Чөлөөт бүс
Хайртыгаа өөрийнхөө санаснаар байлгах гэж шахаж шаардах нь зохисгүй
Хайртай хүн чинь ямар байх ёстой гэдгийг та сайн мэдэж байгаа. Мэдээж хэрэг хүн бүр өөрөө өөрсдийнхөөрөө хайртай хүнээ тийм байгаасай хэмээн төсөөлөн боддог шүү дээ. Энэ ч утгаараа хамгийн анхны болзооны үеэр таны төсөөлөл бодит байдал дээр гайхалтай нийцэж байх ёстой болдог.
Гэтэл заримдаа өмссөн хувцас, гадаад төрх, биеэ авч яваа байдлаас нь заавал нэг өө сэв эрж хайдаг шүү дээ. Энэ мэтчилэн цаашаа явах тусам илүү их шинэ дутагдлыг ажиж мэдрэх болно. Тухайлбал энэ хүн миний бодож байсан хүн биш байна хэмээн өөртөө бат үнэмшүүлж орхидог. Энэ бүхэн таны бодлоос ихээхэн хамааралтай юм.
Аливаа сөрөг бодол нь хүнийг таагүй сэтгэл зүйд аваачиж улмаар хайртай хүнээ алдахад хүргэдэг. Сайн ч бай муу ч бай дутагдлыг нь бодож тунгаадаг нь хүний төрөлхийн араншин юм. Тэгвэл хайртай хүнийхээ зан араншингийн ямар дутагдалтай талыг нь зөвшөөрч болмоор байна? Зарим нэг хэсэг эмэгтэйчүүд хурц ширүүн аашийг хүлээн зөвшөөрдөг байхад нөгөө нэг хэсэг нь хүлцэнгүй зөөлөн занг нь таалдаг байх жишээтэй.
Хэрэв нөхөр нь аливаа байдалд хямдхан боловч тов хийсэн хувилбарыг сонгодог бол гэр бүлд муугүй байж болох юм. Хайртай хүнтэйгээ харьцах харьцаагаа мухардалд оруулахгүй байхын тулд дутагдалтай талыг нь сайн зан чанараар нь тэмдэглэж байх хэрэгтэй.
Өндөр нисэх чадвар гэдэг нь анх л танд ямар сөрөг бодол төрсөн түүнийгээ магтаж сурах хэрэгтэй. Тухайлбал нэг бүсгүй найздаа "миний найз залуугийн халзан толгой наранд гэрэлтэхэд бий баяр хөөртэй бас хөгжилтэй болчихдог" хэмээн ярьсан байдаг. Иймд хэзээ ч хаана ч ямар ч үед хэн нэгэн хүнтэй танилцаж улмаар цаашид хайр сэтгэлийн холбоо тогтоохоор бол анхнаасаа л сөрөг бодлыг сэтгэлдээ бүү үүсгээрэй.
Аливаа бодол гэдэг санааных байдаг. Тантай учирсан хүн болгон зуун хувь таны төсөөлснөөр бас бодсоноор байдаггүйтэй адил магадгүй та ч гэсэн бусдад тэгж санагддаг байж болно шүү дээ. Иймд засаад аваад явж болохуйц бага зэрэг дутагдлыг их юманд бодож, өөрөөсөө тухайн хүнээ бүү түлхэж байгаарай.
Чөлөөт бүс
Цэвэр агаарт дугуй унавал уушги "баярладаг"
Унадаг дугуй нь анх дундад зуунд хоёр өнхөрдөг модон дугуйг холбосноор эхэлсэн. Анхны гинжит дугуйг 1885 онд бүтээсэн түүхтэй. Унадаг дугуй дэлхий дээрх хамгийн түгээмэл тээврийн хэрэгсэл болох автомашины дараа хоёрдугаарт ордог. Дугуй нь агаарын бохирдлыг бууруулах, замын түгжрэлийг арилгах байгаль, хүрээлэн буй орчинд ээлтэй, хүний эрүүл мэндэд ач тустай, эдийн засагт хэмнэлттэй, авсаархан хаана ч явах боломжтой маш олон зүйлээр автомашинаас давуу юм.
Унадаг дугуйг зориулалтаар нь уулын, спортын, жуулчны гэх мэтээр олон янзаар ангилдаг. Бид дугуй унаснаар эрүүл мэнд, амьдралдаа эерэг нөлөө үзүүлж, асар их хэмжээний ашиг тусыгөөртөө болон хүрээлэн буй орчноосоо мэдрэх болно. Бүх насныхан дугуй унах тохиромжтой бөгөөд эрүүл мэндэд ач тустай.
Унадаг дугуй унах нь эрүүл мэндэд дараах ач тустай.
1. Дугуй унах нь зүрх судас, амьсгалын замын тогтолцоонд сайнаар нөлөөлдөг. Цэвэр агаарт дугуй унаснаар уушиг бүрэн хүчин чадлаараа ажиллаж эхлэдэг.
2. Биеийн доод хэсгийн булчин болох гуя, шилбэ, нурууны булчинг чангалж өгдөг. Суудлын өвчтэй болон ташаа, өвдөг, үе хэсгээр гэмтэлтэй бол дугуй унах нь хөнгөн маягийн эмчилгээ болдгоороо давуу талтай.
3. Дугуй нь унах нь гүйхээс дутуугүй калори шатаадаг ба хэрэв суудал дээрээ биеэ цэх, гэдгэр байлгаж, зөв хийвэл хэвлийн булчинг ч чангалж өгдөг. Жин хасах зорилгоор дугуй унах гэж байгаа бол жирийн үеийнхээс хурдасгаж, дөчин таван минутаас илүү унаж байх ёстой .
4. Бодисын солилцоо сайжирснаар ходоод эрүүл байж, тэр хэсгийн өөхлөлт багасгаж, урт наслахад тань туслана.
5. Дугуй унах нь сэтгэл санаа тайвшруулж, эрүүл мэндэд сайнаар нөлөөлдөг.
6. Дугуй унах нь дархлааг дэмжиж хорт хавдраар өвдөх магадлал эрсдэлийг бууруулна. Амралт бас бяцхан аялал болж өгнө. Эрч хүч нэмэгдэнэ.
Анхаарах зүйлс:
- Өөрт тохирсон дугуйг сонго
- Хэрвээ та дугуй унах гэж байгаа бол эхлээд зайлшгүй бүрэн бүтэн байдлыг шалга.
- Хамгаалалтын малгай өмсөж хэвших ингэснээр тархины гэмтлээс өөрийгөө та бүрэн хамгаална.
- Хэрвээ та дугуй унаж сурах гэж байгаа бол аль эсвэл удаан хугацаагаар унаагүй удсан тохиолдолд засмал шулуун замд булчингаа дасгаж, аажимаар унаж эхлээрэй.
- Хөдөлгөөнд саад учруулахгүй биед эвтэйхэн хувцас сонгох.
Чөлөөт бүс
Хачигт халдварын идэвхжлийн үед анхаарал болгоомжтой байхыг зөвлөж байна
Хачигт халдварын идэвхжлийн үе эхэлсэн тул анхаарал болгоомжтой байхыг зөвлөж байна. Иргэд хачгийн идэвхжлийн үед буюу 4-10 дугаар сард биедээ, ялангуяа толгойн үстэй хэсэгт хачиг орсон эсэхийг өдөр тутамд шалгаж байх хэрэгтэй.
Хөдөө явахдаа хачгийг илрүүлэхийн тулд тод өнгийн хувцас өмсөж явах, хачиг илэрсэн тохиолдолд яаралтай авч хаяарай.
Хөдөө болон ойд явахдаа урт ханцуйтай хувцас, урт түрийтэй гутал, зузаан өмд өмсөж, хачиг нэвтрүүлэхгүйн тулд өмдний шуумгийг гутлын түрийний дотуур хийх, боломжтой бол хачиг үргээгч бодисыг хувцасны ханцуй, өмд рүү цацаж хэрэглэхийг зөвлөе.
Хэрвээ эмнэлэгт хандах боломжгүй газарт хачигт хазуулсан бол хазсан хачиг дээр эмнэлгийн цэнхэр спиртээр 2-3 удаа арчилт хийж, 1-2 минут хүлээгээд хавчаараар 45 градусын налуу өнцгөөр зөөлөн татаж авна.
Хачиг хазсан хэсэгт 1 хувийн повидон иодын уусмал (Тамедины уусмал)-ыг хөвөнд шингээж, цэвэр боолт хийнэ.
Хачигт хазуулсан тохиолдолд сэргийлэх зорилгоор эмчилгээ хийлгэх шаардлагатай тул яаралтай эмнэлэгт хандах нь зүйтэй.
Хачигт хазуулснаас хойш 3-14 хоногийн дотор халуурах, толгой өвдөх, хачиг хазсан газарт цагариг хэлбэрийн улайлт үүсэх, үрэвсэж шархлах, арьсан дээр гүвдрүүт тууралт гарах, огиулах, бөөлжих, нуруу, хүзүүний булчин хүчтэй өвдөх, ирвэгнэх, чичрэх, татах зэрэг шинж тэмдэг илэрвэл яаралтай эмнэлэгт хандах шаардлагатай.
Хачигт халдварын байгалийн голомтот ойн бүсэд ажиллаж, амьдарч байгаа иргэд хачигт энцефалит өвчнөөс сэргийлэх вакцин тариулаарай.
Ямаа, үхрийн түүхий сүү, цус зэргийг уухгүй байх, эдгээр амьтдын махыг сайтар болгож хэрэглэх нь халдвараас сэргийлнэ.
Чөлөөт бүс
Тайванид 1999 оноос хойш тохиолдоогүй хүчтэй газар хөдлөлт болжээ
Тайванид 1999 оноос хойш тохиолдоогүй хүчтэй газар хөдлөлт болжээ. Газар хөдлөлтийн гамшгийн улмаас нийт дөрвөн хүн амь үрэгдэж, 57 хүн бэртэж, гэмтсэн байна.
Орон нутгийн өдөр тутмын сонины мэдээлснээр, "Тароко" үндэсний паркад алхаж байсан гурван хүн хөрсний гулгалтаас болж амь насаа алджээ. Сургууль, цэцэрлэгийн хүүхдүүдийг аюулгүй талбайд нүүлгэн шилжүүлсэн бөгөөд 25 сая хүн үйлчлүүлдэг хот хоорондын галт тэрэгний үйлчилгээ тасалдсан байна. Мөн Дэлхийн хоёрдугаар дайны үед баригдсан сургуулийн барилгын хана, хийц бүтэц гэмтсэн аж.
1999 оны есдүгээр сарын 21-ний өдөр 7.7 магнитудын газар хөдлөлтийн аюулт үзэгдэл тохиолдож 2400 хүн амь үрэгдэж, 100 мянган хүн бэртэж гэмтсэн олон мянган барилга байгууламж сүйдэж байсан түүхэн гамшгаас хойш тохиолдож буй хоёр дахь том газар хөдлөлтийн аюулт үзэгдэл болсныг нутгийн удирдлагууд хэллээ гэж ОБЕГ-аас мэдээллээ.
-
Тод мэдээ2022/05/31
УИХ: Байнгын хороодын хуралдаан болно
-
Тод индэр2021/06/02
Гадаад харилцааны сайд Б.Батцэцэг ОХУ-ын Гадаад хэргийн сайд С.В.Лавровтай хэлэл...
-
Өнөөдөр2021/04/23
Бүх нийтийн бэлэн байдлын зэргийг 2021 оны 05 дугаар сарын 08-ны 06.00 цаг хүртэ...
-
Өнөөдөр2022/05/13
Үс шинээр үргээлгэх буюу засуулахад тохиромжгүй
Сэтгэгдэл