Бидэнтэй нэгдэх

Тод мэдээ

Жүдо бөхийн залуучуудын ДАШТ-д Монголын 18 бөх барилдаж байна

Огноо:

,

Сэтгүүлч:

Португал улсын Одивелас хотод жүдо бөхийн залуучуудын дэлхийн аварга шалгаруулах тэмцээн энэ сарын 4-7-ны өдрүүдэд болж байна.

Тэмцээнд манай улсаас дасгалжуулагч Хөдөлмөрийн баатар, гавьяат тамирчин Х.Цагаанбаатар болон Г.Бат-Эрдэнэ, Ц.Хулан нарын удирдлага дор нийт 18 жүдоч өрсөлдөж байна.

Тэмцээний эрэгтэйчүүдийн 60 кг-ын жинд Н.Мэндсайхан, Т.Түмэнжаргал 66 кг-д Ж.Энхтөр 73 кг-д А.Өсөхжаргал 81 кг-д Н.Жангарай 90 кг-д Ц.Дагвадорж -100 кг-д Г.Хангарьд, Б.Хүдэрчулуун +100 кг-д Л.Энхболд нар барилдах юм.

Харин эмэгтэйчүүд 48 кг-д Э.Хүслэн, М.Нандин-Эрдэнэ, 52 кг-д Т.Ариунзаяа, Б.Уранзаяа 57 кг-д О.Оюунчимэг 63 кг-д Д.Есүй 70 кг-д Б.Ням-Эрдэнэ -78 кг-д О.Хүслэн, +78 кг-д Э.Энхзул нар хүч үзэж байна гэж Биеийн тамир, спортын улсын хорооноос мэдээллээ.  

Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Тод мэдээ

УИХ-ын дарга Д.Амарбаясгалан Ховд аймгийн Жаргалант суманд ажиллаж байна

Огноо:

,

Монгол Улсын Их Хурлын дарга Д.Амарбаясгалан, УИХ-ын гишүүн Э.Болормаа нар Ховд аймгийн Жаргалант суманд ажиллалаа. Ховд хотын иргэд, хоршоологчид, хууль, шүүхийн байгууллагын төлөөлөл болон бизнес эрхлэгчидтэй уулзаж, тэдний санал хүсэлтийг сонсов.



2025 оны улсын төсөвт баруун бүсийн 5 аймагт нийт 115 төсөлд 349,6 тэрбум төгрөгийн хөрөнгө оруулалтын ажлыг тусгасан. Тухайлбал, Ховд аймгийн 9 суманд гэр хорооллын цэвэр, бохир усны шугам сүлжээ, бохир усны гол магистрал шугамын 2 дугаар ээлж, “Шинэ Ховд” үйлдвэрлэл технологийн паркийн бүтээн байгуулалт зэргийн хөрөнгө оруулалтыг багтаасан байна. Улсын Их Хурлаас 30 жил гацсан мега төслүүдийн чөдөр тайлсны нэг нь Ховд аймгийн Эрдэнэбүрэнгийн 90 кВт-ын УЦС юм. Баруун бүс эрчим хүчний төвлөрсөн төв болох зорилгын хүрээнд тус УЦС ашиглалтад орсноор дан ганц Ховд аймаг гэлтгүй бүс нутагтаа эрчим хүчний хүндрэлгүй болох боломжтой гэдгийг Улсын Их Хурлын дарга Д.Амарбаясгалан иргэдтэй уулзах үеэрээ дурдлаа. Ховд аймгийн иргэдийн зүгээс арилжааны банкны зээлийн хүүг бууруулах талаар асууж байна. Харин Улсын Их Хурлын даргын зүгээс ирэх хаврын чуулганаар арилжааны банкны үйл ажиллагаатай холбоотой хуулийн хэрэгжилт хяналт тавьж, зээлийн хүүг бууруулах алхам хийхээр зорьж байгаагаа дуулгалаа. Өөрөөр хэлбэл, Банкны тухай хуульд хэрэглэгч, зээлдэгчийн эрх ашгийг хангаж, иргэдэд дарамт биш боломж олгодог хууль, эрх зүйн шинэчлэлийг хийнэ хэмээв.



Ховд аймгийн хууль, шүүхийн байгууллагынханы хувьд шүүхийн байр стандартын шаардлага хангадаггүй, тээврийн хэрэгслийн ашиглалтын хугацаа дууссан учир баруун бүсийн 4 аймагт шүүх бүрэлдэхүүн хүрэлцэхгүй үед очиж ажиллахад хүндрэлтэй, давж заалдах шатны шүүхийн тогтолцооны хувьд харгалзах үзэх зарим нөхцөл байдлын талаар хэллээ. Улсын Их Хурлын зүгээс анх удаа улсын төсвийн 1.2 хувийг шүүхийн байгууллагад төсөвлөж, шүүхийн шинэ 5 байрны хөрөнгө оруулалтыг шийдээд байна.



Ховд аймгийн бизнес эрхлэгчид гарч буй хууль тогтоомжууд аж ахуй нэгжүүдэд халтай байх бөгөөд тусгай зөвшөөрлүүд хүндрэл учруулдаг талаар ярьлаа. Түүнчлэн, баруун бүсийн бизнес эрхлэгчид 2000 гаруй км зам туулж, Замын-Үүдээс бараа бүтээгдэхүүн, материал худалдан авч буй нь алдагдал хүлээдэг ба зээлнээс зээлийн хооронд бизнес эрхлэх гэж хичээж байгаад шүүмжлэлтэй хандаж байна. Улсын Их Хурлын даргын зүгээс баруун бүс өөрсдийн гэсэн зах зээлтэй болохын тулд боомтуудын хүчин чадлыг өргөтгөж, хөгжүүлэх чиглэлээр идэвхтэй ажиллахаа мэдэгдлээ.



Тухайлбал, Ховд аймгийн Ярант, Говь-Алтай аймгийн Бургастай зэрэг боомтыг хөгжүүлснээр баруун бүсийн 500 мянга орчим иргэн өөрт ойрхон боомттой болж, эдийн засгийн тэлэлт үүсэх боломжтой гэлээ. Түүнчлэн, хууль хүний эрхийг хамгаалахын төлөө бүрэн хангалттай зориулагдаж чадахгүй байгаа учраас XXI зууны, хүн төвтэй үзэл баримтлалтай, иргэдийнхээ хэрэгцээ шаардлагыг хангадаг байхаар Улсын Их Хурал ажиллаж эхэлсэн талаар онцоллоо.

Монгол Улсын Их Хурлын дарга Д.Амарбаясгалангийн Ховд аймагт ажиллаж буй томилолт үргэлжилж байна хэмээн Улсын Их Хурлын Хэвлэл мэдээллийн газраас мэдээлэв.
Дэлгэрэнгүй унших

Тод мэдээ

Сонгуулийн хууль тогтоомжийн хэрэгжилтийн талаар хэлэлцэв

Огноо:

,

Улсын Их Хурал 2024 оны 11 дүгээр сарын 15-ны өдрийн 42 дугаар тогтоолоороо Монгол Улсын Их Хурлын 2024-2028 оны стратеги төлөвлөгөөг баталсан. Энэ хүрээнд хүн төвтэй үзэл санаа бүхий, нийгмийн хурдацтай хөгжлийн шаардлагад нийцсэн, иж бүрэн зохицуулалттай хууль эрх зүйн орчныг бүрдүүлэх зорилт дэвшүүлсэн.

Энэ хүрээнд Улсын Их Хурлын Хүний эрхийн дэд хорооны дарга С.Эрдэнэболд энэ сарын  05-ны өдөр сонгуулийн хууль тогтоомжийн хэрэгжилт хүний эрхийн зөрчил үүсгэж буй эсэх талаарх уулзалтыг зохион байгууллаа. Монгол Улсын Үндсэн хуулийн Арван зургадугаар зүйлийн 9 дэх хэсэгт заасан Монгол Улсын иргэний баталгаатай эдлэх сонгох, сонгогдох эрхийн хэрэгжилт хангагдаж буй эсэх талаарх энэхүү уулзалтад Сонгуулийн ерөнхий хороо, Үндэсний аудитын газар, Сангийн яам, Татварын ерөнхий газрын удирдлага, албан тушаалтнууд оролцсон юм.



Уулзалтын эхэнд Монгол Улсын Ерөнхий аудиторын орлогч Я.Самбууням төрийн аудитын байгууллагын Монгол Улсын Их Хурлын сонгуулийн тухай хуулиар хүлээсэн чиг үүргийн хэрэгжилтийн талаарх мэдээллийг танилцуулав. Монгол Улсын Их Хурлын сонгуулийн тухай хуулиар төрийн аудитын байгууллага зургаан чиг үүргийг хэрэгжүүлэх зохицуулалттай талаар дурдаад дэлгэрэнгүй мэдээлэл хийлээ. Энэ хүрээнд Улсын Их Хурлын 2024 оны ээлжит сонгууль болон аймаг, нийслэл, сум, дүүргийн Иргэдийн Төлөөлөгчдийн хурлын 2024 оны сонгуулийн үеэрх хууль тогтоомжийн хэрэгжилт, аудитаар илэрсэн зөрчлүүд, тэдгээрийг шийдвэрлэсэн талаар дэлгэрэнгүй танилцуулсан.





Монгол Улсын Ерөнхий аудиторын орлогчийн танилцуулсан мэдээлэл, Хүний эрхийн дэд хороонд ирүүлсэн иргэдийн гомдол мэдээлэлтэй холбогдуулан С.Эрдэнэболд дарга Сангийн яам, Татварын ерөнхий газрын холбогдох албан тушаалтнуудаас тодруулга, тайлбар авсан юм. Монгол Улсын Их Хурлын сонгуулийн тухай болон Аймаг, нийслэл, сум, дүүргийн Иргэдийн Төлөөлөгчдийн хурлын сонгуулийн тухай хуулийг хэрэгжүүлэхэд тулгарч буй асуудал, тэдгээрийг шийдвэрлэх арга замын талаарх саналаа албан бичгээр ирүүлэх хугацаатай үүргийг уулзалтад оролцож буй байгууллагуудын төлөөлөлд өгөв. Холбогдох төрийн байгууллагаас ирүүлсэн мэдээллийг нэгтгэн, боловсруулж холбогдох дүн шинжилгээ хийж, Улсын Их Хурлын Хүний эрхийн дэд хороо болон Хууль зүйн байнгын хороо, шаардлагатай бол бусад Байнгын хороодод танилцуулах тайлан мэдээллийг боловсруулах юм байна хэмээн Улсын Их Хурлын Хэвлэл мэдээллийн газраас мэдээллээ.
 
 
Дэлгэрэнгүй унших

Тод мэдээ

“Улаанбаатар” өвлийн явган алхалтын фестиваль зохион байгуулагдана

Огноо:

,

Нийслэлийн Аялал жуулчлалын газар, Монголын явган алхалтын холбоо, “Монгол олле” нийгэмлэгтэй хамтран Улаанбаатар хотод өвлийн аялал жуулчлалыг хөгжүүлэх, шинэ бүтээгдэхүүн бий болгох, жуулчны улирлын хугацааг уртасгах, иргэдийг эрүүл, спортлог зөв дадалд уриалах зорилгоор “Улаанбаатар" өвлийн явган алхалтын фестиваль арга хэмжээг энэ сарын 15, 16-ны өдрүүдэд зохион байгуулна.

Фестивальд Монгол, Япон, Солонгос, Чех, БНХАУ, БНХАУ-ын Өвөрмонголын өөртөө засах орон, Итали улсын төлөөлөл 250 гаруй алхагч оролцохоор бүртгүүлээд байна.

Өвлийн явган алхалтын фестивалийг дараах хоёр маршрутаар зохион байгуулна. Үүнд:

  • 2025 оны хоёрдугаар сарын 15-ны өдөр Олон улсын хүүхдийн “Найрамдал” төвөөс “Жавхлант” өртөө
  • 2025 оны хоёрдугаар сарын 16-ны өдөр Үндэсний цэцэрлэгт хүрээлэнгээс "Скай резорт" цанын бааз хүртэлх маршрутаар алхана.

Нийслэлийн Аялал жуулчлалын газар, БНСУ-ын Жэжү хотын Аялал жуулчлалын газар, “Жэжү Олле” нийгэмлэгтэй хамтран Улаанбаатар хот орчимд гурван чиглэлд Олле стандартын явган аяллын замыг засаж, тэмдэгжүүлэх ажлыг 2016 оноос эхлэн хэрэгжүүллээ. Мөн гар урлал, бизнесийн сургалтыг тогтмол зохион байгуулж, БНСУ, Япон улсаас олле замаар алхахаар зорин ирсэн жуулчид нутгийн иргэдийн үйлдвэрлэсэн бараа бүтээгдэхүүнийг худалдан авах, хөсөгт аялал хийх зэрэг орон нутгийн иргэдийн амьжиргааг дэмжсэн эко аялал жуулчлалыг хөгжүүлж байна. Энэ хүрээнд “Улаанбаатар” явган алхалтын фестивалийг жил бүрийн наймдугаар сард олон улсын хэмжээнд зохион байгуулдаг. Түүнчлэн өнгөрсөн оноос эхлэн өвлийн явган алхалтын фестивалийг санаачлан зохион байгуулж, гадаад дотоодын 300 гаруй алхагч оролцож байна. 

НИЙСЛЭЛИЙН АЯЛАЛ ЖУУЛЧЛАЛЫН ГАЗАР

Дэлгэрэнгүй унших
сурталчилгаа
Тод мэдээ9 цаг 39 минут

УИХ-ын дарга Д.Амарбаясгалан Ховд аймгийн Жаргалант суманд ажиллаж б...

Тод мэдээ9 цаг 44 минут

Сонгуулийн хууль тогтоомжийн хэрэгжилтийн талаар хэлэлцэв

Тод мэдээ10 цаг 12 минут

“Улаанбаатар” өвлийн явган алхалтын фестиваль зохион байгуулагда...

Тод мэдээ10 цаг 18 минут

“Нээлттэй парламент” хөтөлбөрт оролцогчид Улсын Их Хурлын чуулга...

Тод мэдээ13 цаг 37 минут

“Гашуунсухайт-Ганцмод боомтын төмөр зам” төслийн хэлэлцээрт гары...

Тод мэдээ13 цаг 40 минут

Бизнес эхлүүлэхэд тулгардаг хүндрэл, шат дамжлагыг бууруулахыг даалг...

Тод мэдээ13 цаг 44 минут

"Нимерикс” вакциныг "Пфайзер" компаниас худалдан авахаар ажиллаж б...

Тод мэдээ13 цаг 48 минут

Шуурхай штабын IV хуралдаанаар өгсөн үүрэг даалгаврыг Засгийн газрын...

Өнөөдөр13 цаг 52 минут

Улаанбаатарт өдөртөө 24 хэм хүйтэн

Тод мэдээ2025/02/05

Монгол, Азербайжан улсын зам тээврийн салбарын харилцаа хамтын ажилл...

Тод мэдээ2025/02/05

Монгол Улсын Их Сургуулийн нэрийн маргааныг Дээд шүүх эцэслэн шийдвэ...

Тод мэдээ2025/02/05

Үндэсний их баяр наадмыг зохион байгуулах хорооны ээлжит хуралдаан б...

Тод мэдээ2025/02/05

Он гарснаас хойш иргэд E-Mongolia системээр дамжуулан 3 063 567 төри...

Тод мэдээ2025/02/05

“Агаарын бохирдлыг бууруулах хүрээнд утааны асуудлаарх бодлого, ши...

Өнөөдөр2025/02/05

Цаг агаарын аюултай үзэгдлээс сэрэмжлүүлж байна!

Өнөөдөр2025/02/04

Офицеруудын ордноос Тэрэлж чиглэлд үйлчилж байсан автобусыг өнөөдрөө...

Тод мэдээ2025/02/04

Бүсчилсэн хөгжлийн бодлогын хүрээнд Засгийн газар орон нутагт хуралд...

Тод мэдээ2025/02/04

УИХ-ын даргын 174 дүгээр захирамжаар байгуулагдсан ажлын хэсэг хурал...

Тод мэдээ2025/02/04

Зудын эрсдэлийн үнэлгээгээр бага, дунд эрсдэлтэй нутгийн хэмжээ нэмэ...

Тод мэдээ2025/02/04

Олон улсын прокуроруудын холбоо үүсэн байгуулагдсаныхаа 30 жилийн ой...

Тод мэдээ2025/02/04

Улсын сургууль, цэцэрлэггүй 12 хороонд газрын асуудлыг шийдвэрлэв

Тод мэдээ2025/02/04

Энэ сарын 22, 23-ны өдрүүдэд бүх нийтийн их цэвэрлэгээ зохион байгуу...

Тод мэдээ2025/02/04

Нийслэлийн хэмжээнд 18:00-21:00 цагаас бусад цагт хог хаяхыг хоригло...

Өнөөдөр2025/02/04

Ерөнхий хяналтын сонсголоор цуврал хэлэлцүүлгийн талаарх мэдээлэлтэй...

Өнөөдөр2025/02/04

Улаанбаатарт өдөртөө 19 хэм хүйтэн

Тод мэдээ2025/02/03

Ирэх 10 хоногт цаг агаар ямар байх вэ

Өнөөдөр2025/02/03

"Агаарын бохирдлыг бууруулах хүрээнд утааны асуудлаарх бодлого, шийд...

Тод мэдээ2025/02/03

Улсын Их Хурлын гишүүн М.Бадамсүрэн ахлагчтай ажлын хэсэг Зүүн бүс н...

Тод мэдээ2025/02/03

Улаанбаатар хотын камерын хяналтад АI технологи нэвтрүүллээ

Тод мэдээ2025/02/03

Төрийн байгууллагуудын зээл тусламжийн хөрөнгийн зарцуулалтад дүн ши...

Санал болгох