Бидэнтэй нэгдэх

Тод индэр

Эх орноороо өөрийн эрхгүй бахархаж байна

Огноо:

,

Сэтгүүлч:

Зэвсэгт хүчний 150 дугаар ангийн хүний нөөцийн офицер, ахмад М.ХИШГЭЭ:

-Би Дундговь аймгийн Эрдэнэдалай суманд төрсөн. Зэвсэгт хүчинд 21 дэх жилдээ алба хааж байна. Нөхөр, охины хамт амьдардаг, миний хань мөн цэргийн хүн. Миний бие Афганистан Улсад Герман Улсын Зэвсэгт хүчний цэргийн багтай хамтран үүрэг гүйцэтгэж буй цэргийн хамгаалалтын XIII ээлжид буюу анх удаа энхийг сахиулах ажиллагаанд үүрэг гүйцэтгэж байна.

Монгол Улс энхийг сахиулах ариун үйлсэд цэргээ илгээж эхэлснээс хойш 19 жилийг үдэж, дэлхийн хэмжээнд цэрэг хандивлагч топ улсуудын нэг болжээ. Энэ хугацаанд НҮБ-ын болон НАТО-гийн ажиллагаанд Монголын энхийг сахиулагчид Монгол Улс, Зэвсэгт хүчнийхээ нэр хүндийг өндөрт өргөж үүргээ амжилттай биелүүлж байна. Манай цэргийн баг Исламын Бүгд Найрамдах Афганистан Улсын хойд бүсийн цэргийн командлалын харьяанд үүрэг гүйцэтгэж байгаа бөгөөд бидний үндсэн үүрэг бол баазын аюулгүй байдлыг хангах юм. Маш хариуцлагатай, өндөр сонор сэрэмж шаарддаг. Монгол цэргүүд ажиллагааны туршлага, авхаалж самбаа, эр зориг, тэсвэр хатуужил, бие бялдар, сэтгэл зүй гээд бүхий л талаараа бэлтгэгдэж, сургагдсан нь үүрэг гүйцэтгэлтийн явцад үргэлж харагддаг. Мөн Зэвсэгт хүчнээ сурталчилж гаднын орны цэргүүдэд урлаг соёлын тоглолт, монгол үндэснийхээ зан заншлаа танилцуулж, гардан тулаан, жагсаалын үзүүлэх тоглолтууд сонирхуулдаг. Мэргэжлийн ур чадвар өндөртэй удирдлага, хамт олонтой мөр зэрэгцэн алба хааж байгаадаа бахархалтай байна.

Миний хувьд оролцсон сургалт, дадлага олон ч яг ажиллагааны газар оронд үүрэг гүйцэтгэх тийм амар ажил биш гэдгийг ойлгож мэдэрч, их ч зүйл сурч байна. Хамгийн чухал нь олон орны цэргийн алба хаагчидтай хамтарч үүрэг гүйцэтгэснээр харилцан бие биеэсээ суралцаж, маш их туршлага хуримтлуулж байгаа явдал. Мөн цэргийн алба хаагчдад эдийн засгийн хувьд том хөрөнгө оруулалт болдог. Эмэгтэй хүний хувьд орон нутгийн иргэдийн аж, амьдрал их анхаарал татаж өрөвдөх сэтгэл төрсөн. Хүний нутагт үүрэг гүйцэтгэж байх үед Монгол Улсынхаа иргэн болж ийм сайхан оронд амьдарч, аж төрж байгаадаа баярлаж, эх орноороо өөрийн эрхгүй бахархаж байна даа. Даян дэлхийн энх тайваны төлөө зүтгэж байгаа нийт энхийг сахиулагч нартаа баярын мэнд хүргэе.

"Соёмбо" сонин Дэд хурандаа Х.ГАНЗУЛ

Дэлгэрэнгүй унших
сурталчилгаа

Сэтгэгдэл

Тод индэр

Г.Занданшатар: Хөдөө аж ахуйд суурилсан өрхийн үйлдвэрлэлийг хөгжүүлснээр экспортын бүтээгдэхүүнийг нэмэгдүүлнэ

Огноо:

,

УИХ-ын дарга Г.Занданшатар “Ард түмнээ сонсъё” аяны хүрээнд орон нутагт ажиллаж байна. Тэрээр Улсын Их Хурлын 2022 оны Намрын ээлжит чуулган завсарласан энэ үеэр орон даяар иргэд, олон нийтийн төлөөлөлтэй уулзаж, ажлаа тайлагнахын зэрэгцээ тулгамдсан асуудлуудаар санал, мэдээлэл солилцохыг уриалсан.

УИХ-ын дарга уг аяны хүрээнд Баянхонгор аймагт ажиллаж буй бөгөөд Жинст, Богд, Бууцагаан болон Бөмбөгөр сумдын малчид, иргэдийн төлөөлөлтэй уулзсан юм. Баянхонгор аймгийн хувьд малчдын зөвлөгөөнийг зохион байгуулж, баг бүрийн төлөөлөл болсон малчин иргэд уламжлалт аж ахуй, өв соёлоо эрхэмлэсэн тэмцээн уралдаан, салбар хэлэлцүүлэг, чөлөөт уулзалтуудад оролцож байгаа юм. Малчдын зөвлөгөөний үеэр сумдын удирдлагууд өнгөрсөн онд орон нутагт хийж хэрэгжүүлсэн онцлох хөтөлбөрүүд, тэр дундаа малчдын нийгмийн хамгаалал, өрхийн үйлдвэрлэлд чиглэсэн зорилтот ажлуудаас танилцуулсан юм.

УИХ-ын дарга Г.Занданшатарын хувьд УИХ-ын намрын чуулганаар хэлэлцэн баталсан зарим хуулиуд, ард түмний мэдэх эрхийг хангах, хянан шалгах чиг үүргийн хүрээнд хийсэн ажлууд, Зөвлөлдөх санал асуулгын зарчим, ач холбогдол, Шинэ сэргэлт-Эрх зүйн шинэчлэл цогц хөтөлбөрийн талаар танилцуулж, иргэдийн сонирхсон асуултад хариуллаа.

Түүнчлэн сумдын иргэдтэй уулзах үеэр олон нийтийн зүгээс тэтгэвэр, тэтгэмжтэй холбоотой өөрчлөлтүүд,орон нутагт ажлын байр нэмэгдүүлэх зорилтот ажлууд, эрүүл мэнд болон боловсролын үйлчилгээг сайжруулах талаар зарим санал санаачилгуудыг иргэд хэлж байв. Мөн УИХ-ын дарга Г.Занданшатар Баянхонгор аймгийн бизнес эрхлэгчдийн төлөөлөлтэй өглөөний уулзалтад оролцож, баялаг бүтээгчдийг бодитоор дэмжих шийдлүүдийн хүрээнд харилцан санал солилцлоо.

Орон нутагт бүтээн байгуулалтыг нэмэгдүүлж, хөрөнгө оруулалтыг татах, жижиг дунд үйлдвэрлэл эрхлэгчдийг хөнгөлөлттэй зээлээр дэмжих, ажиллах хүчнийг төвлөрүүлэх талаар уулзалтад оролцогчид онцолж байсан юм.

Дэлгэрэнгүй унших

Тод индэр

Зудын эрсдэл, нөлөөллөөс хүүхэд багачуудаа хамтдаа хамгаалцгаая

Огноо:

,

НҮБ-ын Хүүхдийн Сангийн баг цас зудын байдалтай байгаа баруун аймгийн зарим сумдад ажиллаж нөхцөл байдалтай танилцаж газар дээр нь тодорхой дэмжлэг үзүүллээ.

Аймаг, орон нутгийн захиргаа, малчид хамтран өвөлжилтийн бэлтгэл хангасан хэдий ч энэ өвөл урьд жилүүдээс илүү хүйтэрсэн, зун ногооны гарц муу гантай байсантай холбоотойгоор өвөлжилт хүндрэхэд нөлөөлсөн тухай малчид ярьж байна.

Зудад өртсөн малчдад эрүүл мэнд болон нийгмийн суурь тусламж үйлчилгээг цаг алдалгүй хүргэхэд машин техник, бензин түлш, эм, өвс тэжээл зайлшгүй хэрэгтэй байна.

Ялангуяа малчдын хүүхдүүдэд дулаан гутал хувцас, эм витамин хэрэгцээтэй байгаагаас гадна зам цасанд хаагдаж алслагдсан бүс нутгийн сурагчид сургуульдаа ирж чадахгүй улмаар хичээл, цэцэрлэгээсээ завсардах эрсдэлтэй байна.

НҮБ-ын Хүүхдийн Сангаас хамтрагч байгууллагууд болон иргэд олон нийтийг зудад өртсөн айл өрх, хүүхдүүдэд хамтдаа туслалцаа үзүүлэхийг уриалж байна.

 

Эх сурвалж: НҮБ-ын Хүүхдийн Сан

Дэлгэрэнгүй унших

Тод индэр

Г.Занданшатар: Эх оронч худалдан авалт хийж, үндэсний үйлдвэрлэгчдээ дэмжицгээе

Огноо:

,

УИХ-ын дарга Г.Занданшатар 2023 оны нэгдүгээр сарын 31-ний өдөр Нийслэлийн Засаг даргын Тамгын газар, Нийслэлийн Жижиг, дунд үйлдвэр, үйлчилгээг дэмжих төв НӨҮГ-ын хамтран зохион байгуулж байгаа “Амар байна уу 2023” сар шинийн баярт зориулсан үзэсгэлэн худалдаагаар зочлон, жижиг дунд үйлдвэрлэл эрхлэгчидтэй уулзлаа.

“Амар байна уу 2023” сар шинийн баярт зориулсан үндэсний үйлдвэрлэл эрхлэгчдийн өргөтгөсөн үзэсгэлэн худалдаа нь "Гадаадаас гарын бэлэг авахгүй Үндэсний үнэнч хэрэглэгчийг бий болгоё" уриатайгаар 21 аймаг, есөн дүүргийн 1000 гаруй жижиг дунд үйлдвэрлэл эрхлэгчийн 40 орчим мянган төрлийн бүтээгдэхүүнийг  “Шинэ 100 Айл” худалдааны төвд дэлгээд байна.

Энэ үеэр УИХ-ын дарга Г.Занданшатар иргэдэд хандан уриалга дэвшүүллээ. Тэрбээр "Жижиг дунд үйлдвэрлэл эрхлэгчид болон аж ахуй нэгж, иргэдийн сэтгэл шингэсэн ажил хөдөлмөрийг үнэлэн нийт Монголчууд маань эх оронч худалдан авалтыг хийж, аймгуудын брэнд бүтээгдэхүүнийг бие биедээ бэлэглэцгээе ээ. Бид уламжлалт цагаан сарын баяраар 1.3 их наяд төгрөгийн худалдан авалт жил бүр хийдэг. Үүний  70 гаруй хувь буюу нэг их наяд төгрөгийн  мөнгөн урсгалыг гадагшаа гаргадаг. Энэ  мөнгөн урсгалыг дотооддоо үлдээх, үндэсний мөнгөн тэмдэгтийнхээ үнэ цэнийг нэмэгдүүлэх үүднээс сар шинийн баяраар дотооддоо үйлдвэрлэсэн бараа бүтээгдэхүүнийг хэрэглэж, үндэсний үйлдвэрлэгчдээ дэмжицгээе" хэмээлээ.

Уг үзэсгэлэн худалдаа 2023 оны нэгдүгээр сарын 20-ны өдрөөс хоёрдугаар сарын 20-ныг дуустал зохион байгуулагдана. Ташрамд дурдахад төр, хувийн хэвшлийн хамтын ажиллагааны хүрээнд үндэсний үйлдвэрлэл, бизнес эрхлэгчдээ дэмжиж “Шинэ 100 айл” худалдааны төв түрээсийн төлбөргүйгээр энэхүү үзэсгэлэнг худалдааг дэмжин оролцсон байна хэмээн УИХ-ын  Хэвлэл мэдээлэл, олон нийттэй харилцах хэлтсээс мэдээлэв.

Дэлгэрэнгүй унших
сурталчилгаа
Тод мэдээ2023/02/02

Компанийн засаглалын тогтолцоог системийн инженерчлэлийн аргаар бэхж...

Тод мэдээ2023/02/03

Хог тээвэрлэлтийг уртасгасан цагаар зохион байгуулна

Тод индэр2023/02/03

Г.Занданшатар: Хөдөө аж ахуйд суурилсан өрхийн үйлдвэрлэлийг хөгжүүл...

Тод мэдээ2023/02/03

Япон улсаас Монгол Улсад жуулчин хүлээн авдаг тур компанийн төлөөлөл...

Тод мэдээ2023/02/03

ЗТХЯ: Хамтарсан зохицуулах хорооны хурал боллоо

Тод мэдээ2023/02/03

Монголбанк: Нэгдүгээр сард 519.8 кг үнэт металл худалдан авлаа

Тод индэр2023/02/03

Зудын эрсдэл, нөлөөллөөс хүүхэд багачуудаа хамтдаа хамгаалцгаая

Тод мэдээ2023/02/03

УИХ-ын гишүүн Ж.Чинбүрэн БНСУ-ын Үндэсний сүрьеэгийн нийгэмлэгийн тө...

Өнөөдөр2023/02/03

Улаанбаатарт өдөртөө 11 хэм хүйтэн

Өнөөдөр2023/02/03

Үс шинээр үргээлгэх буюу засуулбал жаргал ирнэ

Тод мэдээ2023/02/02

ЗГ: Инновацын төсөл хэрэгжүүлэгчдэд хөнгөлөлт, чөлөөлөлт эдлэх болом...

Тод мэдээ2023/02/02

ЗГ: “Засгийн газрын хэрэгжүүлэгч агентлаг-Хөрөнгө оруулалт, ху...

Санал болгох