Бидэнтэй нэгдэх

Тод мэдээ

Иргэд аюулгүй байдалд нь нөлөөлж буй объектын талаар мэдээлэл өгч, шийдвэрлэлтийг нь хянах боломжтой

Огноо:

,

Сэтгүүлч:

Нийслэлийн Засаг дарга бөгөөд Улаанбаатар хотын Захирагч Д.Сумъяабазарын өгсөн үүрэг, чиглэлийн дагуу иргэдийн эрүүл, аюулгүй орчинд амьдрах нөхцөлийг хангах, явган болон автомашинаар зорчиход саад учруулж буй газрын асуудлыг цэгцлэх ажлыг эрчимжүүлж байна. Үүний тулд олон нийтийн мэдээлэл чухал ач холбогдолтой юм. Тодруулбал,

  1. Явган зорчиход саад болж буй газрын талаарх мэдээлэл,
  2. Иргэдийн тав тух, аюулгүй байдлыг алдагдуулж байгаа хашаа, хайс
  3. Явган болон автомашины хөдөлгөөнд саад учруулж буй ТҮЦ, өргөтгөл, түр гарааш, контейнер зэргийн талаарх мэдээллийг иргэдээс авч байна.

Иргэдийн мэдээллийг дараах гурван сувгаар авна.

  1. Check my service гар утасны аппликэйшнээр
  2. 1800-1200 тусгай дугаараар
  3. Хорооны ажилтнаар дамжуулан мэдээлэл өгөх боломжтой. Мэдээллийн дагуу холбогдох байгууллагууд арга хэмжээ авч ажиллах юм.

Check my service аппликэйшнийг дээрх зурагны QR кодыг уншуулан татах бөгөөд мэдээлэл өгч, санал илгээхдээ нягтаршил сайтай зураг хавсаргах, байршлаа тодорхой тэмдэглэх шаардлагатай юм. Мөн илгээсэн мэдээллийнхээ шийдвэрлэж буй явцыг хянах боломжтой.

Нийслэлийн Засаг дарга бөгөөд Улаанбаатар хотын Захирагч Д.Сумъяабазар 2022 оныг “Иргэн төвтэй жил” болгон зарласан. Иргэнд тав тухтай, аюулгүй хотыг бий болгохын тулд иргэдийн оролцоо, мэдээлэл чухал ач холбогдолтой тул та бүхнийг идэвхтэй оролцохыг уриалж байна.

Дэлгэрэнгүй унших
сурталчилгаа
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод мэдээ

Улаанбаатар хотын автозамын түгжрэлийг бууруулах чиглэлээр дараах арга хэмжээг авна

Огноо:

,

Засгийн газрын ээлжит хуралдаан 2022 оны есдүгээр сарын 28-нд болж, Нийслэл Улаанбаатар хотын автозамын түгжрэлийг бууруулах зарим арга хэмжээний талаар Монгол Улсын сайд, Нийслэл Улаанбаатар хотын автозамын түгжрэлийг бууруулах Үндэсний хорооны дарга Ж.Сүхбаатар Засгийн газрын гишүүдэд танилцууллаа.

Танилцуулгатай холбогдуулан сайд нарт дараах үүрэг даалгаврыг өглөө.

-Нийслэл Улаанбаатар хотын авто замын түгжрэл, түүний сөрөг нөлөөллийг бууруулах тухай хуулийн төслийг боловсруулах,

-Нийтийн тээврийн шинэчлэлийн хүрээнд автозамын зорчих хэсэгт нийтийн тээврийн тусгайлсан эгнээ бий болгох, автобусны богино эргэлтийн чиглэл нэвтрүүлэх санал боловсруулж танилцуулах,

-Нийслэл Улаанбаатар хотын “Их тойруу” бүсэд орон  сууцны болон албан конторын зориулалттай барилгын ажлын зөвшөөрлийг “Улаанбаатар хотын 2024” хөгжлийн ерөнхий төлөвлөгөө батлагдаж, дагаж мөрдөх хүртэл хугацаанд олгохгүй байх,

-Автотээврийн тухай хуулийн хэрэгжилтийг хангуулж, техникийн хяналтын үзлэгт нэг жилээс дээш хугацаанд хамрагдаагүй болон хяналтын үзлэгт тэнцээгүй, торгууль, хураамж, төлбөр төлөөгүй, автотээврийн хэрэгслийг хөдөлгөөнд оролцуулахгүй байх,

-Зам, тээврийн удирдлагын ухаалаг системийг бүрдүүлэгч цахим гэрчилгээ олгох ажлыг энэ оны дөрөвдүгээр улиралд багтаан зохион байгуулж, 2023 оны нэгдүгээр сараас дагаж мөрдүүлэх, Цахим гэрчилгээнд хамрагдаагүй автотээврийн хэрэгслийг 2023 оны гуравдугаар сараас автозамын хөдөлгөөнд оролцуулахгүй байх,

-Улаанбаатар хотын автозамын түгжрэлийг бууруулах чиглэлээр хэрэгжүүлэх ажлын төлөвлөгөөг баталж, хэрэгжилтийг хангуулж ажиллах зэрэг арга хэмжээ авч ажиллахыг холбогдох сайд нарт үүрэг болголоо. 

Дэлгэрэнгүй унших

Тод мэдээ

Монгол Улсын Ерөнхийлөгч Дархан-Уул аймагт ажиллалаа

Огноо:

,

Монгол Улсын Ерөнхийлөгч Ухнаагийн Хүрэлсүх Дархан-Уул аймгийн “Шинэ орчин трейд” ХХК, “Өег гурил” ХХК, “Дархан-Эрдэнэ мах комбинат” ХХК-д ажиллалаа.

Дархан-Уул аймаг улсын хэмжээнд газар тариалангийн 4.2 хувь, төмсний 4.4 хувь, хүнсний ногооны 18 хувийг үйлдвэрлэдэг.

Тус аймаг энэ жил 22 мянга гаруй га талбайд, түүний дотор 646 га-д төмс, 1,525 га-д хүнсний ногоо, 549 га-д малын тэжээл тариалжээ. 46 мянган тн ургац хурааж авах урьдчилсан баланс гарсан байна.

2022 онд улсын хэмжээнд 330 мянган тн улаанбуудай хурааж авах бөгөөд  гурилын хэрэгцээг 100 хувь дотоодоос хангах боломжтой юм.

Мөн 480 гаруй мянган тн мах бэлтгэж, 350 мянга гаруй тн-ыг нь дотоодын хэрэгцээнд нөөцлөн, 50 мянга гаруй тн-ыг экспортод гаргахаар төлөвлөсөн.

Мах бэлтгэх болон боловсруулах үйлдвэрүүд дотоодын хэрэгцээг бүрэн хангах боломжтой гэсэн тооцоог салбарын яам гаргасан байна.

Дэлгэрэнгүй унших

Тод мэдээ

НББХ-ны дарга П.Анужин НҮБ-ын Хүүхдийн Сангийн Монгол дахь Суурин төлөөлөгчийг хүлээн авч уулзлаа

Огноо:

,

УИХ-ын гишүүн, Нийгмийн бодлогын байнгын хорооны дарга П.Анужин 2022 оны 9 дүгээр сарын 28-ны өдөр НҮБ-ын Хүүхдийн Сангийн Монгол дахь Суурин төлөөлөгч Эваристе Коуасси-Комланыг хүлээн авч уулзлаа.

Байнгын хорооны дарга П.Анужин, Монголд 50 жил гаруй үйл ажиллагаа явуулж буй НҮБ-ын Хүүхдийн сан хүүхэд бүрт тэгш хөгжих боломжийг олгоход онцгой анхаарч ирсэнд талархал илэрхийллээ. Эрхэм гишүүн УИХ-аас хүүхэд хамгааллын чиглэлээр хэрэгжүүлж буй ажлын талаар танилцуулсан юм. 2022 оноос хэрэгжүүлж буй Хөдөлмөрийн тухай хууль /Шинэчилсэн найруулга/-иар байгууллага бүр хүүхэд хамгааллын бодлоготой байхаар зохицуулсан, улсын төсөвт хүүхэд хамгааллын арга хэмжээнд зарцуулах төсвийг жил бүр нэмэгдүүлсээр ирсэн гэдгийг дурдаад цаашид хүүхэд хамгааллын цогц бодлогыг хэрэгжүүлэхэд төсөв хөрөнгийг нэмэгдүүлэх, салбарын уялдаа холбоог сайжруулах шаардлагатайг онцоллоо. 

Ерөнхий боловсролын сургуулийн хоол үйлдвэрлэл, үйлчилгээний тухай хууль ерөнхий боловсролын сургуулийн байршил, өмчийн хэлбэр, өрхийн орлого, эрүүл мэнд, иргэншлийн ялгаатай байдлаас үл хамааран суралцагчдад үдийн хоолны үйлчилгээг тэгш хүргэж, тэдний эрүүл мэндэд дэмжлэг үзүүлэх, өсөлт бойжилт, суралцах идэвхийг дэмжих, сургалтын чанарыг дээшлүүлэх, өрхийн амьжиргааг дэмжих зэрэг чухал ач холбогдолтой гэдгийг Байнгын хорооны дарга тодотгосон. Энэхүү хуулийн хэрэгжилтийг шалгах, санал, дүгнэлт боловсруулах, шийдвэрийн төсөл боловсруулах ажлын хэсгийн ахлагчаар ажиллаж байгаагаа дурдаад, тус ажлын хэсгийн шаргуу ажилласаны үр дүн гарч нэг хүүхдийн үдийн хоолонд 900 төгрөг зарцуулдаг байсныг 1500 төгрөг болгон нэмэгдүүлж чадсан, цаашид дотуур байранд амьдарч байгаа сурагчдын өдрийн хоолны зардлыг нэмэгдүүлэх чиглэлд ажиллаж байгаагаа илэрхийллээ. 

НҮБ-ын Хүүхдийн Сангийн Монгол дахь Суурин төлөөлөгч Эваристе Коуасси-Комлан цаг зав гарган хүлээн авч уулзсан Байнгын хорооны даргад талархаж буйгаа илэрхийлээд, НҮБ-ийн Хүүхдийн сангийн дээд удирдлага 09 дүгээр сарын 07-ны өдөр болсон хурлаараа 2023-2027 онд ажиллах таван үндсэн чиглэлийг баталсан гэлээ. Энэ хүрээнд Монгол Улсад Эрүүл мэнд, Боловсрол, Хүүхэд хамгаалал, Цаг уурын өөрчлөлт, Нийгмийн оролцооны гэсэн таван чиглэлд түлхүү анхааран ажиллахаар төлөвлөсөн гээд, Эрүүл мэндийн хөтөлбөрийн хүрээнд эх нярайн эндэгдлийг бууруулах, хүүхдийн хоол тэжээл, халдварт өвчлөлөөс сэргийлэх тарилга, эмнэлгүүдийг шаардлагатай тоног төхөөрөмжөөр хангах, уялдаа холбоог сайжруулах, теле эмнэлгийн төсөл зэрэг багтаж байгааг дурдлаа. Цаашид хүүхдийн эрүүл мэнд, эрүүл аюулгүй орчинд амьдрах нөхцөлийг бүрдүүлэхэд Нийгмийн бодлогын байнгын хороотой хамтарч ажиллахдаа таатай байна гэдгээ илэрхийллээ хэмээн УИХ-ын Хэвлэл мэдээлэл, олон нийттэй харилцах хэлтсээс мэдээллээ.

Дэлгэрэнгүй унших
сурталчилгаа
Тод мэдээ2 минутын өмнө

Улаанбаатар хотын автозамын түгжрэлийг бууруулах чиглэлээр дараах ар...

Тод мэдээ22 минутын өмнө

Монгол Улсын Ерөнхийлөгч Дархан-Уул аймагт ажиллалаа

Тод мэдээ26 минутын өмнө

НББХ-ны дарга П.Анужин НҮБ-ын Хүүхдийн Сангийн Монгол дахь Суурин тө...

Тод мэдээ32 минутын өмнө

УИХ-аас удирдлага нь томилогддог, ажлаа тайлагнадаг байгууллагуудын ...

Тод мэдээ38 минутын өмнө

Г.Занданшатар: Халамжид зарцуулж буй мөнгөний тодорхой хэсгийг хөдөл...

Тод мэдээ42 минутын өмнө

БШУЯ: 47 дугаар цэцэрлэг 3 байранд 750 хүүхдийг сургаж байна

Өнөөдөр54 минутын өмнө

Улаанбаатарт өдөртөө 17 хэм дулаан

Өнөөдөр1 цагын өмнө

Үс шинээр үргээлгэх буюу засуулбал бие эрхтний хүч сайжирна

Тод мэдээ2022/09/28

Аравдугаар ангийн сурагчдын сонгон судлах хичээлийн цахим сургалт эх...

Тод мэдээ2022/09/28

Ерөнхий сайд Л.Оюун-Эрдэнэ Япон Улсын Ерөнхий сайд агсан Абэ Шинзото...

Тод мэдээ2022/09/28

Хөдөлмөр, нийгмийн хамгааллын сайд Д.Сарангэрэлийг огцруулахаар боло...

Тод мэдээ2022/09/28

УИХ-ын дарга Г.Занданшатар хүүхдийн эрхийн зөрчилд онцгойлон анхаара...

Санал болгох