Тод мэдээ
Хүчирхийллийн хохирогчдод үйлчлэх “Нэг цэг"-ийн төвийг Чингэлтэй, Сүхбаатар дүүрэгт байгуулав
Засгийн газрын тогтоолоор Онцгой нөхцөл байдлын үед хүүхдийн эрхийг хамгаалах, тусламж дэмжлэг үзүүлэх журам баталж, хүүхэд хамгааллын салбар дундын бүлэг байгуулагдсан билээ. Энэ бүлгийн цаашид хэрэгжүүлэх арга хэмжээний талаарх хэлэлцүүлэг Хөдөлмөр, нийгмийн хамгааллын яаманд боллоо. Энэ үеэр тус бүлгийн төлөвлөгөөний хэрэгжилт, цаашид хэрэгжүүлэх арга хэмжээний талаар ярилцаж, Хөдөлмөр, нийгмийн хамгааллын дэд сайд С.Зулпхар үүрэг, чиглэл өгсөн байна.
Тухайлбал, хүүхдийг эрсдэлээс урьдчилан сэргийлэх чиглэлээр баар, зочид буудал, тоглоомын газар, худалдаа үйлчилгээний газар хяналт, шалгалт хийж, байгууллагуудын Эцэг эхийн зөвлөлөөр дамжуулж, заавар, зөвлөмжийг 27.2 мянган албан хаагчид хүргэжээ. Мөн цар тахлын үед гэр бүл, хүүхдийн эсрэг хүчирхийлэл нэмэгдсэнтэй холбогдуулж хохирогчдод үйлчилгээ үзүүлэх “Нэг цэг”-ийн үйлчилгээний төвийг НҮБ-ын Хүн амын сангийн дэмжлэгтэйгээр Чингэлтэй, Сүхбаатар дүүрэгт байгуулсан байна.
Ташрамд дурдахад, БНЭУ-д шашны чиглэлээр суралцаж байсан 179 лам хүүхдийг авчирч тусгаарлах, болон хөгжил хамгааллын үйлчилгээний зардлыг улсын төсвөөс болон НҮБ-ын Хүүхдийн сангийн санхүүжилтээр шийдвэрлэсэн юм.
Тод мэдээ
"Сэтгэлээрээ эмчилье" аяны эмчилгээний багц эздэдээ хүрсээр байна
“Сэтгэлээрээ эмчилье” аяны хүрээнд дүүргийн хэмжээнд үйл ажиллагаа явуулж буй иргэн, төр, хувийн хэвшлийн аж ахуй нэгжүүд сэтгэлээрээ нэгдэж, мөнгөн болоод эм эмчилгээний хэрэгслийн хандив өргөсөөр байна.
Өнөөдрийн байдлаар ажлын хэсэг цугласан мөнгөн хандиваар нийт 80 ширхэг эмчилгээний багцыг бэлтгэж, "Ковид-19" өвчнөөр өвчилсөн дүүргийнхээ зорилтод бүлгийн иргэдэд тарааж байгаа бөгөөд цугласан эм, эмнэлгийн хэрэгслийг дүүргийн Эрүүл мэндийн төв болон хороодын өрхийн эмнэлгийн төвүүдэд хүргэлээ.
Баянгол дүүргийн ИТХ-ын ажлын албаны санаачлагаар зохион байгуулагдаж байгаа “Сэтгэлээрээ эмчилье” аянд иргэд, албан байгууллагууд нэгдэхэд нээлттэй гэж Баянгол дүүргийн ИТХ-аас мэдээллээ.
Тод мэдээ
Ерөнхий боловсролын сургуулийн сурах бичгийг “Цахим дэлгүүр”-т байршууллаа
Төрийн худалдан авах ажиллагааны цахим системийн “ЦАХИМ ДЭЛГҮҮР”-т Ерөнхий боловсролын сургуулийн I-XII ангийн 149 нэрийн сурах бичиг, 4 нэрийн Багшийн журнал, 12 нэрийн оюуны хөгжлийн бэрхшээлтэй сурагчдын сурах бичиг, багшийн ном барааны жагсаалтад орж байршлаа.
“Цахим дэлгүүр”-ийн системээр сурах бичиг худалдан авах нөхцөл бүрдсэнээр ажиллагааг зохион байгуулснаар тендер шалгаруулалтын тоо буурч 3 жил тутамд 1 тендер зохион байгуулах, цаг хугацаа хэмнэхийн зэрэгцээ үндэсний үйлдвэрлэгчдийн үйл ажиллагааг дэмжих ач холбогдолтой юм.
Сурах бичиг дутагдах асуудал шийдэгдэж, боловсрол эзэмших тэгш эрх, боловсролын чанарын баталгааг хангах зорилгоор тухайн байгууллага өөрсдийн хөрөнгөөр шаардлагатай сурах бичгээ захиалга хийж худалдан авах боломж бүрдэж байна гэж Боловсрол, шинжлэх ухааны яамнаас мэдээллээ.
Тод мэдээ
Эрүүл мэндийн сайд С.Энхболд БНСУ-ын К2BIO компанийн төлөөллийг хүлээн авч уулзлаа
Тус компани нь Монгол Улсад салбараа нээж, нэг цагийн дотор хариу нь гардаг PCR шинжилгээний багцыг үйлдвэрлэж эхлэхээр төлөвлөж байгаа тухай саналаа танилцууллаа. Түүнчлэн Нийгмийн эрүүл мэндийн үндэсний төвтэй хамтран ажиллах гэрээ байгуулсан гэдгийг хэлж байна.
.jpg)
-
Чөлөөт бүс2020/02/14
Үндэсний их баяр наадмын Д.Сүхбаатарын талбайн тоглолтын найруулагчийн сонгон ша...
-
Өнөөдөр2020/01/23
Халамжийн тэтгэвэр, асаргааны тэтгэмжийн хэмжээг нэмэв
-
Өнөөдөр2020/08/12
Үс шинээр үргээлгэх буюу засуулбал сайн
-
Өнөөдөр2019/07/17
Үндсэн хуульд оруулах нэмэлт, өөрчлөлтийн төслийн “Сургагч багш” нар...