Тод мэдээ
Чингис хааны мэндэлсний 860 жилийн ойд зориулсан эрдэм шинжилгээний хурал болно
Чингис хааны мэндэлсний 860 жилийн ойд зориулсан ”Нүүдэлчдийн бичээст чулуун дурсгалын судалгаа, өнөө ба ирээдүй” сэдэвт олон улсын эрдэм шинжилгээний хурал энэ сарын 25-ны өдөр зохион байгуулагдана.
Өвөрхангай аймгийн Хархорин сумын нутагт байрлах Хархорум музейд болох тус хурлаар Уйгурын нийслэл Харбалгас, Монголын эзэнт гүрний нийслэл Хархорум хотын ойр орчмоос илэрсэн Монгол, Согд, Рүни, Хятад, Араб, Перс бичээст хөшөөдийн түүхэн он цагийн хамаарал, бичээсний утга агуулга, үнэ цэн, ач холбогдол, чулуун дурсгалуудыг хадгалж хамгаалах болон олон улсын туршлага зэрэг асуудлаар хэлэлцэх аж.
Тод мэдээ
Цана, чаргаар гулгахдаа бэртэж, гэмтэхээс сэргийлээрэй
Агаар, салхинд гарч, цана, чаргаар гулгахдаа хүүхдэдээ тавих хараа хяналт, анхаарал болгоомжоо бүү сулруулаарай.
Чаргаар гулгахдаа гараа унжуулахгүй, чирэхгүй, түлхэж хүч нэмэхгүй байхыг анхаараарай.
Хөл, гараараа тулснаар чарганы чиглэл өөрчлөгдөж бусадтай мөргөлдөх, унах бэртэх эрсдэлтэй.
Чаргаар ар араасаа дараалан гулгах нь хоорондоо мөргөлдөх эрсдэлтэй тул зэрэгцээ эгнээнээс гулгаарай.
Замын голд зогсолт хийсэн бол бусдад болон өөртөө бэртэл учруулахааргүй замаа чөлөөлж зогсоорой.
Гулгаж дуусаад чарганаасаа хурдан босох, ухарч гулгахгүй байх, бусдад болон өөртөө бэртэл учруулахгүйгээр мөргөлдөх болон мөргүүлэхээс зайлсхийж дээрээс гулгаж буй хүнийг харж замаа чөлөөлөөрэй.
Тод мэдээ
Нөөцийн махыг энэ сарын 20-ноос хүнсний 410 дэлгүүрээр худалдаална
Нөөцийн махыг нэгдүгээр сарын 20-ноос худалдаалж эхэлнэ. Үнийн хувьд үхрийн мах 15 мянга, хонины махыг 13 мянган төгрөгөөр борлуулах юм. Энэ жил нийт 5000 тонн нөөцийн мах бэлтгэсэн. Үүний 40 хувийг үхрийн мах, 60 хувийг хонины мах эзэлж байна.
Харин нөөцийн махны өргөтгөсөн худалдааг сар шинийн баярыг угтан хоёрдугаар сарын 7-17-ны өдрүүдэд нийслэлийн 18 байршилд зохион байгуулна.
Энэ талаар УБЗАА-ны Хүнс, худалдаа, үйлчилгээний газрын дарга Ж.Дуламсүрэн “Нийслэлийн хүн амын хаврын улирлын махны хэрэгцээнд зориулан энэ жил 5000 тонн үхэр, хонины махыг нөөцлөн бэлтгэсэн. Нөөцийн махыг нийслэлийн есөн дүүргийн 410 хүнсний дэлгүүрээр энэ сарын 20-ноос эхлэн жижиглэн хэлбэрээр худалдаална. Өнгөрсөн жилүүдэд нөөцийн махыг гуравдугаар сараас худалдаалдаг байсан бол энэ жил махны нийлүүлэлт багасаж, үнийн хөөргөдөл ихэссэн тул борлуулалтыг эрт эхэлж байна. Мөн “Амар байна уу” сар шинийн өргөтгөсөн үзэсгэлэн худалдааны үеэр нөөцийн махны өргөтгөсөн худалдааг зохион байгуулна” гэв.
Тод мэдээ
“Алтан төлийн эзэн”-д нэр дэвшигчдийн материалыг хоёрдугаар сарын 1 хүртэл авна
“Алтан төлийн эзэн” шагналын болзол
Бүрдүүлэх материал
