Үйл явдал
Арав хоногийн цаг агаарын урьдчилсан төлөв
2026 оны гуравдугаар сарын 6-15-ныг хүртэлх цаг агаарын урьдчилсан төлөв
Гуравдугаар сарын 10-ныг хүртэл ихэнх нутгаар цаг агаар тогтуун, өдөртөө дулаарах боловч 11-нд нутгийн баруун хагаст, 12-нд нутгийн зүүн хагаст цас орж, хүчтэй цасан болон шороон шуурга шуурч, ихэнх нутгаар хүйтрэхийг онцгойлон анхааруулж байна.
Хур тунадас: Гуравдугаар сарын 09, 10-нд Монгол-Алтайн уулархаг нутгаар, 11-нд баруун аймгуудын ихэнх нутаг, төвийн аймгуудын нутгийн баруун хэсгээр, 12-нд баруун аймгуудын нутгийн зарим газар, төвийн аймгуудын ихэнх нутгаар, 13-нд төвийн аймгуудын нутгийн зүүн хэсэг, зүүн аймгуудын ихэнх нутгаар, 14-нд Халх голын сав газар, Алтайн уулархаг нутгаар, 15-нд баруун болон төвийн аймгуудын нутгийн зарим газраар бороо, нойтон цас, цас орж, цасан шуурга шуурна.
Салхи: Ихэнх хугацаанд ихэнх нутгаар секундэд 5-10 метр, 10-нд Алтайн салбар уулсаар, 11-нд баруун, төв, говийн аймгуудын нутгаар, 12-нд төв, говь, зүүн аймгуудын нутгаар, 13-нд тал, хээрийн нутгаар, 14-нд Алтайн уулархаг нутгаар, 15-нд нутгийн зарим газраар секундэд 18-20 метр хүрч ширүүсэж, нутгийн өмнөд хэсгээр хүчтэй шороон шуурга шуурна.
Агаарын температур: Гуравдугаар сарын 06-10-ныг хүртэл ихэнх нутгаар өдөртөө дулаарч Дархадын хотгор, Завхан голын эх, Хүрэнбэлчир орчим, Идэр, Тэс, голын хөндийгөөр шөнөдөө 25-30 хэм, өдөртөө 10-15 хэм, Алтай, Хөвсгөл, Хэнтийн уулархаг нутаг, Хараа, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 19-24 хэм, өдөртөө 4-9 хэм, Хангайн нурууны өвөр бэл, говийн бүс нутгийн өмнөд хэсгээр шөнөдөө 4-9 хэм хүйтэн, өдөртөө 10-15 хэм дулаан, говийн бүс нутгийн хойд хэсгээр шөнөдөө 8-13 хэм хүйтэн, өдөртөө 5-10 хэм дулаан, бусад нутгаар шөнөдөө 12-17 хэм хүйтэн, өдөртөө 0-5 хэм дулаан байна. 11-нд баруун аймгуудын нутгаар, 12-15-нд ихэнх нутгаар хүйтэрч Увс нуурын болон Дархадын хотгор, Завхан голын эх, Хүрэнбэлчир орчим, Идэр, Тэс, голын хөндийгөөр шөнөдөө 36-41 хэм, өдөртөө 22-27 хэм, Алтай, Хангай, Хөвсгөл, Хэнтийн уулархаг нутаг, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 31-36 хэм, өдөртөө 17-22 хэм, Хангайн нурууны өвөр бэл, говийн бүс нутгийн өмнөд хэсгээр шөнөдөө 10-15 хэм, өдөртөө 0-5 хэм, говийн бүс нутгийн хойд хэсгээр шөнөдөө шөнөдөө 16-21 хэм, өдөртөө 4-9 хэм, бусад нутгаар шөнөдөө 21-26 хэм, өдөртөө 10-15 хэм хүйтэн байна.
Улаанбаатар хот орчмын 10 хоногийн цаг агаарын урьдчилсан төлөв
Хур тунадас: Гуравдугаар сарын 12-нд цас орж, цасан шуурга шуурна. Бусад хугацаанд цас орохгүй.
Салхи: Ихэнх хугацаанд секундэд 3-8 метр, 12-нд баруун өмнөөс хойш эргэж секундэд 12-14 метр хүрч ширүүснэ.
Агаарын температур: Гуравдугаар сарын 6-11-ний хооронд өдөртөө дулаарч, шөнөдөө Яармаг-Сонгины орчмоор 19-24 хэм, бусад хэсгээр 13-18 хэм хүйтэн, өдөртөө 1-6 хэм дулаан байна. 12-15-нд хүйтэрч, шөнөдөө Яармаг-Сонгины орчмоор 27-32 хэм, бусад хэсгээр 20-25 хэм, өдөртөө 8-13 хэм хүйтэн байна.
Үйл явдал
Сүхбаатар боомтоор тав хоногт 10 мянга гаруй тонн АИ-92 автобензин импортолжээ
Энэ оны наймдугаар сарын 5-нд Сүхбаатар боомтоор 43 вагон буюу 2,580 тонн АИ-92 автобензин орж иржээ. Шатахууныг Толгойт, Аршаант, Дархан, Эрдэнэт, Улаанбаатар өртөөнүүдэд хүргэж, өнөөдөр агуулахуудад буулгаж байна.
Мөн наймдугаар сарын 6-ны 02:30 цагт долоон вагон буюу 420 тонн АИ-92 автобензин улсын хилээр орж ирж, буулгах өртөөнүүд рүү илгээжээ. Наймдугаар сарын 1-5-ны хооронд Сүхбаатар боомтоор нийт 10,017 тонн АИ-92 автобензин импортолсон байна.
Үүнээс гадна Ангарскийн газрын тос боловсруулах үйлдвэрээс ачсан 33 вагон буюу 1,980 тонн АИ-92 автобензин өнөөдөр Монгол Улсын хилээр орж ирэхээр болжээ.
Төмөр зам, гааль, холбогдох байгууллага болон шатахуун импортлогч аж ахуйн нэгжүүд хамтран шатахууныг агуулах, түгээх станцуудад хоногийн турш тасралтгүй хүргэж, хангамжийг хэвийн болгохоор ажиллаж байна.
Үйл явдал
Эм, вакцины нэгдсэн худалдан авалтаар 3.15 тэрбум төгрөг хэмнэжээ
“Эм, эмнэлгийн хэрэглэгдэхүүн, биобэлдмэл, вакциныг нэг эх үүсвэрээс худалдан авах” журмыг Засгийн газраас баталлаа. Уг журмын хүрээнд олон улсын байгууллага болон Дэлхийн эрүүл мэндийн байгууллагаас хүлээн зөвшөөрсөн гадаадын үйлдвэрлэгчээс зайлшгүй шаардлагатай стратегийн 16 төрлийн эм, гемофилийн эсрэг рекомбинант VIII, IX факторын дөрвөн нэрийн бүтээгдэхүүнийг худалдан авчээ.
Ингэснээр улсын төсвөөс 3.15 тэрбум төгрөг хэмнэж, 10+1 хувийн нөхцөлтэй худалдан авалт хийсэн байна. Нэгдсэн худалдан авалтын тогтолцоог БНСУ, Япон, Сингапур, Шинэ Зеланд зэрэг улс улсын хэмжээнд хэрэгжүүлдэг аж.
Нэг эх үүсвэрээс худалдан авах тогтолцоо нь бөөний үнийн хөнгөлөлт эдлэх, улсын төсвийн зардлыг бууруулах, ДЭМБ-ын хатуу зохицуулалттай үйлдвэрээс эмийг боломжийн үнээр авах, зах зээлд ховорддог эмийн хангамжийг тасалдуулахгүй байх давуу талтай.
Мөн чанаргүй болон хуурамч эмийн эрсдэлийг бууруулж, эмийн үнийн өсөлтийг сааруулснаар иргэдийн санхүүгийн дарамтыг багасгах боломж бүрдэнэ гэж үзжээ.
Үйл явдал
Нэгдүгээр ангийн элсэлтийг E-Mongolia-аар зохион байгуулна
2026 оны 8 дугаар сарын 17-28-ны өдрүүдэд Улаанбаатар хотод НҮБ-ын Цөлжилттэй тэмцэх тухай конвенцын Талуудын 17 дугаар бага хурал (COP17) болно. Энэ хурал нь дэлхийн 197 улсын Засгийн газрын гишүүд, эрдэмтэн судлаач, хувийн хэвшил, иргэний нийгмийн байгууллага нэгдэж цөлжилт, газрын доройтол, ган гачигтай тэмцэх хамгийн том Олон Улсын арга хэмжээ юм.
Хурал болохтой холбоотой нийслэлийн замын хөдөлгөөн, аюулгүй байдал, төрийн үйлчилгээний хэвийн ажиллагааг хангах зорилгоор боловсролын байгууллагуудын үйл ажиллагаанд дараах зохицуулалт хэрэгжүүлэхээр болжээ .
Цэцэрлэгийн бүртгэл
- 2026 оны 8 дугаар сарын 10–23-ны өдрүүдэд E-Mongolia системээр бүртгэнэ.
Нэгдүгээр ангийн элсэлт
- 2026 оны 8 дугаар сарын 17–28-ны өдрүүдэд E-Mongolia системээр бүртгэнэ.
- Энэ хугацаанд хүүхэд бүртгэх дэмжлэгийн баг сургуулиуд дээр ажиллахгүй.
Их, дээд сургуулийн хичээл
- 2026 оны 9 дүгээр сарын 1-нээс цахимаар эхэлнэ.
- 2026 оны 9 дүгээр сарын 14-нөөс танхимаар үргэлжилнэ.
Оюутны дотуур байр
- 2026 оны 9 дүгээр сарын 13-наас оюутнуудыг дотуур байранд оруулж эхэлнэ.
Сургууль, цэцэрлэгийн үйл ажиллагааны зохицуулалт
- 2026 оны 8 дугаар сарын 17–28-ны өдрүүдэд нийслэлийн бүх сургууль, цэцэрлэгт ажлын байранд элсэлт, бүртгэл болон бусад аливаа арга хэмжээ зохион байгуулахгүй болно.
-
Дэлхий нийтээр..2025/07/04
Улаанбаатар хотод нийгмийн хамгааллын тусгай үйлчилгээг хөгжүүлэх чиглэлээр БНСУ...
-
Дэлхий нийтээр..2021/03/23
Эрүүгийн 4 хэргийг шүүхэд шилжүүлэх саналтай прокурорт шилжүүлэв
-
Дэлхий нийтээр..2021/01/21
Ерөнхийлөгчийн ээлжит сонгуулийг товлон зарлах, санал авах өдрийг тогтоох тухай ...
-
Дэлхий нийтээр..2025/10/01
Монгол Улсын хамгийн өндөр настан 107 настай