Бидэнтэй нэгдэх

Тод мэдээ

“Гандантэгчэнлин хийд” орчмыг соёл, аялал жуулчлалын бүс болгон хөгжүүлнэ

Огноо:

,

Сэтгүүлч:

Монгол Улсын Засгийн газрын хуралдаанаар Баянгол дүүргийн 16 дугаар хороо, Гандан орчмыг соёл, аялал жуулчлалын бүс болгон хөгжүүлэх саналыг дэмжиж, техник эдийн засгийн үндэслэл, зураг төслийг боловсруулах үүрэг, чиглэлийг өглөө.

Баянгол дүүргийн 16 хороо Гандантэгчэнлин хийд орчим нь 55.8 га талбайг хамрах бөгөөд тус хэсэгт 1642 өрхийн 5743 иргэн оршин сууж байна. Мөн 2538 барилга, байгууламж байрлах бөгөөд 174 аж ахуй нэгж, байгууллага шашны эд зүйлсийн худалдаа, авто машины засвар, үйлчилгээ эрхэлдэг.  Гадаадын жуулчдын хамгийн түрүүнд очиж сонирхдог газруудын нэг бол Гандантэгчилэн хийд юм. Жанрайсэг дуганыг сонирхож орсон жуулчдын тоо 2015 онд 25.000, 2018 онд 30.000, 2019 онд 32.000 болж жилээс жилд нэмэгдэж байна. 

2015 онд “Гандантэгчэнлин хийд” орчмын гэр хорооллын шинэчилсэн дахин төлөвлөлтийг боловсруулж, Нийслэлийн Иргэдийн Төлөөлөгчдийн Хурлаар баталсан. Тус төлөвлөлтөөр 55.8 га нутаг дэвсгэрт 1568 өрхийн 6740 иргэн оршин суухаар тооцжээ. Ингэхдээ барилгын давхрын дээд хязгаарыг 5 давхар, барилгын өндрийн дээд хязгаарыг 15 м байхаар төлөвлөсөн байдаг. 2012 оноос “Монголын зүрхэн шүтээн”, “Худалдаа үйлчилгээний гудамж”, “Гандантэгчэнлин хийд орчмын төв хаалгыг бүтээн байгуулах”, “Түүхэн байшин сууц, хашааг хадгалж хамгаалах”, “Түүх, шашны соёлыг дэлгэрүүлэх “Богд зонхова” цогцолбор” зэрэг төсөл, хөтөлбөрүүдийг улс, нийслэлийн төсөв, хувийн хэвшлийн хөрөнгө оруулалт, иргэдийн хандив тусламжаар хэрэгжүүлэх ажил хийгдэж байна.

Гандантэгчэнлин хийд орчмыг хөгжүүлэх чиглэлээр 400 өрхөөс судалгаа авсан. Судалгаанд хамрагдсан иргэд 2015 онд батлагдсан хэсэгчилсэн ерөнхий төлөвлөгөөг шинэчлэх шаардлагагүй, газар чөлөөлөлтийн үйл ажиллагаанд оролцохгүй буюу өөрсдийн газартаа бүтээн байгуулалт хийх, инженерийн дэд бүтцийн төвлөрсөн шугам сүлжээнд холбогдох саналтай байгаа аж.  Цаашид “Гандантэгчинлэн хийд” орчмыг соёл, аялал жуулчлалын бүс болгон хөгжүүлэх техник эдийн засгийн үндэслэл, зураг төслийг боловсруулж хэрэгжүүлэх юм.

НИЙСЛЭЛИЙН ХОТ БАЙГУУЛАЛТ, ХӨГЖЛИЙН ГАЗАР

Дэлгэрэнгүй унших
сурталчилгаа
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод мэдээ

Боловсролын салбарын хурдасгуур санаачилга хөтөлбөрийг Монгол Улсад хэрэгжүүлнэ

Огноо:

,

Боловсрол, шинжлэх ухааны сайд Л.Энх-Амгалан Дэлхийн эдийн засгийн чуулга уулзалт байгууллагын Ази, Номхон далайн бүсийн дарга Жүү-Ок Лиг хүлээн авч уулзлаа. Тэрбээр Боловсролын салбарын хурдасгуур (Education Accelerator) санаачилга болон 2023 онд болох Дэлхийн эдийн засгийн чуулга уулзалтын бэлтгэл ажлын талаар мэдээлэл өгөв.

Энэхүү санаачилга нь аж үйлдвэрлэлийн IV хувьсгалыг хэрэгжүүлэх шаардлагатай боловсролын хандлага буюу төр, хувийн хэвшлийн хамтын ажиллагааны загвар бий болгох, бага, дунд боловсрол, сургалтын тогтолцоог шинэчилж ирээдүйн эдийн засаг, нийгэмд шаардагдах ур чадвартай гишүүдийг бэлтгэх зорилготой. Энэ хүрээнд мэдлэг, туршлага солилцох түншээр Финланд улстай хамтран ажиллаж байгаа бөгөөд Бангладеш, Өмнөд Африк улсад төслийг хэрэгжүүлж эхлээд байгаа юм.

Уулзалтаар Боловсрол, шинжлэх ухааны сайд Дэлхийн эдийн засгийн чуулга уулзалт байгууллагаас санаачлан хэрэгжүүлж буй Боловсролын салбарын хурдасгуур санаачилга хөтөлбөрийг Монгол Улсад хэрэгжүүлэхэд идэвх санаачилгатай оролцохоо хэлэв. Санаачилгыг хэрэгжүүлэгч бусад улс орнуудын сайн туршлага, үр дүнгээс хуваалцахад таатай байгаагаа илэрхийллээ гэж Боловсрол, шинжлэх ухааны яамнаас мэдээллээ.

Дэлгэрэнгүй унших

Тод мэдээ

Х.Янжингаажидын нэхэмжлэлтэй хэргийг хяналтын шатны шүүх хуралдаанаар хэлэлцүүлэхээс татгалзав

Огноо:

,

Улсын дээд шүүхийн Захиргааны хэргийн танхимын нийт шүүгчийн хуралдаанаар Х.Янжингаажидын нэхэмжлэлтэй Улсын бүртгэлийн ерөнхий газрын Хяналт шалгалтын газрын хяналтын улсын байцаагч Ц.Отгонцэцэгт холбогдох хэргийг хариуцагч болон гуравдагч этгээдийн өмгөөлөгчийн тус тус гаргасан гомдлын дагуу хяналтын шатны шүүх хуралдаанаар хэлэлцүүлэх эсэхийг 2022 оны 10 дугаар сарын 4-ний өдөр хэлэлцлээ.

Танхимын нийт шүүгчийн хуралдаанаас хариуцагч болон гуравдагч этгээдийн өмгөөлөгчийн тус тус гаргасан гомдлыг хяналтын шатны шүүх хуралдаанаар хэлэлцүүлэх талаар 4, түүнээс дээш шүүгч санал гаргаагүй, эдгээр гомдол нь Захиргааны хэрэг шүүхэд хянан шийдвэрлэх тухай хуулийн 123 дугаар зүйлийн 123.2-т заасан үндэслэлд хамаарахгүй гэж үзэж, уг хэргийг хяналтын шатны шүүх хуралдаанаар хэлэлцүүлэхээс татгалзаж шийдвэрлэв.

Эх сурвалж: Монгол Улсын дээд шүүх

Дэлгэрэнгүй унших

Тод мэдээ

АТГ: Авлигын эсрэг сургалтад 548 иргэн, албан тушаалтныг хамруулав

Огноо:

,

Авлигатай тэмцэх газрын Урьдчилан сэргийлэх, соён гэгээрүүлэх хэлтэс нь 2022 оны 9 дүгээр сарын 26-30-ны өдрүүдэд авлигаас урьдчилан сэргийлэх чиг үүргийн хүрээнд Баянзүрх дүүргийн Цагдаагийн газар, Шүүхийн шийдвэр гүйцэтгэх ерөнхий газар, Сүхбаатар аймгийн Засаг даргын Тамгын газар, Боловсролын ерөнхий газар, Онцгой байдлын ерөнхий газар, Дорнод аймгийн Засаг дарга зэрэг төрийн байгууллага, албан тушаалтанд хүргүүлсэн зөвлөмж болон мөрдөгчийн мэдэгдлийн биелэлттэй танилцах, дүн шинжилгээ хийх чиглэлээр хамтран ажиллав.

Авлигын эсрэг олон нийтийг соён гэгээрүүлэх, хууль тогтоомжийг таниулан сурталчлах 6 удаагийн сургалтыг зохион байгуулж, нийт 548 иргэн, албан тушаалтныг хамрууллаа.

Дэлгэрэнгүй унших
сурталчилгаа
Тод мэдээ3 цаг 43 минут

Боловсролын салбарын хурдасгуур санаачилга хөтөлбөрийг Монгол Улсад ...

Тод мэдээ3 цаг 47 минут

Х.Янжингаажидын нэхэмжлэлтэй хэргийг хяналтын шатны шүүх хуралдаанаа...

Тод мэдээ3 цаг 50 минут

АТГ: Авлигын эсрэг сургалтад 548 иргэн, албан тушаалтныг хамруулав

Тод мэдээ3 цаг 54 минут

Улаанбуудайн хураалт 42.1 хувьтай үргэлжилж байна

Тод мэдээ3 цаг 56 минут

Орчны бохирдлыг бууруулах үндэсний хороо агаарын бохирдлын эсрэг шуу...

Тод мэдээ3 цаг 58 минут

С.Бямбацогт: Төмөр замын “Цоргоо” олон болгоход бодлогоо...

Тод индэр4 цаг 1 минут

Б.Баярдаваа: Инфляцыг 6+/-2 хувийн зорилтын орчимд тогтворжуулах мөн...

Өнөөдөр4 цаг 3 минут

Монгол, Хятадын хилийн боомтын ажиллах цагийн хуваарь

Өнөөдөр4 цаг 6 минут

Улаанбаатарт өдөртөө 5 хэм дулаан

Өнөөдөр4 цаг 9 минут

Үс шинээр үргээлгэх буюу засуулбал эрч хүч ихсэнэ

Тод мэдээ2022/10/04

Суурьшлын бүс дэх зөвшөөрөлгүй оршуулсан шарилуудыг нүүлгэн шилжүүлн...

Тод мэдээ2022/10/04

"ЗУРА 2: Цурам ажиллагаа" кино үзэгчдийн тоогоор тэргүүлж ...

Санал болгох