Дэлхий нийтээр..
Сонгуулийн ерөнхий хорооны хуралдаан болов
Сонгуулийн ерөнхий хорооны хуралдаанаар дараах асуудлыг хэлэлцэж, шийдвэрлэлээ.
- Аймаг, нийслэл, сум, дүүргийн иргэдийн Төлөөлөгчдийн Хурлын 2026 оны нөхөн сонгуулиар аймгийн сонгуулийн хорооны дэргэд сонгуулийн автоматжуулсан системийн ашиглалт хариуцан ажиллах мэдээллийн технологийн багийн бүрэлдэхүүнийг батлав. Мэдээллийн технологийн багийн гишүүдийн бүрэлдэхүүнийг өмнөх сонгуулиудад ажилласан туршлага, мэргэшсэн байдлыг харгалзан томилсон бөгөөд 17 гишүүн санал авах байрнуудад ажиллах 52 мэдээллийн технологийн даамлыг хариуцан ажиллах юм.
- Санхүүгийн тайлангаа хоёр жил дараалан сонгуулийн төв байгууллагад ирүүлээгүй зургаан улс төрийн намыг идэвхгүйд тооцуулахаар холбогдох мэдээллийг Улсын дээд шүүхэд хүргүүлэхээр тогтлоо. Улс төрийн намын тухай хуульд зааснаар улс төрийн нам санхүүгийн хагас жилийн тайлангаа жил бүрийн 7 дугаар сарын 20-ны өдрийн дотор, жилийн эцсийн тайлангаа дараа оны 2 дугаар сарын 10-ны өдрийн дотор сонгуулийн төв байгууллагад хүргүүлдэг. Улс төрийн нам хоёр жил дараалан санхүүгийн тайлангаа сонгуулийн төв байгууллагад хүргүүлээгүй бол Монгол Улсын дээд шүүх тухайн намыг идэвхгүйд тооцох шийдвэр гаргахаар Улс төрийн намын тухай хууль (шинэчилсэн найруулга)-ийн 21 дүгээр зүйлийн 21.1.2-т заасан.
2025, 2026 онд Улсын дээд шүүхэд бүртгэлтэй 37 намаас Монголын Либерал нам, Монголын Эмэгтэйчүүдийн Үндэсний Нэгдсэн нам, Хамуг Монголын Хөдөлмөрийн Нам, Монгол Шинэчлэлт нам, Зүй ёс нам, Ардчилал Шинэчлэлийн нам санхүүгийн тайлангаа Сонгуулийн ерөнхий хороонд ирүүлээгүй. Сонгуулийн ерөнхий хорооны Улс төрийн намын санхүүжилт, хяналтын газраас улс төрийн намуудад санхүүгийн тайлангаа хуулийн хугацаанд ирүүлэх талаар 2025 онд 15 албан бичиг, 2026 онд нэг албан бичиг хүргүүлж, удаа дараа холбогдон шаардлагатай мэдээлэл, зөвлөмж өгч ажилласан ч тайлангаа ирүүлээгүй байна.
- Сонгуулийн автоматжуулсан системийн санал тоолох, тэмдэглэх төхөөрөмжийг нөхөн бүрдүүлэх асуудлыг хэлэлцлээ.
СОНГУУЛИЙН ЕРӨНХИЙ ХОРОО
Дэлхий нийтээр..
Трампын мэдэгдлийн дараа Ираны төлөөлөгчид хэлэлцээг түр зогсоов
Дэлхий нийтээр..
Оросын байлдааны хөлөг Британийн дарвуулт завинд анхааруулж гал нээжээ
ОХУ-ын Хар тэнгисийн флотын «Адмирал Григорович» фрегат Английн сувгаар явж байсан Их Британийн бүртгэлтэй «Брайт Фьючер» дарвуулт завины ойролцоо анхааруулах буудлага хийсэн талаар Оросын тал мэдээллээ.
Оросын Батлан хамгаалах яамны мэдээлснээр, дарвуулт завь байлдааны хөлөгт хэт ойртож, радио холбоо болон дохиогоор өгсөн анхааруулгад хариу өгөөгүй тул анхааруулах зорилгоор буудлага үйлдсэн байна. Үүний дараа завь чиглэлээ өөрчилсөн гэж мэдэгджээ.
Харин дарвуулт завин дээр зорчиж явсан Британийн иргэд энэхүү тайлбарыг үгүйсгэж, мөргөлдөх аюул үүсээгүй бөгөөд олон улсын усан замын дүрмийн дагуу хөдөлгөөнд оролцож байсан гэж мэдэгдсэн байна.
Их Британийн Ерөнхий сайд Кир Стармер уг үйл явдлыг “болгоомжгүй бөгөөд түгшүүр төрүүлсэн хэрэг” хэмээн тодорхойлж, эрх бүхий байгууллагууд нөхцөл байдлыг шалгаж эхэлжээ.
Энэ явдал нь Их Британи Оростой холбоотой гэж үзсэн нэгэн нефть тээвэрлэгч хөлгийг саатуулснаас хойш хэдхэн хоногийн дараа болсон бөгөөд хоёр улсын харилцаанд үүсээд буй хурцадмал байдлыг дахин анхаарлын төвд оруулаад байна.
Дэлхий нийтээр..
Доналд Трамп, Володимир Зеленський нар уулзав
-
Дэлхий нийтээр..2021/08/02
Ургамал, малын эрүүл ахуй, хүнсний аюулгүй байдлын лабораторийн хүчин чадлыг нэм...
-
Дэлхий нийтээр..2019/07/19
Налайхын 63 дугаар байрнаас Мянганы зам хүртэлх авто замын ажил ирэх сарын 1-нд ...
-
Хэн юу хэлэв...2020/10/13
Л.Мөнхгэрэл: Ойн далбига мөөгийг хорт хавдар, вирусийн эсрэг үйлчлэлтэй болохыг ...
-
Дэлхий нийтээр..2025/09/25
Төрийн бүх шатанд Цахимаар түрүүнд буюу Digital first уриалга дэвшүүллээ