ажлын хүрээнд Агаар орчны бохирдлыг бууруулах үндэсний хөтөлбөрийн хүрээнд улсын төсвийн 86,4 тэрбум төгрөгийн хөрөнгө оруулалтаар 2017-2019 онд Улаанбаатар хотын 41964 гэр хорооллын айл өрхийг цахилгаан халаагуураар халаах техникийн боломжийг бүрдүүлснээр цахилгаан хангамжийн найдвартай байдал дээшилж сүлжээний горим ажиллагаа оновчтой болж айл өрхийн цахилгаан хангамж сайжран шугам сүлжээний алдагдал буурч айл өрхүүд 4квт чадалтай цахилгаан халаагуураар гэр орноо халаах нөхцөл бүрдсэн.

Агаар, орчны бохирдлыг бууруулах үндэсний хөтөлбөрийг хэрэгжүүлэх хүрээнд улсын төсвийн 86,4 тэрбум төгрөгийн хөрөнгө оруулалтаар 2017-2019 онд нийслэлийн таван дүүргийн 35 хороонд гэр хорооллын 41,964  айл өрхийг цахилгаан халаагуураар халаах техникийн боломж дамжyулах, түгээх сүлжээний шинэчлэлтийг хоёр үе шаттай  хэрэгжүүлсэн. 2017-2020 онд 228 нам даралтын халаалтын зуухыг зогсоож, хэрэглэгчдийг төвлөрсөн дулаан хангамжид холбох ажилд 43,6 тэрбум төгрөг зарцуулсан.  Уг ажлын хүрээнд 110 кВ-ын нэг ком дэд станц, 35 кВ-ын нэг ком дэд станц, 10 кВ-ын гурван ком хуваарилах байгууламж, 6-10 кВ-ын 246 ком дэд станцыг шинээр барих, 152 ком дэд станцын хучин чадлыг нэмэгдyyлэх, 25 фидерийн ачаалал хөнгөлөх, i3 шугамын утасны дамжyулах чадварыг нэмэгдүүлэх, 20,602 өрхийн цахилгааны оруулгын утас солих, хэрэглэгчийн нэгдсэн тоолуурын хайрцгийг шинэчлэх зэргийг хийсэн. Үр дүнд нь цахилгааны аюулгүй байдал сайжирч, буурч, гэр хорооллын 41964 айл ерхийн цахилгаан хангамж сайжран, 0.4кВ-ын шугамын урт, алдагдал бyyрч чанартай цахилгаан эрчим хучээр хэрэглэгчийг ханган, 4.0 кВт чадалтай цахилгаан халааryураар халаах техникийн боломж бүрдсэн. Хоёрдугаарт, халаалтын зуухыг зогсоож хэрэглэгчдийг төвлөрсөн дулаан хангамжид холбох талаар; Агаар орчны бохирдлыг бууруулах үндэсний хөтөлбөрийг хэрэгжүүлэх арга хэмжээний төлөвлөгөөний 1.9.1-д заасны даryу 2017-2020 оны тyвшинд 228 нам даралтын халаалтын зуухыг зогсоож, хэрэглэгчдийг төвлөрсөн дулаан хангамжид холбосон.  Эрчим хүчний зохицуулах хорооны 2018 оны 318 дугаар "Тарифын хөнгөлөлт үзүүлэх тухай" тогтоолоор аймгийн тев болон 10 мянгаас дээш хүн амтай сум, суурин газрын гэр хорооллын бүсэд хоёр тариф тоолууртай айл өрхийн шөнийн тарифыг 50%-аар хөнгөлж байгаа. Хэрэглэгчдээс ирүүлж буй санал гомдлыг хүлээн авах зорилгоор Хэрэглэгчдэд үйлчлэх төв ажиллаж байгаан. Тус төвөөс долоон дүүргийн гэр хорооллын 182 100 өрхөөс зуухны нөхцөл байдлын судалгаа авахад 127 108 өрх нь чанарын стандарт шаардлага хангахгүй, битүүмж алдагдсан зуухтай байгаа нь иргэд угаарын хийн хордлогод өртөх гол шалтгаан болж байна. Сайжруулсан шахмал түлшний үйлдвэрийн төсөлд улсын болон орон нутгийн төсвөөс “Тавантолгой түлш” ХХК нь 2018-2022 онд сайжруулсан шахмал түлшний үйлдвэрийн төсөлд, “Эрдэнэс Тавантолгой” ХК болон БОАЖЯ-наас нийт 823,6 тэрбум төгрөгийн санхүүжилт авсан бөгөөд 236,9 тэрбум төгрөгийг хөрөнгө оруулалтад, 586,7 тэрбум төгрөгийг үндсэн үйл ажиллагааны зардалд тус тус зарцуулсан. Нийслэлийн төсвөөс сайжруулсан шахмал түлшний тээвэр, борлуулалтын урамшуулал, түлшний хадгалалтын зардал болон хяналт шалгалтын зардалд 2019 онд 14 тэрбум, 2020 онд 15,4 тэрбум, 2021 онд 26,9 тэрбум, 2022 онд 28,8 тэрбум төгрөгийг тус тус зарцуулжээ. Сайжруулсан шахмал түлшний үйлдвэрүүдийн тоног төхөөрөмжийн бүрэн автоматжуулсан бэлэн байдал, найдвартай ажиллагааг хангаж, хүчин чадлыг нэмэгдүүлэх, түлшний чанарыг сайжруулах замаар үр ашгийг дээшлүүлэхэд анхаарч ажиллаж байна. “Тавантолгой түлш” ХХК-ийн зүүн бүсийн үйлдвэрийг өргөтгөн шинэчилж, хоёр шугамын хүчин чадлыг 50 тонн цагт хүргэснээр нэг тонн шахмал түлшний өртөг 36 100 төгрөгөөр буурч, үйлдвэрлэлийн зардал 8,6 хувиар буурна. Цаашид шахмал түлшний түүхий эдийг солих, хагас коксожсон түүхий эдэд шилжих нь агаарын бохирдлыг бууруулах дараагийн арга хэмжээ болно.

Нийслэлийн агаарын бохирдлыг бууруулах ажлын хүрээнд 132 мянган тонн хагас коксожсон нүүрс импортолж, 2023-2024 оны арванхоёрдугаар сараас нэгдүгээр сард нийслэлийн гэр хорооллын айл өрхүүдэд нийлүүлэхээр төлөвлөж байсан боловч нээлттэй сонгон шалгаруулалт удааширснаар цаг хугацааны хувьд боломжгүй болсон. Мөн 31,9 тэрбум төгрөгөөр 24,5 мянган тонн хагас кокс болон асаагч худалдан авч Улаанбаатар хотын Хан-Уул, Налайх дүүрэг болон Дархан-Уул аймгийн гэр хорооллын 26 825 айл өрхөд нийлүүлэхээр төлөвлөн худалдан авах нээлттэй тендер зарласан ч НЗД-ын хөтөлбөрийн хүрээнд гаргах үнэт цаасыг олон нийтэд санал болгох хугацаа тодорхойгүй болсноор 2023-2024 оны халаалтын улиралд хагас кокосжсон шахмал түлш хэрэглэх боломжгүй болоод байна. Лабораторийн шинжилгээний дүнгээр хагас коксон түлшний техникийн үзүүлэлт, утаанд агуулагдах хорт хийн хэмжээ мидлингээр үйлдвэрлэсэн түлштэй харьцуулахад  хаягдал утаанд агуулагдах тоосонцрын хэмжээ 72,6%, хүхэрлэг хийн хэмжээ 85,5%, угаарын хийн хэмжээ 10,8%, азотын исэл 23,5%-аар тус тус буурсан үзүүлэлттэй байна гэсэн юм.

Чуулганы нэгдсэн хуралдаанаар хэлэлцэж байгаа асуудалтай холбогдуулан Эрчим хүчний яамны төлөөллөөс гадна Нийслэлийн Засаг даргын Тамгын газар, Эрүүл мэндийн яамны Нийслэлийн эрүүл мэндийн газар, Цаг уур, орчны шинжилгээний газар, “Тавантолгой түлш” ХХК, Нийгмийн эрүүл мэндийн үндэсний төв, Нийслэлийн агаар орчны бохирдолтой тэмцэх газрын удирдлагууд ирж оролцон гишүүдийн асуултад хариуллаа. Улсын Их Хурлын гишүүн О.Цогтгэрэл, Б.Батэрдэнэ, Н.Алтанхуяг, Г.Ганболд нар асуулгатай холбогдуулан асуулт асуулаа.

Улсын Их Хурлын гишүүн О.Цогтгэрэл, утааг ялсан уу, арилсан уу гэдэгт хариулт авах гэж асуулга тавьсан, ерөнхий мэдээлэл өглөө. Туршилт хийж болох юм уу, бодлогын шийдлүүд хаана байна вэ? Түлшинд зарцуулахаар төсөвлөсөн их наяд шахам төгрөгийг ипотекийн зээл болгосон бол утааны асуудлыг шийдэж болох байлаа. 2019 оноос хойш хэчнээн хүн угаартаж хордчихов хэмээн асуусан.

Улсын Их Хурлын гишүүн, Эрчим хүчний сайд Б.Чойжилсүрэн, утааг яллаа гэж яриагүй ээ. Багануурын нүүрс түлж байсан үетэй харьцуулахад 60-70 хувь бууруулсан. Улс төржүүлмээргүй байна. Дэлхийн улс орнуудын жишгийг дагаж гаргасан шийдвэрүүд байгаа гэсэн үг. Хамгийн богино хугацаанд түлшээ сайжруулах, дунд болон урт хугацаанд бүх айлыг орон сууцжуулах, чадвал бүгдийг нь хийн түлшинд шилжүүлэх байдлаар л утааг бүрэн ялах байх. Ийм л шийдэл, замыг бүх улс орон туулж өнгөрсөн юм байна. Монгол Улсын хувьд яг энэ замаар явчихвал яасан юм бэ гэсэн бодол, саналтай байна гэв. Улсын Их Хурлын гишүүн О.Цогтгэрэлийг угаартсан хүмүүсийн талаар дэлгэрэнгүй мэдээлэл авахыг хүсэхэд, нас барсан хүн 57 байгаа. Нас барсан шалтгааныг судалж үзэхэд нүүрсний чанартай хамааралгүй, ахуйн хэрэглээнээс үүдэлтэй гэсэн дүн гарсан гэсэн хариултыг холбогдох газрын мэргэжилтэн өгөв.

“Таван Толгой түлш” ХК-ийн захирал Ц.Даваацэрэн айл өрхийн тоо 2019 онд 159 346 өрх байсан бол энэ жил 200 мянган айл өрхөд 540 мянган тонн түлш борлуулж байгааг мэдээллээ. 

Түүнчлэн агаарын бохирдуулагч бодис дөрвөн үзүүлэлтээр 58 хувиар буурсан, хүхэр хоёр дахин нэмэгдсэн, азот хэвийн хэмжээнд очсон гэж Ажлын хэсгээс хариулав. Угаарын хийнд хүмүүс өртөж байгаа шалтгаан нь нүүрсний чанартай хамааралгүй, хэрэглээтэй холбоотой гэсэн судалгааны дүн гарсан гэв. 

Б.Чойжилсүрэн сайд, яг үнэндээ 2019 оноос өмнө угаартсан хүмүүсийг ингэж нарийн тооцоолж, олон нийтийн анхааралд өртөж байгаагүй юм билээ. Сүүлийн жилүүдэд угаартсан тохиолдол буурч байгаа гэсэн мэдээлэл өгдөг. Түлшний төсвийг ипотекийн зээлд зарцуулбал Цогтгэрэл гишүүний хэлсэн шиг хэдэн зуун мянган айлыг орон сууцны зээлэнд хамруулж амжихгүй, манай төсөвт тийм боломж байхгүй. Тэгэхээр гэр хорооллын 220 мянган айл маань 214 мянга л болох байсан гэсэн үг. Энэ өвөл мидлингээр үйлдвэрлэсэн шахмал түлш түлнэ. Утаа буурна гэж урьдчилж хэлэх бололцоогүй хэмээн хариуллаа.  

Мөн хуралдаанаар хууль, тогтоолуудыг эцэслэн баталж, эцсийн эцсийн найруулгыг сонссоноор хуралдаан өндөрлөлөө гэж Улсын Их Хурлын Хэвлэл мэдээлэл, олон нийттэй харилцах газраас мэдээллээ.

Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Тод мэдээ

Хан-Уул дүүргийн иргэд Т.Мөнхсайхан, Л.Нинжжамц, Ж.Алдаржавхлан нарыг дэмжинэ

Огноо:

,

-Төр, хувийн хэвшилтэйгээ зөвшилцөөд, ашиглагдахгүй байгаа газрууд дээр сургууль, цэцэрлэг барих ажлыг хийж эхэлсэн-

УИХ-ын сонгуулийн Xll тойрог, Хан-Уул дүүрэгт Монгол Ардын намаас  нэр дэвшигч Т.Мөнхсайхан, Л.Нинжжамц, Ж.Алдаржавхлан нар 10, 21, 25 дугаар хорооны иргэд, сонгогчидтой уулзаж, мөрийн хөтөлбөрөө танилцуулан санал хүсэлтийг нь сонслоо.

Уулзалтын үеэр дүүрэгт өрнөж байгаа бүтээн байгуулалт болон цаашид хэрэгжүүлэх ажлын талаар дүүргийн Засаг дарга Ж.Алдаржавхлан мэдээлэл өглөө. Тэрбээр “Нийслэл хот өдрөөс өдөрт өргөжин тэлж байна. Тэр дундаа Хан-Уул дүүрэгт барилга байгууламж нэмэгдэж, хүн амын тоо нь өнөөдрийн байдлаар 285 мянга болтлоо өсчээ. Сүүлийн дөрвөн жилийн хугацаанд 100 мянгаар нэмэгдсэн. Хүн ам өсөхийн хэрээр сургууль, цэцэрлэгийн хүрэлцээ дутагдаж, эрэлтээ гүйцэхгүй байна. Хүүхдүүд сурч боловсрох эрхтэй. Тиймээс өнгөрсөн жилүүдэд 22 шинэ цэцэрлэг, 10 гаруй сургууль ашиглалтад орууллаа. Гэсэн хэдий ч энэ нь хангалтгүй байна. Ирэх жил 10 сургууль, 10 цэцэрлэг ашиглалтад оруулахаар төлөвлөн ажиллаж байгаа” хэмээн танилцууллаа.

Сургууль, цэцэрлэг барихаар улс, нийслэлийн төсвөөр мөнгийг нь шийдээд өгдөг ч газар нь асуудалтай байдаг. Тиймээс Дүүргийн Засаг дарга төр, хувийн хэвшлийнхэнтэй зөвшилцөж ашиглагдахгүй байгаа сул газруудын зөвшөөрлийг цуцлуулж, гэрчилгээг нь шилжүүлэн авч улмаар сургууль, цэцэрлэг бариулдаг болохыг мөн тайлбарлав.

Хан-Уул дүүргийн 17, 18 дугаар хороонд “Хүннү-2222” хотхоны баруун урд талд 640 хүүхдийн сургууль, “Маршал Таун” хотхоны баруун талд 960 хүүхдийн багтаамжтай улсын сургууль барихаар гүйцэтгэгч компани нь шалгарсан ба газрын гэрчилгээг шилжүүлж авах ажил явагдаж байгаа аж. Мөн 24 дүгээр хороо буюу “Шинэ өргөө” хотхон дотор бага, сургууль цэцэрлэг баригдана. Яармагийн дөрөв болон 24 дүгээр хорооны багачуудад зориулсан 960 хүүхдийн шинэ сургууль энэ онд ашиглалтад орох юм.

Иргэдийн зүгээс Зайсан, Нүхтийн аманд улсын сургууль, цэцэрлэг барих асуудлыг хөндөж байсан ба нийгмийн суурь асуудалд анхаарлаа хандуулж, бүтээн байгуулалтыг дэмжиж ажиллаж байгаад талархал илэрхийлээд Монгол Ардын намаас Хан-Уул дүүрэгт нэр дэвшигчдэд итгэл хүлээлгэхээ илэрхийлж байсан юм.

Дэлгэрэнгүй унших

Тод мэдээ

Баянзүрх дүүрэгт Монгол Ардын намаас нэр дэвшигчид иргэд сонгогчидтой 40 дэх уулзалтаа хийлээ

Огноо:

,

УИХ-ын сонгуулийн  Vlll тойрог, Баянзүрх дүүрэгт Монгол Ардын намаас нэр дэвшигчид намын мөрийн хөтөлбөрөө танилцуулах 40 дэх уулзалтаа 6, 15, 18, 25, 26, 36, 43 дугаар хорооны иргэд, сонгогчидтой хийлээ.

Үндэсний цэцэрлэгт хүрээлэнд болсон энэхүү уулзалтад оролцсон иргэд салбар бүрийг төлөөлж нэр дэвшиж буй УИХ-ын гишүүн Э.Бат-Амгалан, Баянзүрх дүүргийн Засаг дарга Н.Баярмөнх, УИХ-ын гишүүн, Хууль зүй дотоод хэргийн сайд Б.Энхбаяр, УИХ-ын гишүүн, Хөдөлмөр нийгмийн хамгааллын сайд Х.Булгантуяа, УИХ-ын гишүүн Ж.Чинбүрэн нарт итгэл хүлээлгэж, дэмжихээ илэрхийлж байв.

Нийслэлийн хамгийн их хүн амтай Баянзүрх дүүргийн төвлөрөл ихтэй дээрх хороодын иргэд өнгөрсөн дөрвөн жилийн хугацаанд сургууль, цэцэрлэгийн тулгамдсан асуудал шийдэгдсэнд талархлаа илэрхийллээ. Мөн өнгөрсөн дөрвөн жилийн хугацаанд Баянзүрх дүүрэгт хийсэн ажил, хэлсэн үгтэй, нэр цэвэр, гар цэвэр нэр дэвшигчдийг МАН-аас илгээсэн учраас эхлүүлсэн ажлыг нь дуусгах боломж олгоно гэсэн юм. 

 

Дэлгэрэнгүй унших

Тод мэдээ

Чойбалсан хотынхон Ерөнхий сайдаа багаар нь сонгож, бүсийн хөгжлөө эрчимжүүлнэ

Огноо:

,

УИХ-ын сонгуулийн VI тойрогт Монгол Ардын намаас нэр дэвшиж байгаа Ерөнхий сайд Лувсаннамсрайн Оюун-Эрдэнээр ахлуулсан Лхагвасүрэнгийн Соронзонболд, Мөнгөнцогийн Ганхүлэг, Пүрэв-Очирын Анужин, Ухнаагийн Отгонбаяр, Мягмарсүрэнгийн Бадамсүрэн, Цагаанхүүгийн Идэрбат нар Дорнод аймагт ажиллав. Тэд Хэрлэн сум буюу Чойбалсан хотын иргэд, сонгогчидтой уулзаж мөрийн хөтөлбөрөө танилцууллаа. Тус сум 11 багтай, 47000 гаруй хүн амтай. Нэр дэвшигчид гурван удаагийн уулзалт зохион байгуулж, эдгээр багийн 1100 гаруй хүн уулзсан байна.

Зүүн бүс нутгийн эдийн засгийн тэргүүлэх чиглэлийг эрчимжсэн мал аж ахуй, боомтын сэргэлт, түүхэн болон хил орчмын аялал жуулчлал байхаар МАН мөрийн хөтөлбөртөө тусгасан. Энэ хүрээнд олон бүтээн байгуулалт, хөрөнгө оруулалт татахаар Ерөнхий сайд Л.Оюун-Эрдэнийн багийнхан Хэнтий, Дорнод, Сүхбаатар аймгууд тус тусдаа биш харилцан уялдаатай, нэгдсэн байдлаар хөгжлөө тодорхойлж, хамтдаа ирэх дөрвөн жилд хэрэгжүүлэхээр төлөвлөж буй. Энэ жилийн сонгуулийг холимог тогтолцоогоор явуулж байгаа тул МАН-ын жагсаалтаар нэр дэвшигчдийг дугуйлж, нутагтаа нэр дэвшигчдийг багаар нь сонгон Засгийн газрын эхлүүлсэн бодлогыг үргэлжлүүлэх боломж олгож, авлигын эсрэг ард түмний ялалтад нэгдэхийг иргэдэд уриалав.

Чойбалсан хотод сүүлийн жилүүдэд бүтээн байгуулалтын ажил олноор хийгдэж, гэрэл гэрэлтүүлэг, зам харилцаа сайтай, залуучууд амьдрахад улам таатай болж буйг иргэд тодотгож байв. Энэ нь төр засгаас хэрэгжүүлж буй хөдөөг хөгжүүлж, төвлөрлийг бууруулах бодлоготой шууд холбоотой гэсэн юм. Тухайлбал, иргэн Ц.Жаргалболд “Манай сум гэрэлт гудамж, найрамдал парктай. Ажил хийвэл хувийн хэвшил олонтой. Удахгүй хүүхдийн парктай болох гэж байна. Улаанбаатар хотоос дутахааргүй гоё хот болж байгаа. Энэ сонгуулиар Ерөнхий сайдаа багаар нь сонгоно. Яагаад гэвэл нүүрсний хулгайн эсрэг тэмцлийн үр дүнд “Эрдэнэс Тавантолгой”-н хувьцааны ашгаас  иргэд анх удаа хүртэж чадсан. Цаашид байгалийн баялгаас иргэдийн хүртэх орлого, ашгийг нэмэгдүүлэхийн тулд энэ Засгийн газар тогтвортой ажиллах шаардлагатай” гэсэн юм.

Мөн төрийн албан хаагчдын цалинг шат дараатай нэмэгдүүлсэн нь залуус орон нутагтаа ажиллаж, амьдрах орчин бүрдүүлж, төрийн ажил, үйлчилгээ тасралтгүй тогтвортой үргэлжлэх боломжтой болж байгаад иргэд ам сайтай байна. Тухайлбал, Хэрлэн сумын 9-р багийн Засаг дарга П.Болормаа “Шинэ сэргэлтийн бодлого маш үр дүнтэй хэрэгжиж байгаа. Манай багт гэхэд цалин хөлсөөс шалтгаалаад нийгмийн ажилтан тогтвор суурьшилтай ажилладаггүй байсан. Нийгмийн ажилтан солигдохоор хамгийн түрүүнд хамтарсан багийн үйл ажиллагаа доголддог. Төрийн албан хаагчийн цалин 2-3 дахин нэмэгдсэн нь үр дүнгээ өгч, төрийн алба тасралтгүй үргэлжилж байна” гэлээ.

Дорнод аймгийн хүн ам сүүлийн гурван жилд тасралтгүй өсөж 84.5 мянгад хүрчээ. Тэр дундаа Хөдөөгийн сэргэлтийн хүрээнд сум орон нутагтаа залуус буцаж ирж ажиллах, шилжин ирэгчдийг дэмжих, тогтвор ажиллаж, суурьшихад сум орон нутгаас бодлогоор дэмждэг болсон аж. Хэрлэн сумын Засаг даргын орлогч Б.Лхагвасүрэн “Сумын Засаг даргын тамгын газарт хотоос шилжин ирж ажиллах Төрийн захиргааны болон үйлчилгээний албан хаагчдад Засгийн газрын тогтоолын дагуу улсын төсвөөс 20 хувь, аймаг, сумын төсвөөс 60 хувь нийт 80 хувийн нэмэгдэл олгодог болсон” хэмээн ярьсан  юм.  Тус суманд Улаанбаатар хот болон бусад аймаг, сумаас сүүлийн хоёр жилд 736 хүн шилжиж иржээ.

Уулзалтад оролцсон иргэд Засгийн газраас хэрэгжүүлж буй Шинэ сэргэлтийн бодлогын олон ажил Дорнод аймгийн хэмжээнд, Чойбалсан  хотод амжилттай хэрэгжиж, нүдэнд харагдаж, гарт баригдахаар бодитой үр дүнгээ өгч байгааг хэлж байлаа. Мөн Ерөнхий сайд Л.Оюун-Эрдэнэ орон нутагт ажиллах үеэрээ иргэдээс авсан саналаа төрийн бодлогод тусгаж чойбалсанчуудад тулгамдаж буй асуудлыг шийдэх төслүүдийн санхүүжилтийг улсын төсөвт тусгуулсанд талархах хүн олон байсан. Нийгэмд шүгэл үлээж, 30 жил нам нь солигддог ч эзэд нь хулгай, луйвраа үргэлжлүүлсээр ирсэн ужиг тогтолцоог зоригтой ил болгосон анхны Ерөнхий сайд учраас түүнийг багаар нь сонгохоо илэрхийлж байлаа. Ингэснээр зүүн бүсийн хөгжил эрчимжинэ гэдэгт иргэд итгэлтэй байна.

2024 онд Хэрлэн суманд улсын төсвөөс 90 гаруй тэрбум төгрөгийн хөрөнгө оруулалт хийгдэхээр тусгагдсан байна. Тухайлбал, Чойбалсан хотын усан хангамжийн болон дулаан хангамжийн магистраль шугам сүлжээг шинэчлэх, өргөтгөх, хот доторх хатуу хучилттай авто замыг шинэчлэх, өргөтгөх, “Шинэ Чойбалсан” 1800 айлын орон сууцны хорооллын дулааны шугам сүлжээ, “Шинэ хөгжил” сургуулийн барилгын өргөтгөл, 12-р сургуулийн бага сургуулийн барилга, 240 хүүхдийн суудалтай цэцэрлэгийн барилга зэрэг бүтээн байгуулалтыг хийх аж. 

Дэлгэрэнгүй унших
сурталчилгаа
Тод мэдээ9 цаг 26 минут

Хан-Уул дүүргийн иргэд Т.Мөнхсайхан, Л.Нинжжамц, Ж.Алдаржавхлан нары...

Тод мэдээ9 цаг 30 минут

Баянзүрх дүүрэгт Монгол Ардын намаас нэр дэвшигчид иргэд сонгогчидто...

Тод мэдээ9 цаг 32 минут

Чойбалсан хотынхон Ерөнхий сайдаа багаар нь сонгож, бүсийн хөгжлөө э...

Тод мэдээ9 цаг 34 минут

Д.Амарбаясгалан тэргүүтэй “Морьтой Аравт” баг Ховд, Увс,...

Тод мэдээ9 цаг 38 минут

Нийт дуудлагын 112 нь ус цаг уурын гаралтай байжээ

Тод мэдээ9 цаг 42 минут

Хандив, зарцуулалтын явцын тайлангаа аудитын байгууллагад хүргүүлнэ

Тод мэдээ10 цаг 6 минут

Дархан хотод спорт цогцолбор ашиглалтад орлоо

Тод мэдээ10 цаг 8 минут

Үргэлжилсэн борооны улмаас үүссэн нөхцөл байдалд шуурхай арга хэмжээ...

Өнөөдөр10 цаг 11 минут

Гамшгаас хамгаалах өндөржүүлсэн бэлэн байдлын зэрэгт шилжүүллээ

Тод мэдээ10 цаг 14 минут

Нийт 304 иргэнийг аюулгүй бүсэд гаргажээ

Өнөөдөр10 цаг 15 минут

Ерөнхийлөгч У.Хүрэлсүх Бүгд Найрамдах Узбекистан Улсад төрийн айлчла...

Өнөөдөр10 цаг 23 минут

Улаанбаатарт өдөртөө 27 хэм дулаан

Тод мэдээ2024/06/23

Сүүлийн 30 жилийн алдааг засах гэж системийн авлигатай тэмцэж байгаа...

Тод мэдээ2024/06/23

Ерөнхий сайд Л.Оюун-Эрдэнийн тэргүүлсэн Засгийн газар зоригтой, хурд...

Тод мэдээ2024/06/23

Т.Мөнхсайхан, Л.Нинжжамц, Ж.Алдаржавхлан нарын иргэд, сонгогчидтой х...

Тод мэдээ2024/06/22

Халхголчууд Засгийн газрын бодлогыг тогтвортой үргэлжлүүлж, МАН-ыг б...

Тод мэдээ2024/06/22

Монгол Ардын намаас Төвийн бүсэд нэр дэвшигчид Дархан-Уул аймагт ажи...

Тод мэдээ2024/06/22

Баянзүрх дүүргийн 13, 14, 42 дугаар хорооны иргэд МАН-ын нэр дэвшигч...

Тод мэдээ2024/06/22

Ерөнхий сайдын эхлүүлсэн ажлыг үргэлжлүүлэхийн тулд Монгол Ардын нам...

Тод мэдээ2024/06/22

Налайх, Багануур, Багахангай дүүргийн бүтээн байгуулалтыг үргэлжлүүл...

Тод мэдээ2024/06/22

Говьсүмбэрчүүд хийсэн ажил, хэлэх үгтэй нэр дэвшигчдэд итгэл хүлээлг...

Тод мэдээ2024/06/22

Монгол Ардын намаас Сонгинохайрхан дүүрэгт нэр дэвшигчид “Улаа...

Тод мэдээ2024/06/22

Монгол Ардын намаас Хан-Уул дүүрэгт нэр дэвшигчдэд иргэд итгэл үзүүл...

Тод мэдээ2024/06/22

Зүүн бүсийг хөгжүүлэх төлөвлөгөө нь бэлэн учраас Ерөнхий сайдаа бага...

Тод мэдээ2024/06/22

Монгол Ардын намын Ерөнхий Нарийн Бичгийн дарга Д.Амарбаясгалан Завх...

Тод мэдээ2024/06/22

Нийслэлийн Монгол Ардын намын хорооноос орон нутгийн сонгуулийн мөри...

Тод мэдээ2024/06/21

Баянзүрх дүүргийн 8, 38, 39 дүгээр хорооны иргэд Монгол Ардын намаас...

Тод мэдээ2024/06/21

Говийн бүсийн иргэд бүсчилсэн хөгжлийн бодлогыг дэмжиж байна

Тод мэдээ2024/06/21

Баянхонгорчууд Монгол Ардын намыг багаар нь дэмжинэ гэв

Тод мэдээ2024/06/21

Хур хог цэвэрлэх ажлыг эхлүүллээ

Санал болгох