Бидэнтэй нэгдэх

Тод мэдээ

Шинэ цэргүүд тангараг өргөлөө

Огноо:

,

Сэтгүүлч:

Өнөөдөр 2021 оны 2 дугаар ээлжээр цэргийн жинхэнэ албанд татагдан Зэвсэгт хүчний 120-р ангид алба хааж буй дайчдын тангараг өргөх ёслолын ажиллагаанд ЗХЖШ-ын 1-р орлогч дарга хурандаа С.Ганбямба, ХЗЦК-ын хурандаа Д.Өлзийбаяр, Баянгол дүүргийн ИТХ-ын дарга Б.Сэмжидмаа, хурлын дэд дарга Ү.Батбаяр, эрх зүй, дотоод хяналтын хэлтсийн дарга С.Уранмандах, Засаг даргын Тамгын газрын Цэргийн штабын дарга хурандаа Л.Цэрэгбаяр болон Зэвсэгт хүчний 120-р ангийн удирдлагууд оролцлоо.
Баянгол дүүргээс тус ангид 100 гаруй залуус алба хааж байгаа бөгөөд тэдэнд Хурлын дарга Б.Сэмжидмаа халуун баяр хүргэж хэлсэн үгэндээ "Дүүргийн анхны эмэгтэй удирдлагын хувьд Баянгол дүүргийн 220 гаруй мянган иргэдийн төлөөлөл, эрхэм хөвгүүд маань эр цэрэг болж, эх орныхоо энхийн манаанд үүрэг гүйцэтгэхээр үе тэнгийнхэнтэйгээ мөр зэрэгцэн тангараг өргөж буй дайчдаараа бахархаж байна. Эр цэргийн алба гэдэг Монгол эр хүн бүрийн бахархал. Би та нартай адил эр хүн, эр цэрэг төрүүлсэн ээж хүн. Миний хүү шиг, дүү шиг эрхэм хөвгүүдийнхээ эр цэргийн тангараг өргөх ёслолд оролцож байгаадаа баяртай байна. Туурга тусгаар Монгол Улсын тусгаар тогтнол, аюулгүй байдал, хүн ардын амар тайван амьдралын хамгийн үнэт зүйлс нь эр цэрэг,эрхэм та бүгдийн хариуцлага итгэл дээр байдаг юм шүү. Энэхүү албаа нэр төртэй хаагаад өргөсөн тангарагтаа үнэнч зүтгэж, үүргээ амжилттай гүйцэтгэхийг хүсье" гэж тус ангийн бие бүрэлдэхүүн, тангараг өргөсөн алба хаагчдад Баянгол дүүргийн ИТХ-ын даргын зүгээс иж бүрэн камерын систем болон дурсгалын зүйл, тангараг өргөсөн дайчдад цар тахлаас урьдчилан сэргийлэх хамгаалалтын хувцас, хэрэглэл, дархлаа дэмжих амин дэмүүдээр гарын бэлэг гардууллаа.
Тангараг өргөсөн бие бүрэлдэхүүнийг төлөөлөн Баянгол дүүргээс татагдсан Ц.Энхбаясгалан “Өчигдөрхөн л ижий, аавын эрх танхил хүү байсан залуус цэргийн албанд шамдан боловсорч, эх орноо хайрлах энгүүн сэтгэл тээж зогсоо Үеийн залуустайгаа мөр зэрэгцэн эх орондоо тангараг өргөж тангараг өргөж буй дайчдад золбоо хийморьтой байж, эх орныхоо бүтээн байгуулалт, хөгжил цэцэглэлтэд өөрийн хувь нэмрийг оруулан зүтгэж, өөртөө итгэлтэй, албандаа зүтгэлтэй, амьдралд шударга байх зарчмыг баримтлан сурлага, сахилгын өндөр амжилт гарган, эх орноо хайрлах үзэлтэй бие хүн болон төлөвшиж, албаа нэр төртэй хаахыг уриалж байна” гэлээ.
Тангараг өргөх ёслолын арга хэмжээний үеэр ар гэртэй нь цахим уулзалтыг зохион байгуулсан бөгөөд эцэг эхийн төлөөлөл Зэвсэгт хүчний 120 дугаар ангийн бие бүрэлдэхүүн, Батлан хамгаалах яам, нийслэл, дүүргийн Цэргийн штаб, дүүргийн ИТХ-ын дарга удирдлагуудад баярлаж байгаагаа илэрхийлсэн юм.
Дэлгэрэнгүй унших
сурталчилгаа
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод мэдээ

Аравдугаар ангийн сурагчдын сонгон судлах хичээлийн цахим сургалт эхэллээ

Огноо:

,

Ерөнхий боловсролын сургуулийн аравдугаар ангийн сонгон судлах хөтөлбөрийн цахим сургалт эхэллээ. Цахим сургалтын оношлох сорил есдүгээр сарын 27, 28-ны өдрүүдэд хуваарийн дагуу орон даяар зохион байгуулагдана.

Сурагчид student.medle.mn хаягаараа нэвтрэн орж, шалгалт цэс дээр дарж сорилоо өгнө. Цахим сургуулийн сурагчдын мэдээлэл сургуулиудад очсон бөгөөд тэдгээр сурагчид оношлох үнэлгээний сорил өгөх юм.

Цахим сургалтад хоёроос дээш хичээлээр суралцах сурагчид сорилын цаг давхцаж байвал эхний сорил дуусгаад дараагийн сорилоо өгөх боломжтой гэж Боловсролын Ерөнхий Газраас мэдээллээ.

Дэлгэрэнгүй унших

Тод мэдээ

Ерөнхий сайд Л.Оюун-Эрдэнэ Япон Улсын Ерөнхий сайд агсан Абэ Шинзотой салах ёс гүйцэтгэх төрийн ёслолд оролцлоо

Огноо:

,

Монгол Улсын Ерөнхий сайд Л.Оюун-Эрдэнэ өнөөдөр /2022 оны есдүгээр сарын 27-ны өдөр/ Токио хотын “Нихон бүдокан” цогцолборт болсон Япон Улсын Ерөнхий сайд агсан Шинзо Абэтай салах ёс гүйцэтгэх Төрийн ёслолд оролцлоо.

Тэрбээр Монгол Улсын төр, засаг, ард түмнийг төлөөлөн Ерөнхий сайд агсан Ш.Абэгийн гэр бүл болон Японы ард түмэнд гүн эмгэнэл илэрхийлж, хүндэтгэл үзүүлэв.

Энэхүү Төрийн ёслолд дотоод, гадаадын 4300 төлөөлөгч хүрэлцэн ирсэн бөгөөд үүнд 218 улс орон, бүс нутаг, олон улсын байгууллагын 700 гаруй төлөөлөгч багтаж  байна. Эдгээрээс 35 нь өндөр, дээд түвшинд оролцлоо. Тухайлбал, БНСВУ, Шри Ланка Улсын төрийн тэргүүн нар, АНУ, БНИУ, БНФУ-ын дэд Ерөнхийлөгч, БНЭУ, БНСУ, Монгол, Сингапур, Тайланд, Австрали, Канад, Казахстан, Косово, Камбож, Молдав, Того, Танзани Улсын Засгийн газрын тэргүүн нар, НҮБ-ын АНДЭЗНК, Хүнс, хөдөө ажахуйн байгууллага, Хүүхдийн сан зэрэг харъяа байгууллагууд, ДЭМБ, Азийн хөгжлийн банк, Дэлхийн банк, Олон улсын валютын сан, Олон улсын цөмийн эрчим хүчний агентлаг, Олон улсын Улаан загалмайн нийгэмлэг, Олон улсын хөдөлмөрийн байгууллагын төлөөлөгч нар оролцлоо.   

Япон Улсын Ерөнхий сайд агсан Ш.Абэ нь Монгол Улсын ардчилсан хөгжилд болон Монгол, Японы Стратегийн түншлэлийн харилцаанд үнэтэй хувь нэмэр оруулсан улс төрийн зүтгэлтэн юм. Түүнийг Ерөнхий сайдаар ажилласан он жилүүдэд Монгол, Японы Стратегийн түншлэлийн харилцаа улам бэхжиж, шинэ шатанд гарч, түүний манлайлал, дэмжлэгтэйгээр баригдсан Улаанбаатар хотын олон улсын нисэх онгоцны шинэ буудал үйл ажиллагаагаа эхлүүлж, Монгол, Японы төр, хувийн хэвшлийн түншлэлийг холбосон бат бэх гүүр болж байна.

Энэ жил Монгол Улс, Япон Улсын хооронд дипломат харилцаа тогтоосны 50 жилийн ой тохиож буй. Энэ хүрээнд Ерөнхий сайд Л.Оюун-Эрдэнэ маргааш Япон Улсын Ерөнхий сайд Ф.Кишидатай албан ёсны уулзалт хийж, хоёр талын харилцаа, олон улс, бүс нутгийн хамтын ажиллагааны өргөн хүрээтэй асуудлаар санал солилцохын зэрэгцээ ойрын болон дунд хугацаанд хэрэгжүүлэх томоохон төсөл хөтөлбөр,  хамтын ажиллагааны талаар ярилцана.

Мөн Ерөнхий сайд Л.Оюун-Эрдэнэ Японы эрх баригч Либерал ардчилсан намын болон Япон Улсын парламент дахь найрамдлын бүлгийн удирдлагуудтай уулзаж, санал солилцохоор төлөвлөж байна.

Дэлгэрэнгүй унших

Тод мэдээ

Хөдөлмөр, нийгмийн хамгааллын сайд Д.Сарангэрэлийг огцруулахаар болов

Огноо:

,

Монгол Улсын Ерөнхий сайдаас Хөдөлмөр, нийгмийн хамгааллын сайд Д.Сарангэрэлийг хүний эрх, эрх чөлөөнд харшилсан үг хэллэг хэрэглэж, төрийн өндөр албан тушаалтны ёс зүйн хэм хэмжээг зөрчсөн гэж үзэж, хуульд заасан бүрэн эрхийнхээ хүрээнд түүнийг сайдын үүрэгт ажлаас нь огцруулахаар шийдвэрлэлээ.  
 
Монгол Улсын Үндсэн хуулийн Гучин есдүгээр зүйлийн 4,  Засгийн газрын тухай хуулийн 23 дугаар зүйлийн 1 дэх хэсгийн 2, Монгол Улсын Их хурлын чуулганы хуралдааны дэгийн тухай хуулийн 101 дүгээр зүйл, Монгол Улсын Ерөнхийлөгчийн тухай хуулийн 12 дугаар зүйлийн 4 дэх хэсэгт заасны дагуу Засгийн газрын гишүүн-Хөдөлмөр, нийгмийн хамгааллын сайдыг Монгол Улсын Ерөнхийлөгч, УИХ-д танилцуулсны үндсэн дээр Монгол Улсын Ерөнхий сайдын захирамжаар огцруулна.

Ерөнхий сайдын шийдвэрийг Монгол Улсын сайд, ЗГХЭГ-ын дарга Д.Амарбаясгалан танилцууллаа.
Дэлгэрэнгүй унших
сурталчилгаа
Тод мэдээ13 цаг 24 минут

Аравдугаар ангийн сурагчдын сонгон судлах хичээлийн цахим сургалт эх...

Тод мэдээ13 цаг 26 минут

Ерөнхий сайд Л.Оюун-Эрдэнэ Япон Улсын Ерөнхий сайд агсан Абэ Шинзото...

Тод мэдээ13 цаг 29 минут

Хөдөлмөр, нийгмийн хамгааллын сайд Д.Сарангэрэлийг огцруулахаар боло...

Тод мэдээ13 цаг 33 минут

УИХ-ын дарга Г.Занданшатар хүүхдийн эрхийн зөрчилд онцгойлон анхаара...

Тод мэдээ13 цаг 37 минут

Ерөнхийлөгч У.Хүрэлсүхээс ЮНЕСКО-д илгээсэн дурсгалыг гардуулав

Тод мэдээ13 цаг 39 минут

Нийт шүүгчийн хуралдаан боллоо

Өнөөдөр13 цаг 44 минут

Банкны нэг хувийн шимтгэлтэй холбоотой хэргийг хяналтын шатны шүүх х...

Тод индэр13 цаг 46 минут

Албан хаагчдын ажлын цагт зохицуулалт хийсэн нь эерэг үр дүнтэй байн...

Өнөөдөр13 цаг 52 минут

Ой хээрийн түймрээс урьдчилан сэргийлье

Өнөөдөр13 цаг 56 минут

Үс шинээр үргээлгэх буюу засуулбал сайн

Өнөөдөр2022/09/27

Авлигын 12 гэмт хэргийг шүүхээр шийдвэрлүүлэхээр шилжүүллээ

Тод мэдээ2022/09/27

Өсвөрийн шатарчдын тэмцээнд Дорноговь аймгийн баг тамирчид тэргүүллэ...

Санал болгох