Бидэнтэй нэгдэх

Тод мэдээ

Түүхий нүүрс, шахмал түлшний хэрэглээнд хяналт шалгалт хийлээ

Огноо:

,

Сэтгүүлч:

Баянзүрх дүүргийн Онцгой байдлын хэлтсийн удирдлагууд түүхий нүүрс, шахмал түлшний хэрэглээнд хяналт шалгалт хийлээ. 

Баянзүрх дүүргийн хэмжээнд нийтдээ 53 мянга гаруй айл өрх шахмал түлш хэрэглэж байгаа гэсэн судалгаа бий. Хүйтний эрч чангарсантай холбоотой шахмал түлшний хэрэглээ нэмэгдэж байна. Тиймээс Баянзүрх дүүргийн Онцгой байдлын хэлтсийн дарга, дэд хурандаа М.Пүрэвжав, хэлтсийн орлогч Р.Баянжаргал нар хяналтын постууд, шахмал түлш борлуулах цэгүүд, Баянзүрх дүүргийн Шуурхай штабт ажиллалаа.

Дүүргийн хэмжээнд түүхий нүүрсний тээвэрлэлтэд хоёр цэгт хяналт шалгалт хийж байгаа. 11 дүгээр хороо буюу Хонхор, 28 дугаар хороо буюу Хужирбуланд байрлах хяналтын постуудаар одоогоор зөвшөөрөлгүй түүхий нүүрс тээвэрлэж нэвтэрсэн зөрчил илрээгүй байна.

“Таван толгой” шахмал түлшний борлуулалтын цэгүүдэд ажиллахад нөөц хангалттай байгааг хэллээ. Харин тээвэрлэлт, хадгалалтаас шалтгаалж шахмал түлшний уутанд гэмтэл үүсгэснээс шахмал түлш чийг авч, угаарын хий гарах эрсдэлийг нэмэгдүүлдэг учраас анхаарч ажиллахыг борлуулагчдад зөвлөлөө гэж Баянзүрх дүүргийн Онцгой байдлын хэлтсээс мэдээллээ.

Дэлгэрэнгүй унших
сурталчилгаа

Сэтгэгдэл

Тод мэдээ

Компанийн засаглалын тогтолцоог системийн инженерчлэлийн аргаар бэхжүүлэх талаар хэлэлцлээ

Огноо:

,

Компанийн засаглалын тогтолцоог үр дүнтэйгээр хэрэгжүүлэх нь аливаа байгууллагын урт хугацааны тогтвортой өсөлт, хөгжлийг хангахад чухал ач холбогдолтой.

Үүнтэй холбогдуулж Санхүүгийн зохицуулах хороо, “Залуу судлаачдыг дэмжих сан” болон “Санхүүгийн боловсролын зангилаа” ТББ хамтран “ISO 37000 стандарт дээр суурилсан байгууллагын засаглалын тогтолцоог системийн инженерчлэлийн аргаар бэхжүүлэх нь” уулзалт, хэлэлцүүлгийг энэ сарын 1-нд зохион байгууллаа.

“Залуу судлаачдыг дэмжих сан” ТББ-ын тэргүүн Д.Жаргалсайхан энэ үеэр сэтгэлгээний алгоритм, системийн логик зураглал, байгууллагын нэгдмэл зорилгыг хэрэгжүүлэх тохиргоо бүхий угсардаг загвар, компанийн засаглалын олон улсын стандартын шалгууруудыг системийн инженерчлэлийн аргаар хангах талаар танилцуулсан юм. Оролцогчдын зүгээс ISO 9001, ISO 37000 стандарт, Steward-Leadership болон Санхүүгийн зохицуулах хорооноос баталсан “Компанийн засаглалын кодекс” зэрэг засаглалын баримт бичгүүдэд тусгагдсан шаардлагуудыг шийдвэрлэхэд дижитал платформыг хэрхэн ашиглах мөн цаашид хамтран хэрэгжүүлэх шаардлагатай сургалт, судалгаа, шинжилгээний талаар санал солилцож, хэлэлцүүлэг өрнүүлэв гэж Санхүүгийн зохицуулах хорооноос мэдээллээ.

Дэлгэрэнгүй унших

Тод мэдээ

Хог тээвэрлэлтийг уртасгасан цагаар зохион байгуулна

Огноо:

,

Хот, нийтийн аж ахуйн үйл ажиллагаа эрхэлдэг байгууллагуудын шуурхай зөвлөгөөний төгсгөлд Улаанбаатар хотын Ерөнхий менежер М.Баяраа дараах үүрэг, даалгаврыг өглөө. 

Тодруулбал,

  • Дүүрэг, хороод болон иргэдээс ирж байгаа гомдол мэдээллийн дагуу Баянзүрх дүүргийн 11, 20 дугаар хорооны нутаг дэвсгэрт хамаарах чиглэлд нийтийн тээврийн том оврын автобусны хүртээмжийг нэмэгдүүлэх, мөн Улиастайн чиглэлийн автобусны богино эргэлтийг Кино үйлдвэрийн урд уулзвараар буцаж эргэдэг болгох талаар судлах, Хонхорын чиглэлд дунд оврын автобусны тоог нэмэгдүүлэх.
  • Сар шинийн баярыг угтан зам, талбайн цэвэрлэгээ, үйлчилгээг эрчимжүүлэх, иргэдийн худалдан авалт нэмэгдэж, айл өрхөөс хог их хэмжээгээр гарахтай холбогдуулан хогийн цуглуулалт, тээвэрлэлтийг уртасгасан цагаар зохион байгуулах, мөн өдөр шөнийн хуваарьт шилжүүлэх.
  • Эзэнгүй нохой муурыг устгах ажлыг эрчимжүүлэх хуваарийн дагуу дүүрэг, хороод, хэсгийн ахлагч, олон нийтийн байцаагч нарыг хамруулан зохион байгуулж ажиллах.
  • Үерийн хамгаалалтын суваг дагуу хуримтлагдсан ахуйн хог хаягдлыг цэвэрлэх.
  • “Манай хороо-Миний гудамж” аяны батлагдсан удирдамжийн дагуу дүүргүүдэд дэд ажлын хэсгүүдийг байгуулах.
  • Худалдаа, үйлчилгээний болон бусад байгууллагын хог хаягдал, цас, мөсийг хариуцан цэвэрлэх 50 метр хүртэлх нийтийн эдэлбэр газрын зураглалыг гаргаж баталгаажуулах ажлыг эрчимжүүлэх.
  • Сар шинийн баярыг тохиолдуулан иргэдэд мах, цагаан идээ болон бусад хүнс, өргөн хэрэглээний бараа, бүтээгдэхүүнийг нэг дороос өргөн сонголтоор худалдан авах боломжийг бүрдүүлэх, батлагдсан байршлуудад өргөтгөсөн худалдааг чанарын өндөр түвшинд зохион байгуулж, мэргэжил арга зүйн удирдлагаар хангах зэрэг үүрэг, даалгаврыг өгсөн юм.
Дэлгэрэнгүй унших

Тод мэдээ

Япон улсаас Монгол Улсад жуулчин хүлээн авдаг тур компанийн төлөөлөлтэй мэдээлэлтэй солилцох уулзалт хийв

Огноо:

,

Монгол Улсын Засгийн газраас 2023-2025 оныг Монгол зочлох жил болгон зарласантай холбогдуулан Японы зах зээлд ажилладаг тур компанийн төлөөллийг БОАЖ-ын сайд Б.Бат-Эрдэнэ, сайдын зөвлөх О.Одбаяр нар хүлээн авч уулзав.
 
Монгол Улсад Япон улсаас ирэх жуулчдын тоо багагүй хувийг эзэлдэг бөгөөд өнгөрсөн онд 5352, 2023 оны 1 дүгээр сарын 1-31-ны хооронд 426 жуулчин ирсэн үзүүлэлттэй байна. Харин 2019 онд Япон улсаас 24000 орчим жуулчин ирсэн ба энэ тоог 2023 онд 50000 мянгад хүргэх зорилт тавин ажиллаж байна.
 
Иймд Япон жуулчдын онцлог, маршрут, аяллын хөтөлбөрийн судалгаа гаргах, хамтарч ажиллахад ямар дэмжлэг хэрэгтэй байгаа тухай санал солилцлоо.
Эх сурвалж: БОАЖЯ
Дэлгэрэнгүй унших
сурталчилгаа
Тод мэдээ2023/02/02

Компанийн засаглалын тогтолцоог системийн инженерчлэлийн аргаар бэхж...

Тод мэдээ16 цаг 36 минут

Хог тээвэрлэлтийг уртасгасан цагаар зохион байгуулна

Тод индэр16 цаг 41 минут

Г.Занданшатар: Хөдөө аж ахуйд суурилсан өрхийн үйлдвэрлэлийг хөгжүүл...

Тод мэдээ16 цаг 43 минут

Япон улсаас Монгол Улсад жуулчин хүлээн авдаг тур компанийн төлөөлөл...

Тод мэдээ16 цаг 46 минут

ЗТХЯ: Хамтарсан зохицуулах хорооны хурал боллоо

Тод мэдээ16 цаг 52 минут

Монголбанк: Нэгдүгээр сард 519.8 кг үнэт металл худалдан авлаа

Тод индэр16 цаг 58 минут

Зудын эрсдэл, нөлөөллөөс хүүхэд багачуудаа хамтдаа хамгаалцгаая

Тод мэдээ17 цаг 2 минут

УИХ-ын гишүүн Ж.Чинбүрэн БНСУ-ын Үндэсний сүрьеэгийн нийгэмлэгийн тө...

Өнөөдөр17 цаг 4 минут

Улаанбаатарт өдөртөө 11 хэм хүйтэн

Өнөөдөр17 цаг 10 минут

Үс шинээр үргээлгэх буюу засуулбал жаргал ирнэ

Тод мэдээ2023/02/02

ЗГ: Инновацын төсөл хэрэгжүүлэгчдэд хөнгөлөлт, чөлөөлөлт эдлэх болом...

Тод мэдээ2023/02/02

ЗГ: “Засгийн газрын хэрэгжүүлэгч агентлаг-Хөрөнгө оруулалт, ху...

Санал болгох