Бидэнтэй нэгдэх

Тод мэдээ

“Хөдөлмөрийн харилцааны хөтөлбөр”-ийг шинээр хэрэгжүүлнэ

Огноо:

,

Сэтгүүлч:

Хөдөлмөр эрхлэлтийн үндэсний зөвлөлийн үндэсний зөвлөлийн 2024 оны 03 дугаар тогтоолоор “Хөдөлмөрийн харилцааны хөтөлбөр”-ийг баталсан.

Хөдөлмөрийн харилцааны хөтөлбөр нь жижиг, дунд аж ахуйн нэгж, байгууллага, ажил олгогчид хөдөлмөрийн болон хөдөлмөрийн аюулгүй байдал, эрүүл ахуй, нийгмийн даатгалын хууль тогтоомжийн талаар зөвлөх үйлчилгээ үзүүлэх, зөвлөгөө мэдээлэл өгөх, сургалт зохион байгуулах, хөдөлмөрийн харилцааны мэдээллийн онлайн үйлчилгээ үзүүлж, аж ахуйн нэгж, байгууллагад ажил олгогч, ажилтны хоорондын хөдөлмөр эрхлэлтийн харилцааг төлөвшүүлэхэд хөдөлмөрийн харилцааны хууль тогтоомжийн хэрэгжилтийг дэмжихэд чиглэх юм.

Хөтөлбөрийн хүрээнд Хөдөлмөрийн харилцааны талаар зөвлөх үйлчилгээнд 50 хүртэл ажилтантай жижиг, дунд аж ахуйн нэгж, байгууллага хамрагдана. Ажил олгогчид чиглэсэн хөдөлмөрийн харилцааны сургалтад аж ахуйн нэгж, байгууллагын ажилтны тоо харгалзахгүйгээр хүсэлтийг үндэслэн хамруулна. Хөтөлбөрт хамрагдсан аж ахуйн нэгж, байгууллага 2 жилд нэгээс илүүгүй удаа хөдөлмөрийн харилцааны асуудлаар зөвлөх үйлчилгээ үзүүлэх арга хэмжээнд, ажил олгогчид чиглэсэн хөдөлмөрийн харилцааны сургалтад жилд хоёроос илүүгүй хамрагдах эрхтэй.

Түүнчлэн Төрийн болон орон нутгийн өмчит үйлдвэрийн газар, төсөвт байгууллага, төрийн бус байгууллагыг хөтөлбөрийн хөдөлмөрийн харилцааны зөвлөх үйлчилгээний арга хэмжээнд хамруулахгүй бөгөөд хамрагдах аж ахуйн нэгж, байгууллагын өмчлөгч нь Монгол Улсын иргэн байна.

Хөтөлбөрийн хүрээнд хөдөлмөрийн харилцааны дараах чиглэлээр зөвлөх үйлчилгээ үзүүлнэ:

-Хөдөлмөрийн дотоод журам, цалин хөлсний журам, ажилтны мэдээлэл авах, хадгалах, ашиглах журам зэрэг дотоод хэм хэмжээг боловсруулах;

-Хөдөлмөрийн гэрээ, түүний төрөл, хэлбэр, хэрэглээ, хөдөлмөрийн маргаан зохицуулах;

-Цалин хөлс, үндсэн болон нэмэгдэл, нэмэгдэл хөлс тооцох;

-Ажил, амралтын цагийн зохицуулах;

-Хөдөлмөрийн аюулгүй байдал, эрүүл ахуй, хөдөлмөрийн нөхцөл, хөдөлмөрийн аюулгүй байдал, эрүүл ахуйн стандарт, урьдчилан сэргийлэх арга хэмжээний төлөвлөх;

-Нийгмийн даатгалын хууль тогтоомжийн хэрэглээний талаар ажил олгогчдод мэргэжлийн зөвлөх үйлчилгээ;

-Хөдөлмөрийн харилцааны бусад асуудал зэрэг болно.

Хөдөлмөрийн харилцааны хөтөлбөрт хамрагдах хүсэлтэй хөтөлбөрийн 2 дугаар зүйлд заасан шаардлага хангасан аж ахуйн нэгж, байгууллага, ажил олгогч нь харьяалах аймаг, дүүргийн Хөдөлмөр, халамжийн үйлчилгээний газар, хэлтэст хүсэлт гарган хамрагдах боломжтой юм.

Тус хөтөлбөрийг хэрэгжүүлэх хүрээнд “Мэргэшсэн зөвлөх”-үүдийг бэлтгэх сургалтыг Хөдөлмөр, нийгмийн хамгааллын яам, Хөдөлмөр, халамжийн үйлчилгээний ерөнхий газар хамтран зохион байгуулж байна гэж Хөдөлмөр, нийгмийн хамгааллын яамнаас мэдээллээ. 

Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Тод мэдээ

МАН-аас СХД-т нэр дэвшигчид Жаргалант тосгоны иргэдтэй уулзлаа

Огноо:

,

УИХ-ын сонгуулийн 11-р тойрог Сонгинохайрхан дүүрэгт Монгол Ардын Намаас  Н.Алтаншагай, П.Сайнзориг, Э.Батшугар,  Н.Хүрэлбаатар,  Ч.Номин  нар нэр дэвшиж байна. Тэд Сонгинохайрхан дүүргийн 21-р хороо Жаргалант тосгонд ажиллаж, сонгогчидтой уулзаж санал бодлыг нь сонслоо.    

Уулзалтаар нэр дэвшигчид эрчимжсэн мал аж ахуй, газар тариалан эрхэлдэг алслагдмал хороодыг бүс нутгийн онцлогт тохируулан хөгжүүлснээр өрх бүр орлоготой болж ингэснээр эдийн засаг тэлэх боломж бүрдэнэ гэдгийг онцолж байв.  Бүс нутгийг иж бүрэн төлөвлөж, шинжлэх ухаанд үндэслэн хөгжүүлэх, бүсчилсэн хөгжлийн бодлогыг Монгол Ардын Нам мөрийн хөтөлбөртөө онцгойлон тусгасныг иргэд олзуурхан хүлээн авч байлаа.

Тодруулбал, бүсчилсэн хөгжлийн бодлогыг орон даяар хэрэгжүүлбэл алслагдмал хороод өөрийн онцлогт тулгуурлан хөгжих, цаашлаад эдийн засгийн өсөлтийг өрх бүрт хүргэх боломж бүрдэх юм.

Сонгинохайрхан дүүргийн 21-р хороо Жаргалант тосгон Улаанбаатар хотоос 57 км зайд байрладаг бөгөөд тус хороо 50 мянга гаруй тоо толгой малтай. Хорооны иргэд үхрийн хагас эрчимжсэн аж ахуй, газар тариалан эрхэлдэг. Мал аж ахуй эрхлэгчид малын тэжээлээ өөр аймгаас өндөр үнээр худалдаж авдаг нь малын гаралтай сүү, сүүн бүтээгдэхүүний үнэ өсөх шалтгаан болж байгааг тайлбарлаж байлаа. Хэрэв малын тэжээл тарих газрын асуудлыг хороондоо шийдвэрлэчихвэл эрчимжсэн мал аж ахуй хөгжих бүрэн боломжтой гэдгийг энэ үеэр иргэд нэр дэвшигчдэд дуулгасан юм. 

Мөн тус хороонд хүнс, хөдөө аж ахуйн үйлдвэрлэлийг нэмэгдүүлж чадвал нарийн ногооны импортыг бууруулах бүрэн боломжтой гэдгийг тариалан эрхлэгчид ярив. 21-р хороонд бүсчилсэн хөгжлийг бодитоор хэрэгжүүлж эдийн засгийн тэргүүлэх чиглэлд тулгуурлан хөрөнгө оруулалтыг төлөвлөснөөр шинэ төвлөрлийн бүс бий боломжтой гэдгийг энэ үеэр онцолж байлаа. 

 

 

 

Дэлгэрэнгүй унших

Тод мэдээ

Авлигын гинжин хэлхээг бүрэн таслахын тулд Ардын намаа сонгоно

Огноо:

,

УИХ-ын 2024 оны сонгуулийн сурталчилгаа 1-р тойрог буюу Хангайн бүсэд үргэлжилж байна. УИХ-ын дарга Г.Занданшатарын ахалсан, УИХ-ын гишүүн, УИХ дахь МАН-ын бүлгийн дарга Д.Тогтохсүрэн, УИХ-ын гишүүн, Байнгын хорооны дарга Г.Тэмүүлэн, Г.Ганболд, УИХ-ын гишүүн, Эрүүл мэндийн сайд С.Чинзориг, Гадаад харилцааны сайд Б.Батцэцэг, Батлан хамгаалахын сайд Г.Сайханбаяр, Ерөнхийлөгчийн зөвлөх Б.Даваадалай, Эрүүл мэндийн сайд асан А.Цогцэцэг нарын МАН-аас нэр дэвшигчдийн баг энэ сарын 11-14-ний өдрүүдэд Баянхонгор аймгийн 19 сумаар орж, сонгогчидтойгоо уулзлаа. 

Тэд өнгөрсөн дөрвөн жилд хийж, хэрэгжүүлсэн ажлууд, МАН-ын болон Хангайн бүсийн Мөрийн хөтөлбөрийг танилцуулж, иргэдийн санал бодлыг сонслоо.

Иргэдийн хувьд шударга ёсны төлөө, авлигын эсрэг хийж буй тэмцэл, улсын эдийн засгийг өсгөх, ард түмнийхээ амьжиргааг сайжруулахын төлөө МАН, УИХ, Засгийн газраас хэрэгжүүлж буй бодлого, арга хэмжээг дэмжиж, энэ үйл хэргийг цаашид тууштай үргэлжлүүлж, бүрэн үр дүнд хүргэхийн тулд МАН-ыг, тус намаас нэр дэвшиж байгаа есөн нэр дэвшигчийг багаар нь сонгоно гэдгээ илэрхийлж байв.

Баянцагаан суманд МАН-ыг дэмжиж буйгаа илэрхийлсэн, ирэх дөрвөн жилд энэ нам улс орноо яаж хөгжүүлэхээр төлөвлөж байгааг сонирхсон иргэд Соёлын төвд сул суудал нэг ч үлдээлгүй олуул цугласан байлаа.

Нийслэлээс 900 гаруй км, Баянхонгор аймгийн төвөөсөө 300 шахам км алслагдсан Баянцагаан сумын иргэдэд нэр дэвшигчид бид өөрсдийгөө хийж хэрэгжүүлсэн, хийхээр төлөвлөж буй ажлаа ярьж, МАН-ын сонгуулийн мөрийн хөтөлбөрийг салбар салбараар нь дэлгэрэнгүй танилцуулсан.

Тус аймгийн эдийн засгийн гол тулгуур нь мал аж ахуй. Тиймээс бүс нутгийн хэмжээнд малын гаралтай түүхий эдийг боловсруулах үйлдвэрлэлийг хөгжүүлэх зорилтыг МАН-ын мөрийн хөтөлбөрт тусгасныг иргэд сайшааж байна. Мөн Шинэ Хархорум хот энэ бүсэд байгуулагдаж, аялал жуулчлалыг кластераар хөгжүүлэх, хилийн боомтууд чиглэсэн авто зам тавьж, баруун босоо тэнхлэгийн төмөр замыг Баянхонгороор дамжуулан тавих болсонд хөдөөгийн ард иргэд талархалтай байна. Баянхонгорт ноосны чиглэлийн хонь, ноолуурын чиглэлийн ямаа өсгөж байсан уламжлалыг сэргээх нь чухал гэж иргэд үзэж байна. Говийн сумдын хувьд нийт мал сүргийн бүтцийн дийлэнх хувь нь ямаа. Тэр дундаа Залаа жинстийн цагаан ямаа нэлээд жин дарж байгаа бөгөөд орлогын гол эх үүсвэр нь болдог тул ноолуураа бүс нутагтаа угааж боловсруулж, экспортлох нь малчдын орлогод ихээхэн чухал нөлөөтэй тул энэ чиглэлийн үйлдвэрлэл хөгжүүлэхэд анхаарахыг иргэд нэр дэвшигчдээс хүсэж байлаа. Тус аймгийн Эрдэнэцогт, Галуут зэрэг сумдад “Сумын төвийн шинэчлэл” төсөл хэрэгжсэнээр сумын төвүүд бүхэлдээ бүтээн байгуулалтын уур амьсгалтай болж, иргэдийн ахуй амьдралд томоохон эргэлт гарч байгаа тул бусад сумдад ч энэ төслийг хэрэгжүүлэх шаардлага байгааг онцолж байна.

Энэ сонгуульд МАН-аас “АРД ТҮМНИЙ ЯЛАЛТ” гэсэн уриаг дэвшүүлж байгаа нь авлигын гинжин хэлхээг тасалж, ард түмэнд учруулсан хохирлыг төлүүлж, нийгэмд шударга ёсыг тогтооно гэсэн үг гэж бид ойлгож байна. Ийм үр дүнд хүрэх нь ард нийтийн жинхэнэ ялалт болно. Тиймээс иргэд бидний чин хүсэлтэй яв цав нийцэж байна гэж иргэд ярьж байлаа. Түүнчлэн энэ бүс нутагт мал аж ахуйдаа тулгуурласан үйлдвэрлэл хөгжүүлэх, “Шинэ хоршоо” хөдөлгөөнийг эрчимтэй өрнүүлэх, зам харилцааг сайжруулах, аялал жуулчлалыг хөгжүүлэх хөтөлбөр дэвшүүлснийг бүс нутгийн онцлогт тохирсон зөв, оновчтой бодлого гэж үзэж, бүрэн дэмжиж байгаагаа илэрхийлж байна.

Хангайн бүс буюу 1-р тойрогт МАН-аас нэр дэвшигчид 15-наас Өвөрхангайн сумдад ажиллаж эхэлнэ.

 

Дэлгэрэнгүй унших

Тод мэдээ

МАН-ын дарга, Ерөнхий сайд Л.Оюун-Эрдэнэ дэд бүтцийн салбарын инженерүүдтэй уулзлаа

Огноо:

,

Монгол Ардын Намын дарга, Монгол Улсын Ерөнхий сайд Л.Оюун-Эрдэнэ хот байгуулалт болон дэд бүтцийн инженер, мэргэжилтнүүдийн төлөөлөлтэй өнөөдөр уулзлаа.  “Дэд бүтэц–Шинэ сэргэлт”  сэдэвт уулзалтад  УИХ-ын 2024 оны ээлжит сонгуульд МАН-аас жагсаалтаар нэр дэвшиж буй  Хот төлөвлөлтийн инженер Г.Лувсанжамц, Эрчим хүчний инженер М.Энхцэцэг болон бусад нэр дэвшигчдийн төлөөлөл оролцов. Мөн  дэд бүтцийн салбарын инженер, мэргэжилтнүүдийн төлөөлөл оролцсон юм.

 

Монгол Ардын Намын дарга, Монгол Улсын Ерөнхий сайд Л.Оюун-Эрдэнэ уулзалтын эхэнд “Монгол Улс УИХ-ын 76 гишүүнтэйгээр 30 жилийн турш явж ирсэн. Өнгөрсөн 30 жилийн хугацаанд хувийн хэвшил хөгжиж, олон ургальч үзэл төлөвшиж, тодорхой дэвшлүүд гарсан. Гэхдээ 76 төлөөлөл гэдэг зөвхөн тухайн нутаг дэвсгэрээс гарч ирсэн дарга нар болсныг нийгэм шүүмжилж байна. Парламент иргэдээс хол, төрийн үүд хаалга иргэдэд хаалттай байсан. Ялангуяа хилийн чинадад байгаа монголчуудад төрийн сонгууль хамаатай биш байлаа. Улмаар парламентын нэр хүнд судалгаагаар доогуур гарч эхэлсэн. Парламентад мэргэжлийн дуу хоолой бага байсан. Тиймээс мэргэжлийн экспертүүд парламентад байх ёстой гэж үзэн МАН жагсаалтынхаа эхэнд  инженерүүдийг багтаасан.  Мөн үйлдвэрчний эвлэл, худалдаа аж үйлдвэрийн танхим, хилийн чинадад байгаа монголчууд, хөгжлийн бэрхшээлтэй иргэдийн төлөөллийг ч парламентад нэр дэвшүүлсэн. Энэ нь мэргэжлийн экспертүүдийн дуу хоолойгоор дамжин нийгэмд шинэ хандлага үүсээсэй гэж хүссэнийх. Монгол Ардын Намын дарга  тодотгосон.  Салбар салбарын дуу хоолойг парламентад оруулдаг жишиг цаашид үргэлжлээсэй гэж хүсэж байна. Энэ сонгуулиар бидний тогтоосон зарчим цааш үргэлжлэх үү гэдгийг шийдэх учраас хариуцлагатай цаг үе ирээд байна” хэмээн үг хэллээ.

“Дэд бүтэц–Шинэ сэргэлт” уулзалтад Монгол Ардын Намын жагсаалтыг тэргүүлж буй Хот төлөвлөгч, Мэргэшсэн архитектур, Хот байгуулалтын доктор, Ази, Латин Америкийн 10 гаруй улсын хот төлөвлөлтийн төсөлд зөвлөхөөр ажилласан туршлагатай Г.Лувсанжамц оролцож, Монгол Ардын Намын мөрийн хөтөлбөрт дэвшүүлсэн “20 минутын хот”-ыг байгуулах төлөвлөгөөгөө танилцуулсан юм. Тэрбээр “Миний мэргэшсэн чиглэл хот төлөвлөлттэй холбоотой. Бакалавр, магистр, докторын дипломын ажлын сэдэв маань Монгол Улс, Улаанбаатар хот, гэр хороолол, түгжрэлийн асуудал байсан. Гадаадад ажиллаж байх хугацаандаа ч хот төлөвлөлтийн алдаа гарсан улсуудын шийдлүүдийг судалдаг байлаа. Энэ туршлагадаа тулгуурлан “20 минутын хот”-ыг хэрхэн хэрэгжүүлэхийг тайлбарлая. Улаанбаатар хотын авто замын түгжрэлийг бууруулах, төвлөрлийг сааруулах дэд бүтцийн бүтээн байгуулалт нь

-Иргэндээ чиглэсэн 20 минутын хот,

-Үе шаттайгаар хөгжүүлэх Шинэ тойрог зам,

-Өөдөө тэмүүлэх “Go Mongolia” гүүр,

-Хөшигийн хөндийн дагуул хотын төслөөс бүрдэнэ.

“20 минутын хот” гэдэг нь 1.5-5 км радиус дотор нийгмийн дэд бүтцийг багтаасан төлөвлөлтийг хэлдэг. Иргэн төрд очиж үйлчилгээ авдаг биш төр нь иргэндээ хүрч үйлчилдэг философи юм. Энэ хүрээнд Улаанбаатар хотыг олон төвт иргэдийн оролцоотой хот болгон хөгжүүлэхээр төлөвлөсөн. 

Хотууд хөгжихийн хэрээр тойрог замаа хөгжүүлсэн байдаг. Токио хотын төвийн дүүргүүд найман тойрог замтай бол Улаанбаатар хоттой ойролцоо цаг уур, хүн амтай Финляндын нийслэл Хельсинки гурван тойрог замтай. Өнөөдөр Улаанбаатар хот 697.870 машинтай ба жил болгон 10 хувиар машины тоо өсөөд байхад авто замын сүлжээ нь хоёрхон хувиар өсөж байгааг өөрчлөх ёстой. Энэ чигээрээ явах юм бол 2030 онд хотын хүн ам 1.8 сая болж, ачааллын үед замын дундаж хурд 5 км/ц болох эрсдэлтэй. Тиймээс тойрог замыг үе шаттайгаар хөгжүүлэх шаардлагатай байна. Ингэснээр 2030 онд Улаанбаатар хотын суурьшлын бүс тэлж, гол болон туслах замын ачаалал 20-25 хувиар буурч, жилд 400 тэрбум төгрөгийн эдийн засгийн үр нөлөөг бий болгоно.

Мөн Улаанбаатар хотоор урсаж байгаа голуудыг гатлах оновчтой байрлалд “Өөдөө тэмүүлэх–“Go Mongolia” гүүрийг байгуулахаар төлөвлөсөн. Одоогийн байдлаар зургаан эгнээ, хоёр урсгалтай, 900 метр урттай хос цамхагт гүүр төлөвлөөд байна.  Хөшигийн хөндийн дагуул хотыг дундаас урт хугацаанд төлөвлөсөн. Хөшигийн хөндийд 150 мянган хүнтэй дагуул хот байгуулахаар төлөвлөж байна” хэмээн сонирхолтой илтгэл танилцуулав. 

Уг илтгэлийн дараа Монгол Ардын Намын дарга, Монгол Улсын Ерөнхий сайд Л.Оюун-Эрдэнэ “Миний хүсэж байсан шинэчлэл бол энэ. Улстөрчид хот төлөвлөх гээд хэрэггүй. Харин чаддаг хүмүүст нь орон зайг нь гаргаж өгөх ёстой. Бидний шинэ 30 жилийн анхдагч цэг бол энэ. Инженер Г.Лувсанжамцтай хамт хот байгуулалтын инженерүүд төр засагтаа дуу хоолойгоо хүргэх боломжтой болсон. Мэргэжилтнүүд хот төлөвлөлтөө хийдэг, улстөрчид дэмжих шийдвэрийг гаргадаг байх шинэ 30 жил ийнхүү эхэлж байна” хэмээсэн юм.

Тэрбээр мөн “Ирэх дөрвөн жилд Засгийн газар хот төлөвлөлт, эрчим хүчнийхээ шинэчлэлийг бүрэн хийх болно. Үүнд, МАН-ын жагсаалтын эхэнд бичигдсэн шилдэг инженерүүд манлайлан оролцоно гэдэгт итгэлтэй байна” хэмээн онцолсон юм.

Дараа нь Монгол Ардын Нам жагсаалтын хоёрдугаарт нэр дэвшсэн Австралийн Middleton группийн эрчим хүчний ахлах инженер, тархмал эх үүсвэр, ногоон эрчим хүчний чиглэлээр докторын зэрэг хамгаалсан шилдэг эрдэмтэн М.Энхцэцэг эрчим хүчний салбарын тулгамдсан асуудал, гарц шийдлийн талаар саналаа хэлсэн юм.

 

 

 

Дэлгэрэнгүй унших
сурталчилгаа
Өнөөдөр12 цаг 49 минут

Хоршоологч, үйлдвэрлэгчид хамтран ажиллахаар болж, “Шинэ хоршо...

Тод мэдээ16 цаг 23 минут

МАН-аас СХД-т нэр дэвшигчид Жаргалант тосгоны иргэдтэй уулзлаа

Тод мэдээ18 цаг 36 минут

Авлигын гинжин хэлхээг бүрэн таслахын тулд Ардын намаа сонгоно

Тод мэдээ18 цаг 42 минут

МАН-ын дарга, Ерөнхий сайд Л.Оюун-Эрдэнэ дэд бүтцийн салбарын инжене...

Тод мэдээ18 цаг 47 минут

Залуу Ерөнхий сайдаа Наран, Онгон, Баяндэлгэр, Халзан сумынхан багаа...

Тод мэдээ18 цаг 53 минут

Голын эрэг дагуу байрлуулсан камераар 200 метр зайд иргэдэд дуут сэр...

Өнөөдөр19 цаг 3 минут

Зориулалтын бус хөвөгч хэрэгсэл ашиглахгүй байхыг зөвлөж байна

Өнөөдөр19 цаг 10 минут

Улаанбаатарт өдөртөө 25 хэм дулаан

Тод мэдээ2024/06/14

Сүхбаатарчууд Ерөнхий сайдаа багаар нь дэмжихээ илэрхийллээ

Тод мэдээ2024/06/14

Ерөнхий сайд Л.Оюун-Эрдэнэ: Монгол Улсын парламентад анх удаа хөгжли...

Тод мэдээ2024/06/14

Налайх, Багануур, Багахангайн иргэд МАН-аас нэр дэвшигч С.Амарсайхан...

Тод мэдээ2024/06/14

Баруун бүсийн нэр дэвшигчдийг багаар нь дэмжихийг Ерөнхий сайд Л.Оюу...

Тод мэдээ2024/06/14

Баянзүрхчүүд хийсэн ажилтай, хэлэх үгтэй МАН-аас нэр дэвшигчдийг дэм...

Тод мэдээ2024/06/14

МАН-ын дарга, Ерөнхий сайд Л.Оюун-Эрдэнэ Увс аймгийн Улаангом хотноо...

Тод мэдээ2024/06/14

МАН-ын дарга, Ерөнхий сайд Л.Оюун-Эрдэнэ: Ардын намын ялалт АРД ТҮМН...

Тод мэдээ2024/06/14

Авлигатай нам харгалзахгүй тэмцэж, эхлүүлсэн ажлаа дуусгахад Ерөнхий...

Тод мэдээ2024/06/14

Асгат, Эрдэнэцагаан, Дарьганга сумын иргэд МАН-ыг багаар нь дэмжихээ...

Тод мэдээ2024/06/14

Авлига, хулгайтай нам харгалзахгүй тэмцэж байгаа Ерөнхий сайдын баги...

Тод мэдээ2024/06/14

Д.Амарбаясгалан: МАН урт хугацааны бодлого хөтөлбөр дэвшүүлэн хэрэгж...

Тод мэдээ2024/06/14

“Тавантолгой төмөр зам” ХХК 1.5 сая.тонн ачаа тээвэрлэлэ...

Тод мэдээ2024/06/14

Иргэд үл хөдлөх хөрөнгөө нүүлгэн шилжүүлж, газраа чөлөөлж эхэллээ

Өнөөдөр2024/06/14

Азийн хотуудын ардын урлаг, гар урлалын наадам өнөөдөр эхэлнэ

Тод мэдээ2024/06/14

Энэ онд 22 байршилд үерийн хамгаалалтын барилга байгууламжийг шинээр...

Тод индэр2024/06/14

Г.Нарантуяа: Сонгуулийн үйл ажиллагаанд хяналт тавих, хэрэгжүүлэх чи...

Тод мэдээ2024/06/14

“Бичил, жижиг, дунд үйлдвэр, үйлчилгээ эрхлэгчдийн өдөр-2024&r...

Өнөөдөр2024/06/14

Нийслэлийн усны сан бүхий газрын хамгаалалтын бүсийг шинэчлэн тогтоо...

Тод мэдээ2024/06/14

Малын сэг зэм устгалыг 94.18 хувьтай гүйцэтгэжээ

Өнөөдөр2024/06/14

"Насны хишиг" тэтгэмжид анх удаа хамрагдах ахмадуудыг бүрт...

Өнөөдөр2024/06/14

Улаанбаатарт өдөртөө 21 хэм дулаан

Тод мэдээ2024/06/13

Олон улсын шилжилт хөдөлгөөний бага хурал болж байна

Санал болгох