Тод мэдээ
БНСУ-ын багш солилцооны хөтөлбөрийн квотыг 10+10 болгож нэмжээ
БНСУ-ын Боловсролын яамнаас хэрэгжүүлж буй Ази, Номхон далайн багш солилцооны APTE хөтөлбөрийн SSAEM чуулга уулзалт Сөүл хотноо болж өндөрлөлөө. Арга хэмжээнд БШУЯ-ыг төлөөлж Гадаад харилцаа, хамтын ажиллагааны газрын дарга Ш.Нарантуяа оролцсон юм.
APTE хөтөлбөр нь Камбож, Лаос, Тайланд, Филиппин, Индонез, Малайз, Монгол гэсэн Азийн долоон улсад хэрэгждэг. Монгол Улс дахь хөтөлбөрийг Солонгосын талаас UNESCO APCEIU байгууллага, Монголын талаас БШУЯ хариуцан ажиллаж байна.
2023 оны хөтөлбөрт Монголоос 6, Солонгос Улсаас 4 багш хамрагдсан бол 2024 онд тус бүр нь 10 багш солилцоогоор ажиллуулахаар талууд тохирч протоколд гарын үсэг зурлаа. Ази, Номхон далайн багш солилцооны APTE хөтөлбөр нь Монгол Улсад 2012 оноос хойш хэрэгжиж байгаа. Өнөөдрийг хүртэлх хугацаанд манай 172 багш Солонгос Улсад, 148 багш Солонгосоос Монгол Улсад ажилласан байна.
Энэхүү хөтөлбөр нь хоёр орны соёл, боловсролын салбарын хамтын ажиллагааг өргөжүүлэх, багш нарын гадаад хэлний ур чадварыг нэмэгдүүлэх, дэлхийн иргэнийг бэлтгэхэд дэмжлэг үзүүлдэг богино хугацааны хөтөлбөр юм гэж БШУЯ-наас мэдээллээ.
Тод мэдээ
СЭРЭМЖЛҮҮЛЭГ: Банканд хуурамч ам.доллар солиулахыг завджээ
"Нэр бүхий банканд хуурамч валют илэрсэн" гэх дуудлага, мэдээлэл энэ оны 11-р сарын 18-ны өдөр цагдаагийн байгууллагад бүртгэгдсэн. Тодруулбал, нэр бүхий иргэн нь “Хуурамч 100 ам.доллар солиулахыг завдсан хэрэг”-ийг цагдаагийн байгууллагаас шалгаж байна.
Сүүлийн үед тусгай тэмдэглэгээ, дардастай хуурамч валют буюу кино зураг авалт, үзүүлэнгийн зориулалттай долларыг банк, валют арилжааны төвүүдэд солиулахыг завдаж буй үйлдэл бүртгэгдэн, цагдаагийн байгууллагад шалгагдаж байна.
Иймд гадаад валют худалдан авах гэж буй иргэд заавал баталгаат байгууллагаар үйлчлүүлэхийг зөвлөж байна.
Тод мэдээ
Хугацаат цэргийн алба хаагчид энэ сарын 29-нд тангараг өргөнө
Зэвсэгт хүчний нэгтгэл, ангиудад 2025 оны хоёрдугаар ээлжээр хугацаат цэргийн албанд татагдсан шинэ дайчдын Цэргийн тангараг өргөх ёслол арваннэгдүгээр сарын 29-нд болно. Хугацаат цэргийн алба хаагчид цэргийн анхан шатны сургалт бэлтгэлд хамрагдаж байгаа бөгөөд эр цэргийн тангараг өргөсний дараа цэргийн эрдэмд суралцаж, эх орноо батлан хамгаалахад нэн чухал цэргийн мэргэжил эзэмшинэ.
Мөн аймаг, нийслэл, дүүргийн Мэргэжлийн сургалт үйлдвэрлэлийн төвийн дэмжлэгтэйгээр хугацаат цэргийн алба хаагч хүсвэл тухайн орон нутагтаа хэрэгцээтэй гагнуурчин, цахилгаанчин, үсчин зэрэг 10 гаруй мэргэжлийг давхар эзэмшиж байгаа аж.
Тод мэдээ
Эмэнд тэсвэртэй сүрьеэгийн улмаас манай улсад жил бүр 15-20 хүн нас бардаг
-
Тод мэдээ2025/01/21
Цаг хожих, зам товчлох зэргээр мөсөн дээгүүр зорчихгүй байхыг зөвлөж байна!
-
Өнөөдөр2024/07/24
Нидерландын Олон улсын харилцааны Клингендал академийн захирлыг хүлээн авч уулза...
-
Тод зураг2019/06/27
Өнөөдөр, маргааш, арван жилийн дараа...
-
Тод мэдээ2021/04/14
Цаг агаарын аюултай үзэгдлээс сэрэмжлүүлж байна!