Тод мэдээ
Монгол Улсын төрийн далбааг мандуулж, жанжин Д.Сүхбаатарын хөшөөнд цэцэг өргөлөө
Бүгд Найрамдах Улсыг тунхаглаж, анхдугаар Үндсэн хууль баталсны 100 жилийн ойн өдөр Монгол Улсын төрийн далбааг хүндэтгэн мандуулах ёслолоор эхэллээ. Их жанжин Д.Сүхбаатарын талбайд төрийн дууллыг эгшиглүүлж, Төрийн ёслолын хүндэт харуулын торгон цэргүүд Монгол Улсын төрийн далбааг мандууллаа.
Дараа нь Их жанжин Д.Сүхбаатарын хөшөөнд цэцэг өргөх ёслол боллоо. Ёслолын арга хэмжээнд Улсын Их Хурлын дарга Д.Амарбаясгалан, дэд дарга Х.Булгантуяа, Улсын Их Хурлын гишүүд, Улсын Их Хурлын Тамгын газрын удирдлагууд оролцлоо.
Энэ өдөр Бүгд Найрамдах Улсыг тунхаглаж, анхдугаар Үндсэн хууль баталсны 100 жилийн ойд зориулсан Улсын Их Хурлын Хүндэтгэлийн хуралдаан, Монгол Улсын иргэний андгай өргөх ёслол, үндэсний бөхийн барилдаан болно хэмээн Улсын Их Хурлын Хэвлэл мэдээллийн газраас мэдээллээ.
Тод мэдээ
II улирлын бие даалтын 7 хоног өнөөдөр эхэлнэ
Ерөнхий боловсролын сургуулийн II улирлын бие даалтын 7 хоногийг “Аюулгүй амьдрах ухаан” сургалтын хөтөлбөрийн хэрэгжилтэд дэмжлэг үзүүлэх хүрээнд төв орон нутгийн Онцгой байдлын газар, хэлтэс, аврах ангитай хамтран зохион байгуулна.
"Бие даалтын долоо хоног" Улаанбаатарт даваа гарагт эхэлж байгаа. Энэ хугацаанд сурагчид музей, урлагийн тоглолт үзэх, спортоор хичээллэх зэргээр танхимаас гадуур хөгжүүлэх хөтөлбөрүүдэд хамрагдана.
Дөрөвдүгээр сарын 7-ноос нийслэлийн сургуулиудын II улирлын амралт эхэлж, 11-нийг дуустал үргэлжилнэ. III улирлын хичээл дөрөвдүгээр сарын 14-ний даваа гарагт эхэлнэ.
Тод мэдээ
Цас, мөс хайлж халтиргаа гулгаатай байгаа тул болгоомжтой явахыг ГССҮТ-өөс зөвлөлөө
2020-2024 онуудад уналтын шалтгаант осол гэмтэл тэргүүлсээр байгааг Гэмтэл Согог Судлалын Үндэсний Төвөөс сэрэмжлүүллээ.
Осол гэмтлийн тэргүүлэх таван шалтгаан
- Уналт 42.5 хувь
- Амьгүй механик хүчинд өртөх 18.3 хувь
- Зам тээврийн осол 12.4 хувь
- Амьтай механик хүчинд өртөх 8.6 хувь
- Хүчирхийлэл 8.4 хувь
Осол гэмтлийн шалтгаант өвчлөлийн үед толгойн гэмтэл хамгийн түгээмэл тохиолддог байна. Түүнчлэн
- Шагай ба тавхайн гэмтэл
- Тохой ба шууны гэмтэл
- Өвдөг ба шилбэний гэмтэл
- Мөр ба бугалгын гэмтэл
Уналтын тэргүүлэх шалтгаан
- Нэг түвшин дээр бүдэрч, тээглэж унах
- Шат гишгүүрээс унах
- Мөс, цасан дээр халтирч унах
Иймд цас, мөс хайлж халтиргаа гулгаа ихсэж байгаа тул болгоомжтой явахыг зөвлөлөө.
Тод мэдээ
Нийслэлийн хэмжээнд өнгөрсөн долоо хоногт гал түймрийн 51 дуудлага бүртгэгджээ
Нийслэлийн хэмжээнд өнгөрсөн долоо хоногт аврах ажиллагааны таван, гал түймрийн 51 дуудлага бүртгэгдлээ. Алба хаагчид 82 иргэний аюулгүй байдлыг ханган, 8 тэрбум 237 сая төгрөгийн өмч хөрөнгийг авран хамгаалж ажилласан байна.
Зуслангийн бүсийн айл өрхүүд цогтой үнс, нурмаа тагтай төмөр саванд хийж ой, хээрийн түймрээс урьдчилан сэргийлэх, шар өвсийг хадуураар цэвэрлэж, шатаахгүй байхыг онцгойлон анхааруулж байна.
-
Өнөөдөр2023/02/08
Газар хөдлөлтийн голомтод хөдлөлт болон чичиргээ үргэлжилсээр байна
-
Тод мэдээ2021/05/06
Энэ бямба гарагаас өндөржүүлсэн бэлэн байдлын зэрэгт шилжинэ
-
Тод мэдээ2023/11/10
АМГТГ: АИ-92 авто бензиний 22 хоногийн нөөцтэй байна
-
Тод индэр2023/03/21
Ч.Сугармаа: Жолооч, тээвэрчид ээ, амьдрал залгуулдаг авто замаа хайрлая