Хэн юу хэлэв...
Сэтгүүлчдийн хөдөлмөрлөх эрхийн асуудлаар хамтарч ажиллана
Монгол Улсын Хүний эрхийн Үндэсний Комиссын тухай хуульд Комисс нь хүний эрхийн асуудлаар төр, иргэний нийгэм, хэвлэл мэдээллийн байгууллага, хуулийн этгээд болон олон улсын байгууллагатай хамтран ажиллахаар заасан байдаг. Комисс нь байгуулагдсан цагаасаа хойш хэвлэл мэдээллийн байгууллагатай олон жил хамтын ажиллагаатай ажиллаж байна. Хүний эрхийн хамгаалагч-сэтгүүлч, хэвлэл мэдээллийн байгууллагын ажилтнуудын хөдөлмөрлөх эрхийн асуудлыг 2015 онд УИХ-д ХЭҮК-оос өргөн барьсан “Монгол Улс дахь хүний эрх, эрх чөлөөний байдлын талаарх 14 дэх илтгэл”-д тусгаж, тодорхой саналуудыг хүргүүлж байсан билээ.
Харин энэ удаа хамтын ажиллагааны хүрээг өргөжүүлэх, үйл ажиллагаагаа эрчимжүүлэх зорилгоор Монголын Сэтгүүлчдийн Нэгдсэн Эвлэлийн ерөнхийлөгч З.Боргилмаа, менежер н.Мөнхбаяр нартай Монгол Улсын Хүний эрхийн Үндэсний Комиссын гишүүн П.Оюунчимэг уулзаж хамтран ажиллах Санамж бичиг байгуулах асуудлаар ярилцлаа.
Монгол Улсад хүний эрхийн үндэсний байгууллага үүсч хөгжсөний 20 жилийн ойг угтан Комиссоос сэтгүүлч, хэвлэл мэдээллийн байгууллагын ажилтнуудын хөдөлмөрлөх эрх хэрхэн хангагдаж байгаад судалгаа, дүн шинжилгээ, хяналт шалгалтыг хамтран зохион байгуулах, Хүний эрхийн хамгаалагчдын эрх зүйн байдлын тухай хуулийн төслийг УИХ-аар хэлэлцүүлэн, батлуулахад нөлөөллийн ажиллагаа явуулах, сэтгүүлчдийн хүний эрхийн талаарх мэдлэг, ойлголтыг дээшлүүлэх, хүний эрхэд суурилсан хандлагыг төлөвшүүлэхэд чиглэсэн танхимын болон цахим сургалтуудыг зохион байгуулах, хүний эрхийн асуудлаар мэргэшсэн сэтгүүлчдийг бэлтгэх, “Хүний эрхэд ээлтэй Хэвлэл мэдээллийн байгууллага”-ыг жил бүр сонгон шалгаруулах зэрэг олон чиглэлээр хамтран ажиллахаар тохиролцов.
Мөн 2020 оны 08 дугаар сарын 17-нд Монголын сайтын холбооны ерөнхийлөгч Л.Оюунтунгалаг, дэд ерөнхийлөгч Э.Батхүү нартай ХЭҮК-ын гишүүн П.Оюунчимэг уулзаж, хүний эрхийн мэргэшсэн сэтгүүлч бэлтгэх сургалт зохион байгуулах, нөлөөллийн үйл ажиллагаа явуулах зорилгоор хамтран ажиллах Санамж бичиг байгуулахаар боллоо.
Хэн юу хэлэв...
БНХАУ-ын Элчин сайд Шэнь Миньжуань харилцан ашигтай хамтын ажиллагааг өргөжүүлэхийг уриалав
Монгол дахь БНХАУ-ын Элчин сайд Шэнь Миньжуань өөрийн албан X (хуучнаар Twitter) цахим хуудсандаа Монгол, Хятадын хамтын ажиллагааны талаар байр сууриа илэрхийлжээ.
Тэрбэр, " Монголчуудын дунд “айл хүний амь нэг, саахалт айлын санаа нэг” гэж зүйр үг байдаг бол, Хятадын тал “элэгсэг дотно, үнэнч шударга, үр ашигтай, хүртээмжтэй” үзэл баримтлалыг баримталж, хувь заяаны хамтын нийгэмлэгийг цогцлоохыг зорьдог бөгөөд үндсэн агуулгаараа нийцдэг билээ. Энэхүү хэлэлцээр нь давуу талуудаа нөхөлцөж, харилцан ашигтай хамтын ажиллагаанд хүрэхэд чиглэсэн бөгөөд талуудын чин шударга хамтын ажиллагааны илэрхийлэл буюу нэг нь хожиж нөгөө нь хохирох тухай агуулаагүй болно. Хятад улс саяхан XV дахь таван жилийн төлөвлөгөөгөө баталж, гадаад улс оронд нээлттэй байх бодлогоо улам гүнзгийрүүлж, хөрш орнуудтай аж үйлдвэрийн хамтын ажиллагаа, гадаад худалдаа болон уялдаа холбоогоо улам нягтруулахаар зорьж байна.
Монголын хувьд Хятад хэмээх том зах зээл хаяа залган оршиж байна. Энэ оны эхний улиралд Монголын экспорт 60 хувиар өссөн нь Хятад руу чиглэсэн экспорт голлон нэмэгдсэнтэй холбоотой. Харилцан итгэлцлээ улам бэхжүүлж, хамтын ажиллагааны “бялууг” улам томруулж, хамтын хөгжлийг илүү хурднаар, илүү үр дүнтэйгээр бүтээцгээе." гэжээ.
Хэн юу хэлэв...
Санхүүгийн зах зээлүүд Ираны дайны нөлөө буурч эхэлсэнд итгэж эхлэв
Сүүлийн 24 цагийн байдлаар дэлхийн санхүүгийн зах зээлүүд Ирантай холбоотой мөргөлдөөний нөлөө буурч эхэлсэнд итгэх хандлага ажиглагдаж байна. Олон улсын хөрөнгө оруулагчид зах зээлийн гол үзүүлэлтүүдийг ажиглахад дайны эхэн үеийн огцом савлагаа намжиж, ихэнх активууд өмнөх түвшиндээ дөхөж очсон нь анхаарал татаж байна.
Тухайлбал, дэлхийн томоохон индексүүд сэргэлт үзүүлж, зарим нь бараг дайны өмнөх түвшинд хүрээд байгаа бол хөрөнгө оруулагчид АНУ болон хөгжиж буй зах зээлүүдэд дахин анхаарал хандуулж эхэлжээ.
АНУ-ын хөрөнгийн зах зээл ч эерэг дохио үзүүлж, S&P 500 индекс түүхэн дээд түвшинд хүрч, өмнөх алдагдлаа нөхсөн байна. Зах зээл ийнхүү тайвширч эхэлсэн нь Ираны мөргөлдөөн намжих магадлал нэмэгдэж, дипломат яриа хэлэлцээ дахин эхэлж болзошгүй гэсэн хүлээлттэй холбоотой гэж шинжээчид үзэж байна.
Гэсэн ч эрчим хүчний зах зээлд болгоомжлол хэвээр байна. Газрын тос, байгалийн хийн үнэ өндөр түвшинд хадгалагдаж байгаа бөгөөд Ормузын хоолойн нөхцөл байдал бүрэн тогтворжоогүй хэвээр байгаа нь эрсдэлийг хадгалж буйг анхааруулж байна.
Мөн хүүгийн түвшин, инфляцын дарамт бүрэн буураагүй, бондын зах зээлд тодорхойгүй байдал үргэлжилж байгаа нь хөрөнгө оруулагчдыг болгоомжтой хэвээр байлгаж байна.
Хэн юу хэлэв...
БНХАУ-д зорчих иргэдийн анхааралд
Манай улсын иргэд БНХАУ-д зорчихдоо анхаарал болгоомжгүй байдлаас болж гадаад паспорт, мөнгө зэрэг зүйлсээ гээгдүүлэх, олон нийтийн унаанд мартаж буух тохиолдлууд гарч байна.
Гадаад паспортаа гээгдүүлснээр зочид буудалд захиалга хийх боломжгүй болох, нислэгээ цуцлах зэрэг хүндрэлтэй асуудлууд үүсдэг. Энэ тохиолдолд холбогдох дүүргийн Цагдаагийн газарт бүртгүүлж бичиг баримтаа гээгдүүлсэн тухай бичиг авч, БНХАУ-ын НАХЯ-ны Хилээр орох, гарах газраас тус улсын хилээр гарах зөвшөөрөл хүсэж 5-7 хоног хүлээх зэргээр цаг хугацаа алдаж, санхүүгийн хохирол амсдаг.
Элчин сайдын яамны зүгээс паспорт гээгдүүлсэн иргэдэд буцах үнэмлэх олгох, тухайн иргэнд Хятад улсын хилээр гарах зөвшөөрөл гаргуулах зэргээр иргэний асуудлыг шийдвэрлэхэд дэмжлэг үзүүлэн ажилладаг.
Иймд БНХАУ-аар зорчих Монгол Улсын иргэн Та хувийн хариуцлагаа нэмэгдүүлж, сонор сэрэмжтэй байж, гадаад паспорт болон мөнгө, эд зүйлсээ биеэсээ салгахгүй, анхааралтай аялахыг Элчин сайдын яамны зүгээс анхааруулж байна.
Иргэн Та БНХАУ-д зорчих үедээ бичиг баримтаа гээгдүүлсэн тохиолдолд Элчин сайдын яамны шуурхай утас болон цахим хуудсаар холбогдоно уу.
ЭСЯ-ны шуурхай утас: +8617600787323, +86(10)65321203,
Цахим хаяг: beijing@mfa.gov.mn, beijing.consul@mfa.gov.mn
