Тод мэдээ
ЗХЖШ: Тусгай хүчний цэргийг сурталчлах ажил эхэллээ
Зэвсэгт хүчний нэгтгэл, ангиудын бие бүрэлдэхүүнд Тусгай хүчний цэргийг сурталчлах ажил ЗХЖШ-ын даргын тушаалаар 2024 оны наймдугаар сарын 12-ны өдрөөс 23-ны өдрүүдэд үргэлжилнэ.
Сурталчилгааны ажлын зорилго нь Зэвсэгт хүчний тусгай хүчний цэргийн нэгтгэл, ангиудын үйл ажиллагааг сурталчлан таниулах, бие бүрэлдэхүүнд нээлттэй сонгон шалгаруулалтын журмыг танилцуулахад оршиж байна.
Энэхүү үйл ажиллагааг алслагдсан орон нутгийн анги, салбаруудад цахим хэлбэрээр, Улаанбаатар цэргийн хүрээний нэгтгэл, ангиудад хөдөлгөөнт бүлгээр томилогдсон бүрэлдэхүүн явуулна гэж Зэвсэгт хүчний Жанжин штабаас мэдээллээ.
Тод мэдээ
“Телеграммаар даалгавар биелүүлж мөнгөө өсгөөрэй” гэх зар залилан
Тод мэдээ
Монгол Улс Олон улсын цоохор ирвэсийн холбоонд гишүүнээр элсэнэ
Засгийн газрын ээлжит хуралдаан 2025 оны аравдугаар сарын 15-нд боллоо. “Олон улсын цоохор ирвэсийн холбоонд Монгол Улс элсэхийг дэмжих тухай” Засгийн газрын тогтоолын төслийг хэлэлцэн дэмжлээ.
Манай улсын хувьд тус холбооны гишүүн болсноор монгол орны цоохор ирвэс, түүний амьдрах орчныг хамгаалах, ирвэстэй нутагт амьдардаг иргэд, малчдын амьдралын чанарыг дээшлүүлэх ач холбогдолтой ажээ.
БНЭУ муурын төрлийн амьтдыг хамгаалах зорилгоор “Олон улсын том муурын холбоо” байгуулах санаачилга дэвшүүлж, Монгол Улсын тус санаачилгад нэгдэн орох хүсэлтийг 2023 онд анх ирүүлжээ.
Тод мэдээ
Олон улсын нарны эрчим хүчний холбоо байгуулах тухай ерөнхий хэлэлцээрт нэгдэв
Олон улсын нарны эрчим хүчний холбоо байгуулах тухай ерөнхий хэлэлцээрт Монгол Улсын Засгийн газар нэгдэн орсныг баталж, Засгийн газрыг төлөөлөн харилцах байгууллагаар Эрчим хүчний яамыг томиллоо.
Олон улсын нарны эрчим хүчний холбоо нь 2015 онд байгуулагдсан. Бүгд Найрамдах Энэтхэг Улсад төвтэй төрийн бус байгууллага юм.
Тус байгууллага нь Олон улсын сэргээгдэх эрчим хүчний агентлагийн үйл ажиллагаатай давхцахгүй, нарны эрчим хүчний нөөц ихтэй улс орнуудад тулгамдсан асуудлыг хамтран шийдэх, хэрэгжүүлэх төсөл хөтөлбөрт санхүүгийн эх үүсвэр бий болгоход дэмжлэг үзүүлэх, нарны эрчим хүчний хэрэглээг нэмэгдүүлэх зорилготой ажээ. Энэхүү холбоонд нэгдсэнээр бүс нутгийн сэргээгдэх эрчим хүчний хамтын ажиллагааг хөгжүүлэх, нарны эрчим хүчний хэрэглээг дэмжих, үйлдвэрийг нэмэгдүүлэх, байгаль орчинд ээлтэй технологийг нэвтрүүлэх, хүлэмжийн хийг бууруулах зэрэг давуу талтай юм.
-
Тод индэр2023/09/05
Л.Оюун-Эрдэнэ: МАН УИХ-ын сонгуульд нэр дэвшүүлэх жагсаалтын эхний тавд хөгжлийн...
-
Тод мэдээ2022/11/01
Иргэн та ЭМД-аараа авсан тусламж, үйлчилгээндээ хяналт тавих боломжтой
-
Тод мэдээ2024/12/10
ЭЗБХ: Төсвийн төслийн хоёр дахь хэлэлцүүлгийг хийж, хууль, тогтоолын төслүүдийн ...
-
Тод зураг2020/03/13
Улаанбаатарт өдөртөө 5 хэм хүйтэн