Дэлхий нийтээр..
Олон улсын иргэний нисэхийн байгууллагын төлөөлөгчдийг хүлээн авч уулзав
Монгол Улсын Засгийн газрын гишүүн, Зам, тээврийн сайд Б.Дэлгэрсайхан Монгол Улсад 2025 оны гуравдугаар сарын 17-21-ний өдрүүдэд ажилласан Олон улсын иргэний нисэхийн байгууллага (ICAO)-ын Ази Номхон далайн бүсийн төвийн Иргэний Нисэхийн аюулгүй байдлын хэрэгжилт хариуцсан Сусанта Ди Сильва, Техникийн туслалцаа хариуцсан Ражу Шреста нарыг хүлээн авч уулзлаа.
Уулзалтын эхэнд Зам, тээврийн сайд Б.Дэлгэрсайхан АНУ руу шууд нислэг үйлдэх бэлтгэл ажил хийгдэж буй энэ үед Олон улсын иргэний нисэхийн байгууллага /ICAO/-аас төлөөлөгчид ирж ажиллаж байгаад талархал илэрхийлж, агаарын тээврийн салбар өргөжиж байгаа тул нисэхийн аюулгүй байдлыг хангах нь чухал асуудал болохыг дурдлаа.
Төлөөлөгчид ИНЕГ-т Олон улсын иргэний нисэхийн тухай Чикагогийн Конвенцын хэрэгжилт, Иргэний нисэхийн тухай Монгол Улсын хууль дүрэм, журам, аюулгүй байдлын хяналт, зохицуулалтын байгууллага, хяналтыг хэрэгжүүлж буй хүний нөөц, тэдгээрийн мэргэшил, сургалт дадлага зэрэг асуудлын хүрээнд үнэлэлт, зөвлөмж өгч ажилласан юм.
Олон улсын иргэний нисэхийн байгууллагын Ази номхон далайн бүсийн Иргэний Нисэхийн аюулгүй байдлын хэрэгжилт хариуцсан Сусанта Ди Сильва хэлэхдээ “Олон Улсын Иргэний нисэхийн байгууллага /ICAO/-д 183 гишүүн улс байдаг бөгөөд 10,000 гаруй стандартыг мөрдүүлэн ажиллуулдаг. Урьдчилсан байдлаар Монгол Улсын агаарын тээврийн аюулгүй ажиллагааны боловсон хүчний чадавх, дүрэм журам сайн байгаа хэдий ч аюулгүй ажиллагаа, аюулгүй байдлыг сайжруулахын тулд дүрэм журмыг илүү сайжруулах, тоног төхөөрөмжийг шинэчлэх, навигацийн үйлчилгээг сайжруулах, бүсийн нислэгийн удирдлагын нөөц төвийг байгуулах шаардлагатай” зэргийг дурдлаа.
Уулзалтын төгсгөлд Зам, тээврийн сайд Б.Дэлгэрсайхан Олон улсын иргэний нисэхийн байгууллагын төлөөлөл та бүхэнд Монгол Улсад хүрэлцэн ирж, Иргэний нисэхийн хууль тогтоомжийн байдал, хэрэгжилтэд үнэтэй зөвлөмж өгнө гэж найдаж буйгаа илэрхийллээ гэж Зам, тээврийн яамнаас мэдээллээ.
Дэлхий нийтээр..
Трампын мэдэгдлийн дараа Ираны төлөөлөгчид хэлэлцээг түр зогсоов
Дэлхий нийтээр..
Оросын байлдааны хөлөг Британийн дарвуулт завинд анхааруулж гал нээжээ
ОХУ-ын Хар тэнгисийн флотын «Адмирал Григорович» фрегат Английн сувгаар явж байсан Их Британийн бүртгэлтэй «Брайт Фьючер» дарвуулт завины ойролцоо анхааруулах буудлага хийсэн талаар Оросын тал мэдээллээ.
Оросын Батлан хамгаалах яамны мэдээлснээр, дарвуулт завь байлдааны хөлөгт хэт ойртож, радио холбоо болон дохиогоор өгсөн анхааруулгад хариу өгөөгүй тул анхааруулах зорилгоор буудлага үйлдсэн байна. Үүний дараа завь чиглэлээ өөрчилсөн гэж мэдэгджээ.
Харин дарвуулт завин дээр зорчиж явсан Британийн иргэд энэхүү тайлбарыг үгүйсгэж, мөргөлдөх аюул үүсээгүй бөгөөд олон улсын усан замын дүрмийн дагуу хөдөлгөөнд оролцож байсан гэж мэдэгдсэн байна.
Их Британийн Ерөнхий сайд Кир Стармер уг үйл явдлыг “болгоомжгүй бөгөөд түгшүүр төрүүлсэн хэрэг” хэмээн тодорхойлж, эрх бүхий байгууллагууд нөхцөл байдлыг шалгаж эхэлжээ.
Энэ явдал нь Их Британи Оростой холбоотой гэж үзсэн нэгэн нефть тээвэрлэгч хөлгийг саатуулснаас хойш хэдхэн хоногийн дараа болсон бөгөөд хоёр улсын харилцаанд үүсээд буй хурцадмал байдлыг дахин анхаарлын төвд оруулаад байна.
Дэлхий нийтээр..
Доналд Трамп, Володимир Зеленський нар уулзав
-
Дэлхий нийтээр..2025/01/21
Д.Амарбаясгалан: Банк, санхүүгийн салбарын шинэчлэл нь зээлийн хүүг бодитой түвш...
-
Дэлхий нийтээр..2022/09/15
ЗГ: Төрийн зарим ажил үйлчилгээг хувийн хэвшил, мэргэжлийн ТББ-аар гүйцэтгүүлнэ
-
Тод зураг2019/09/06
Улаанбаатарт өдөртөө 20 хэм дулаан
-
Чөлөөт бүс2019/07/29
Монгол адууны өв соёлыг сурталчлав