Бидэнтэй нэгдэх

Тод мэдээ

Инфографик:“Зарим газар нутгийг улсын тусгай хамгаалалтад авах тухай” тогтоолын танилцуулга

Огноо:

,

Сэтгүүлч:

Улсын Их Хурлын 2020 оны хаврын ээлжит  чуулганаар хэлэлцэж баталсан хууль тогтоомжийн талаарх танилцуулга, инфографикийг уншигч та бүхэнд цувралаар хүргэж байгаа билээ. Энэ удаа “Зарим газар нутгийг улсын тусгай хамгаалалтад авах тухай” Улсын Их Хурлын тогтоолын танилцуулга, инфографикийн хамт хүргэж байна.

“ЗАРИМ ГАЗАР НУТГИЙГ УЛСЫН ТУСГАЙ ХАМГААЛАЛТАД АВАХ ТУХАЙ” УЛСЫН ИХ ХУРЛЫН ТОГТООЛЫН ТАНИЛЦУУЛГА 

Монгол Улсын Засгийн газраас 2020 оны 04 дүгээр сарын 08-ны өдөр өргөн мэдүүлсэн “Зарим газар нутгийг улсын тусгай хамгаалалтад авах тухай” Улсын Их Хурлын тогтоолын төслийг Улсын Их Хурлын 2020 оны 05 дугаар сарын 07-ны өдрийн чуулганы нэгдсэн хуралдаанаар хэлэлцэн баталлаа. 

Энэхүү тогтоолоор байгалийн бүс, бүслүүрийн онцлог хэв шинж, унаган төрх, байгалийн өвөрмөц тогтоц, түүх соёлын болон экологийн хувьд онцгой ач холбогдол бүхий Ноён уулын байгалийн нөөц болон дурсгалт газрын хилийн заагт Сэлэнгэ аймгийн Мандал сум, Төв аймгийн Борнуур, Батсүмбэр сумын зарим хэсгийг хамруулан өргөтгөж, уг тусгай хамгаалалттай газар нутгийн ангиллыг ахиулан дархан цаазат газрын ангиллаар улсын тусгай хамгаалалтад авлаа. 

Тогтоол батлагдсанаар Ноён уулын дархан цаазат газрын хамгаалалтын захиргааг байгуулж, шаардагдах хөрөнгийг жил бүрийн батлагдсан төсвийн хүрээнд багтаан зохион байгуулж байхаар зохицууллаа.

Ноён уулыг дархан цаазат газрын ангиллаар улсын тусгай хамгаалалтад хамруулснаар байгалийн өвөрмөц тогтоц, түүх, соёлын дахин давтагдашгүй, шинжлэх ухааны онцгой ач холбогдол бүхий дурсгалуудыг хамгаалж судлах, ойн сан бүхий газрын хэмжээ 0.11 хувиар нэмэгдэж хамгаалагдах бөгөөд улсын тусгай хамгаалалттай газар нутгийн талбайн хэмжээ 10483 га-аар нэмэгдэж байна. 

Дэлгэрэнгүй унших
сурталчилгаа
Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод мэдээ

Монгол, Киргизийн цахим уулзалт болов

Огноо:

,

Гадаад харилцааны яамны Ази, Номхон далайн орнуудын газрын захирал Э.Сарантогос Бүгд Найрамдах Киргиз Улсаас Монгол Улсад хавсран суугаа Элчин сайд хатагтай К.Д.Бактыгуловатай 8 дугаар сарын 7-ны өдөр цахим уулзалт хийв.

Цахим уулзалтын үеэр цар тахлын амаргүй цаг үед харилцан туршлага, мэдээлэл солилцох, Монгол, Киргизийн хоёр талын харилцаа, хамтын ажиллагааг хөгжүүлэх талаар санал солилцов. Киргизийн талаас хоёр улсын Засгийн газар хоорондын  Комиссын хүрээнд ярьж тохирсон ажлуудыг урагшлуулах, улс төрийн яриа хэлэлцээ, салбар яамд хоорондын ажлын хэсгийн уулзалтыг нөхцөл байдалтай уялдуулан цахим хэлбэрээр зохион байгуулах зэрэг ажил хэрэгч санал тавив.

Монгол Улс “COVID-19“ цар тахлын онцгой нөхцөл байдалд Парламентын сонгуулиа амжилттай зохион байгуулсан туршлагаас хуваалцахыг киргизийн тал хүслээ. Мөн Киргизийн Парламентын ээлжит сонгуулийг энэ оны 10 дугаар сард зохион байгуулахаар төлөвлөж байгаатай холбогдуулан манай Сонгуулийн Ерөнхий Хорооны удирдлагыг ажиглагчаар оролцохыг урив.

Дэлгэрэнгүй унших

Тод мэдээ

Орон нутгийн зорчигч тээврийн үйлчилгээг сайжруулна

Огноо:

,

Өмнөговь аймгийн төв доторх, сум хоорондын зорчигч тээврийн ажил үйлчилгээг сайжруулах зорилгоор Даланзадгад зорчигч тээвэр ОНӨААТҮГ-т 2 автобус, 1 фургон маркийн автомашиныг шийдэж өгөв. Аймгийн төвд нийтийн тээвэр үйлчилгээг үзүүлэхээс гадна сумдад явна.
 
✅Даланзадгад-Номгон-Даланзадгад
 
✅Даланзадгад-Ханбогд-Даланзадгад
 
✅Даланзадгад-Манлай-Даланзадгад
 
✅Даланзадгад-Цогтцэций-Даланзадгад
 
✅Даланзадгад-Баяновоо-Даланзадгад
 
✅Даланзадгад-Булган-Даланзадгад
 
✅Даланзадгад-Гурвантэс-Даланзадгад
 
✅Даланзадгад-Цагаан хад-Даланзадгад
 
✅Даланзадгад-Оюутолгой-Даланзадгад
 
✅Даланзадгад-Мандал Овоо-Даланзадгад чиглэлд зорчигч тээвэрлэлт хийх юм.
Дэлгэрэнгүй унших

Тод мэдээ

Өвөлжилтийн бэлтгэл хангах ажлын төлөвлөгөөг баталж хэрэгжүүлэхээр болов

Огноо:

,

Өмнөговь аймгийн хэмжээнд бэлчээрийн 90 хувь гандуу зусаж байна. Өвөлжилтийн бэлтгэл байдлыг хангах ажлыг хэсэг хуралдаж ерөнхий төлөвлөгөөгөө баталлаа. Аймаг, сумын аюулгүй нөөцөд 2450 тонн өвс, 550 тонн тэжээлийг татаж нөөцлөх шаардлагатай.

Өмнөговь аймгийн 6100 малчин өрхөд 3,0 сая толгой мал сүрэг өвөлжих урьдчилсан мэдээ байна. Өвлийг гарз хохирол багатай даван туулахад аймаг сумаас дорвитой ажил арга хэмжээг зохион байгуулахын зэрэгцээ малчид, ард иргэдийн хүч оролцоог нэмэгдүүлэн ажиллах хэрэгтэй.
 
Төв суурингийн өвөлжилтийн бэлтгэл байдлыг хангах уурын зуух, дулааны шугам сүлжээний бүрэн бүтэн ажиллагааг сайжруулах, аж ахуйн нэгж байгууллагууд дор бүрнээ өвөлжилтийн бэлтгэл байдлаа сайтар базаах хэрэгтэйг анхааруулав.
 
Дэлгэрэнгүй унших
сурталчилгаа
Чөлөөт бүс42 минутын өмнө

Хувцасныхаа шошгыг тайлж уншихын учир...

Чөлөөт бүс46 минутын өмнө

Хүний тархитай холбоотой зарим сонирхолтой баримтууд

Чөлөөт бүс52 минутын өмнө

Эмэгтэйчүүдэд зориулсан хэдэн зөвлөгөө

Тод мэдээ1 цаг 5 минут

Монгол, Киргизийн цахим уулзалт болов

Тод индэр1 цаг 14 минут

Тэтгэлэгт хамрагдсан 24 оюутан батламжаа гардан авлаа

Тод индэр1 цаг 17 минут

Бог малыг угаах, хашаа хороог ариутгах ажлыг аймгийн хэмжээнд эхлүүл...

Тод индэр1 цаг 19 минут

“Говийн оюутан-2” төслийн эзэд шалгарлаа

Тод мэдээ1 цаг 23 минут

Орон нутгийн зорчигч тээврийн үйлчилгээг сайжруулна

Тод мэдээ1 цаг 29 минут

Өвөлжилтийн бэлтгэл хангах ажлын төлөвлөгөөг баталж хэрэгжүүлэхээр б...

Тод мэдээ1 цаг 33 минут

Агаарын чанарын бүсийг шинэчлэн тогтооно

Тод мэдээ1 цаг 36 минут

Соёлын өвийн бүртгэл, хамгаалалтад авах шаардлагатай 41 барилга байн...

Тод мэдээ1 цаг 41 минут

Цэцэрлэгийн бүртгэл, элсэлтийг энэ жил цахимаар зохион байгуулахгүй

Санал болгох