Бидэнтэй нэгдэх

Тод зураг

COVID-19: Цэргийн анги, нэгтгэл, алба хаагчдад өгөх зөвлөгөө

Огноо:

,

Сэтгүүлч:

Коронавируст халдварын үед цэргийн анги, нэгтгэл, алба хаагчдад өгөх зөвлөгөө

Цэргийн анги, нэгтгэлд:

• Нийт бие бүрэлдэхүүний халууныг өглөө, оройд үзэх

• Жагсаал, дасгал сургуулилтын үед 1-1.5 метрийн зай барих

• Хоолны ширээ, орыг 1-1,5 метр зайтай байрлуулах

• Спиртэн суурьтай гар халдваргүйжүүлэгч байршуулах

• Хичээл, сургалтын танхимын 50%-г ашиглахаар ширээ, сандал байрлуулах

• Агаар сэлгэлт сайн хийх, нэвт салхилуулах

• Ар гэрийн эргэлтийг хязгаарлах

• Шим тэжээлтэй хоол хүнсээр хангах

• Цэрэг, бие бүрэлдэхүүнд хэт ачаалал өгөхгүй, 22 цагт амраах

• Зэвсэг, хэрэгслийг цэвэрлэж халдваргүйжүүлэх

• Гудас, хөнжил зэрэг зөөлөн эдлэлийг өдөр бүр наранд тавих

• Хатуу гадаргуу, ариун цэврийн өрөө, усанд орох газар зэргийг тогтмол цэвэрлэх, 1л усанд 0,25мл белизна хийж халдваргүйжүүлэх

• Анги нэгтгэлийн эмч, эмнэлгийн ажилтан халдвараас сэргийлэх, эмнэлзүйн шинж тэмдгийн талаар зөвлөмж, сэрэмжлүүлэг бие бүрэлдэхүүнд тогтмол өгөх

• Зөвлөмж, сэрэмжлүүлгийг ил байршуулах

• Шинж тэмдэг бүхий сэжигтэй тохиолдлыг тусгаарлах өрөө бэлтгэх

Цэргийн алба хаагчдад:

• Амны хаалт зүүх

• Гараа савандаж угаах, спиртэн суурьтай гар халдваргүйжүүлэгч хэрэглэх

• Нүүр, нүд, ам, хамартаа хүрэхгүй байх

• Бусадтай гар барихгүй, тэврэлдэхгүй байх

• Хүн хоорондын зай барих

• Хоол унд хувааж идэхгүй байх

• Халуун бүлээн шингэн ойр ойрхон уух

• Өглөө, оройд сод, давсны уусмалаар хоолойг ээлжлэн зайлах

• Тамхи дамжуулж татахгүй байх

• Хувцас хунараа сольж өмсөхгүй байх

• Алчуур, цагаан хэрэглэл зэргийг угаах, индүүдэх, наранд хатаах

• Хэрэглэсэн амны хаалтыг ил задгай хаяхгүй байх

• 1л усанд 0,25мл белизна хийж шал, тавцан, сандал, ор, хаалганы бариул зэрэг хатуу гадаргууг арчиж цэвэрлэх

Эх сурвалж: Эрүүл мэндийн яам
Дэлгэрэнгүй унших
сурталчилгаа
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод зураг

Анааш хэлээрээ чихээ цэвэрлэж чаддаг

Огноо:

,

Анааш нь Африк тивд амьдардаг салаа туурайтай хөхтөн. Хуурай газар амьдарч буй амьтдаас хамгийн өндөр бөгөөд хамгийн том хивэгч амьтан юм. Нас бие гүйцсэн эр анааш дунджаар 1.191 кг, эм нь 828 кг байна. Өндөр нь дунджаар 4.3-5.2 метр. Гэхдээ хамгийн өндөр бүртгэгдсэн анааш 6 метр хүрч байжээ.

Анааш нь голдуу саванна, өвст тал, ойрхог газраар нутаглана. Хуайс мод ихтэй газарт дурлана. Арьс нь шаргал бордуу өнгийн толбо хээтэй ба цагаан судлуудаар эрээлжилсэн байдаг. Анааш бүр өөр байдаг. Анааш нь хөнгөн зөөлөн алхаа, явдалтай ч хэрэгцээтэй үед цагт 55 км-ээс илүү хурдалж чаддаг ажээ.

Анаашийн зүрх 10 кг хүртэл жинтэй, 60 см урттай, том байдаг. Энэ нь зүрхнээс тархи хүртэл 2 метр зайнд цус шахахад зохицсон ба бусад том хөхтөнөөс хоёр дахин өндөр цусны даралттай аж. 40 см хүрэх урт хэлтэй ба үүгээрээ өндөр модны оройгоос навч зэргийг ороон авч иддэг. Анааш хэлээрээ чихээ цэвэрлэж чаддаг байна. Анааш нь хөхтөний дотор хамгийн богино унтдаг амьтан юм. Нэг өдөрт 10-20 минут, уртдаа л 1 цаг гаруй унтдаг ажээ. 

Эм анааш 400-460 өдөр үр төлөө тээх ба ихэвчлэн нэг тугал төрүүлнэ. Ховор тохиолдолд ихэрлэдэг. Дөнгөж төрсөн нялх анааш 1.8 метр өндөр, 50 кг жинтэй байх ба хэдхэн цагийн дотор хөл дээрээ тэнцэн гүйж, давхина. Дөрвөн нас хүрээд нас бие гүйцэх ба 25 хүртэл насалдаг аж. Амьтны хүрээлэн зэрэг газар 35 наслах нь бий. 

Дэлгэрэнгүй унших

Тод зураг

"Даншиг наадам-Хүрээ цам 2022"

Огноо:

,

Аялал жуулчлалын өвөрмөц бүтээгдэхүүн "Даншиг наадам-Хүрээ цам 2022" шашин, соёлын наадам Хүй долоон худагт болж өндөрлөлөө.  НЗДТГ, Нийслэлийн Аялал жуулчлалын газар, Гандантэгчэнлин хийд хамтран зохион байгуулж буй тав дахь удаагийн  Даншиг наадам нь Монголын соёл, шашин, өв уламжлал, онцлог хэв шинжийг цогцоор нь харуулсан өвөрмөц наадам юм.

Дэлгэрэнгүй унших

Тод зураг

Усан доорх гайхамшигт музей "Ланзаротын Атлантик"

Огноо:

,

Испани улсын Ланзароте аралтай залгаа орших хэсэгт дэлхийн нэгэн гайхамшиг болох усан доорх музей оршдог. Тус музейн үзмэрүүд нь өнгөрөгч 2016 оны 3 дугаар сараас үзэгчдийн хүртээл болж эхэлжээ. Музейн үзмэрүүдийн ойролцоо жижиг наймаалж, сардин загас болон бусад далайн амьтад ихээр ирж, цугларах болсон нь тус музейг зорин ирж байгаа жуулчдад илүү сайхан сэтгэгдэл төрүүлж байдаг аж.

Энэхүү гайхмшигт музей нь Атлантын далай дор 14 метрийн гүнд байрлаж байгаа бөгөөд музейг "Ланзаротын Атлантик музей" хэмээн нэрлэсэн байна. Музейн үзмэрүүдийг Их Британийн уран барималч Жесон де Сайрес Тейлор сүүлийн 2 жилийн турш урлан бүтээсэн бөгөөд тэрээр туурвисан бүтээлүүдээрээ түүхэн он цаг үе, ялангуяа дүрвэгчдийн амьдралыг тод дүрсэлж өгчээ.

Түүнчлэн Испани улсын ёс заншлыг харуулсан 200 гаруй хүн дүрст бүтээлүүд энэхүү далай доорх музейд тавигджээ. Энэхүү бүтээлүүдийг байгаль орчинд ээлтэй  материалаар хийсэн бөгөөд энэ нь хүн төрөлхтөн болон амьтан, ургамалд ямар ч сөрөг нөлөөгүй материал юм. Музейн үзмэрүүд ньойролцоогоор 30 метрийн урттай ханан дундах цэцэрлэгт хүрээлэнд байрлах юм. "Ланзаротын Атлантик музей" нь Европ тивийн гайхалтай шинэ бүтээн босголтуудын нэг болж байгаагаараа онцлог ажээ.





















Дэлгэрэнгүй унших
сурталчилгаа
Тод мэдээ17 цаг 35 минут

"Хятад орныг танин мэдэх, Монгол Улстай холбогдох” Өвөр м...

Өнөөдөр21 цаг 25 минут

Сэрэмжлүүлэг: Өнөөдөр нутгийн баруун хэсгээр, цаашдаа ихэнх нутгаар ...

Тод индэр22 цаг 27 минут

Агаарын тээврийн либералчлалд анхаарч, аюулгүй ажиллагааг шаардаж ба...

Өнөөдөр22 цаг 30 минут

Цэргийн дүйцүүлэх албаны тусгай үүргийн бэлтгэл шатны сургалтыг зохи...

Тод мэдээ22 цаг 39 минут

“Тавантолгой-Зүүнбаян” чиглэлийн төмөр замд гарсан ослын...

Тод мэдээ22 цаг 42 минут

Нийслэлийн хөгжлийн 2023 оны төлөвлөгөөний төслийг баталлаа

Тод мэдээ22 цаг 46 минут

Хөшгийн хөндийн бүтээн байгуулалтын үндэсний хорооны анхдугаар хурал...

Тод мэдээ22 цаг 48 минут

Монгол Улсын 2023 оны төсвийн төслийг өргөн барилаа

Тод мэдээ22 цаг 50 минут

Цэцэрлэгийн цахим бүртгэлийн II шатанд 11078 хүүхэд хамрагджээ

Өнөөдөр22 цаг 54 минут

Үс шинээр үргээлгэх буюу засуулбал эд, мал арвидна

Тод мэдээ2022/09/29

Өвөр Монголын соёлын өдрүүд нээлтээ хийлээ

Тод мэдээ2022/09/29

Соёлын салбарт хийгдэж байгаа хөрөнгө оруулалтын ажлын явцтай танилц...

Санал болгох