Бидэнтэй нэгдэх

Тод мэдээ

Дэлхий эрчим хүчний хямралд өртөж байна

Огноо:

,

Сэтгүүлч:

Дэлхийн эрчим хүчний хямрал улам бүр дордсоор байгааг олон улсын шинжээчид онцолж байна. Учир нь өсөн нэмэгдэж байгаа шатахуун болон хийн үнэ мөн дэлхийн цаг уурын өөрчлөлт энэ бүхэнд нөлөөлж байна гэж тэд хэлж байна. Байшинг гэрэлтүүлэх, халаахад урд өмнөхөөс илүү их эрчим хүч шаардагдаж байгааг олон улсын төлөөлөгчид мэдээллээ.

Дэлхийн улс орнуудын засгийн газрууд хэрэглэгчдэд үзүүлэх нөлөөг хязгаарлахыг хичээж байгаа ч төлбөрийн хэмжээ огцом өсөхөөс сэргийлж чадахгүй байгаа гэдгээ хүлээн зөвшөөрч байна. Дэлхийн удирдагчид арваннэгдүгээр сард цаг уурын талаар чухал уулзалтад бэлтгэж байх зуур цэвэр эко эрчим хүч рүү шилжих ажлыг засгийн газрууд эхлүүлээд байгаа билээ. Маш бага хугацааг үүнд төлөвлөж энэ дарамт шахалтаас болж асуудал улам хүндрэлтэй нөхцөл байдал уруу шилжиж байгааг мөн шинжээчид дурдлаа. Хятадад оршин суугчдын цахилгааныг таслах ажил хэдийнээ эхэлсэн бол Энэтхэгт цахилгаан станцууд нүүрс авах гэж улайрч байна. Европ дахь хэрэглэгчдийн өмгөөлөгчид хэрэв үйлчлүүлэгчид өр төлбөрөө яаралтай төлж чадахгүй байлаа ч гэсэн тэдний цахилгааныг таслахгүй байхыг уриалсаар байгаа юм.

"Энэхүү үнийн шок нь нэн чухал цаг үед гэнэтийн хямрал болж байна" гэж Европын холбооны эрчим хүчний тэргүүн Кадри Симсон лхагва гарагт хэллээ. Тус холбоо урт хугацааны бодлогын хариуг ирэх долоо хоногт танилцуулах болно хэмээгээд нийгмийн нөлөөллийг бууруулах, эмзэг бүлгийн өрхийг хамгаалах нэн тэргүүний зорилт байх ёстой гэдгийг илэрхийлэв. Мэргэжлийн албадын мэдээллээр Европт байгалийн хий нэг баррель нь 230 доллартай тэнцэх үнээр, газрын тосны хувьд 9 -р сарын эхэн үеэс 130 гаруй хувиар өссөн. Өнгөрсөн оны мөн үеэс найм дахин их байна. Зүүн Азид байгалийн хийн үнэ 9 -р сарын эхэн үеэс 85% -иар өсч, газрын тосны үнээр баррель нь 204 ам.долларт хүрчээ. Байгалийн хий экспортлогч АНУ -д үнэ харьцангуй доогуур хэвээр байгаа боловч сүүлийн 13 жилийн хамгийн өндөр түвшинд хүрсэн хэвээр байна. Байгалийн хийн аюулгүй байдлыг хангах идэвхжил нь нүүрс, газрын тосны үнийг өсгөж байгаа. Үүнийг зарим тохиолдолд орлох бүтээгдэхүүн болгож болох боловч цаг уурын өөрчлөлт энэ нөхцөл байдлыг хүндрэлтэй болгож байгаа юм байна. Нүүрснээс туйлын хараат хэвээр байгаа Энэтхэг энэ долоо хоногт хэлэхдээ, нүүрсээр ажилладаг 135 цахилгаан станцын 63 нь хоёр буюу түүнээс бага хоногийн нөөцтэй байна. Ер бусын урт, хүйтэн өвөл энэ оны эхээр Европ дахь байгалийн хийн нөөцийг шавхсан. Эрчим хүчний эрэлт ихсэх нь ихэвчлэн хавар, зуны улиралд тохиолддог.

Société Générale банкны эрчим хүчний шинжээчид " Цахилгаан эрчим хүчний үнэ урьд өмнө хэзээ ч ийм хурдан өсч байгаагүй энэ динамик нь дэлхий даяар мэдрэгдэж байна. АНУ -д 8 -р сарын эхнээс байгалийн хийн үнэ 47% -иар өссөн.  Нэмж дурдахад эрчим хүчний хямрал нь энэ долоо хоногт АНУ-д сүүлийн долоон жилийн дээд түвшинд хүрсэн нь газрын тосны үнийг нэмэгдэхэд нөлөөлж байна. Хүйтэн өвөл дэлхийн жишиг үзүүлэлт болох Brent маркийн нефтийн үнэ баррель тутамд 100 доллар давж магадгүй гэж саяхан Bank of America таамаглаж байсан. Үнэ 2014 оноос хойш тийм өндөр байгаагүй.

Эх сурвалж: CNN

Дэлгэрэнгүй унших

Сэтгэгдэл

Тод мэдээ

Амьтны хүрээлэн, музейн хөтөлбөрүүдийг хэрэгжүүлж байна

Огноо:

,

Хотын соёлыг төлөвшүүлэх хүрээнд амьтны хүрээлэн, музейн хөтөлбөрүүдийг хэрэгжүүлж, нийслэлийн ерөнхий боловсролын сургуулийн сурагчдад амьтдыг таниулах үйл ажиллагааг зохион байгуулж байна.

Энэ хүрээнд өнөөдөр нийслэлийн ерөнхий боловсролын 1 болон 16 дугаар сургуулийн 5 дугаар ангийн сурагчид анги хамт олноороо амьтны хүрээлэн дэх амьтадтай танилцлаа. Ингэснээр хичээлийн явцад судалсан мэдлэгээ бататган, амьтны онцлог шинжийг ялгаж харах боломж бүрдэж байгаа бөгөөд Цаашид уг хөтөлбөрийг жил бүр уламжлал болгон зохион байгуулах юм.

Нийслэлийн Засаг даргын Нийгмийн салбар, ногоон хөгжил болон агаар, орчны бохирдол хариуцсан орлогч О.Номинчимэг "Нийслэлийн ерөнхий боловсролын сургуулийн сурагчдад хотын соёлыг төлөвшүүлэх ажлыг үе шаттай зохион байгуулж байна. Энэ хүрээнд дэлхийн хотуудын жишгээр соёл, танин мэдэхүйн газруудтай танилцуулах замаар суралцагчдын танин мэдэхүйн мэдлэгийг дээшлүүлэх зоо парк, музейн хөтөлбөрүүдийг хэрэгжүүлж буй юм. Нийслэлийн Боловсролын газар нийслэлд үйл ажиллагаа явуулж буй амьтны хоёр хүрээлэнтэй хамтран ажиллах санамж бичиг байгуулсан. Санамж бичгийн хүрээнд сургалтын хөтөлбөртэй уялдуулж нийслэлийн ерөнхий боловсролын сургуулийн 10 мянган сурагчид амьтдыг таниулах үйл ажиллагааг зохион байгуулах юм. Мөн тусгай хэрэгцээт боловсрол шаардлагатай 1000 сурагчийг үнэ төлбөргүй үзүүлэхээр төлөвлөөд байна" гэв.

"Улаанбаатар зоо парк" ХК-ийн захирал Б.Оргил "Бид 2017 оноос хойш үйл ажиллагаа явуулж байгаа. Манайд имж, элбэнх, сармагчин зэрэг 60 гаруй төрөл зүйлийн 300 орчим амьтан бий. Өмнө нь “Алтай” хотхоны зүүн талд түрээсийн байранд үйл ажиллагаа байгаад ашиглалтын зардлаа даахгүй болж, Үндэсний соёл амралтын хүрээлэн биднийг дэмжин байр гаргаж өгснөөр нүүж ирсэн. Мөн нийслэлд үйл ажиллагаа явуулдаг амьтны хоёр хүрээлэн цаашид үйл ажиллагаагаа явуулахад хүндхэн нөхцөл байдалтай тулгарсан энэ үед НЗДТГ болон Нийслэлийн Боловсролын газраас бидэнд тодорхой хэмжээний санхүүгийн туслалцаа үзүүлж, цаашид хэвийн үйл ажиллагаа явуулах нөхцөл боломжоор хангасанд баяртай байна" гэлээ.

Нийслэлийн ерөнхий боловсролын 1 дүгээр сургуулийн нийгмийн ажилтан Г.Одонгуа "Боловсрол, шинжлэх ухааны сайдын хичээлээс гадуурх үлгэрчилсэн хөтөлбөр нь найман чиглэлтэй. Эдгээрийн нэг болох байгаль, экологийн боловсролыг хүүхдэд олгох чиглэлийн хүрээнд өнөөдөр манай сургуулийн 5 дугаар ангийн хоёр бүлэг амьтны хүрээлэн үзэж байна. Энэхүү хөтөлбөрт хамрагдсанаар хүүхдүүд эх байгалиа хамгаалах, амьтан хайрлах, энэрэх сэтгэлтэй болж төлөвшихөд маш чухал хувь нэмэртэй юм" хэмээлээ.

Дэлгэрэнгүй унших

Тод мэдээ

Дотоодын цэрэг өндөр чадвартай хөдөлгөөнт хүчинтэй болно

Огноо:

,

Монгол Улсын Ерөнхийлөгч, Зэвсэгт хүчний Ерөнхий командлагч Ухнаагийн Хүрэлсүх Дотоодын цэргийн байгууллагад ажиллалаа.

Үндэсний аюулгүй байдлыг сахин хамгаалах, төр, нийгэм, иргэний аюулгүй байдлыг хангах үүргээ нэр төртэй гүйцэтгэж байгаа Дотоодын цэргийн нийт бие бүрэлдэхүүнд талархал илэрхийлж, амжилт хүсэн ерөөв.

Цаашид улс орны аль ч хэсэгт түргэн шуурхай хүрч, сөрөг тусгай ажиллагаанд оролцох, гэмт хэргийг таслан зогсоох, нийгмийн дэг журам сахиулах, гамшиг ослын үед авран хамгаалах ажиллагаанд дэмжлэг үзүүлэх өндөр чадвартай Дотоодын цэргийн хөдөлгөөнт хүчин байгуулж, бэхжүүлэх нь зүйтэй гэж үздэгээ хэлэв.

Энэ хүрээнд тулгамдсан асуудлуудаа цаг алдалгүй шийдвэрлэж, дэлхийн жижигт нийцсэн чадварлаг, мэргэшсэн дотоодын цэргийг хөгжүүлэх, төрийн цэргийн байгууллага, алба хаагчдын нэр хүндийг өндөрт өргөж байх чиглэлээр улам хичээн ажиллахыг удирдлагуудад нь үүрэг болголоо.

Алба хаагчид мэдлэг, ур чадвар, албаны бэлэн байдал, бие бялдар, сэтгэл зүйн бэлтгэлээ тогтмол дээшлүүлж, ёс зүйг эрхэмлэн, авлига, ашиг сонирхлын зөрчлөөс ангид байна гэдэгт итгэлтэй байгаагаа илэрхийлэв.

Эдүгээ Дотоодын цэрэг нийслэл, 13 аймагт салбар, нэгжтэй бөгөөд улсын онц чухал объект зэргийн аюулгүй байдлыг хариуцаж байна.

Дэлгэрэнгүй унших

Тод мэдээ

АТГ: Иргэн, хуулийн этгээдээс 57 өргөдөл, гомдол хүлээн авав

Огноо:

,

Авлигатай тэмцэх газрын Судалгаа шинжилгээний алба нь 2024 оны 3 дугаар сарын 18-22-ны өдрүүдэд иргэн, хуулийн этгээдээс ирүүлсэн 57 өргөдөл, гомдлыг хүлээн авч, харьяалах чиг үүргийн нэгжид хүргүүллээ.

Хүлээн авсан өргөдөл, гомдол, мэдээллийн 64.9 хувь нь авлигын гэмт хэргийн шинжтэй байх бөгөөд тендер, худалдан авах ажиллагаатай холбоотой гомдол давамгайлж байна. Өнгөрсөн долоо хоногт авлигыг мэдээлэх 110 тусгай дугаараар 284 дуудлага хүлээн авчээ.

Дэлгэрэнгүй унших
сурталчилгаа
Тод мэдээ10 цаг 30 минут

Амьтны хүрээлэн, музейн хөтөлбөрүүдийг хэрэгжүүлж байна

Тод зураг10 цаг 34 минут

Хүүхдийн паркт амьтны хүрээлэн ажиллаж байна

Тод мэдээ10 цаг 36 минут

Дотоодын цэрэг өндөр чадвартай хөдөлгөөнт хүчинтэй болно

Өнөөдөр10 цаг 39 минут

“Гашуунсухайт-Ганцмод” боомтын хил дамнасан төмөр замын ...

Өнөөдөр10 цаг 40 минут

Үс шинээр үргээлгэх буюу засуулбал сайн нөхөртэй нөхөрлөнө

Тод мэдээ2024/03/28

АТГ: Иргэн, хуулийн этгээдээс 57 өргөдөл, гомдол хүлээн авав

Тод мэдээ2024/03/28

Хөгжлийн банкны гэх хэргийн талаарх шийдвэрийг нээлттэй байршуулна

Тод мэдээ2024/03/28

Улаанбаатарын 976 барилгын 206 нь газар хөдлөлтөд тэсвэртэй

Тод мэдээ2024/03/28

Замын-Үүд-Эрээн боомтын ачаа тээврийг ирэх сарын 1-нээс 24 цагаар аж...

Тод мэдээ2024/03/28

Эрүүл мэндийн цахим шилжилтийг эрчимжүүлэхийг үүрэг болголоо

Тод мэдээ2024/03/28

Гепатитын D вирусийн халдвартай 66 мянган хүн байна

Тод мэдээ2024/03/28

ЗГ: Үндэсний баялгийн сангийн тухай хуулийн төслийг УИХ-д өргөн мэдү...

Өнөөдөр2024/03/28

УИХ: Энэ долоо хоногт чуулганы нэгдсэн хуралдаанаар

Өнөөдөр2024/03/28

Зүүн аймгуудын нутгийн зүүн хэсгээр цас орж, цасан шуурга шуурна

Өнөөдөр2024/03/28

Үс шинээр үргээлгэх буюу засуулахад тохиромжгүй

Тод индэр2024/03/27

Ерөнхий сайд Л.Оюун-Эрдэнэ: Боомтын сэргэлтийн дараагийн үе шат инно...

Тод мэдээ2024/03/27

Сонгинохайрхан дүүрэг, Баянхошууны авто замд нүхэн эвдрэл засварлах ...

Өнөөдөр2024/03/27

ХХААХҮЯ: 49 үйлдвэрийн үйл ажиллагаа эрхлэх дүгнэлтийг цуцаллаа

Тод мэдээ2024/03/27

Бартаат замын туулах чадвар сайтай 16 автомашиныг хамгаалалтын 7 зах...

Тод мэдээ2024/03/27

Авлигатай тэмцэх үндэсний хөтөлбөрийг хэрэгжүүлэх Үндэсний хорооны а...

Тод мэдээ2024/03/27

С.Чинзориг: Эмчилгээний шинэ технологи нэвтрүүлэхийг бүхий л талаар ...

Тод индэр2024/03/27

Н.Батнасан: МУИС-д гаалийн байгууллагатай хамтран ажиллах өргөн боло...

Өнөөдөр2024/03/27

Үс шинээр үргээлгэх буюу засуулахад тохиромжгүй

Тод мэдээ2024/03/26

Автомашины нүүрсэн янданг улсын хилээр гаргахыг хориглох тухай тогто...

Өнөөдөр2024/03/26

Цаг агаарын аюултай үзэгдлээс сэрэмжлүүлж байна!

Өнөөдөр2024/03/26

Үс шинээр үргээлгэх буюу засуулахад тохиромжгүй

Тод мэдээ2024/03/25

"Улаанбаатар марафон"-ы бүртгэл үргэлжилж байна

Тод мэдээ2024/03/25

Хөлийн гол орчимд шар усны үер бууж, 30 орчим айл үерт автлаа

Тод мэдээ2024/03/25

Ерөнхийлөгч У.Хүрэлсүх ОХУ-ын Ерөнхийлөгч В.В.Путинд эмгэнэл илэрхий...

Өнөөдөр2024/03/25

УИХ: Намын бүлэг, ажлын хэсгүүд өнөөдөр хуралдана

Санал болгох