Бидэнтэй нэгдэх

Тод мэдээ

УНТЭ ХӨСҮТ-тэй ижил түвшний PCR шинжилгээний лабораторитай боллоо

Огноо:

,

Сэтгүүлч:

Улсын нэгдүгээр төв эмнэлэгт PCR шинжилгээ хийх молекул биологийн лаборатори шинээр байгуулж, ашиглалтад орууллаа. Энэ үеэр Монгол Улсын Ерөнхий сайд У.Хүрэлсүх, Азийн хөгжлийн банкны Монгол дахь суурин төлөөлөгч Павит Рамачандран нар лабораторийн үйл ажиллагааны нөхцөл, хүчин чадалтай танилцан, эрүүл мэндийн салбарын ажилтан албан хаагчдад  талархал илэрхийлж, ажлын амжилт хүсэв.

Ерөнхий сайд хэлсэн үгэндээ,

“Дэлхий нийтээрээ “КОВИД19”-ийнн халдварт цар тахалтай нүүр тулж, дор бүрнээ хичээн тэмцэж байгаа энэ үед Монгол Улс орон нутгаа халдваргүй бүс болгож, нийслэл дэхь халдварын тархалтыг тодорхой хэмжээнд хумиж ажиллаж байна. Энэ нь эрүүл мэндийн салбарын ажилтан албан хаагчдын хичээл зүтгэлийн үр дүн. Халдварын тархалтыг илрүүлэн шинжлэх ажлыг улам эрчимжүүлэх шаардлагатай энэ үед шинээр өндөр хүчин чадалтай лаборатори нээж байгаа нь цаг үеэ олсон чухал ажил. Үүнд Азийн хөгжлийн банкнаас дэмжлэг үзүүлсэнд талархаж байна. Удахгүй БНЭУ-аас “КОВИД19”-ийн эсрэг дархлаажуулалтын вакцин авах болсон. Нэн тэргүүнд эмч, эмнэлгийн ажилтнууд болон ахмад настнууд, эрхтэн шилжүүлэн суулгуулсан иргэн зэрэг эрсдэлтэй бүлгийн иргэдээ хамруулахаар төлөвлөж байна” гэлээ.

УНТЭ-т лаборатори нээснээр Улаанбаатар хотод ХӨСҮТ, ЗӨСҮТ, НЭМҮТ гээд нийт дөрвөн газарт PCR шинжилгээг зэрэг хийх боломжтой болж байна. Энэ нь Улаанбаатар хотын PCR шинжилгээний хүчин чадлыг 25 хувиар нэмэгдүүлж байгаа гэсэн үг юм. Лаборатори хоногт 6000-8000 шинжилгээ хийж 24 цагаар ажиллана. Нийт 1,91 тэрбум төгрөгийн хөрөнгө оруулалтаар БНСУ-ын Seegene үйлдвэрийн  Bio-Rad CFX96 маркийн PCR, БНХАУ-ын Sansure Biotech Natch CS маркийн нуклейн хүчил ялгагч зэрэг дэлхий дахинаа хамгийн сүүлийн үед хэрэглэгдэж буй, хүчин чадал өндөртэй нарийвчлалтай шинжилгээнүүдийг хийдэг аппарат,  хэрэгслээр лабораторийг тоноглосон байна.

Ажиллах боловсон хүчнийг сургалтад хамруулж бэлтгэн, орон нутгийн долоон аймгаас 14 эмч, лабораторийн ажилтныг татан байршуулж ажиллуулж байна.

Дэлгэрэнгүй унших
сурталчилгаа
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод мэдээ

НҮБ-ын ЕНБД Антонио Гутерреш монгол ахуй соёлтой танилцлаа

Огноо:

,

Монгол Улсын Ерөнхийлөгч, Зэвсэгт хүчний Ерөнхий командлагч У.Хүрэлсүхийн урилгаар НҮБ-ын Ерөнхий нарийн бичгийн дарга Антонио Гутерреш албан ёсны айлчлалыг эдгээр өдрүүдэд хийж байгаа НҮБ-ын Ерөнхий нарийн бичгийн дарга Антонио Гутеррешийг Монгол уламжлал, ахуй соёлтой танилцуулах, бэсрэг наадмыг Монгол Номадс жуулчны баазад зохион байгууллаа.

Тус арга хэмжээнд Батлан хамгаалах яамны сайд Г.Сайханбаяр, Гадаад харилцааны сайд Б.Батцэцэг, Монгол Улс дахь НҮБ-ын суурин зохицуулагч Тапан Мишра, БХЯ-ны Гадаад хамтын ажиллагааны газрын дарга Б.Бат-Эрдэнэ тэргүүтэй төлөөлөгчид байлцлаа.

Монгол улс цэнхэр дуулгатнаа олон улсын энхийг сахиулах ажиллагаанд илгээсний 20 жилийн ой энэ жил тохиож байгаа. Уг тэмдэглэлт түүхэн ойд зориулсан бэсрэг наадамд Цэргийн Дуу Бүжгийн Эрдмийн чуулгын хамт олон уртын дуугаа өргөж, ардын бүжгээ толилуулав. Мөн малчин айлд зочилж, монгол ахуй соёлтой танилцуулж, эрийн гурван наадмыг үзэж сонирхов.

НҮБ-ын Ерөнхий нарийн бичгийн дарга Антонио Гутерреш  бэсрэг наадмыг үзэж сонирхсоны дараа “Халуун дулаанаар угтаж авсан Монгол орон мөн Батлан хамгаалахын сайд Г.Сайханбаяр танд гүн талархал илэрхийлье. Монголын түүх бол Зэвсэгт хүчний түүх гэдэгтэй энэ цаг мөчид санал нийлж буйгаа энд онцолъё.

Ийм баялаг түүх, зан заншилтай ард түмэн тэр дундаа Монгол Улсын Энхийг сахиулагчид бусад улс орны энхийг сахиулагчдаас эр зориг, шаламгай байдал, дайчин чанараараа үргэлж ялгарч байдагт гайхах зүйлгүй мэт санагдав.

Монгол Улсын энхийг сахиулагчдын дайчин эрэмгий байдал Монгол түмний цусанд байдаг аж. Үүнийг энэхүү бэсрэг наадмыг үзээд илүү ихээр ойлголоо” хэмээн сэтгэгдлээ хуваалцлаа.

Эх сурвалж: Соёмбо редакц

Дэлгэрэнгүй унших

Тод мэдээ

Алтанбулаг логистикийн төв байгуулах ТЭЗҮ боловсруулах төслийн тайлангийн хурал болов

Огноо:

,

БНСУ-ын КОТРА (Korea Trade-Investent Agency) буюу Гадаад худалдааны агентлагаас мэдлэг хуваалцах хөтөлбөрийн хүрээнд, Монгол Улсын Зам, тээврийн хөгжлийн яамтай хамтран хэрэгжүүлж буй “Алтанбулаг логистикийн төв байгуулах ТЭЗҮ” боловсруулах төслийн үр дүнг танилцуулах тайлангийн хурал 2022 оны 8 дугаар сарын 09-ний өдөр боллоо.

Хурлыг нээж Зам, тээврийн хөгжлийн яамны Төрийн нарийн бичгийн дарга С.Батболд, тус төслийн тэргүүн зөвлөх Ё Хёнг Гү нар үг хэлэв. Төрийн нарийн бичгийн дарга С.Батболд хуралд оролцогчдод мэндчилгээ дэвшүүлж, тус яамнаас гаргасан хүсэлтийг хүлээн авч, дэмжин ажиллаж байгаа БНСУ-ын KOTРA, худалдаа, хөрөнгө оруулалтыг дэмжигч агентлаг, төслийн багийн эрдэмтэн, судлаачдад талархал илэрхийлэв. Түүнчлэн энэхүү төсөл нь Монгол Улсад тээвэр, логистикийн үйл ажиллагааг олон улсын жишигт нийцүүлэн хөгжүүлэхэд томоохон хувь нэмэр үзүүлнэ гэдэгт найдаж байгааг дурдав.

Төслийн ахлах судлаач И Сан Чоль төслийг хэрэгжүүлэхэд гурван үе шаттайгаар зохион байгуулах боломжтойг, зардал, эдийн засгийн үр ашгийн тооцоо, бүс нутгийн хэмжээнд гарах эерэг үр дагаврууд, судалгааг дэлгэрэнгүй танилцуулж, харилцан санал солилцов. 

Монгол Улсын Засгийн газраас Алтанбулаг хилийн боомтод логистикийн төв байгуулах асуудалд онцгой анхаарч, бодлого чиглэлийг тодорхойлоод байгаа билээ. Энэ хүрээнд Монгол Улсын Их Хурлын тогтоолоор батлагдсан “Алсын хараа-2050” Монгол Улсын урт хугацааны хөгжлийн бодлогын эдийн засгийн хөгжлийн тэргүүлэх чиглэлийн зорилтод “Дамжин өнгөрүүлэх тээвэр, худалдаа, экспортод чиглэсэн үйлдвэрлэлийг тээвэр, логистик, хилийн дэд бүтцийн хамт байгуулан эдийн засгийн эрчимтэй өсөлтийг хангана”; “Хөдөө аж ахуй, тээвэр логистик, төрөлжсөн аялал жуулчлалын салбарыг бүс, орон нутгийн хөгжлийг дэмжих замаар хөгжүүлнэ” гэж заасан юм. Монгол Улсын чухал ач холбогдол бүхий хилийн боомтуудын нэг нь Сэлэнгэ аймгийн Алтанбулаг боомт билээ.

Эх сурвалж: ЗТХЯ

Дэлгэрэнгүй унших

Тод мэдээ

“Залуучуудын хөгжлийн сар”-ын хүрээнд соёлын салбарын залуучуудыг дэмжин ажиллаж байна

Огноо:

,

Соёлын яамны дэргэд соёл, урлагийн 14 чиглэл, 21 аймаг орон нутагт соёлын салбарын Залуучуудын хөгжлийн зөвлөл байгуулан, салбарын хөгжилд залуусын оролцоо манлайллыг нэмэгдүүлэхэд анхаарч ажиллаж байна.

Жил бүрийн 8 дугаар сарын 12 - “Олон улсын залуучуудын өдөр”, 8 дугаар сарын 25 - “Монголын Залуучуудын өдөр” тохиодог ба 8 дугаар сарыг “Залуучуудын хөгжлийн сар” болгон тэмдэглэн өнгөрүүлж, салбар бүр залуучуудын асуудалд анхаарлаа хандуулж, тэдэнд зориулсан олон талт арга хэмжээг зохион байгуулж, залууст ээлтэй шийдвэр гарган ажиллахыг Монгол Улсын Засгийн газар болон НҮБ-ын Хүн амын сангаас уриалдаг. "Залуучуудын хөгжлийн сар"-ын хүрээнд Соёлын яам салбарын залуучуудаа дэмжин “Нүүдэлчин Монгол 2022” соёлын биет бус өвийн их фестивальд “Соёлын өвийн хүрээ-үзэнгээ суралцъя” үйл ажиллагаанд соёлын биет бус өвөө өвлөн уламжлагч залуус өөрсдийн бүтээл туурвилаараа оролцохоос гадна, хүүхэд залууст зааж сургах, фестивалийн зохион байгуулалтад орж ажиллахаар бэлтгэл ажлаа хангаж байна.

“Нүүдэлчин Монгол 2022” соёлын биет бус өвийн фестивальд:

Соёлын яамны Залуучуудын хөгжлийн зөвлөл

Соёлын биет бус өвийг өвлөн уламжлагч залуучуудын хөгжлийн зөвлөл

Соёл, урлагийн менежер залуучуудын хөгжлийн зөвлөл

Дүрслэх урлагийн залуучуудын хөгжлийн зөвлөл

Тайз дэлгэцийн урлагийн залуучуудын хөгжлийн зөвлөл

Дууны урлагийн залуучуудын хөгжлийн зөвлөл

Баян-Өлгий аймгийн Соёлын салбарын залуучуудын хөгжлийн зөвлөлөөс бүрдсэн нийт 32 залуус Соёлын биет бус өвийн 7 ай савын хүрээнд Эх хэл, аман уламжлал, илэрхийлэл, Ардын язгуур урлаг, Уламжлалт баяр наадам, зан үйл, ёс, тоглоом наадгай уриа дуудлага, Байгалийн болон сав шим ертөнцийн тухай мэдлэг, зан үйл, Уламжлалт арга ухаан, Уламжлалт гар урлалын өргөө, Хүүхдийн хүрээний нэгдсэн хөтөлбөрт орж ажиллах юм гэж Соёлын яамнаас мэдээллээ.

Дэлгэрэнгүй унших
сурталчилгаа
Тод мэдээ2022/08/11

НҮБ-ын ЕНБД Антонио Гутерреш монгол ахуй соёлтой танилцлаа

Өнөөдөр2022/08/11

Үс шинээр үргээлгэх буюу засуулбал эд, мал арвидна

Тод мэдээ21 цаг 20 минут

Алтанбулаг логистикийн төв байгуулах ТЭЗҮ боловсруулах төслийн тайла...

Тод мэдээ21 цаг 22 минут

“Залуучуудын хөгжлийн сар”-ын хүрээнд соёлын салбарын за...

Тод мэдээ21 цаг 26 минут

Автобусны 200 буудлыг ариутган халдваргүйжүүлнэ

Тод мэдээ21 цаг 28 минут

Германы тамирчин Гиидо Кунзе Монголд дугуйгаар аялж, Гиннесийн амжил...

Тод мэдээ21 цаг 30 минут

Ерөнхийлөгч У.Хүрэлсүх, НҮБ-ын Ерөнхий нарийн бичгийн дарга Антонио ...

Тод мэдээ21 цаг 34 минут

1970-1980 онд баригдсан цэцэрлэг, сургууль, орон сууцанд дулааны алд...

Тод индэр21 цаг 36 минут

Эгийн голын усан цахилгаан станцын төсөлд НҮБ дэмжлэг үзүүлнэ

Өнөөдөр21 цаг 43 минут

Улаанбаатарт өдөртөө 25 хэм дулаан

Өнөөдөр21 цаг 47 минут

Цэцэрлэгийн элсэлтийг “E-Mongolia” цахим системээр зохио...

Өнөөдөр21 цаг 54 минут

Үс шинээр үргээлгэх буюу засуулбал жаргал ирнэ

Санал болгох