Тод мэдээ
Дэлхийд тархсан монгол өв номын нээлт боллоо
Монгол Улсын Соёлын яамнаас дэмжиж Чингис хаан Үндэсний музей, Олон улсын Монгол судлалын холбоо санаачлан хэрэгжүүлж буй “Дэлхийд тархсан Монгол өв” 20 боть төслийн эхний 11 ботийг цогцоор нь хэвлэж, олон түмний хүртээл болгоход бэлэн боллоо.
“Дэлхийд тархсан монгол өв” 11 боть бүтээл нь өнөөгийн ОХУ, БНХАУ, Украйн, Унгар, Болгар, Беларусь, Сири, Афганистан, Пакистан, Иран Ирак, Израйль, Палестин, Солонгос, Хятад, Энэтхэг, Турк, Киргизстан, Казакстан зэрэг дэлхийн 30 орчим улсын газар нутагт үлдэж хоцорсон монгол түмний оюуны охь, түүх, соёлын үнэт олдворуудыг нэгтгэн эмхэтгэн, шинжлэн судалж, судалгааны эргэлтэд оруулан олны хүртээл болж буйгаараа онцлог юм. Энэхүү бүтээл нь ОХУ-ын Эрмитаж Улсын музейн сан хөмрөг, Унгар улсын номын сан, музей, Япон улсын музей номын сан, архив, Тайванийн хааны ордон музейн архив, Норвегийн Осло Их сургуулийн Соёлын түүхийн музей, Эрхүүгийн орон нутаг судлах музей, Данийн Копенхагений хааны ордон музей зэрэг газруудад хадгалагдаж буй Монголтой холбоотой эд өлгийн зүйлсийг судалгааны эргэлтэд оруулж анх удаа Монгол улсад нийтэлж байгаа болно.
Номын нээлтэд УИХ-ын БСШУС-ын байнгын хорооны дарга Б.Баярсайхан, Соёлын сайд Ч.Номин, Чингис хаан Үндэсний музейн захирал С.Чулуун болон эрдэмтэн судлаачид оролцлоо.
“Дэлхийд тархсан монгол өв” номын нээлтийн үеэр Соёлын сайд Ч.Номин:
“Соёлын яам хилийн чанад дахь соёлын өвийг хамгаалах зорилттой уялдуулан Соёлын яам Олон Улсын Монгол Судлалын Холбооноос санаачлан хэрэгжүүлж байгаа “Дэлхийд тархсан Монгол өв” төслийн зорилго хилийн чанад дахь соёлын өвийг сурталчлан таниулахад чухал ач холбогдолтойг харгалзаж, төслийн хүрээнд өмнө нь цөөн тоогоор хэвлэгдсэн цуврал бүтээлийг олон нийтэд хүртээмжтэй хүргэх зорилгоор анх удаа 11 ботиор багцлан дахин хэвлүүлж байна. Төслийн хүрээнд хилийн чанад дахь соёлын өвийг сурвалжлан олох, тодорхойлох, судлах, ном бүтээл болгон хэвлүүлэхээр хэлэлцээ хийх чиглэлээр олон жилийн хөдөлмөр зүтгэлээ зориулсан “Чингис хаан” Үндэсний музейн захирал, академич С.Чулуун болон энэ ажилд хүчин зүтгэсэн дотоод гадаадын эрдэмтэн судлаачдад талархал илэрхийлье. Энэхүү бүтээлээр дамжуулан Монголын ард түмний түүх, соёлын талаарх арвин мэдлэг дэлхий дахинаа түгэн дэлгэрч, та бидэнд эх түүх, өв уламжлал, ёс заншлаараа бахархах нэгэн эх сурвалж, гадаадын иргэдэд монголчуудыг хүндэтгэн үзэх нэгэн шалтгаан болно гэдэгт итгэж байна. Номын цагаан буян өнө мөнх дэлгэрэх болтугай” гэлээ.
Монгол Улсын Ерөнхийлөгчийн мөрийн хөтөлбөр, Засгийн газрын 2020-2024 оны үйл ажиллагааны хөтөлбөрт "Дэлхий дахин ба монгол өв" арга хэмжээний хүрээнд дэлхий дахинд хадгалагдаж буй Монголтой холбоотой соёлын өвийг бүртгэх, хамтран судлах, ном бүтээл болгох, хуулбарлах зэрэг цогц арга хэмжээг авч хэрэгжүүлж байна.
Тод мэдээ
Хилийн боомтуудын хоёрдугаар сард ажиллах цагийн хуваарь
Хилийн боомтуудын 2026 оны хоёрдугаар сард ажиллах цагийн хуваарийг танилцуулж байна.
Тод мэдээ
Баталгаат зам, гүүр, гармаар зорчихыг анхааруулж байна
Онцгой байдлын байгууллагад он гарсаар өнөөдрийн байдлаар гол, нуурын мөсөнд цөмөрсөн 6 удаагийн дуудлага бүртгэгдсэн байна.
Дуудлагын дагуу тухайн аймгийн Онцгой байдлынн газрын алба хаагчид үүрэг гүйцэтгэж, 5 тээврийн хэрэгслийг татан гаргалаа.
Цаг уурын байгууллагын ирүүлсэн мэдээгээр манай орны ихэнх гол мөрөн, нуур битүү мөсөн бүрхүүлтэй, мөсний зузаан өмнөх арав хоногоос 5-35 см нэмэгдэж, 20-135 см зузаан мөсөн бүрхүүлтэй болсон ч зарим гол мөрөн, нуурын мөсний зузаан 2025 оны мөн үеийнхээс 5-40 см нимгэн байна.
Цаашид цаг агаарын хүйтрэлтэй уялдан мөсний зузаан нэмэгдэх хэдий ч нуурын толио болон гол мөрний нийт уртын дагууд харилцан адилгүй байна.
Иймд:
Гол мөрөн, нуурт битүү мөсөн бүрхүүл тогтсон ч нийт уртын дагууд харилцан адилгүй мөсний үзэгдэл ажиглагдаж, мөсний даац хүн, мал болон авто тээвэр хийх хэмжээнд хүрч нягтшиж, бэхжээгүй байгаа цаг хожих, зам дөтлөх зорилгоор гол мөрөн, нуурын мөсөн дээгүүр явахгүй байх.
Цаг агаарын нөхцөл байдлын мэдээллийг албаны эх сурвалжаас авах, мэргэжлийн байгууллагуудаас өгч байгаа заавар зөвлөмжийг дагах.
Явах чиглэлийн зам маршрутыг сайтар судлах, автомашин техник хэрэгслийн бэлэн байдлаа хангах, дулаан хувцаслах, өөрийн болон бусдын амь насанд хохирол учруулах алхам хийхгүй байх.
Баталгаат зам гүүр, гармаар зорчихыг ОБЕГ-аас онцгойлон анхааруулж байна.
Тод мэдээ
Өнөөдөр цахилгаан эрчим хүчний хязгаарлалт хийж болзошгүй байршлууд
Эрчим хүчний чадлын дутагдлаас шалтгаалан 2026 оны нэгдүгээр сарын 23-ны Баасан гарагт цахилгаан эрчим хүчний “Хязгаарлалт хийх болзошгүй” байршлуудын хуваарийг танилцуулъя.
Эрчим хүчний системийн тасралтгүй, найдвартай байдлыг хангахын тулд дараах цагуудад зайлшгүй шаардлагатай бус цахилгаан хэрэгслүүдээ унтрааж, ТОГ-оо тохируулахыг иргэд, аж ахуйн нэгжүүдэд уриалж байна.
Эрчим хүчний системд аваарын горим үүсэхээс сэргийлэн нийслэлийн хэмжээнд тодорхой байршлуудад цахилгаан эрчим хүчний төлөвлөсөн хэрэглээг “Диспетчерийн үндэсний төв” ТӨХХК-ийн шийдвэрээр хуваарийн дагуу 1-ээс 1 цаг 30 минутын хугацаатайгаар хязгаарлах арга хэмжээ авч байна.
Гэхдээ нийслэлийн эрчим хүчний хэрэглээний ачааллын өсөлтөөс шалтгаалан зарласан зарим цагийн хуваарьт өөрчлөлт орж байгаа тул хэрэглэгчдээсээ гүнээ хүлцэл өчье.
Жич: Хязгаарлалт хийх цагууд нэмэгдэж орно.
-
Тод зураг2020/01/02
Улаанбаатарт өдөртөө 13 хэм хүйтэн
-
Өнөөдөр2020/09/02
ЭХЗХ: Цахилгаан, дулааны эрчим хүчний үнэ тарифт өөрчлөлт орохгүй
-
Тод мэдээ2019/12/09
Байгалийн хий дамжуулах асуудлаар ОХУ, Монгол Улсын Ажлын хэсгийн анхдугаар хура...
-
Өнөөдөр2020/12/09
Өнөөдөр ихэнх нутгаар салхи шуургатай, жавартай хүйтэн байна