Тод мэдээ
Улаанбаатарт гацсан Орхон аймгийн харьяат иргэдийг Бямба гарагт татна
УЛААНБААТАР ХОТОД ОРХОН АЙМГИЙН ХАРЬЯАТ ИРГЭДИЙН АНХААРАЛД!
2021 оны нэгдүгээр сарын 23 буюу энэ долоо хоногийн Бямба гарагт Улаанбаатар хотоос иргэдээ нийтийн тээврээр татан авах ажил хийгдэнэ. Иймд Улаанбаатар хотод хязгаарлалтад ороод буй Орхон аймгийн харьяат иргэд орон нутагтаа ирэх бэлтгэл ажлаа сайтар хангахыг Орхон аймгийн Онцгой комиссоос анхааруулж байна.
Нийтийн тээвэр нэгдүгээр сарын 23-ны өдөр 12:00 цагт “Драгон” авто вокзалаас хөдөлнө.
Зорчих хүсэлтээ иргэд:
1. Erdenet.mn сайтын Онцгой комисс цэс рүү хандаж “Бусад орон нутгаас Орхон аймагт ирэх иргэдийн бүртгэл судалгаа”-г бөглөн хүсэлтээ илгээсэн байх шаардлагатай.
2. PCR шинжилгээнд хамрагдсан байх шаардлагатай бөгөөд шинжилгээний хариу 72 цагийн дотор хүчинтэй гэдгийг анхаарна уу! Иймд PCR шинжилгээний хариу хүчинтэй эсэхээ шалгах, хүчинтэй хугацаа дууссан тохиолдолд дахин PCR шинжилгээнд хамрагдаарай!
3. Та бага насны хүүхэдтэй зорчих бол тэднийг ч мөн erdenet.mn сайтын бүртгэлд хамруулж хүсэлт илгээсэн байх шаардлагатай. УОК-ийн зөвлөмжийн дагуу 12-оос доош насны хүүхэд эцэг эхтэйгээ хамт яваа тохиолдолд PCR шинжилгээ шаардлагагүй. Бусад бүх тохиолдолд заавал PCR шинжилгээ өгсөн, хариу нь хүчинтэй байх ёстойг анхаарна уу!
4. Бүртгэлд үндсэн мэдээлэл, Биед илэрч байгаа шинж тэмдэг, нэн шаардлагатай асуулт, Орхон аймагт оршин суух баг, хаяг зэрэг асуулгыг орхигдуулалгүй үнэн зөв бөглөж дуусгана. Үүний дараа “Файл сонгоно уу” хэсэгт өөрийн биеийн байцаалт буюу иргэний үнэмлэхээ ар, өвөр талаас авсан зургийг хавсаргах шаардлагатай. Энэ нь таныг Орхон аймгийн харьяат иргэн мөн болохыг баталгаажуулах юм.
5. Та хүсэлтээ илгээж баталгаажсаны дараа аймгийн шуурхай штаб таны хүсэлтийг нягтлан шалгаж үзээд хариуг буцаан илгээнэ. Та хариугаа шалгахдаа түрүүчийн адил erdenet.mn сайтын Онцгой комисс цэсэнд хандаж “Санал хүсэлтийн хариуг авах хэсэг”-т нэвтрэн орж өөрийн регистрын дугаар болон утасны дугаараа хийн ХҮСЭЛТ ШАЛГАХ товчийг дарснаас таны хариу харагдах боломжтой юм.
12 дугаар сарын 7-оос хойш Орхон аймагт батлагдсан тохиолдол бүртгэгдээгүй “Ногоон бүс” болсон тул дахин цар тахал дэгдэхээс сэргийлж иргэд Та бүхэн халдвар хамгааллын дэглэмээ баримталж 14 хоног гэрийн тусгаарлалтын дэглэмээ сайтар баримтлахыг анхааруулж байна.
БҮРТГЭЛ 2021 ОНЫ НЭГДҮГЭЭР САРЫН 22-НИЙ 15:00 ЦАГ ХҮРТЭЛ ХИЙГДЭНЭ.
ОРХОН АЙМГИЙН ОНЦГОЙ КОМИСС
Тод мэдээ
Мал аж ахуйн удирдах ажилтны зөвлөгөөн боллоо
Хүнс, хөдөө аж ахуй, хөнгөн үйлдвэрийн яамны Мал аж ахуй бодлогын хэрэгжилтийг зохицуулах газраас салбарын удирдах ажилтны зөвлөгөөнийг зохион байгууллаа.
Зөвлөгөөнийг мал аж ахуйн салбарын бүтээмжийг нэмэгдүүлж, эрсдэлийг бууруулах зорилгоор “Уур амьсгалд ухаалаг мал аж ахуй ба гамшгийн эрсдэлийн удирдлага” сэдвийн хүрээнд явуулж, 21 аймаг, нийслэлий, Хүнс, хөдөө аж ахуйн газрын Мал аж ахуйн хэлтсийн дарга болон харьяа байгууллагуудын төлөөллийг хамруулав.
Энэ үеэр салбарын тулгамдсан асуудлыг тодорхойлж, тогтвортой хөгжүүлэх гарц шийдлийг хэлэлцсэн. Тухайлбал, өсвөр мал бордож, эдийн засгийн эргэлтэд оруулах, малын гаралтай бүтээгдэхүүний экспортыг тогтвортой тогтмол байлгах тухай асуудлуудыг зөвлөлдлөө гэж ХХААХҮЯ-наас мэдээллээ.
Тод мэдээ
БНСУ-д хөдөлмөрийн гэрээний ажилтан илгээсээр байна
Монгол Улсын Засгийн газар Гэр бүл, хөдөлмөр, нийгмийн хамгааллын яам болон БНСУ-ын Засгийн газар Хөдөлмөр эрхлэлт, хөдөлмөрийн яам хооронд байгуулсан гэрээ, хэлэлцээрийн дагуу хөдөлмөрийн гэрээт ажилтан илгээх үйл ажиллагааг ХХҮЕГ тасралтгүй зохион байгуулан ажиллаж байна.
БНСУ нь 17 улс орноос гадаад ажилтан хүлээн авдаг бөгөөд Монгол Улс 2004 оноос өнөөг хүртэл жил бүр ажиллах хүсэлтэй иргэдийг бүртгэх, илгээх үйл ажиллагааг зохион байгуулдаг Засгийн газрын хэрэгжүүлэгч агентлаг Цорын ганц Төрийн байгууллага юм.
БНСУ-ын хөдөлмөрийн хөлсний 2024 онд мөрдөгдөж буй хэмжээ цалингийн доод 2,060,740 вон байна.
Өнгөрсөн 2024 онд 722 хүн илгээсэн байна. Хөдөлмөрийн биржийн ажил хайгчаар байршсан иргэдэд улирал тутам ажлын санал ирж, сар бүрийн тогтсон өдөр илгээсээр байна.
Өнөөдөр буюу 2025 оны 04 сарын 02-ны өдөр аж үйлдвэрийн салбарт 22 ажилтан ажиллахаар тус улсыг зорилоо.
Мөн 04 дүгээр сарын 08-нд тогтвортой 13 ажилтан, ХАА, газар тариалан 2 ажилтан, Үйлчилгээ 2 салбарт 5, Барилга 1 ажилтан тус тус илгээхээр бэлтгэл ажил хийгдэж байна.
Мөн барилгын салбарт илгээгдэх иргэн хувийн шалтгаанаар явах боломжгүй гэх хариу өгөөд байгаа аж.
Сүүлийн үед БНСУ-аас ажлын санал ирсний дараа иргэдийн өөрсдийн хариуцлагагүй байдлаас шалтгаангүйгээр хойшлуулах, явахгүй гэх мэт шалтгаан ихээр гарч байгаа тул БНСУ-ын ажил олгогч тухайн ажилтныг 17 улсын ажил хайгч олон дундаас сонгож, тухайн улсдаа татвар төлж, бичиг баримтыг бүрдүүлэн 6 сар орчим хүлээсний дараа хүлээн авах, цаг хугацаа, санхүүгийн тодорхой хохирол амсах эрсдэлтэй байдал удаа дараа үүсгэж байна.
Иймд манай улсын ажил хайгч иргэдийг олноор сонгохгүй байх эрсдлийг үүсгэж байгаа тул ажлын санал ирсэн иргэдийг дээрх асуудал үүсгэхгүй байхыг сануулж байна.
Тод мэдээ
УИХ-ын чуулганы нэгдсэн хуралдаан /2025.04.03/
-
Тод мэдээ2024/07/18
ЗГ: Төрийн жинхэнэ албан хаагчдыг чөлөөлөхгүй, орон тоо нэмэхгүй байхад анхаарч ...
-
Тод зураг2019/08/15
Өнөөдөр цахилгаан шугам тоноглолд засвар үйлчилгээ хийх хуваарь
-
Өнөөдөр2024/08/29
Улаанбаатарт өдөртөө 22 хэм дулаан
-
Тод мэдээ2023/03/27
Хөрсний бохирдлоос сэргийлэх “Жорлон” үндэсний чуулган болно