Өнөөдөр
Нийтэд мэдээлэх үүрэгтэй этгээдийн анхааралд!
Санхүүгийн зохицуулах хорооны 2023 оны нэгдүгээр сарын 13-ны өдрийн 22 дугаар тогтоолоор шинэчлэн баталсан “Мөнгө угаах болон терроризмыг санхүүжүүлэхтэй тэмцэх чиглэлээр банкнаас бусад мэдээлэх үүрэгтэй этгээдэд зайны болон газар дээрх хяналт шалгалт хийх журам”-ын дагуу нийт мэдээлэх үүрэгтэй этгээдээс жил бүрийн нэгдүгээр сарын 20 болон долдугаар сарын 10-ны өдрийн дотор “Мөнгө угаах болон терроризмыг санхүүжүүлэх, үй олноор хөнөөх зэвсэг дэлгэрүүлэх эрсдэлийн үнэлгээний асуулга”-ыг цахим хэлбэрээр авдаг.
Эрсдэлийн үнэлгээний асуулгыг бөглөж ирүүлэхгүй байх, хугацаа хоцроох, дутуу, алдаатай, худал бөглөх зэрэг нь тухайн мэдээлэх үүрэгтэй этгээдийг мөнгө угаах, терроризмыг санхүүжүүлэх эрсдэл өндөртэй гэж үзэн газар дээрх хяналт шалгалтын давтамжийг нэмэгдүүлэх, улсын байцаагчийн албан шаардлага хүргүүлэх, цаашлаад Зөрчлийн тухай хуульд заасны дагуу хариуцлагын арга хэмжээ ногдуулах төдийгүй Зөвшөөрлийн тухай хуульд заасанчлан тусгай зөвшөөрлийг түдгэлзүүлэх, хүчингүй болгох зэрэг арга хэмжээг үе шаттайгаар авч хэрэгжүүлэх үндэслэл болно.
Иймд тус асуулгыг дээрх журамд заасан хугацаанд ирүүлээгүй тохиолдолд нөхөж ирүүлэх боломжгүй ба хугацааг дахин сунгахгүй тул мэдээлэх үүрэгтэй этгээд Та бүхэн 2023 оны жилийн эцсийн байдлаарх "Мөнгө угаах болон терроризмыг санхүүжүүлэх, үй олноор хөнөөх зэвсэг дэлгэрүүлэх эрсдэлийн үнэлгээний асуулга"-ыг доорх холбоосоор татан авч энэ сарын 20-ны өдрийн дотор үнэн зөв, бүрэн гүйцэд бөглөж ирүүлэхийг мэдэгдье.
Жич: Зохицуулалттай салбарын нэр тус бүр дээр дарахад эрсдэлийн үнэлгээний асуулга автоматаар татагдах бөгөөд тус асуулгыг бүрэн гүйцэд бөглөж, холбогдох салбарын цахим шууданд эксел файл хэлбэрээр ирүүлнэ үү. Шаардлагатай нэмэлт мэдээллийг доорх и-мэйл хаяг болон amlctf@frc.mn, мөн 51-261113 утсаар тодруулж асууна уу.
1. Үнэт цаасны зах зээлд оролцогч мэргэжлийн байгууллагууд : sec_amlcft@frc.mn
2. Даатгагч болон даатгалын мэргэжлийн оролцогчид: ins_amlcft@frc.mn
3. Банк бус санхүүгийн байгууллагууд: nbfi_amlcft@frc.mn
4. Хадгаламж, зээлийн хоршоод: scc_amlcft@frc.mn
5. Үл хөдлөх, эд хөрөнгө зуучлалын байгууллагууд: rea_amlcft@frc.mn
6. Үнэт металл, үнэт чулууны, эсхүл тэдгээрээр хийсэн эдлэлийн арилжаа эрхлэгч хуулийн этгээд: dpms_amlcft@frc.mn
7. Үнэт металл, үнэт чулууны, эсхүл тэдгээрээр хийсэн эдлэлийн арилжаа эрхлэгч хувь хүн: dpms_amlcft@frc.mn
8. Виртуал хөрөнгийн үйлчилгээ үзүүлэгч: vasp_amlcft@frc.mn
САНХҮҮГИЙН ЗОХИЦУУЛАХ ХОРОО
Өнөөдөр
УИХ: Өнөөдөр чуулганы нэгдсэн хуралдаанаар...
Монгол Улсын Их Хурлын чуулганы өнөөдрийн /2025.06.05/ нэгдсэн хуралдааны тов, хэлэлцэх асуудлуудыг та бүхэнд танилцуулж байна.
|
Д/Д |
ХУРАЛДААН |
ХЭЛЭЛЦЭХ АСУУДАЛ |
ЦАГ |
ТАНХИМ |
|
1 |
· “Засгийн газарт чиглэл өгөх тухай” Улсын Их Хурлын тогтоолын төсөл /үргэлжилнэ/ · Хууль тогтоомжийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хууль, тогтоолын төслүүд /Улсын Их Хурлын гишүүн Д.Цогтбаатар нарын 9 гишүүн 2025.01.23-ны өдөр өргөн мэдүүлсэн, анхны хэлэлцүүлэг, асуулт, хариулт 90 минут/ |
10.00 |
“Их хуралдай” |
|
Өнөөдөр
УБЦТС: Өнөөдөр хийгдэх засварын хуваарь
Өнөөдөр буюу 2025 оны зургаадугаар сарын 05-ны Пүрэв гарагт цахилгаан шугам сүлжээнд хийх засварын хуваарийг танилцуулж байна. Хэрэглэгчид ээ, засвар хийх хугацаанд хэрэглээгээ түр зохицуулна уу.
ЖИЧ: Цаг агаарын нөхцөл байдлаас шалтгаалан хуваарьт өөрчлөлт орвол, гэрээт бүртгэлтэй утасны дугаарт мэдээлэл хүргэх болно. Засварын ажлыг тухайн тоноглолоос хүчдэлээс бүрэн чөлөөлсний дараа хийдэг нөхцөл байдлыг харгалзан үзэж, хүлээцтэй хандахыг хэрэгчлэгч та бүхнээс хүсье.
Өнөөдөр
Улаанбаатарт өдөртөө 21 хэм дулаан
Малчид, иргэд, тээвэрчдэд зориулсан мэдээ: Зургаадугаар сарын 05-нд Алтай, Хангай, Хөвсгөлийн уулархаг нутгаар бороо орж, тал, хээрийн нутгаар салхитай, сэрүүхэн байна.
2025 оны зургаадугаар сарын 05-ны 08 цагаас 20 цаг хүртэл: Ихэнх нутгаар солигдмол үүлтэй. Увс нуурын хотгор, Алтай, Хангай, Хөвсгөлийн уулархаг нутгаар бороо, дуу цахилгаантай аадар бороо орно. Бусад нутгаар бороо орохгүй. Салхи нутгийн зүүн өмнөд хэсгээр баруун өмнөөс баруун хойш эргэж, бусад нутгаар баруун хойноос секундэд 5-10 метр, тал, хээрийн нутгаар секундэд 15-17 метр хүрч ширүүснэ. Дархадын хотгор болон Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Байдраг, Туул, Тэрэлж, Халх голын хөндий, Дорнодын тал нутгаар 16-21 хэм, Эг, Үүр голын хөндий, Орхон-Сэлэнгийн сав газар, Дарьгангын тал нутаг, говийн бүс нутгийн зүүн хэсгээр 20-25 хэм, Их нууруудын хотгор, говийн бүс нутгийн баруун өмнөд хэсгээр 29-34 хэм, бусад нутгаар 24-29 хэм дулаан байна.
УЛААНБААТАР ХОТ ОРЧМООР: Багавтар үүлтэй. Бороо орохгүй. Салхи баруун хойноос секундэд 6-11 метр. 19-21 хэм дулаан байна.
БАГАНУУР ОРЧМООР: Багавтар үүлтэй. Бороо орохгүй. Салхи баруун хойноос секундэд 7-12 метр. 19-21 хэм дулаан байна.
ТЭРЭЛЖ ОРЧМООР: Багавтар үүлтэй. Бороо орохгүй. Салхи баруун хойноос секундэд 4-9 метр. 16-18 хэм дулаан байна.
2025 оны зургаадугаар сарын 06-наас 10-ныг хүртэлх
цаг агаарын урьдчилсан төлөв
Зургаадугаар сарын 6-нд Алтай, Хангай, Хөвсгөлийн уулархаг нутаг, Халх голын сав газраар, 7-нд Алтай, Хангай, Хөвсгөлийн уулархаг нутгаар, 8-нд баруун болон төвийн аймгуудын нутгийн зарим газар, зүүн аймгуудын нутгийн хойд хэсгээр, 9-нд баруун аймгуудын нутгийн зарим газар, төвийн аймгуудын нутгийн баруун хэсгээр бороо, дуу цахилгаантай аадар бороо орно. Салхи ихэнх нутгаар секундэд 5-10 метр, 6, 8-нд тал, хээрийн нутгаар секундэд 14-16 метр хүрч ширүүснэ. Дархадын хотгор, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Туул, Тэрэлж, Онон, Улз, Халх голын хөндий, Дорнод-Дарьгангын тал нутгаар шөнөдөө 1-6 хэм, өдөртөө 15-20 хэм, Их нууруудын хотгор болон говийн бүс нутгийн өмнөд хэсгээр шөнөдөө 14-19 хэм, өдөртөө 29-34 хэм, бусад нутгаар шөнөдөө 7-12 хэм, өдөртөө 21-26 хэм дулаан байна.
-
Тод зураг2020/05/04
Согтууруулах ундаа худалдах, түүгээр үйлчлэх зөвшөөрөлтэй газруудад санал хүргүү...
-
Тод мэдээ2025/03/07
Хаврын саруудын цаг агаарын ерөнхий төлөв
-
Тод мэдээ2023/11/27
Улс тунхагласны ойн барилдаанд улсын заан Б.Бат-Өлзий түрүүллээ
-
Тод мэдээ2020/08/08
Ил уурхайд техникийн шинэчлэлийн хүрээнд томоохон хөрөнгө оруулалт хийгджээ