Тод мэдээ
Хүнсний үйлдвэрүүдийн тээвэрлэлтийн үйлчилгээнд хяналт шалгалт хийлээ
Хүнсний технологийн тээврийн үйлчилгээ эрхэлж буй 28 аж ахуйн нэгж хамрагдлаа. Эдгээр аж ахуй нэгжүүд битүү тэвш, бүхээг бүхий зориулалтын 674 тээврийн хэрэгслээр хүнсний бүтээгдэхүүн тээвэрлэж байна.
Шалгалтад тээврийн хэрэгслийг хадгалах битүү зогсоол, техникийн оношлогоо үйлчилгээ, засварын ажлын байр, автоугаалгын цэг, засварын ажлын тоног төхөөрөмжүүд, 174 тээврийн хэрэгсэл, тээвэрлэгч жолооч нар хамрагдсан. Мөн инженер техникийн ажилтнуудын ажил үүргийн биелэлт, засварын тоног төхөөрөмжийн хөдөлмөр хамгаалал, аюулгүй ажиллагаа, байгууллагын дотоод хяналтын ажлыг шалгалаа. Шалгалтаар дараах зөрчил дутагдлууд илэрлээ.
Үүнд:
- Тээвэрлэгч аж ахуйн нэгжүүдийн үйл ажиллагаанд тээврийн үйлчилгээний жолооч нарыг “мэргэшсэн жолооч”-ийн сургалтанд бүрэн хамруулаагүй, байгууллагын дотоодын хяналт шалгалтыг зохион байгуулах журмыг боловсруулаагүй,
- Инженер, механик нь тээврийн хэрэгслүүдийн техникийн бүрэн бүтэн байдал, тээвэрлэлтийн нөхцлийг хэрхэн хангасныг шалгаж, замын хуудсыг баталгаажуулан олгодоггүй,
- Автозасварын байргүй, засвар, үйлчилгээний байранд шаардлагатай тоног төхөөрөмжүүдийг суурилуулаагүй,
- Мэргэжлийн инженер техникийн ажилтангүй, тээврийн хэрэгсэлд хийх техникийн засвар, үйлчилгээний хуваарийг боловсруулаагүй,
- Автомашин ашиглалттай холбоотой асуудлыг хянан шийдвэрлэж байх үүрэг бүхий техникийн комисс /зөвлөл/-ыг байгуулж, ажиллах журмыг тогтоон ажиллаагүй,
- Автотээврийн хэрэгсэлд техникийн ашиглалтын хувийн хэрэг хөтлөөгүй, өргөж тээвэрлэх, хэмжих, хянах багаж хэрэгсэл, өндөр даралтанд ажиллах тоноглолыг эрх бүхий байгууллагаар шалгуулж баталгаажуулаагүй,
- Засварын ажлын багаж хэрэгсэл бүрт хөдөлмөр хамгаалал, аюулгүй ажиллагааны болон галын аюулгүйн анхааруулах тэмдэг, санамж тавиагүй, тээврийн хэрэгслүүд нь эдэлгээний баталгаат гүйлтийн нөөц багатай, тээврийн хэрэгсэл, түүний тэвш, бүхээгт мэргэжлийн байгууллагаар ариутгал хийлгэдэггүй зэрэг 170 гаруй зөрчлийг илрүүлж, зөрчлийг арилгуулах тухай 148 заалттай 25 улсын байцаагчийн албан шаардлагыг гаргаж, хугацаатай үүрэг даалгавар өгөв. Тээвэрлэгчийн үүргээ хангалтгүй биелүүлж ажилласан 13 аж ахуйн нэгжид торгууль ногдуулж, бүрэн барагдуулав гэж Мэргэжлийн хяналтын ерөнхий газраас мэдээллээ.
Тод мэдээ
Улсын Их Хурлын 2025 оны Хаврын ээлжит чуулганы өнөөдрийн нэгдсэн хуралдаан
Тод мэдээ
Их, дээд сургуулиудын оюутнууд жуулчдад үйлчилнэ
Жуулчдын аюулгүй байдлын хангах, гэмт хэрэг, зөрчлөөс урьдчилан сэргийлэх ажлын хүрээнд Нийслэлийн гэмт хэргээс урьдчилан сэргийлэх ажлыг зохицуулах салбар зөвлөл, Нийслэлийн Цагдаагийн удирдах газар, Монголын Оюутны холбоотой хамтран ᠌᠌”Оюутан цагдаа-2025” хөтөлбөрийг хэрэгжүүлж эхэллээ.
Улаанбаатар хотын их, дээд сургуулийн 62 оюутан цагдаа зуны туршид гадаадын жуулчдын аюулгүй байдал, гэмт хэрэг зөрчлөөс урьдчилан сэргийлэх болон ажил болон шаардлагатай мэдээ мэдээллээр хангаж ажиллана.
Монгол Улс Гадаадын иргэд жуулчдын тоо ихээр нэмэгддэг зуны улиралд тэднийг гэмт хэрэг, зөрчлөөс урьдчилан сэргийлэх, хэрэгцээт мэдээ, мэдээлэл хангах, дэмжлэг туслалцаа, зөвлөгөө өгөх, аялал жуулчлалын үйл ажиллагаатай холбоотой газар, үйлчилгээний цэг байршлын талаарх шаардлагатай мэдээллийг түргэн шуурхай хүргэж ажиллах зорилготой.
Түүнчдэн гадаад хэлний мэдлэгийн түвшнийг үндэслэн шалгаруулж авсан Оюутан цагдаа нар энэ өдрөөс эхлэн наймдугаар сарын 10 -ны өдрийг хүртэл 2 сарын хугацаанд өдрийн 8 цагаар ажиллана.
Эх сурвалж: НИТХ-ХМОНХА
Тод мэдээ
Азийн хотуудын ардын урлаг, гар урлалын наадам Улаанбаатар хотноо болно
Азийн хотуудын ардын урлаг, гар урлалын “Asia Folk 2025” наадмыг Нийслэлийн Засаг даргын ивээл дор зургаадугаар сарын 13-15-ны өдрүүдэд Улаанбаатар хотноо зохион байгуулна.
Энэ удаагийн наадамд Япон, БНСУ, БНЭУ, Вьетнам, БНХАУ, Узбекистан, Саха БНУ зэрэг нийт 11 улсын 170 уран бүтээлч оролцохоор бүртгүүлсэн.
Наадмын хүрээнд Д.Сүхбаатарын талбайд зургаадугаар сарын 13-15-нд гадаадын болон Монголын ардын урлагийн уран бүтээлчдийн хамтарсан урлагийн тоглолтууд, Азийн улсуудын үндэсний хувцастай парад, үндэсний хувцасны үзүүлэх тоглолт болохын зэрэгцээ гар урлалын үзэсгэлэн, худалдаа болон воркшоп сургалт зэрэг олон үйл ажиллагаа зохион байгуулах юм.
Өдгөө долоо дахь жилдээ зохион байгуулж буй “Asia Folk 2025” Азийн хотуудын ардын урлаг, гар урлалын наадмыг анх 2019 онд Улаанбаатар хотноо Азийн ардын урлагийн наадам нэртэйгээр, 2020-2022 онд цар тахлын улмаас цахимаар зохион байгуулж байсан. Харин 2023 оноос эхлэн Нийслэлийн Засаг даргын ивээл дор НЗДТГ, нийслэлийн Соёл, урлагийн газар, нийслэлийн Жижиг, дунд үйлдвэр, үйлчилгээг дэмжих төв НӨҮГ, “Артлар соёл урлаг” ТББ болон Ардын урлагийн наадмуудын дэлхийн ассоциаци зохион байгуулж байна.
Тус наадмыг гадаадын жуулчид хийгээд монголчууддаа азийн улс үндэстнүүдийн соёлын өв, ардын урлагтай нэгэн дор танилцах боломжийг олгодог, Улаанбаатар хотоор овоглосон соёлын үйлдвэрлэл, соёлын аялал жуулчлалын томоохон брэнд үйл ажиллагаа болгон жил бүр зохион байгуулсаар байгаа юм.
Ташрамд, наадмын албан ёсны нээлтийн үйл ажиллагаа зургаадугаар сарын 13-ны 19:30 цагт Д.Сүхбаатарын талбайд болно.
-
Тод индэр2020/04/28
Санхүүгийн зохицуулах хорооноос сэрэмжлүүлэг гаргалаа
-
Тод мэдээ2021/05/03
Ерөнхийлөгч Х.Баттулга Дэлхийн хэвлэлийн эрх чөлөөний өдөрт зориулан мэндчилгээ ...
-
Тод зураг2020/05/09
"Эх орны төлөө"-Ялалт 75
-
Тод мэдээ2020/12/24
УИХ-ын гишүүн Ц.Туваан хуульд өөрчлөлт оруулахаар төсөл өргөн барилаа