Дэлхий нийтээр..
“Цахимд нутагшуулах миний мазаалай” гар зургийн уралдаанд хүүхдүүд идэвхтэй оролцлоо
“Цахимд нутагшуулах миний мазаалай” гар зургийн уралдаан сурагчид амжилттай оролцлоо Мазаалай баавгайн тархац Монгол орны баруун өмнөд хэсэгт Говь-Алтай, Баянхонгор аймгийн хил залгаа таван сумын нутгийг дамнан оршдог. Мазаалай баавгай монгол орны нэн ховор амьтан юм.
“Цахим нутагшсан мазаалай нөлөөллийн аян”-ы хүрээнд сурагчдын дунд “Цахимд нутагшуулах миний мазаалай” гар зургийн уралдаан өчигдөр зохион байгууллаа. Энэхүү гар зургийн уралдаанд “Арту урлан”-гийн 6-15 насны 20 гаруй сурагчид оролцож, зурах ур чадвараа өрсөлдсөн. Тэмцээнд оролцсон сурагчдын хувьд мазаалай баавгайн талаарх мэдээллийг зурагт болон цахим орчноос авдаг. Нэн ховор амьтан, говьд амьдардаг гэдэг мэдээллээс өөр дэлгэрэнгүй сайн мэдэхгүй гэдгээ хэлж байлаа. Гар зургийн уралдаанд оролцож, мазаалай баавгай талаар тодорхой хэмжээний мэдлэгтэй болсондоо баяртаа байгаагаа хэлж байв.
- Зургийн уралдааны тэргүүн байрт М.Марал “Говийн хүрэн”
- Хоёрдугаар байрт Б.Бямбажаргал “Сүрэгтээ нэгдсэн мазаалай”
- Гуравдугаар байрт М.Гэгээн-Эгшиг “Алмаасан цаг”
- Тусгай байрт Д.Сүндэръяа “Монголын бахархал” зургуудаар байр эзэлсэн.
М.Марал: Зураг зурах сонирхолтой. Багаасаа зураг зурж эхэлсэн. Номноос хараад зургаа зурдаг байсан. Одоо бол сэдэв, зохиомол, хар зураг, загварыг гээд бүх чиглэлд зурж сурахаар суралцаж байна. Би хувцас дизайнер болох сонирхолтой учраас зурах чадвараа сайжруулахаар сургалтад хамрагдаад явж байна. Өнөөдрийг зургийн маш хурдан хугацаанд зурлаа. Төвлөрч удаан сууж зурсан бол бүр чанартай болох байлаа. Тэргүүн байр эзэлсэндээ маш баяртай байна. Ерөнхийдөө мазаалай талаар мэдээлэл муутай. Нэн ховор амьтан гэдгийг мэдсэн учраас илүү сайн уншиж судална гэж бодож байна. Зураг зурах олон талын мэдлэгтэй болдог. Мөн маш сайн төвлөрч сууж сурдаг. Манай ээж намайг зураг зурахад маш сайн дэмждэг.
Б.Бямбажаргал: Би зургийг багаасаа зурж эхэлсэн. Зураг зурахаар гоё мэдрэмж төрдөг. Манай аав ээж өвөө бид нараар байнга зураг зуруулдаг. Манай өөв аав хоёр архитектурын мэргэжилтэй. Намайг зураг зурж сурахад нэлээд түлхэц болсон. Арту урланд суралцаж эхлээд зургаан сар болж байгаа. Анх удаа зургийн уралдаанд орж хоёрдугаар байранд орсондоо маш их баяртай байна. Би хичээлээсээ мазаалай тухай мэдээллийг нэлээд их олж авсан учраас зурхад амар байсан . Өөрийгөө байр эзэлнэ гэж бодсонгүй. Маш их баяртай байна. Сэдвийн зураг зурахдаа мэдэхгүй байх байвал интернэтээс мэдээллийг харж баяжуулж зурдаг. Сэдвийн зураг зурахад нэлээд хэцүү шүү. Зохиомол болон хар зураг зурхад арай л амар хэлбэр байдаг.
Д.Сүндэръяа “ Би зургийг дөрвөн настайгаа зураг зурж эхэлсэн. Зураач болох мөрөөдөлтэй. Мөрөөдлөө биелүүлэхээр зургийн дугуйлан явж эхэлсэн. Том болоод уран зураач болно. Өнөөдрийн тэмцээнд тусгай байр эзэлсэндээ маш их байртай байна. Мазаалай баавгайг сайн мэдэхгүй гэсэн зурагтаар харж байсан учраас төсөөллөөрөө зурсан. Одоо энэ амьтны талаар бүр дэлгэрэнгүй мэдээлэлтэй болно.
“Арту урлан”-гийн үүсгэнэ байгуулагч зураач багш Г.Өлзийхишиг “Өнөөдрийн зургийн уралдаан манай урлангийн хүүхдүүд маш амжилттай оролцлоо. Хүүхдүүдийнхээ шалгаруулалтыг гүйцэтгэл болон амьтнаа зөв төсөөлж гаргасан зургуудыг шалгаруулсан. Манай хүүхэд анх удаа амьтны сэдэвтэй уралдаанд оролцож, өөрсдийнхөө ур чадварыг сорьсон Манай сургалтын төв дөрөв дэх жилдээ үйл ажиллагаа явуулж байгаа. Мэргэжлийн уран зураг хүүхдийн уран зургийн анги гэж байгаа. Мэргэжлийн ангид 15 -аас дээш насны хүүхдүүд суралцдаг. Мэргэжлийн ангид хүүхдүүд урлан байдлаар маш удаан сууж зургаа зурдаг. Багаасаа зураг зурж байгаа хүүхдүүд сууж сурч байгаа. Одоо утасны хэрэглээнээс болоод хүүхдийн төвлөрөл маш их муудсан”гэдгийн онцолсон.
Дэлхий нийтээр..
Европын холбоо ОХУ-ын эсрэг хориг арга хэмжээгээ өргөжүүлнэ
Европын холбоо ОХУ-ын эдийн засагт үзүүлэх хориг арга хэмжээний дарамтаа нэмэгдүүлэхээр төлөвлөж байна. Европын холбооны Гадаад бодлогын тэргүүн Кая Каллас Кипрт болсон тус холбооны Батлан хамгаалахын сайд нарын албан бус уулзалтын дараа мэдэгдэхдээ, Оросын Украины эсрэг дайныг дэмжиж буй дахин 80 байгууллага, хувь хүнд шинэ хязгаарлалт тавих асуудлыг хэлэлцэж байгааг онцолжээ.
Түүний хэлснээр, шинээр санал болгож буй жагсаалтад ОХУ-ын “цэрэг-аж үйлдвэрийн цогцолбор”, хүний эрх зөрчигчид болон суртал ухуулга явуулагчид багтаж байна.
Кая Калласын мэдээлснээр, Барууны орнуудын хориг арга хэмжээ ОХУ-д одоогоор 1.2-1.5 их наяд ам.долларын хохирол учруулаад байгаа аж. Тэрбээр “Орос мөнгө, хүн хүч, давшилтын эрчээ алдаж байна. Тиймээс л Украины энгийн иргэд рүү хийх халдлагаа нэмэгдүүлж байна” гэж мэдэгджээ.
Мөн Европын холбооны сайд нар Украинд зэвсэг нийлүүлсэн улс орнуудад нөхөн төлбөр олгох зорилготой 6.6 тэрбум еврогийн сангийн ирээдүйн талаар хэлэлцсэн байна. Уг сангийн асуудлыг Унгар өмнө нь эсэргүүцэж байсан ч одоо эсэргүүцлээ татахаа холбоотнууддаа мэдэгджээ.
Кая Каллас энэ хөрөнгийг зөвхөн өмнө нь нийлүүлсэн зэвсгийн нөхөн төлбөрт бус, хамтарсан зэвсэг худалдан авалт болон Европын холбооны цэргийн тусламжийг санхүүжүүлэхэд ашиглах санал гаргасан байна.
Европын холбоо АНУ-ын байр суурь суларсан энэ үед Москвагийн эсрэг дарамтаа нэмэгдүүлэхийг зорьж байна. Гуравдугаар сард тус холбоо 2,600 орчим хувь хүн, байгууллагад чиглэсэн хориг арга хэмжээг сунгаж, хөрөнгө царцаах болон зорчих эрх хязгаарлах шийдвэрээ үргэлжлүүлсэн юм.
Энэ үеэр ОХУ Украинд халдлагаа үргэлжлүүлсээр байна. Даваа гарагийн өглөө Оросын халдлагын улмаас Украины Запорожье мужид таван хүн амиа алдаж, 14 хүн шархадсан талаар орон нутгийн захирагч Иван Федоров мэдээлжээ.
Украины Ерөнхийлөгч Володимир Зеленский ОХУ-ын Ерөнхийлөгч Владимир Путинтэй нүүр тулсан уулзалт хийх санал гаргасан ч Кая Калласын хэлснээр, Оростой хэлэлцээ эхлүүлэх цаг хараахан болоогүй байна.
Тэрбээр Оросыг бодитоор хэлэлцээ хийх нөхцөл байдалд хүргэхийн тулд стратегийн тэвчээр хэрэгтэй гэж мэдэгдлээ.
Дэлхий нийтээр..
Пашиняны нам ялсан ч Арменийн гадаад бодлогын чиглэл тодорхойгүй хэвээр байна
Арменийн Ерөнхий сайд Никол Пашиняны тэргүүлдэг эрх баригч “Иргэний гэрээ” нам парламентын сонгуульд ялалт байгуулсан ч санал хураалтын дүн тус улсын цаашдын гадаад бодлогын чиглэлийг шууд нэг мөр дүгнэхэд төвөгтэй болгож байна.
Арменийн Сонгуулийн төв комиссын даваа гарагт мэдээлснээр, Пашиняны “Иргэний гэрээ” нам 49.81 хувийн санал авчээ. Энэ нь түүнийг Оростой ойр байр суурьтай сөрөг хүчний “Хүчирхэг Армени” намаас илт давуу гаргасан ч Оросоос зай барих бодлогоо бүрэн баталгаажуулах, Азербайжантай урт хугацааны энхийн хэлэлцээр байгуулахад шаардлагатай хүчтэй мандат хангалттай эсэх нь тодорхойгүй байна.
Пашинян урьдчилсан дүн гарсны дараа ялалтаа зарласан ч парламент дахь суудлын эцсийн хуваарилалт хараахан тодорхой болоогүй байна. Жижиг намууд парламентад суудал авахын тулд дөрвөн хувийн босго давах ёстой бөгөөд одоогийн байдлаар Пашиняны нам Үндсэн хуулийн өөрчлөлт хийхэд шаардлагатай гуравны хоёрын олонх авах эсэх нь эргэлзээтэй байгаа юм.
Энэ удаагийн сонгуулийг Арменийн гадаад бодлогын чиг баримжааг тодорхойлох санал хураалт гэж олон улсын ажиглагчид үзэж байв. Пашинян сонгуулийн кампанит ажлынхаа үеэр Азербайжантай энх тайван тогтоох, Турктэй харилцаагаа хэвийн болгох, Европын холбоотой харилцаагаа бэхжүүлэх амлалт өгсөн.
АНУ-ын Ерөнхийлөгч Дональд Трамп санал хураалтаас өмнө Пашиняныг дэмжиж буйгаа илэрхийлж, Армени, Азербайжаныг хэлэлцээний ширээнд ойртуулах хүчин чармайлтаа онцолсон байна. Боломжит хэлэлцээрийн нэг хэсэгт Армениар дамжих тээврийн коридорт АНУ онцгой эрхтэй оролцох тухай асуудал багтаж байгаа бөгөөд үүнийг “Олон улсын энх тайван, хөгжил цэцэглэлтийн Трампын маршрут” буюу TRIPP гэж нэрлэжээ.
Гэвч Арменийн Баруун руу чиглэсэн бодлого Оросын дургүйцлийг төрүүлж байна. Сонгуулийн өмнөхөн Москва Арменийн зарим бараа бүтээгдэхүүн, тухайлбал шинэ жимс, цэцэг, согтууруулах ундаанд импортын хориг тавьсан. Энэ нь Брюссель, Вашингтонтой харилцаагаа бэхжүүлэх нь тодорхой өртөг дагуулна гэсэн дохио гэж ажиглагчид үзэж байна.
ОХУ-ын Ерөнхийлөгч Владимир Путин Арменийн ард түмэнтэй “онцгой харилцаатай” гэдгээ тэмдэглэхийн зэрэгцээ Европын холбоотой ойртох замын талаар анхааруулсан өнгө аястай мэдэгдэл хийжээ. Тэрбээр Украины жишээг дурдан, Европын интеграц руу чиглэсэн алхам бүс нутгийн хурцадмал байдалд хүргэж болзошгүй гэсэн санаа илэрхийлсэн байна.
Армени сүүлийн жилүүдэд Оросын нөлөөний бүсээс аажмаар холдож эхэлсэн. Энэ үйл явц 2023 онд Азербайжан Уулын Карабахыг эргүүлэн авах цэргийн ажиллагаа явуулсны дараа улам эрчимжсэн юм. Тухайн үед 100 мянга гаруй армени угсаатан нүүлгэн шилжиж, Ереван Оросыг аюулгүй байдлын баталгаа болж чадсангүй гэж үзэн, Орос тэргүүтэй Хамтын аюулгүй байдлын гэрээний байгууллагад оролцохоо царцаасан.
Сүүлийн саруудад Пашинян Европын холбоотой харилцаагаа гүнзгийрүүлж, тус холбоонд ойртох шинэчлэлийн бодлого хэрэгжүүлж эхэлсэн. Мөн Армени улс Европын холбоо–Арменийн анхны дээд хэмжээний уулзалтыг зохион байгуулж, Украины Ерөнхийлөгч Владимир Зеленскийг хүлээн авсан нь Кремлийн бухимдлыг нэмэгдүүлжээ.
Европын Комиссын Ерөнхийлөгч Урсула фон дер Ляйен Оросын зүгээс Арменийн бүтээгдэхүүнд тавьсан эдийн засгийн хязгаарлалтыг “эдийн засгийн шахалт” гэж тодорхойлж, Европын холбоо Арменийг дэмжинэ гэдгээ мэдэгдсэн байна.
Гэсэн ч Пашинян Оростой харилцаагаа бүрэн таслах бус, тэнцвэртэй бодлого баримтлахыг эрмэлзэж байна. Тэрбээр дөрөвдүгээр сард Москвад айлчилж, Владимир Путинтэй уулзсан бол зургаадугаар сарын 1-нд төрсөн өдрөөрөө ОХУ-ын Ерөнхийлөгчтэй утсаар ярьжээ.
Олон улсын шинжээчдийн үзэж буйгаар Арменийн Европтой илүү ойртох зам амаргүй байх төлөвтэй. Оросын дарамт нь Арменийн сонгогчдыг автоматаар Европ руу түлхэнэ гэж үзэх нь хэтэрхий хялбар дүгнэлт бөгөөд Европын бодит дэмжлэгийн үр дүн одоогоор бүрэн мэдрэгдээгүй байна гэж зарим судлаач онцолжээ.
Пашинян Азербайжантай байгуулах урт хугацааны энхийн хэлэлцээрийн хүрээнд шаардагдаж болзошгүй Үндсэн хуулийн өөрчлөлтийг хэрхэн урагшлуулах нь одоогоор тодорхойгүй хэвээр байна.
Тэрбээр даваа гарагийн өглөө хийсэн хэвлэлийн бага хурлын үеэр Арменийн иргэд “бүс нутгийн хөгжил цэцэглэлт, хамтын ажиллагааны төлөө саналаа өглөө” гэж мэдэгдээд, Турк болон Азербайжанаас эерэг хариу ирнэ гэж найдаж буйгаа илэрхийлжээ.
Харин Пашиняны Оростой ойр байр суурьтай өрсөлдөгчид сонгуулийн дүнг эсэргүүцэж, санал хураалтын үеэр олон зөрчил гарсан гэж мэдэгдсэн байна. Сөрөг хүчин сонгуулийн дүнд бодитой сорилт үүсгэж чадах эсэх нь Арменийн ойрын өдрүүдийн улс төрийн гол асуулт болж байна.
Дэлхий нийтээр..
Польш улсын бага сургуулиудад гар утас ашиглахыг хориглохоор төлөвлөж байна
Польш улс бага сургуулийн сурагчдыг сургууль дээр гар утас ашиглахыг хориглох хуулийн төслийг хэрэгжүүлэхээр төлөвлөж байна. Польшийн Ерөнхий сайд Дональд Туск энэ сарын 2-нд мэдэгдэхдээ, 2026 оны есдүгээр сарын 1-нээс эхлэн 7-15 насны сурагчдыг сургууль дээр гар утас ашиглахыг хориглохоор ажиллаж байгаагаа хэлжээ.
Засгийн газраас дэмжсэн хуулийн төсөлд бага сургуулийн сурагчдыг хичээлийн үеэр төдийгүй завсарлага, сургуулийн орчин, мөн сургуулиас зохион байгуулсан боловсролын үйл ажиллагааны үеэр гар утас ашиглахыг хориглохоор тусгасан байна. Ухаалаг цаг зэрэг мэдээлэл, харилцааны боломжтой төхөөрөмжүүд ч уг хязгаарлалтад хамрагдахаар байна.
Гэхдээ сурагчид төхөөрөмжөө сургууль дээр авчрах боломжтой бөгөөд сургуулиуд тэдгээрийг хичээлийн хугацаанд хадгалах тусгай байр, зохицуулалт хийх эрх зүйн үндэстэй болох аж.
Польшийн бага сургуулийн боловсрол найман жил үргэлжилдэг бөгөөд 7-15 насны хүүхдүүд хамрагддаг. Хуулийн төсөл цаашид Польшийн парламентын доод танхим болох Сейм, дээд танхим болох Сенатаар хэлэлцэгдэж, батлагдсаны дараа Ерөнхийлөгч гарын үсэг зурснаар хүчин төгөлдөр болох юм.
Ерөнхий сайд Дональд Туск хүүхэд, өсвөр үеийнхний гар утас, цахим платформ, тоглоомд донтох асуудал ноцтой болж, хичээлдээ төвлөрөх болон зан төлөвт сөргөөр нөлөөлж байгааг онцолсон байна.
-
Үйл явдал2023/05/30
Үс шинээр үргээлгэх буюу засуубал эрч, хүч ихсэнэ
-
Хэн юу хэлэв...2020/08/06
Монгол Улсын Ерөнхийлөгчийн Зөвлөх, Хэвлэлийн төлөөлөгч нар шинээр томилогдлоо
-
Үйл явдал2020/06/10
“Зөв дадал-Ногоон ирээдүй” аяны хүрээнд 567.5 га талбайн хогийг цэвэ...
-
Дэлхий нийтээр..2023/09/28
Л.Оюун-Эрдэнэ Хөвсгөл аймагт ажиллаж байна