Тод мэдээ
АНУ-ын зүүн өмнөд бүс нутагт 1000 жилд тохиолдоогүй гамшигт үзэгдэл болжээ

Өнгөрсөн ням гарагаас эхлэн "Хелен" хар салхи АНУ-ын Флорида мужийн эргээс зүүн өмнөд мужуудаар дамжин өнгөрөхдөө олон зуун зам, гүүр, барилга байгууламжийг сүйдэлж, 100 гаруй хүний амийг авч, олон арван хүн ор сураггүй болжээ.
Энэхүү шуурганы улмаас Хойд Каролина, Өмнөд Каролина, Жоржиа, Флорида, Теннесси, Виржиниа мужид нийт 133 гаруй хүн амь үрэгджээ.
Харилцаа холбоо тасарч, зам хаагдсаны улмаас олон мянган оршин суугчтай холбогдох боломжгүйд хүрсэн бөгөөд амь үрэгдэгсдийн тоо цаашид нэмэгдэх төлөвтэй байгаа аж.
Хойд Каролина мужийн иргэдэд тусламж үзүүлэхээр 7000 гаруй иргэн АНУ-ын Холбооны Онцгой байдлын агентлагт бүртгүүлсэн бол Үндэсний гвардаас 1000 тонн хүнс, усыг алслагдсан бүс нутгуудад нисдэг тэргээр тээвэрлэж байна гэж албаныхан мэдээлсэн байна.
Сүйрэлд өртсөн газар нь Шарлотт хотоос баруун тийш 100 миль (160 км) зайд орших Бат Калф хэмээх жижигхэн тосгон байсан бөгөөд цаг уурын мэргэжилтнүүдийн үзэж байгаагаар 1000 жилийн хугацаанд тохиолдож байгаагүй, түүхэн гамшигт үзэгдэл болж, нийт 158 тэрбум тонн хур тунадас оржээ.
Энэ нь хоёр жилийн хугацаанд орох хур тунадасны хэмжээ юм байна. Түүнчлэн Борд гол урьд өмнө хэзээ ч хүрч байгаагүй түвшинд хүрэн үерлэж, зам, гүүр, барилга байшингуудыг гурав хоногийн дотор урсгаж, их хэмжээний хохирол учруулсан талаар мэдээлжээ.
Эх сурвалж: ОБЕГ
Тод мэдээ
Мэдэгдэл

Тод мэдээ
Хүннү хотын 127.4 км авто замын бүтээн байгуулалт 30 хувьтай үргэлжилж байна
Нийслэл Улаанбаатар хотын хүн амын төвлөрлийг сааруулах, бүс нутгийн тэнцвэртэй хөгжлийг хангах зорилгоор “Хүннү” хотыг Богд хан уулын өвөрт, Хөшигийн хөндийд төлөвлөсөн.
Энэхүү хот нь Улаанбаатар хотоос 53 км, Төв аймгийн Зуунмод хотоос 10 км зайд, “Чингис хаан” олон улсын нисэх буудлын орчимд байрших бөгөөд нийт 150,000 хүн ам, 80,000 орчим ажлын байр, 10.5 сая м.кв барилгажих талбайтай байх юм.
Хүннү хотод төрийн байгууллагуудын цогцолбор, эдийн засгийн чөлөөт бүс, их дээд сургууль, оюутны хотхон, тээвэр ложистикийн нэгдсэн төв зэрэг олон чиг үүрэг бүхий шинэ төв болгохоор төлөвлөсөн бөгөөд олон улсын жишигт нийцсэн, байгаль орчинд ээлтэй “Ногоон” хот болох юм.
Хүннү хотын Хөгжлийн ерөнхий төлөвлөгөө, ажлын зураг төслийн дагуу 2022 оноос хойш хотын дэд бүтцийн эх үүсвэрийн бүтээн байгуулалтын ажлууд хэрэгжиж, цахилгаан хангамж 86%, ус хангамж 80%, үерийн хамгаалалтын суваг 75%, мэдээлэл холбооны сүлжээ 65%, ариутгах татуурга 10%, дулаан хангамж 10 % -ийн гүйцэтгэлтэй үргэлжилж байна.
Төслийн хүрээнд Нийслэлийн төсвийн хөрөнгөөр эхний ээлжинд 127,4 км зам барихаар төлөвлөгдсөн бөгөөд замын ажлын зураг төсвийг “ХЗТ автозам” ХХК гүйцэтгэж байна.
Нийт 127,4 км замаас эдийн засгийн чөлөөт бүсэд 24,6км, олон нийтийн төвд 6,4км, хотын төв засаг захиргааны бүсэд 77,8 км, их сургууль оюутны хотхон өндөр технологийн бүсэд 2,2 км, тээвэр логистикийн бүсэд 16,4 км зам тус тус төлөвлөгдсөн. Ажлын гүйцэтгэл 30 хувьтай хэрэгжиж байна.