Тод мэдээ
БГД-ийн ИТХ-ын ээлжит хуралдаан боллоо
Монгол улсын засаг захиргаа нутаг дэвсгэрийн нэгж, түүний удирдлагын тухай хууль, дүүргийн ИТХ-ын дэгийн 4.8-д зааснаар хуралд оролцвол зохих 41 төлөөлөгчөөс танхимаар 23, цахимаар 15 төлөөлөгч оролцож 92 хувийн ирцтэйгээр хуралдаан эхэлсэн.
Хурлаар дараах асуудлуудыг хэлэлцлээ. Үүнд:-Өвөлжилтийн бэлтгэл ажил, авч хэрэгжүүлж буй арга хэмжээний тухай
-Коронавируст халдвар /Ковид-19/ цар тахлын цаг үеийн нөхцөл байдал, авч хэрэгжүүлж буй арга хэмжээний тухай
-ИТХ-ын Тэргүүлэгчдийн 2021 оны 3-р улирлын үйл ажиллагааны тайлан болоод БГД-ийн Гэмт хэргээс урьдчилан сэргийлэх ажлыг зохицуулах салбар зөвлөлийн гишүүнд эрх бүхий албан тушаалтныг нэмэх тухай болон бусад асуудлыг танилцуулан хэлэлцэв.
Хурлын үеэр БГД-ийн 220 гаруй мянган хүн амд үзүүлж буй эрүүл мэндийн тусламж үйлчилгээний чанар хүртээмжийг нэмэгдүүлэхэд зайлшгүй шаардлагатай томографын аппарат авах хүсэлтийг холбогдох газарт илгээх асуудлыг төлөөлөгчид 100 хувийн саналаар дэмжлээ.
ИТХ-ын дарга Б.Сэмжидмаа хуралдааныг хааж хэлсэн үгэндээ: Бүхий л салбарт холбогдох чиг үүргийн байгууллагууд маань хичээн ажиллаж байгаад дүүргийнхээ мянган мянган иргэдийн нэрийн өмнөөс гүн талархал илэрхийлье!
“Ямар ч цаг үед иргэдэд хүргэх төрийн үйлчилгээг тасралтгүй хэвийн үргэлжлүүлэх үүргийнхээ хүрээнд бид дүүргийн нутаг дэвсгэрт өрнөж буй бүтээн байгуулалт, засвар арчлалтын ажил болоод, төсөв санхүүтэй холбоотой нарийн асуудлууд, өвөлжилтийн бэлтгэл ажил, ковид-19 цар тахлын нөхцөл байдлын талаар авч хэрэгжүүлж буй мэргэжлийн байгууллагуудын арга зүй зэрэг амин чухал асуудлуудаар хуралдаж, холбогдох тогтоол шийдвэрээ гаргалаа.Улс оронд маань үүссэн онцгой нөхцөл байдалтай холбогдуулж, төрийн дээд байгууллагуудаас гарч буй тушаал шийдвэрүүдийг хэрэгжүүлэх, ард иргэдийн эрүүл, аюулгүй амьдрах нөхцөлийг хангах, коронавируст халдвараас урьдчилан сэргийлэх, бүх нийтийг дархлаажуулах, өвдсөн иргэдээ эмчлэх, гэмт хэрэг зөрчлөөс урьдчилан сэргийлэх, өвөлжилтийн бэлтгэл хангах, бүтээн байгуулалтын ажлуудыг түргэтгэх зэрэгт бүхий л салбарт холбогдох чиг үүргийн байгууллагууд маань хичээн ажиллаж байгаад дүүргийнхээ мянган мянган иргэдийн нэрийн өмнөөс гүн талархал илэрхийлье!” гэв.
Тод мэдээ
Нийслэлийн төр, захиргааны байгууллагууд жендэрт суурилсан хүчирхийлэлтэй тэмцэх 16 хоногийн аянд нэгдлээ
Жендэрийн үндэсний хорооноос жил бүр Жендэрт суурилсан хүчирхийлэлтэй тэмцэх 16 хоногийн аян зохион байгуулдаг уламжлалтай.
Энэхүү аяныг “Технологи ашиглан үйлдэгдэж буй жендерт суурилсан хүчирхийлэлтэй тэмцэхэд нэгдье” уриан дор 11 дүгээр сарын 25-ны өдрөөс 12 дугаар сарын 10-ны өдрийн хооронд тэмдэглэн өнгөрүүлэх гэж байна.
Энэ аянд Нийслэлийн Засаг даргын Тамгын газар болон Нийслэлийн нутгийн захиргааны байгууллагууд нэгдэж байна.
Тод мэдээ
“Гамшигт тэсвэртэй дэд бүтэц” олон улсын эрдэм шинжилгээний хуралд хэлэлцүүлэх бүтээлүүдүүдийг шалгарууллаа
ОБЕГ-ын дэргэдэх Гамшиг судлалын үндэсний хүрээлэн, ДХИС-тай хамтран “Гамшигт тэсвэртэй дэд бүтэц” олон улсын эрдэм шинжилгээний хурлыг ирэх сарын 04-нд зохион байгуулах гэж байна.
Тус эрдэм шинжилгээний хурлын I шатанд 46 бүтээл ирсэн бөгөөд зохион байгуулагч эрдэмтэн, судлаачдын баг II шатанд аман болон ханан илтгэлийг шалгарууллаа.
Шалгарсан эрдэмтэн, судлаачдын бүтээлийг хуралдааны үеэр хэлэлцүүлж, шилдгүүдийг тодруулах юм.
Нийгэм эдийн засгийн хөгжил, хотжилт эрчимтэй явагдаж байгаатай холбоотойгоор хот суурин газруудын гамшигт тэсвэртэй байдлыг хангах, барилга, байгууламж, дэд бүтцийг илүү сайжруулан барьж байгуулах, төр, хувийн хэвшлийн хамтын ажиллагааг дэмжих, хөрөнгө оруулалтыг нэмэгдүүлэх чиглэлд бүх талуудын мэдлэг, ойлголт, оролцоо, нэн ялангуяа шинжлэх ухааны байгууллага, эрдэмтэн, судлаачдын үүрэг оролцоо онцгой чухал учраас энэ удаагийн хурлыг санаачлан зохион байгуулж байгаа гэдгээрээ онцлогтой гэж Онцгой байдлын Ерөнхий газраас мэдээллээ.
Тод мэдээ
Анхаарал болгоомжтой хөдөлгөөнд оролцохыг зөвлөж байна
Цагдаагийн байгууллагад энэ оны 11 дүгээр сарын 26-ны өдрийн 16 цагийн орчимд “Сэлэнгэ аймгийн нутаг дэвсгэрт зам тээврийн осол гарсан байна” гэх дуудлага мэдээлэл ирснийг шалгахад суудлын 2 автомашин мөргөлдсөний улмаас 1 хүүхдийн амь хохирч, 2 хүн гэмтсэн нөхцөл байдал урьдчилсан байдлаар тогтоогдож, тус хэргийг Сэлэнгэ аймгийн цагдаагийн хэлтэс шалгалтын ажиллагааг явуулж байна.
Иймд жолооч та бүхэн холын замд гарахдаа тээврийн хэрэгслийн бүрэн бүтэн байдлыг хангаж, зам орчныхоо нөхцөл байдалд хурдаа тохируулан анхаарал болгоомжтой хөдөлгөөнд оролцохыг Тээврийн цагдаагийн албанаас зөвлөж байна.
