Тод мэдээ
УИХ-ын гишүүн, НББХ-ны дарга Л.Энхнасан Баянхонгор, Говь-Алтай, Ховд, Баян-Өлгий аймгуудад ажиллаж байна
Улсын Их Хурлын гишүүн, Нийгмийн бодлогын байнгын хорооны дарга Л.Энхнасан орон нутагт ажиллах үеэрээ Улсын Их Хурлаас баталсан эм, эмнэлгийн хэрэгслийн хяналт зохицуулалтын тухай, Хүүхэд хамгааллын тухай хуулийн шинэчилсэн найруулгын хэрэгжилтийн явц болон тулгамдаж буй асуудлуудтай танилцсан юм. Түүнчлэн НҮБ-ын Хүүхдийн сангийн хөрөнгө оруулалтаар орон нутагт хийгдсэн болон хийгдэж буй ажилтай танилцлаа.
НҮБ-ын Хүүхдийн сангийн Эрүүл мэндийн хөтөлбөрийн хүрээнд 2023-2024 онд Ховд аймгийн бүсийн оношилгоо эмчилгээний төвд нярайн эрт илрүүлгийн төв байгуулсан, эмнэлгийн аюултай хог хаягдлын менежментийг сайжруулах тоног төхөөрөмж суурилуулсан, бага насны хүүхдүүдийн дундах зүрхний олдмол гажгийг илрүүлэх зорилгоор анхан шатны эрүүл мэндийн төвүүдийг стрептококкын шинжилгээ авах тестээр хангасан, өсвөр насныхны дунд хүний папиллома вирусний эсрэг вакциныг нэвтрүүлсэн зэрэг ажлууд хийгджээ.
Цаашид ажлын хэсэг Ховд аймгийн Үенч суманд ажиллаж хилийн боомт, сумын Эрүүл мэндийн төвийн үйл ажиллагаатай танилцах, Баян-Өлгий аймгийн Улаанхус сумын сургуулийн дотуур байрны нөхцөл байдал, хүүхэд хамгааллын үйлчилгээнд тулгамдаж буй асуудалтай танилцана.
АЖЛЫН АЛБА
Тод мэдээ
”Монгол нүүдэлчин” өвлийн фестивалийг энэ сарын 16-22-нд Үндэсний цэцэрлэгт хүрээлэнд зохион байгуулна
Энэ хүрээнд “Монгол нүүдэлчин” өвлийн фестивалийг соёлын биет бус өвийн 7 ай савын өвлийн улиралд хамаарах зан үйлийг сурталчлан таниулах, мазаалай баавгайг хамгаалах зорилготой өвлийн цас мөсний наадамтай хамтатган зохион байгуулж байгаа юм.
Иргэдийн ая тухыг хангах үүднээс өртөөчилсөн хэлбэрээр зохион байгуулна. Мөсөн сурын харваа, мөсөн шагайн харваа, морь болон нохой чарга зэрэг өвлийн спортын арга хэмжээнд биечлэн оролцох боломжтой. Мөн соёлын бүтээлч үйлдвэрлэлийн бараа бүтээгдэхүүний үзэсгэлэн худалдаа, монголчуудын уламжлалт идээ ундааны амталгаат худалдаа болно.
Тод мэдээ
Допингийн шинжилгээнд хамруулсан 64 бөхийн нэрийг зарлалаа
Монгол Улс нь олон улсын гэрээ, конвенц, тунхаглал, Дэлхийн допингийн эсрэг кодыг хэрэгжүүлэхийн зэрэгцээ, Дэлхийн допингийн эсрэг агентлагийн (WADA) заавар, зөвлөмжийн дагуу Допингийн хяналтын хөтөлбөрийг үе шаттайгаар хэрэгжүүлэн ажиллаж байгаа талаар Монголын үндэсний допингийн эсрэг байгууллагаас мэдээллээ.
Энэ ажлын хүрээнд Монгол Улсын Засгийн газрын 2022 оны 376 дугаар тогтоолоор баталсан "Допингийн эсрэг үндэсний дүрэм"-ийн дагуу, Монголын Үндэсний Допингийн Эсрэг Байгууллага (МҮДЭБ)-ын санаачилгаар үндэсний бөхийн тамирчдаас явцын буюу тэмцээний бус үеийн допингийн хяналтыг хэрэгжүүлж эхэлжээ.
2024 оны арваннэгдүгээр сараас эхлэн сар бүр 15 сорьц авах төлөвлөгөөний дагуу шинжилгээг зохион байгуулж, сорьцыг ХБНГУ-ын Дрезден хотын Допингийн Анализ болон Спортын Биохимийн Институт (IDAS)-д шинжлүүлэхээр явуулжээ.
2025 оны хоёрдугаар сарын байдлаар нийт үндэсний бөхийн 64 тамирчнаас допингийн шинжилгээ авсан бөгөөд уг хяналтын үйл ажиллагаа цаашид тогтмол үргэлжлэх болно гэж Монголын үндэсний бөхийн холбооноос мэдэгдлээ.
Допингийн шинжилгээнд хамрагдсан 64 бөхийн нэрс
Тод мэдээ
Эмгэнэл
Монголын сэтгүүл зүйн нэгэн тод төлөөлөл, бидний анд нөхөр МСНЭ-ийн Ерөнхийлөгч Ө.Отгонбаатар 2025 оны хоёрдугаар сарын 12-ны өдөр хүнд өвчний улмаас таалал төгслөө.
Хүүхэд байхаас хэвлэл мэдээллийн салбарт хөл тавин хүүхдийн нэвтрүүлгийн хөтлөгчөөс мэргэжлийн гараагаа эхлүүлэн телевизийн мэдээний сэтгүүлч, редактор, тоймч, албаны дарга, захирал, удирдах түвшинд, 2022 оноос МСНЭ-ийн Ерөнхийлөгчөөр сонгогдон ажиллаж байв.
Зорилго, зориг золбоо дүүрэн хамтран зүтгэгч, эрхэм нөхөр минь цагаас эрт тэнгэрт дэвшин энэ амьдралд өөрийн орлуулашгүй орон зайг үлдээн одсонд гүнээ харуусан эмгэнэн гашуудаж байна.
-
Тод индэр2020/02/20
Д.Тэмүүжин: Эмийн эмчилгээнээс илүү зөв хооллолт, амралт, спорт дархлааг сэргээд...
-
Өнөөдөр2020/12/22
Өнөөдөр өвлийн туйл, хүйтний ес эхлэх улирал эхэлнэ
-
Тод мэдээ2021/01/28
Монголбанк 99.5 тэрбум төгрөгийн ипотекийн зээл шинээр олгов
-
Тод мэдээ2024/09/09
Монгол Улсын Тэргүүн Шадар cайд Л.Гантөмөр БНХАУ-ын Дэд дарга Хань Жөнтэй уулзан...