Бидэнтэй нэгдэх

Тод индэр

Эхчүүдийг дэмжсэн бодлого хамгийн ухаалаг бодлого

Огноо:

,

Сэтгүүлч:

Монгол Улсад хүн шиг хэрэгтэй эрдэнэ үгүй. Хүн ам өсөхийн хэрээр улс орны тусгаар тогтнол батжина, бэхжинэ. Энэ утгаараа төрөлтийг дэмжих нь төрийн маш ухаалаг бодлого юм. Төрөлтийг дэмжинэ гэдэг нь эхчүүдэд үзүүлэх нийгмийн халамж, үйлчилгээг шинэ түвшинд гаргана гэсэн үг. Энэ бодлого У.Хүрэлсүхийн Засгийн газрын хувьд үндсэн философи нь байж  чаджээ. Өөрөөр хэлбэл, олон хүүхэд төрүүлж өсгөсөн ээжүүдийг урамшуулах, нийгмийн баталгааг нь сайжруулах бодлогын цөм нь  хүн амынхаа өсгөх алсын хараа шүү дээ. Энэ бодлогын хүрээнд Нийгмийн даатгалын сангаас олгох тэтгэвэр, тэтгэмжийн тухай хуульд нэмэлт, өөрчлөлт оруулах тухай хуулийг 2020 оны 01 дүгээр сарын 01-ний өдрөөс хэрэгжүүлж эхлээд байгаа бөгөөд  эхийн нийгмийн даатгалын шимтгэл төлсөн нийт хугацаан дээр төрүүлсэн болон үрчлэн авсан хүүхэд бүрийн тоогоор нэг жил зургаан сарыг нэмж тооцохоор болж байгаа юм. Жишээлбэл, 4 хүүхэд төрүүлж, өсгөсөн эхчүүдийн улсад ажилласан жил, нийгмийн даатгал төлсөн жилийг  6 жилээр  нэмэгдүүлэн тооцож, цалингаас тэтгэвэр бодох хувь 9 хувиар нэмэгдэнэ гэсэн үг.

Мөн 0-3 хүртэлх насны хүүхэдтэй ээжүүд, өрх толгойлсон эх /эцэг/-ийн нийгмийн баталгааг  зорилготой  2017 онд батлагдсан  Эх, олон хүүхэдтэй өрх толгойлсон эцэг, эхэд тэтгэмж олгох тухай  хуулийн хүрээнд 0-3 хүртэлх насны хүүхдээ асарч байгаа 200.0 мянган эхчүүдэд сар бүр 50.000 төгрөгийн тэтгэмж олгож байгаа юм. Тэтгэмжийн нэр нь “Цалинтай ээж”. Үнэндээ сар бүр 50.000 авна гэдэг нь хүүхдээ асарсанд нь төрөөс олгож байгаа цалин юм даа. Энэхүү тэтгэмжийн буяныг эхчүүд  2018, 2019 онуудад хүртсэн бол 2020 онд ч үргэлжүүлэн авахаар болсон байна.

Монгол Улсад өрх толгойлсон 6.7 мянган  эцэг, эх байдаг. Засгийн газрын хувьд энэ хүмүүсийг  хараа хяналтаасаа гаргах ёсгүй гэж үзэж улирал бүр хөдөлмөрийн хөлсний доод хэмжээгээр буюу 320 000 төгрөгийн тэтгэмж олгож байсан бол 2020 онд энэ тэтгэмжийн хэмжээ 420 000 төгрөг болж  нэмэгдлээ. Өрх толгойлсон хүмүүст төр гараа сунгаж, дэмжихгүй бол хэн дэмжих билээ? Тэгээд ч МАН нийгмийн хамгаалал, халамжийн бодлогыг нэгдүгээр тавьдаг зүүний нам шүү дээ. Гоё ярьж тунхаглах нэг хэрэг, яг үзэл баримтлалынхаа дагуу бодлого боловсруулж, хэрэгжүүлж чадаж байгаад нь МАН, түүний Засгийн газарт алга таших нь зөв болов уу.

Засгийн газрын  Хүнээ гэсэн бодлогын үр дүн эхчүүдийн хүүхдээ асарч байх  хугацаанд нь шимтгэл төлсөн хугацааг тасрахгүй байхаар  хууль эрх зүйн орчин бүрдүүлснээр үргэлжилжээ.

Ингэснээр сайн дураар даатгуулсан эхийн жирэмсний болон амаржсаны тэтгэмжийг 70 хувиар тооцож байсныг 100 хувиар тооцож олгохоор боллоо. Түүгээр ч үл барам  эхчүүдийн хүүхдээ 3 нас хүртэл асрах хугацааны тэтгэвэр, тэтгэмжийн шимтгэлийг өөрөө хариуцаж байсныг  50 хувийг  тэтгэмжийн даатгалын сангаас болон улсын төсвөөс, 50 хувийг эх өөрөө  төлөхөөр болсон юм.

Япон улсын хөгжлийн өндөрлөлт хүрсний нэгэн нууц нь төрөлтийг дэмжиж, үр хүүхдүүдээ асрах боломжийг эхчүүдэд олгосонд байжээ. Гадаад хэргийн дэд сайд эмэгтэй нь “Би эх орондоо зөв хүн бэлтгэж өгөхийн тулд хүүхэддээ цагаа зориулах хэрэгтэй” гэж мэдэгдээд үүрэгт ажлаасаа чөлөөгдөж байсан түүхтэй. Гэтэл манайд эцэг, эх нь завгүй шахам ажиллаад, дунд нь үр хүүхэд орхигдож элдэв асуудалд орох тохиолдол гардаг. Нөгөө талаар амьдралын боломжоосоо шалтгаалаад  үр хүүхдийнхээ тоог нэмэх хүсэлгүй залуус ч бий. Ийм хандлага давамгайлбал хүн амын маань өсөлт удааширна. Харин эхчүүдэд үзүүлэх нийгмийн хамгаалал, халамжийн бодлого хэрэгжээд эхлэхээр Монгол Улсын ирээдүй илүү тод гэрэлтэнэ. Яг үүнийг л Засгийн газар олж харсан гэсэн үг.
Дэлгэрэнгүй унших
сурталчилгаа
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод индэр

Шадар сайд С.Амарсайхан БНХАУ-ын Гадаад хэргийн сайд Ван И-тэй уулзав

Огноо:

,

Монгол Улсын Шадар сайд С.Амарсайхан 9 дүгээр сарын 16-17-ны өдрүүдэд Душанбе хотноо болж буй ШХАБ-ын гишүүн орнуудын Төрийн тэргүүн нарын зөвлөлийн өргөтгөсөн уулзалтад оролцох үеэр буюу 9 дүгээр сарын 16-ны өдөр БНХАУ-ын Төрийн зөвлөлийн гишүүн, Гадаад хэргийн сайд Ван И-тэй уулзлаа.

Уулзалтын үеэр талууд Ковид-19 цар тахын нөхцөлд хоёр улсын худалдаа, эдийн засгийн хамтын ажиллагааг идэвхжүүлэх асуудлыг голлон ярилцав. Шадар сайд С.Амарсайхан Монгол Улсын цар тахалтай тэмцэх үйл ажиллагаанд БНХАУ-аас үзүүлсэн вакцины дэмжлэг ихээхэн тус нэмэртэй болсныг онцлон тэмлэглээд, хоёр талаас сүүлийн үед ярилцаж буй хилийн боомтуудаар ачаа бараа эргэлтийг түргэсгэх, нүүрсний экспортын тээвэрлэлтийг нэмэгдүүлэх, Тяньжин боомтод хуримтлагдсан чингэлэг тээврийн бөөгнөрлийг бууруулах зэрэг асуудалд бодит ахиц гаргахад анхаарал хандуулахыг хүсэв.

БНХАУ-ын Төрийн зөвлөлийн гишүүн, Гадаад хэргийн сайд Ван И Монгол Улсын цар тахлыг даван туулах хүч чармайлтад БНХАУ-ын зүгээс цаашид  ч вакцин болон санхүүгийн дэмжлэг үзүүлэн ажиллахад бэлэн байгааг илэрхийлэв. Мөн Тяньжин боомтод хуримтлагдсан чингэлэг тээврийн бөөгнөрлийг арилгах, хилийн боомтуудаар ачаа бараа эргэлтийг түргэсгэх асуудалд хятадын талаас үргэлжлүүлэн анхаарал хандууллахаа илэрхийлэв.

Талууд түүнчлэн ШХАБ-ын хүрээнд хамтын ажиллагаа, ялангуяа эдийн засаг, дэд бүтцийн салбарт хамтын ажиллагаа өргөжүүлэх боломжуудын талаар санал солилцов.

Энэ онд ШХАБ үүсэн байгуулагдсаны 20 жилийн ой тохиож байгаа бөгөөд Төрийн тэргүүн нарын зөвлөлийн өргөтгөсөн уулзалтад Монгол Улсын Ерөнхийлөгч У.Хүрэлсүх цахимаар оролцож, Шадар сайд С.Амарсайхан Ерөнхийлөгч У.Хүрэлсүхийн бие төлөөлөгчөөр оролцож байгаа юм.

Дэлгэрэнгүй унших

Тод индэр

Монгол Улсын Ерөнхийлөгч Хил хамгаалах ерөнхий газарт ажиллалаа

Огноо:

,

Монгол Улсад орчин үеийн хил хамгаалах байгууллага үүсэж хөгжсөний 88 жилийн ой, “Хилчдийн өдөр” 2021 оны есдүгээр сарын 17-ны өдөр тохионо. Үүнтэй холбогдуулан Монгол Улсын Ерөнхийлөгч, Зэвсэгт хүчний Ерөнхий командлагч У.Хүрэлсүх өнөөдөр /2021.09.15/ Хил хамгаалах ерөнхий газарт ажиллалаа.

Монгол Улсын Ерөнхийлөгчийг хүрэлцэн ирэхэд Хил хамгаалах ерөнхий газрын Хүндэт харуул жагсан угтаж, Хил хамгаалах ерөнхий газрын дарга, Хилийн цэргийн командлагч, Бригадын генерал Х.Лхагвасүрэн тэргүүтэй удирдлагууд байгууллагын үйл ажиллагаа, тусгай техник хэрэгслийг танилцуулав.

Үүний дараа Монгол Улсын Ерөнхийлөгч, Зэвсэгт хүчний Ерөнхий командлагч У.Хүрэлсүх хил хамгаалах байгууллагын алба хаагчид, бие бүрэлдэхүүнтэй уулзаж, үг хэллээ.

Монгол Улсын Ерөнхийлөгч У.Хүрэлсүх уудам дэлгэр эх орныхоо 8252 км 658 м урттай дархан хилийн халдашгүй дархан байдлыг амаргүй нөхцөлд нэр төртэй хамгаалж байгаа хилчиддээ гүн талархал дэвшүүллээ.

“Хил хамгаалах алба бол бие сэтгэлийн их тэнхээ, тэвчээр, сонор сэрэмжтэй, байнгын бэлэн байдалд байхыг шаардсан ажил алба” гэдгийг Зэвсэгт хүчний Ерөнхий командлагч тодотгож, Монгол Улсын иргэдэд эх оронч үндэсний үзэл, хүмүүжил, бахархал төлөвшүүлэх бүх нийтийн үйлсэд хилийн цэрэг манлайлан оролцох хэрэгтэй гэлээ.

Мөн хил хамгаалах байгууллагын хөгжлийг таваас арван жилээр төлөвлөж, дунд болон урт хугацааны бодлого, чиглэлээ тодорхойлсон баримт бичгийг боловсруулж, ойрын үед батлуулах шаардлагатайг хэлэв. Түүнчлэн техник технологийн шинэ ололт, цахим хяналт, инновацын шийдлийг хүний үйл ажиллагаатай хослуулан хэрэглэх нь хуурай газрын асар урт хилийн шугамтай манай орны хувьд туйлын чухал гэдгийг онцоллоо.

Монгол Улсын Ерөнхийлөгч, Зэвсэгт хүчний Ерөнхий командлагч хил хамгаалах байгууллага, анги салбаруудад хариуцлага, сахилга бат, зохион байгуулалтыг бэхжүүлэхэд онцгой анхаарах шаардлагатайг сануулж, хэрэг зөрчлүүдийг таслан зогсоох үр нөлөөтэй арга хэмжээ авч, үр дүнг нь илтгэхийг Хил хамгаалах ерөнхий газрын удирдлагад үүрэг болголоо.

Монгол Улсын Ерөнхийлөгчийг дагалдан УИХ-ын гишүүн Ц.Сэргэлэн, Засгийн газрын гишүүн, Хууль зүй, дотоод хэргийн сайд Х.Нямбаатар, Ерөнхийлөгчийн Тамгын газрын дарга Я.Содбаатар, Үндэсний аюулгүй байдлын зөвлөлийн нарийн бичгийн дарга Ж.Энхбаяр, Ерөнхийлөгчийн Аюулгүй байдал, батлан хамгаалах бодлогын зөвлөх Ц.Тогоо нар Хил хамгаалах ерөнхий газарт ажиллав.

Дэлгэрэнгүй унших

Тод индэр

Л.Оюун-Эрдэнэ: "Оролцоо" төсөлд хамрагдсан залуусыг ажил, орлоготой болгоход анхаарна

Огноо:

,

Монгол Улсын Ерөнхий сайд Л.Оюун-Эрдэнэ залуучуудыг хөдөлмөрт бэлтгэх “Оролцоо” төсөлд хамрагдаж буй залуусын төлөөлөлтэй Төрийн ордонд уулзлаа.

Тус төсөлд эхний ээлжинд ажил эрхлээгүй, 18-34 насныхныг хамруулж байна. 14 хоногийн вакумжуулсан тэтгэлэгт сургалт энэ сарын 2-ноос эхэлжээ. Залуучуудад эрүүл, идэвхтэй амьдралын хэв маяг, эх оронч үзлийг төлөвшүүлэх, ажил мэргэжлийн чиг баримжаа олгох, зөвлөгөө өгөн, хөдөлмөрт бэлтгэж, ажил эрхлэх хүсэл сонирхлыг нь бий болгож, ажилтай, орлоготой болгоход зуучлах юм. Энэ онд 5000 залуусыг “Оролцоо” хөтөлбөрт хамруулахаар Хөдөлмөр, нийгмийн хамгаллын яам төлөвлөсөн байна.


Төсөлд хамрагдсан залуусыг тогтвор суурьшилтай ажилтай болгосон ажил олгогч, ажилтанд хөдөлмөрийн хөлсний доод хэмжээнээс тооцсон нэг жилийн нийгмийн даатгалын шимтгэлтэй тэнцэх нэг удаагийн нөхөн олговор олгох юм.
Засгийн газраас баталсан “Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-нд заасны дагуу “Залуучуудыг хөдөлмөрт бэлтгэх төсөл” хэрэгжиж байна.

Монгол Улсын Ерөнхий сайд Л.Оюун-Эрдэнэ “Хамгийн сайн халамж бол ажлын байр юм. Засгийн газар халамжаас хөдөлмөрт шилжих бодлого барьж байгаа” гэж хэллээ. Мөн “Оролцоо” төсөлд хамрагдсан залуусыг ямар мэргэжил, боловсролтой болон ямар ажил хийх сонирхолтойг бүртгэж, ажилд зуучлахад анхаарч ажиллах ёстойг Хөдөлмөр, нийгмийн хамгааллын сайд А.Ариунзаяад үүрэг болголоо. Мөн уул уурхай болон бусад салбарт хэрэгжих томоохон төсөл, хөтөлбөрүүдэд хамруулж, ажил орлоготой болоход нь дэмжлэг үзүүлнэ гэв.

“Оролцоо” төсөлд хамрагдах хүсэлтэй залуучуудыг орон даяар 2021 оны наймдугаар  сарын 16-22-нд www.e-mongolia.mn төрийн үйлчилгээний цахим системээр дамжуулан бүртгэсэн бөгөөд тус төсөлд нийт 1211 оролцогч хамрагдаж байна.
Улсын хэмжээнд 15-24 насны 68.3 мянган залуус ямар нэгэн боловсрол, сургалтад хамрагдаагүй, мөн цалин, орлого олох хөдөлмөр эрхлээгүй байна.


 

Дэлгэрэнгүй унших
сурталчилгаа
Тод мэдээ2021/09/17

“Монголчуудын эрхэмлэн дээдлэх үнэт зүйлс” хэлэлцүүлэг б...

Тод мэдээ2021/09/17

Улаанбаатар чуулга театр болон өргөжнө

Тод мэдээ2021/09/17

Монгол Улсын Ерөнхийлөгч У.Хүрэлсүх НҮБ-ын Ерөнхий Ассамблейн чуулга...

Тод индэр2021/09/17

Шадар сайд С.Амарсайхан БНХАУ-ын Гадаад хэргийн сайд Ван И-тэй уулза...

Тод мэдээ2021/09/17

Авто зогсоолыг нэг стандарт, нэгдсэн системд шилжүүлнэ

Тод мэдээ2021/09/17

Э.Цэндбаатарыг сорил тоглолтод оруулахаар болов

Тод мэдээ2021/09/17

Хиймэл оюун ухаанд суурилсан “Зам тээврийн ухаалаг нэгдсэн сис...

Өнөөдөр2021/09/17

Өнөөдөр ажиллах шинжилгээний болон дархлаажуулалтын цэгүүд

Өнөөдөр2021/09/17

Улаанбаатарт өдөртөө 23 хэм дулаан

Өнөөдөр2021/09/17

Үс шинээр үргээлгэх буюу засуулбал сайн

Тод мэдээ2021/09/16

Төрийн өмчийн их, дээд сургуулиудыг “Сургалт-эрдэм шинжилгээ-ү...

Тод мэдээ2021/09/16

Элчин сайд нарт Итгэмжлэх жуух бичгийг нь гардуулав

Санал болгох