Тод мэдээ
Баярын өдрүүдээр ГССҮТ-д 1262 хүн яаралтай тусламж үйлчилгээ авчээ
Шинэ жилийн баярын өдрүүдэд буюу 2023 оны арванхоёрдугаар сарын 30-ны өдрөөс 2024 оны нэгдүгээр сарын 1-ний өдрийн хооронд ГССҮТ болон салбар эмнэлгийн Яаралтай тусламжийн тасагт нийт 1262 хүн хандаж, тусламж үйлчилгээ авчээ.
Осол, гэмтлийн дийлэнх шалтгааныг уналтын шалтгаант бэртэл гэмтэл эзэлж байгаа бөгөөд халтиргаа гулгаа болон цана чаргатай холбоотой бэртэж гэмтсэн тохиолдол эрс нэмэгдсэн байна.
Баярын өдрүүдэд халтиргаа гулгаанаас үүдэлтэй бэртэл гэмтэл авсан 250, цана чаргаас унаж гэмтсэн 126 тохиолдол бүртгэгджээ.
Тухайлбал:
Халтиргаа (30-ны өдөр 109, 31-ний өдөр 74, 01-ний өдөр 67)
Цана, чарга (30-ны өдөр 6, 31-ний өдөр 9, 01-ний өдөр 111)
Осголт, хөлдөлт нийт 12 тохиолдол бүртгэгдсэн байна.
Мөн баярын өдрүүдэд гэр бүлийн хүчирхийлэлтэй холбоотойгоор 36 хүн яаралтай тусламж үйлчилгээ авсан байна.
Эх сурвалж: ГССҮТ
Тод мэдээ
Австри Улсын Ерөнхийлөгч гэргийн хамт дурсгалын мод тарилаа
Монгол Улсын Ерөнхийлөгч Ухнаагийн Хүрэлсүхийн урилгаар Бүгд Найрамдах Австри Улсын Ерөнхийлөгч Александр Ван дэр Беллений Монгол Улсад хийж буй төрийн айлчлал үргэлжилж байна.
Монгол Улсын Ерөнхийлөгч Ухнаагийн Хүрэлсүх, гэргий Лувсандоржийн Болорцэцэг, Австри Улсын Ерөнхийлөгч Александр Ван дэр Беллен, түүний гэргий Дорис Шмидауэр нар уур амьсгалын өөрчлөлт, цөлжилт зэрэг дэлхий нийтэд тулгамдаж буй сорилтыг даван туулах хүч чармайлтад хувь нэмрээ оруулахыг бэлгэдэж Их тэнгэр цогцолборт дурсгалын мод тарилаа.
Ерөнхийлөгч Александр Ван дэр Беллен, гэргий Дорис Шмидауэр нар мөн энэ үеэр монголын нүүдэлчин ахуй, зан заншилтай танилцан, эрийн гурван наадам, монгол үндэсний дуу хөгжим, бүжгийг толилуулсан бэсрэг наадам үзэж сонирхлоо.
Тод мэдээ
“Бүртгэл-Хариуцлага, хамгаалалт” нөлөөллийн аяныг эхлүүлжээ
Гадаадын иргэн, харьяатын газраас гадаадын иргэнийг орон байраар хангасан иргэн, аж ахуйн нэгж, байгууллагуудын бүртгэлийн хариуцлагыг дээшлүүлэх, зөрчлөөс урьдчилан сэргийлэх зорилготой “Бүртгэл - Хариуцлага, хамгаалалт” нөлөөллийн аяныг өчигдөр эхлүүлжээ.
Гадаадын иргэнийг байрлуулж буй иргэн, аж ахуйн нэгж, байгууллага нь түүнийг Гадаадын иргэн, харьяатын газарт 48 цагийн дотор бүртгүүлэх бөгөөд бүртгэлийг цахимаар хийж болох хуулийн зохицуулалттай. 2025 оны эхний дөрвөн сарын байдлаар 14310 гадаадын иргэнийг цахим системээр бүртгүүлсэн байна.
Энэхүү бүртгэл нь зөвхөн хяналтын механизм биш, харин тухайн гадаадын иргэнийг болзошгүй эрсдэлээс урьдчилан сэргийлэх, аюулгүй байдлыг хамгаалах суурь юм. Түүнчлэн бүртгэлийг үнэн зөв хийснээр жуулчдын аяллын маршрут бодитой гарах, маршрутын дагуу жуулчдад зориулсан аялал жуулчлалын бүс байгуулах бодлогыг тодорхойлох зэрэг олон талын ач холбогдолтой.
Иймд гадаадын иргэнийг байрлуулж буй зочид буудал, амралтын газар, аялал жуулчлалын байгууллагуудыг аянд нэгдэж, цахим бүртгэлийн систем (e-mongolia.mn, isf.mn) ашиглан гадаадын иргэнийг бүртгүүлэхийг уриалж байна.
Тод мэдээ
Монгол Улсын хамгийн анхны задгай усан паркийг энэ зун бүрэн ашиглалтад оруулна
Монгол Улсын хамгийн анхны задгай усан паркийг Дархан хотын "Миний Монгол" цэцэрлэгт хүрээлэнд байгуулсан.
Өнгөрсөн долоо хоногт усан паркийн хэвийн үйл ажиллагааг нарийвчлан шалгах туршилт, тохируулгын тестийг хийсэн. Туршилтын үеэр техникийн 1 асуудал илэрчээ.
Паркийг бүрэн ашиглалтад оруулахад дээрх техникийн асуудлыг засварлах шаардлагатай тул нээлтийн өдрийн тов тодорхойгүй байна.
Усан паркийг энэ зундаа багтаан бүрэн ашиглалтад оруулахаар ажиллаж байна гэж Дархан-Уул аймгийн ЗДТГ-аас мэдээллээ.
-
Тод индэр2024/12/09
Х.Баасанжаргал: Хүний эрхийг хангах үндэсний II хөтөлбөрийн төсөлд олон нийтийн ...
-
Тод индэр2020/08/08
Монгол Улсын Шадар сайд Азийн хөгжлийн банкны удирдлагуудыг хүлээн авч уулзлаа
-
Өнөөдөр2022/02/09
Үс шинээр үргээлгэх буюу засуулбал нас уртадна
-
Тод мэдээ2024/01/16
“Амар байна уу 2024” үзэсгэлэн, худалдаанд 2000 гаруй жижиг, дунд би...