Бидэнтэй нэгдэх

Тод зураг

Гурван сурагчид ОХУ-д сурах 50 сая төгрөгийн тэтгэлэг олголоо

Огноо:

,

Сэтгүүлч:

Улаанбаатар дахь ОХУ-ын Шинжлэх ухаан, соёлын төв/РЦНК/, Үндэсний мэдээллийн МОНЦАМЭ агентлагийн "Новости Монголии" сонин хамтран зохион байгуулсан орос хэлээр эсээ бичих уралдааны дүн гарчээ. Ерөнхий боловсролын сургуулийн сурагчдын дунд гурав дахь жилдээ зохион байгуулж буй тус уралдааныг энэ жил дэлхийн хоёрдугаар дайны ялалтын 75 жилийн ойд зориулан "Эх орны дайны ялалтад Монголчуудын оруулсан хувь нэмэр" сэдвээр зарлажээ. Түүнчлэн ОХУ-аас Монгол Улсад суугаа ЭСЯ, Орос-Монголын найрамдлын төв дээрх уралдааныг дэмжиж оролцож, ОХУ-ын Засгийн газрын 50 сая төгрөгийн сургалт, амьжиргааны тэтгэлгийг тус уралдаанд тэргүүлсэн Монгол-Оросын хамтарсан сургуулийн төгсөх ангийн сурагч Г.Оюунжаргал, Н.Хулан, Плехановын  нэрэмжит Оросын Эдийн засгийн их сургуулийн харьяа лицей сургуулийн 11 дүгээр ангийн сурагч А.Билгүүн нарт олголоо.

ОХУ-аас Монгол Улсад суугаа Элчин сайдын зөвлөх, Улаанбаатар дахь Оросын шинжлэх ухаан, соёлын төвийн захирал А.Р.Базархандаев, МОНЦАМЭ агентлагийн орлогч дарга Ш.Батболд, ОХУ-аас Монгол Улсад суугаа ЭСЯ-ны төлөөлөгчийн газрын дэд тэргүүн Татьяна Будаева, хэвлэлийн атташе Ксения Панкова нар шагналыг энэ сарын 6-нд гардууллаа.

Энэ үеэр МОНЦАМЭ агентлагийн орлогч дарга Ш.Батболд өнгөрсөн жилийн уралдаанд түрүүлсэн нэг хүүхдэд ОХУ-аас Монгол Улсад суугаа ЭСЯ-наас ОХУ-д суралцах эрхийн бичиг олгож байсан бол энэ жил гурван хүүхдэд гардуулж байгааг онцлон тэмдэглэв.

Мөн Улаанбаатар дахь Оросын шинжлэх ухаан, соёлын төвийн захирал А.Р.Базархандаев “Монгол-Оросын хамтарсан сургуулийн 12а ангийн сурагч Г.Оюунжаргалын эсээ бичлэг судалгааны ажилд дөхсөн бүтээл байсан. Учир нь эмээгийнхээ ярьсан түүхэнд үндэслэж, дайны үед Монголоос мянган тэмээн жингийн цуваа бүхий тусламж Бийск хотод хүрсэн тухай түүх өгүүлсэн. Энэ түүх Оросын хэвлэлээр маш цөөхөн гарч байсан. Тиймээс эсээгээ илүү дэлгэрүүлснийх нь дараа ОХУ-ын хэвлэлд нийтлүүлнэ гэдгээ амлаж байна" гэсэн юм.

Ташрамд дуулгахад, "Эх орны дайны ялалтад Монголчуудын оруулсан хувь нэмэр" орос хэлээр эсээ бичих уралдааны хоёрдугаар шатанд дараах есөн сурагчийн бүтээл шалгарчээ.

-Г.Оюунжаргал /Монгол-Оросын хамтарсан III сургууль 12а анги/

-А.Билгүүн /Плехановын ЭЗИС-ийн лицей 11б анги/

-Н.Хулан /Монгол-Оросын хамтарсан III сургууль 12а анги/

-С.Дэлгэржаргал /Монгол-Оросын хамтарсан III сургууль 12г анги/

-Э.Марал /Плехановын ЭЗИС-ийн лицей 11в анги/

-С.Содбилгүүн /Монгол-Оросын хамтарсан III сургууль 11г анги/

-Г.Саран-Эрдэнэ /Плехановын ЭЗИС-ийн лицей 11а анги/

-Ц.Оюундэлгэр /Монгол-Оросын хамтарсан III сургууль 12в анги/

-А.Уянга  /Нийслэлийн V сургууль 12б анги/

Дэлгэрэнгүй унших
сурталчилгаа
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод зураг

Монголбанкны Эрдэнэсийн сангийн дэргэд “Мөнгөн тэмдэгтийн танхим” нээгдлээ

Огноо:

,

Монголбанк үйл ажиллагаагаа ил тод, нээлттэй болгох, олон нийтийн санхүүгийн боловсролыг дээшлүүлэх зорилгын хүрээнд “Банкны ажилтны өдөр”-ийг угтан Эрдэнэсийн сангийн дэргэд “Мөнгөн тэмдэгтийн танхим” нээлээ.

“Мөнгөн тэмдэгтийн танхим”-д Эрдэнэсийн санд хадгалагдаж буй эртний зоос, Монгол Улсад төлбөрийн үүрэг гүйцэтгэж байсан эд зүйлс, цаасан болон зоосон мөнгөн тэмдэгт, дурсгалын зоос зэрэг нэн ховор, түүхэн ач холбогдолтой үзмэрүүд хадгалагдаж байна. Тухайлбал 20 кг хунз цай, Манж Чин улсын үе, 1926 оноос өнөөг хүртэл гүйлгээнд хэрэглэж байсан зоосон мөнгө, төлбөрийн хэрэгслүүдийн иж бүрэн цуглуулгыг нэрлэж болох юм.

Монгол Улсын төлбөрийн хэрэгслийн хөгжлийн түүхийг олон нийтэд харуулах энэхүү танхимд сүүлийн үеийн дэвшилтэт технологийг ашиглаж "Холограмм угтагч, хөтөч", "6D хэмжээст хөдөлгөөн мэдрэгчид суурилсан боловсрол, сургалт, танин мэдэхүйн контент”, интерактив самбар болон АR дэлгэцэнд суурилсан "Санхүүгийн боловсрол, мультимедиа контентын үндсэн аппликейшн" зэргийг нэвтрүүлсэн бөгөөд үүгээр дамжуулан төлбөрийн хэрэгслийн мэдээллийг илүү сонирхолтой, ойлгомжтой байдлаар хүргэнэ.

Төлбөрийн хэрэгслийн түүхийг нэг дороос үзэх боломжтой энэхүү танхимд иргэд Ковид-19 цар тахлын тархалтын нөхцөл байдал намжсаны дараа зочилж үзэх, мэдээлэл авах нь нээлттэй байна.

Монголбанкны Эрдэнэсийн сан

Дэлгэрэнгүй унших

Тод зураг

Ариутгал, халдваргүйтгэл, цэвэрлэгээний ажил үргэлжилж байна

Огноо:

,

Нийслэлийн удирдах ажилтнуудын шуурхай зөвлөгөөнөөр Нийслэлийн Засаг дарга бөгөөд Улаанбаатар хотын Захирагч Д.Сумъяабазар хөл хорионы хугацаанд нийтийн эзэмшлийн гудамж, зам, талбай, автобусны буудлыг ариутгах, цэвэрлэх ажлуудыг эрчимжүүлэх үүрэг өгсөн. Тэгвэл энэ дагуу Улаанбаатар хотын Захирагчийн ажлын албанаас олон ажил зохион байгуулж байна.

Үүний нэг нь Туул голын эрэг дагуух цэвэрлэгээ юм. Мөн мананцар үүсгэгч машинаар халдваргүйтгэлийг өнгөрсөн гуравдугаар сарын 30-наас хуваарийн дагуу дүүргүүдэд хийж байгаа. Автобусны буудлыг угааж, цэвэрлэх ажлыг мэргэжлийн ариутгал, халдваргүйтгэл хийх тусгай зөвшөөрөлтэй компаниуд хийж байгаа юм. Түүнчлэн үйл ажиллагаа явуулж байгаа хүнсний худалдаа, үйлчилгээний төвүүд ойр орчмынхоо 50 метрт үүссэн хог хаягдлыг цэвэрлэж, хаалга, хашлагыг угааж, цэвэрлэх ажил үргэлжилж байна.











Дэлгэрэнгүй унших

Тод зураг

Автобусны буудлуудыг тусгай цэвэрлэгээний бодис, шүршигч төхөөрөмжөөр угааж байна

Огноо:

,

Нийслэлийн Засаг дарга бөгөөд Улаанбаатар хотын захирагч Д.Сумъяабазар нийслэлийн Удирдах ажилтнуудын шуурхай зөвөлгөөнөөр хөл хорионы хугацаанд хот, нийтийн аж ахуйн зарим ажлуудыг эрчимжүүлэх үүрэг чиглэл өгсөн. Энэ дагуу Улаанбаатар хотын Захирагчийн ажлын албанаас хүмүүсийн хамгийн их бөөгнөрөл үүсгэдэг эрсдэлтэй цэг  болох автобусны буудлуудыг угаах ажлыг өнөөдөр эхлүүлээ. Уг ажлыг маргааш үргэлжлүүлэн хийх юм.

Бохирдол ихтэй 72 автобусны буудлыг хоёр бригад гарган тусгай цэвэрлэгээний бодис, шүршигч төхөөрөмжөөр угааж цэвэрлэж байна.

Дэлгэрэнгүй унших
сурталчилгаа
Тод мэдээ2021/06/11

Монгол Улсын Ерөнхийлөгчийн сонгуулийн дүнг УИХ-д өргөн барилаа

Тод индэр2021/06/11

Б.Ууганбат: Орон нутаг руу иргэд түргэвчилсэн болон PCR шинжилгээний...

Тод мэдээ2021/06/11

Монгол Улсын Ерөнхийлөгчийн сонгуулийн дүнг УИХ-д өргөн мэдүүлнэ

Тод мэдээ2021/06/11

УИХ-ын гишүүн Ж.Чинбүрэн ДОХ/ХДХВ-ийн асуудлаарх цахим уулзалтад оро...

Тод мэдээ2021/06/11

Үерийн хамгаалалтын бүсэд буусан 1098 өрх, аж ахуйн нэгж байна

Тод мэдээ2021/06/11

Хотын дарга үерийн далан сувгийг цэвэрлэх ажлуудыг эрчимжүүлэх үүрэг...

Тод мэдээ2021/06/11

Нисэх онгоцны шинэ буудал долоодугаар сарын 4-нд үйл ажиллагаагаа эх...

Тод индэр2021/06/11

Үерийн устай холбоотойгоор Ажлын хэсэг гарч, газар дээр нь ажиллаж б...

Тод мэдээ2021/06/11

Эрээнд саатсан ачаа барааг Улаанбаатар руу төмөр замаар тээвэрлэнэ

Тод мэдээ2021/06/11

Засгийн газар Хөшигийн хөндийд "Эдийн засгийн хөгжлийн чөлөөт б...

Өнөөдөр2021/06/11

Улаанбаатарт өнөөдөр дархлаажуулалтын 54 цэг ажиллана

Өнөөдөр2021/06/11

Улаанбаатарт өдөртөө 23 хэм дулаан

Санал болгох