Бидэнтэй нэгдэх

Тод зураг

Хууль бусаар алт олборлож байгаа үйлдлийг таслан зогсоож байна

Огноо:

,

Сэтгүүлч:

Өмнөговь аймгийн Номгон сумын нутаг Элст, Гурванбулаг хэмээх газрыг уул уурхайн үйл ажиллагаа явуулахгүй байх зорилгоор 2018 онд орон нутгийн тусгай хамгаалалтад авсан. Гэвч 2020 оны 3 дугаар сараас эхлэн иргэд коронавирусний тархалттай холбоотой хорио цээрийн дэглэмийг зөрчиж, 2000 орчим хүн нэг дор бөөгнөрөл үүсгэн, гар аргаар хууль бусаар алт олборлож байсныг хууль хяналтын байгууллагууд таслан зогсоож хэрэг зөрчил гаргасан иргэдэд хариуцлага тооцсон байна.

Өдгөө нийт 10 гаруй километр газар нутгийн жалга судаг даган 5-10 метр гүн нүх цооног үүсгэсэн байгаа нь тухайн нутаг дэвсгэрт амьдардаг 20 гаруй малчин өрхийн хувьд маш хүндрэлтэй байгаа юм. Мөн байгалийн унаган төрхийг эвдэн сүйтгэж, ухсан нүхэнд нь мал унаж үхэх, улмаар шороо тоос бужигнах, бэлчээр талхлагдах гэх мэт маш их асуудал бэрхшээл тулгардаг аж.

Өмнөговь аймгийн Засаг даргын захирамжаар хууль бус үйл ажиллагааг таслан зогсоох ажлын хэсэг байгуулсан бөгөөд цагдаа, Мэргэжлийн хяналт, Онцгой байдлын газар, Байгаль орчин аялал жуулчлалын газар зэрэг холбогдох албаны 40 орчим албан хаагчдыг 3 постод хуваарилан байнгын эргүүл хяналтыг үргэлжлүүлж байгаа юм. Аймаг, сум мэргэжлийн байгууллагуудын хамтарсан баг малчид иргэдийн хяналт дор тухайн нутаг дэвсгэрт нөхөн сэргээлт хийж нүхийг булж тэгшлэх ажлуудыг хийж байна.

Эх сурвалж: http://www.omnogovi.gov.mn

Дэлгэрэнгүй унших
сурталчилгаа
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод зураг

Усан доорх гайхамшигт музей "Ланзаротын Атлантик"

Огноо:

,

Испани улсын Ланзароте аралтай залгаа орших хэсэгт дэлхийн нэгэн гайхамшиг болох усан доорх музей оршдог. Тус музейн үзмэрүүд нь өнгөрөгч 2016 оны 3 дугаар сараас үзэгчдийн хүртээл болж эхэлжээ. Музейн үзмэрүүдийн ойролцоо жижиг наймаалж, сардин загас болон бусад далайн амьтад ихээр ирж, цугларах болсон нь тус музейг зорин ирж байгаа жуулчдад илүү сайхан сэтгэгдэл төрүүлж байдаг аж.

Энэхүү гайхмшигт музей нь Атлантын далай дор 14 метрийн гүнд байрлаж байгаа бөгөөд музейг "Ланзаротын Атлантик музей" хэмээн нэрлэсэн байна. Музейн үзмэрүүдийг Их Британийн уран барималч Жесон де Сайрес Тейлор сүүлийн 2 жилийн турш урлан бүтээсэн бөгөөд тэрээр туурвисан бүтээлүүдээрээ түүхэн он цаг үе, ялангуяа дүрвэгчдийн амьдралыг тод дүрсэлж өгчээ.

Түүнчлэн Испани улсын ёс заншлыг харуулсан 200 гаруй хүн дүрст бүтээлүүд энэхүү далай доорх музейд тавигджээ. Энэхүү бүтээлүүдийг байгаль орчинд ээлтэй  материалаар хийсэн бөгөөд энэ нь хүн төрөлхтөн болон амьтан, ургамалд ямар ч сөрөг нөлөөгүй материал юм. Музейн үзмэрүүд ньойролцоогоор 30 метрийн урттай ханан дундах цэцэрлэгт хүрээлэнд байрлах юм. "Ланзаротын Атлантик музей" нь Европ тивийн гайхалтай шинэ бүтээн босголтуудын нэг болж байгаагаараа онцлог ажээ.





















Дэлгэрэнгүй унших

Тод зураг

Гоодаль цэцгээр бүсгүй хүний гоо сайхныг бэлгэддэг

Огноо:

,

Өмнөд Африкаас гаралтай гэгддэг ч дэлхийн өнцөг булан бүрт тархсан, нэлээд түгээмэл ургамал юм. Гоодаль цэцгийг эмэгтэй хүний гоо сайхны бэлгэдэл хэмээн үздэг. Мөн гэр бүлийн аз жаргалын цэцэг гэх нь ч бий. Баяр баяслын энерги ялгаруулдаг уг цэцэг нь зүрх судасны үйл ажиллагааг сайжруулж, зүрхний шигдээсээс урьдчилан сэргийлэх ач холбогдолтой. Олон эмэгтэй ажилладаг байгууллагад тарихад сайн энерги цуглуулж, орчны уур амьсгалыг таатай болгодог байна.

Гоодаль цэцгийг:

1. Aethiopican Calla

2. Zantedeschia Calla

3. Zantedenschias Calla Lily гэж 3 ангилдаг байна.

Гоодалийн туяхан ишин дээрх далбагар навчин дундаас зүрхэн хэлбэртэй час улаан цэцэг гардаг аж. Эмэгтэй хүний төрсөн өдрөөр болон нярайлсан эмэгтэйд гоодалийг бэлэглэж болно. Энэ цэцэг нь төдийлөн нарийн арчилгаа шаардаад байдаггүй. Тиймээс айл гэр, албан байгууллага гээд ердийн тасалгаанд хаана ч тарьж, ургуулахад тохиромжтой.



Арслангийн ордныхонд ээлтэй гэгддэг энэхүү цэцгийг хар шороон хөрсөнд тарихад тохиромжтой. Долоо хоногт 2-3 удаа 200 гр усаар усалж, 14 хоногт нэг удаа борддог. Гоодалийг сайтар ургуулах, цэцэглүүлэх хамгийн гол хүчин зүйл нь цэцгийг амраах явдал юм. Амралт нь өвлийн цагт болдог. Энэ үед усалгааг багасгана.

Дэлгэрэнгүй унших

Тод зураг

Этгээд загварын гутлын ертөнцөөр...

Огноо:

,

Хорвоогийн хачин, этгээд сонин зүйлсийг тоочоод үл барна. Гэвч шохоорхол гэдэг хязгааргүй... Гутал гэхээр нүдээ унагаах шахдаг бүсгүйчүүддээ зориулаад этгээд сонин загвартай гутлуудын зургуудаас хүргэж байна.


Дэлгэрэнгүй унших
сурталчилгаа
Тод мэдээ2022/07/01

"Кью Эс Си” компани Хөгжлийн банкинд төлөх зээлийн төлбөр...

Тод мэдээ2022/07/01

Үндэсний их баяр наадмын нэгдсэн хөтөлбөр

Өнөөдөр2022/06/30

“Чингис хаан” онгоцны буудал руу явах автобусны үнэ, цаг...

Тод мэдээ2022/06/30

Гурван дүүрэг дамнасан цэцэрлэгт хүрээлэн байгуулна

Тод мэдээ2022/06/30

Төрийн өмчит зарим компанийг биржээр дамжуулан олон нийтийн хяналтад...

Тод мэдээ2022/06/30

Ойн хөнөөлт шавжтай тэмцэх ажилд хөрөнгө гаргана

Тод мэдээ2022/06/30

Улаанбаатар хотын албан ёсны дижитал хөтчид аж ахуйн нэгжүүдийг бүрт...

Тод мэдээ2022/06/30

Гэр хорооллын дахин төлөвлөлтөөр 126 айлын орон сууц ашиглалтад орло...

Тод мэдээ2022/06/30

Волейболын өсвөрийн улсын аварга тодорлоо

Өнөөдөр2022/06/30

Улаанбаатарт өдөртөө 29 хэм дулаан

Тод мэдээ2022/06/30

Төрийн өмчит зарим компанийг нэгтгэлээ

Өнөөдөр2022/06/30

Үс шинээр үргээлгэх буюу засуулахад тохиромжгүй

Санал болгох