Бидэнтэй нэгдэх

Тод мэдээ

Хөдөлмөрийн харилцааг ажилтан, ажил олгогчоор хязгаарлахгүй цогцоор нь шийдвэрлэх шаардлагатай...

Огноо:

,

Сэтгүүлч:

УИХ дахь Ардчилсан намын бүлэг шинэ оны анхны /2021.01.04/ хуралдаанаар Хөдөлмөрийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг хэлэлцэж, УИХ-ын гишүүн Ц.Мөнх-Оргилоос төслийн талаар мэдээлэл сонсов. Гишүүд хүүхдийн хөдөлмөр, ажлын байран дахь бэлгийн дарамт, туслах малчин, гэрийн үйлчлэгчийн тухай, цахим ажлын байрны талаар хуульд хэрхэн тусгах талаар санал солилцлоо.

Мөн коронавирусний дараах өөрчлөгдсөн нөхцөл байдалд тохирсон хөдөлмөрийн хуультай болох ёстой. Хөдөлмөрийн харилцааг ажилтан, ажил олгогчоор хязгаарлахгүй цогцоор нь шийдвэрлэх шаардлагатай гэв. Харин Үндсэн хуулийн Цэцийн 2020 оны 12 дугаар дүгнэлтийг хэлэлцээд хүлээж авахгүй гэдэгт санал нэгдлээ.

Түүнчлэн цар тахлын үед хүнсний хангамжийн тогтвортой байдлыг хангах зорилгоор баталсан Гаалийн албан татвар болон Нэмэгдсэн өртгийн албан татвараас чөлөөлөх тухай хуулийн хэрэгжилтийн талаар Хүнс, хөдөө аж ахуй, хөнгөн үйлдвэрийн сайд С.Мэндсайханаас мэдээлэл сонслоо. Мөн улсын нөөцөөс өвс, тэжээл олгох,  махны нөөц бүрдүүлэлт, махны экспортын талаархи асуултад хариулт авав.

Д.Ганбат: Өвөлжилт хүнд байгаа аймгийн 40 мянган малчин өрхөд  өвс тэжээл хүргэх ажил ямар шатандаа явна.  Ноолуурын үйлдвэрлэл ядаж утас ээрэх гэх мэтийн бага оврын үйлдвэрүүдийг орон нутагт байгуулбал олон хүн ажилтай, орлоготой болох боломжтой байна. Энэ тал дээр яам ямар бодлого барих вэ.

С.Мэндсайхан: Өвөрхангай, Дундговь, Өмнөговь аймгийн зарим сум,  Баянхонгор аймгийн 20 сумын 12 мянга, нийт улсын хэмжээнд 40 мянган малчин өрх өвс тэжээлийн хөнгөлөлтөд хамрагдана. Мөн эдгээр аймагт отроор яваа малчдыг хамруулна. Өвс тэжээлийг яам, аймаг аймагт нь хүргэнэ. Аймаг, орон нутаг малчиддаа хүргэхээр зохицуулсан. Ноолуурын үйлдвэрлэлийг дэмжиж эцсийн бүтээгдэхүүн үйлдвэрлэх бодлого барьж барина. Ноолуурын салбарыг бодлогоор анхаарахгүй бол хятадын хорио цээрийн байгууллага нь маханд тавьдаг шиг аттестачлал явуулна гээд байгаа. Өөрөөр хэлбэл, маханд хорио цээр тогтоогоод байгаа шиг шаардлагыг ноос, ноолууранд тавьж байна. Тиймээс эцсийн бүтээгдэхүүн болгох, утас ээрэх чиглэлд бодлогоор дэмжих, хөнгөлөлттэй зээл олгох, аж ахуйн нэгжүүд нэгдэж нийлэх шаардлага үүсч байна.

Ш.Адьшаа: НӨАТ, гаалийн татвараас зарим бүтээгдэхүүнийг чөлөөлөх хууль баталсан. Энэ хуулийг баталчихвал үнэ өсгөхгүй гэж ярьж байсан. Гэтэл бараа бүтээгдэхүүний үнэ өдөр хоногоор өслөө. Үүнд хэн хариуцлага хүлээх вэ. Хилийн тээврийн үнэ өсч, мафи маягийн сүлжээ үүсчихлээ. Үүнийг хэрхэн зохицуулах юм. Өвс тэжээлийн хомсдол байнга үүсдэг болсон, энэ нь ченжүүдийн гарт орсонтой холбоотой нь нууц биш. Энэ чухал бүтээгдэхүүнийг ченжүүдэд даатгаад яваад байх юм уу. Цаашид  дотооддоо малын тэжээл үйлдвэрлэх тал дээр  Засгийн газар бодлого боловсруулах хэрэгтэй байна.

С.Мэндсайхан: Дорноговьд коронавирус илэрсэнтэй холбоотой арваннэгдүгээр сараас махны экспортыг зогсоосон. Замын-Үүдэд бид ажиллаад өдөрт зургаан машин гаргаж байя гэдэг тохиролцоонд хүрч ирсэн. Цаашид чингэлэг тээврийг зөвшөөрөөч гэдэг хүсэлтээ хятадын талд тавьсан. Тэд ойрын үед хариу өгнө гэсэн.

Ц.Туваан: 40-өөдхөн хоногийн дараа  Цагаан сар болно. Цаг агаар хүйтэрч байна.  Мал тарга тэвээргээ алдаж, өвс тэжээлийн асуудал хүндэрнэ. Гааль, НӨАТ-аас  чөлөөлсөн шийдвэрийг малчид хүлээгээд үр дүн гарахгүй нь. Өвс тэжээлийн түгээлт, хангамж хэр байна вэ. Өндөр үнээр нь ч болтугай авъя гэхээр олдохгүй байна гэж ярьж байна.  

С.Мэндсайхан: Өнгөрсөн хугацаанд 8200 тонн тэжээл орж ирсэн байна. 33 аж ахуйн нэгжтэй гэрээ байгуулсан, тэд 100 мянган тонныг оруулж ирнэ. Дэлхийн банкнаас таван сая ам. долларын буцалтгүй тусламжийн асуудлыг шийдсэн. Өвөлжилт хүндэрсэн аймгууд руу 1200 т тэжээл өнөөдрөөс гарч байна. Цаашид өвс, тэжээлийн хангамжийн асуудлыг бүгдийг Засгийн газарт даатгалгүй аймаг орон нутаг зохион байгуулах шаардлагатай. Өвөлжилт, хаваржилтын хүндрэлийг зөвхөн өвс тэжээлээр шийдэх бус цаашид малын даатгалаар зохицуулах бодлого барина.

С.Одонтуяа: Хашаандаа ногоо, жимс жимсгэнэ тариалах, хүлэмжийн аж ахуй эрхлэх боломжийг яаж дэмжих вэ. Та сангуудад дэмжлэг үзүүлэхгүй гэсэн. Үүнийгээ тайлбарлаж өгөөч.

С.Мэндсайхан: Сангийн хувьд бизнес эрхлэгчтэйгээ зэрэгцээд бизнес хийгээд байгаа юм. Тиймээс үүнийг өөрчлөх шаардлагатай гэж үзсэн. Ер нь газар тариалан халамжийн салбар болоход ойрхон болсон. Жилд 65 тэрбум төгрөгийг татаас хэлбэрээр  олгож байна. Мөн өрхийн хэмжээнд хүнсний ногоо тариалахад хүнсний ногооны үрийг хөнгөлөлттэй үнээр олгох гурван тэрбум төгрөг төсөвлөсөн. Харин хүнсний ногоо тариалагчдыг механикжуулахад зориулсан төсөв, урамшуулал  байхгүй. Гэхдээ бид гаднын орон, олон улсын байгууллагатай хамтран ажиллаж хөнгөлөлттэй зээл олгох асуудлыг ярьж байгаа.

Н.Ганибал: Атрын-4 аян хэзээ ажил хэрэг болж төрийн бодлогод тусгагдах вэ. Эдгээрийг уриа лоозон биш бодит ажил болгох шаардлагатай. Яаралтай хийхгүй бол том бодлого орхигдох вий. Татаас олгох, эс олгох чиглэлээ нарийн сайн тодорхойлох хэрэгтэй. Миний хувьд эрчимжсэн мал ахуйд төрийн татаас байх ёстой гэж үздэг.  

С.Мэндсайхан:  Монгол Улсын хэмжээнд үр, хөрсний асуудал хурцаар тавигдаж байна. Сүүлийн жилүүдэд ургамлын бүтэц сийрэгжсэн нь хөрс, үрний чанараас  шалтгаалж байна. Урамшуулал байх ёстой. Энэ тал дээр тантай санал нэг байна. Гэхдээ урамшууллыг сангаар дамжуулах ёсгүй гэж үзэж байгаа.

Б.Бейсен: Тэжээлийн үнэ Өлгийд 46 мянга, сумдад бараг 50 мянга боллоо.  Боодол өвс 16 мянга хүрч байна. Өвс хадлангаа Ачит нуур, Хар-Ус нуурын гэх зэрэг сав газруудаас бэлдэх боломжтой. Дотооддоо өвсний нөөц бүрдүүлэх иймэрхүү боломжоо ашиглахгүй дандаа гаднаас аваад байгаа нь харамсалтай байна. Мах экспортлодог компаниуд хятадын мах бэлтгэлийн газар шиг харагдаад байх юм. Зөвшөөрлөө хятадаас авдаг, зөвшөөрөл хүлээж байна гэж ярьж байх юм.  Монгол малын мах чанарын шаардлага хангахгүй байгаа юм бол хятадууд яагаад аваад байгаа юм. Хамгийн эрүүл, чанартай мах Монголд л байгаа. Гэтэл монголчууд хятад хүнсийг 25-30 жил хэрэглээд одоо хавдрын өвчлөлд нэрвэгдчихлээ.  Хүнсний аюулгүй байдал алдагдсаны нотолгоо хавдрын өвчлөл мөн шүү. 

С.Мэндсайхан: Байгалийн хадлан хадах нь орон нутгийн асуудал. Гэхдээ орон нутагтай зохион байгуулалтын асуудлаа хамтрахгүй бол бүх эрсдэлийг Засгийн газарт даатгаад байх нь зохимжгүй гэлээ.  Түүнчлэн УИХ-ын гишүүн О.Цогтгэрэл, тус салбарт томоохон бодлогын өөрчлөлт хэрэгтэй. Ингэхгүй бол одоо  байгаа асуудал ойрын жилүүдэд үүссээр  байх болно. Б.Пүрэвдорж  татаасыг бүтээгдэхүүнд бус үйлдвэрт нь олговол илүү дүнтэй гэх зэргээр санал хэлэв гэж УИХ дахь Ардчилсан намын бүлгээс мэдээллээ.

Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Тод мэдээ

Хан-Уул дүүргийн иргэд Т.Мөнхсайхан, Л.Нинжжамц, Ж.Алдаржавхлан нарыг дэмжинэ

Огноо:

,

-Төр, хувийн хэвшилтэйгээ зөвшилцөөд, ашиглагдахгүй байгаа газрууд дээр сургууль, цэцэрлэг барих ажлыг хийж эхэлсэн-

УИХ-ын сонгуулийн Xll тойрог, Хан-Уул дүүрэгт Монгол Ардын намаас  нэр дэвшигч Т.Мөнхсайхан, Л.Нинжжамц, Ж.Алдаржавхлан нар 10, 21, 25 дугаар хорооны иргэд, сонгогчидтой уулзаж, мөрийн хөтөлбөрөө танилцуулан санал хүсэлтийг нь сонслоо.

Уулзалтын үеэр дүүрэгт өрнөж байгаа бүтээн байгуулалт болон цаашид хэрэгжүүлэх ажлын талаар дүүргийн Засаг дарга Ж.Алдаржавхлан мэдээлэл өглөө. Тэрбээр “Нийслэл хот өдрөөс өдөрт өргөжин тэлж байна. Тэр дундаа Хан-Уул дүүрэгт барилга байгууламж нэмэгдэж, хүн амын тоо нь өнөөдрийн байдлаар 285 мянга болтлоо өсчээ. Сүүлийн дөрвөн жилийн хугацаанд 100 мянгаар нэмэгдсэн. Хүн ам өсөхийн хэрээр сургууль, цэцэрлэгийн хүрэлцээ дутагдаж, эрэлтээ гүйцэхгүй байна. Хүүхдүүд сурч боловсрох эрхтэй. Тиймээс өнгөрсөн жилүүдэд 22 шинэ цэцэрлэг, 10 гаруй сургууль ашиглалтад орууллаа. Гэсэн хэдий ч энэ нь хангалтгүй байна. Ирэх жил 10 сургууль, 10 цэцэрлэг ашиглалтад оруулахаар төлөвлөн ажиллаж байгаа” хэмээн танилцууллаа.

Сургууль, цэцэрлэг барихаар улс, нийслэлийн төсвөөр мөнгийг нь шийдээд өгдөг ч газар нь асуудалтай байдаг. Тиймээс Дүүргийн Засаг дарга төр, хувийн хэвшлийнхэнтэй зөвшилцөж ашиглагдахгүй байгаа сул газруудын зөвшөөрлийг цуцлуулж, гэрчилгээг нь шилжүүлэн авч улмаар сургууль, цэцэрлэг бариулдаг болохыг мөн тайлбарлав.

Хан-Уул дүүргийн 17, 18 дугаар хороонд “Хүннү-2222” хотхоны баруун урд талд 640 хүүхдийн сургууль, “Маршал Таун” хотхоны баруун талд 960 хүүхдийн багтаамжтай улсын сургууль барихаар гүйцэтгэгч компани нь шалгарсан ба газрын гэрчилгээг шилжүүлж авах ажил явагдаж байгаа аж. Мөн 24 дүгээр хороо буюу “Шинэ өргөө” хотхон дотор бага, сургууль цэцэрлэг баригдана. Яармагийн дөрөв болон 24 дүгээр хорооны багачуудад зориулсан 960 хүүхдийн шинэ сургууль энэ онд ашиглалтад орох юм.

Иргэдийн зүгээс Зайсан, Нүхтийн аманд улсын сургууль, цэцэрлэг барих асуудлыг хөндөж байсан ба нийгмийн суурь асуудалд анхаарлаа хандуулж, бүтээн байгуулалтыг дэмжиж ажиллаж байгаад талархал илэрхийлээд Монгол Ардын намаас Хан-Уул дүүрэгт нэр дэвшигчдэд итгэл хүлээлгэхээ илэрхийлж байсан юм.

Дэлгэрэнгүй унших

Тод мэдээ

Баянзүрх дүүрэгт Монгол Ардын намаас нэр дэвшигчид иргэд сонгогчидтой 40 дэх уулзалтаа хийлээ

Огноо:

,

УИХ-ын сонгуулийн  Vlll тойрог, Баянзүрх дүүрэгт Монгол Ардын намаас нэр дэвшигчид намын мөрийн хөтөлбөрөө танилцуулах 40 дэх уулзалтаа 6, 15, 18, 25, 26, 36, 43 дугаар хорооны иргэд, сонгогчидтой хийлээ.

Үндэсний цэцэрлэгт хүрээлэнд болсон энэхүү уулзалтад оролцсон иргэд салбар бүрийг төлөөлж нэр дэвшиж буй УИХ-ын гишүүн Э.Бат-Амгалан, Баянзүрх дүүргийн Засаг дарга Н.Баярмөнх, УИХ-ын гишүүн, Хууль зүй дотоод хэргийн сайд Б.Энхбаяр, УИХ-ын гишүүн, Хөдөлмөр нийгмийн хамгааллын сайд Х.Булгантуяа, УИХ-ын гишүүн Ж.Чинбүрэн нарт итгэл хүлээлгэж, дэмжихээ илэрхийлж байв.

Нийслэлийн хамгийн их хүн амтай Баянзүрх дүүргийн төвлөрөл ихтэй дээрх хороодын иргэд өнгөрсөн дөрвөн жилийн хугацаанд сургууль, цэцэрлэгийн тулгамдсан асуудал шийдэгдсэнд талархлаа илэрхийллээ. Мөн өнгөрсөн дөрвөн жилийн хугацаанд Баянзүрх дүүрэгт хийсэн ажил, хэлсэн үгтэй, нэр цэвэр, гар цэвэр нэр дэвшигчдийг МАН-аас илгээсэн учраас эхлүүлсэн ажлыг нь дуусгах боломж олгоно гэсэн юм. 

 

Дэлгэрэнгүй унших

Тод мэдээ

Чойбалсан хотынхон Ерөнхий сайдаа багаар нь сонгож, бүсийн хөгжлөө эрчимжүүлнэ

Огноо:

,

УИХ-ын сонгуулийн VI тойрогт Монгол Ардын намаас нэр дэвшиж байгаа Ерөнхий сайд Лувсаннамсрайн Оюун-Эрдэнээр ахлуулсан Лхагвасүрэнгийн Соронзонболд, Мөнгөнцогийн Ганхүлэг, Пүрэв-Очирын Анужин, Ухнаагийн Отгонбаяр, Мягмарсүрэнгийн Бадамсүрэн, Цагаанхүүгийн Идэрбат нар Дорнод аймагт ажиллав. Тэд Хэрлэн сум буюу Чойбалсан хотын иргэд, сонгогчидтой уулзаж мөрийн хөтөлбөрөө танилцууллаа. Тус сум 11 багтай, 47000 гаруй хүн амтай. Нэр дэвшигчид гурван удаагийн уулзалт зохион байгуулж, эдгээр багийн 1100 гаруй хүн уулзсан байна.

Зүүн бүс нутгийн эдийн засгийн тэргүүлэх чиглэлийг эрчимжсэн мал аж ахуй, боомтын сэргэлт, түүхэн болон хил орчмын аялал жуулчлал байхаар МАН мөрийн хөтөлбөртөө тусгасан. Энэ хүрээнд олон бүтээн байгуулалт, хөрөнгө оруулалт татахаар Ерөнхий сайд Л.Оюун-Эрдэнийн багийнхан Хэнтий, Дорнод, Сүхбаатар аймгууд тус тусдаа биш харилцан уялдаатай, нэгдсэн байдлаар хөгжлөө тодорхойлж, хамтдаа ирэх дөрвөн жилд хэрэгжүүлэхээр төлөвлөж буй. Энэ жилийн сонгуулийг холимог тогтолцоогоор явуулж байгаа тул МАН-ын жагсаалтаар нэр дэвшигчдийг дугуйлж, нутагтаа нэр дэвшигчдийг багаар нь сонгон Засгийн газрын эхлүүлсэн бодлогыг үргэлжлүүлэх боломж олгож, авлигын эсрэг ард түмний ялалтад нэгдэхийг иргэдэд уриалав.

Чойбалсан хотод сүүлийн жилүүдэд бүтээн байгуулалтын ажил олноор хийгдэж, гэрэл гэрэлтүүлэг, зам харилцаа сайтай, залуучууд амьдрахад улам таатай болж буйг иргэд тодотгож байв. Энэ нь төр засгаас хэрэгжүүлж буй хөдөөг хөгжүүлж, төвлөрлийг бууруулах бодлоготой шууд холбоотой гэсэн юм. Тухайлбал, иргэн Ц.Жаргалболд “Манай сум гэрэлт гудамж, найрамдал парктай. Ажил хийвэл хувийн хэвшил олонтой. Удахгүй хүүхдийн парктай болох гэж байна. Улаанбаатар хотоос дутахааргүй гоё хот болж байгаа. Энэ сонгуулиар Ерөнхий сайдаа багаар нь сонгоно. Яагаад гэвэл нүүрсний хулгайн эсрэг тэмцлийн үр дүнд “Эрдэнэс Тавантолгой”-н хувьцааны ашгаас  иргэд анх удаа хүртэж чадсан. Цаашид байгалийн баялгаас иргэдийн хүртэх орлого, ашгийг нэмэгдүүлэхийн тулд энэ Засгийн газар тогтвортой ажиллах шаардлагатай” гэсэн юм.

Мөн төрийн албан хаагчдын цалинг шат дараатай нэмэгдүүлсэн нь залуус орон нутагтаа ажиллаж, амьдрах орчин бүрдүүлж, төрийн ажил, үйлчилгээ тасралтгүй тогтвортой үргэлжлэх боломжтой болж байгаад иргэд ам сайтай байна. Тухайлбал, Хэрлэн сумын 9-р багийн Засаг дарга П.Болормаа “Шинэ сэргэлтийн бодлого маш үр дүнтэй хэрэгжиж байгаа. Манай багт гэхэд цалин хөлсөөс шалтгаалаад нийгмийн ажилтан тогтвор суурьшилтай ажилладаггүй байсан. Нийгмийн ажилтан солигдохоор хамгийн түрүүнд хамтарсан багийн үйл ажиллагаа доголддог. Төрийн албан хаагчийн цалин 2-3 дахин нэмэгдсэн нь үр дүнгээ өгч, төрийн алба тасралтгүй үргэлжилж байна” гэлээ.

Дорнод аймгийн хүн ам сүүлийн гурван жилд тасралтгүй өсөж 84.5 мянгад хүрчээ. Тэр дундаа Хөдөөгийн сэргэлтийн хүрээнд сум орон нутагтаа залуус буцаж ирж ажиллах, шилжин ирэгчдийг дэмжих, тогтвор ажиллаж, суурьшихад сум орон нутгаас бодлогоор дэмждэг болсон аж. Хэрлэн сумын Засаг даргын орлогч Б.Лхагвасүрэн “Сумын Засаг даргын тамгын газарт хотоос шилжин ирж ажиллах Төрийн захиргааны болон үйлчилгээний албан хаагчдад Засгийн газрын тогтоолын дагуу улсын төсвөөс 20 хувь, аймаг, сумын төсвөөс 60 хувь нийт 80 хувийн нэмэгдэл олгодог болсон” хэмээн ярьсан  юм.  Тус суманд Улаанбаатар хот болон бусад аймаг, сумаас сүүлийн хоёр жилд 736 хүн шилжиж иржээ.

Уулзалтад оролцсон иргэд Засгийн газраас хэрэгжүүлж буй Шинэ сэргэлтийн бодлогын олон ажил Дорнод аймгийн хэмжээнд, Чойбалсан  хотод амжилттай хэрэгжиж, нүдэнд харагдаж, гарт баригдахаар бодитой үр дүнгээ өгч байгааг хэлж байлаа. Мөн Ерөнхий сайд Л.Оюун-Эрдэнэ орон нутагт ажиллах үеэрээ иргэдээс авсан саналаа төрийн бодлогод тусгаж чойбалсанчуудад тулгамдаж буй асуудлыг шийдэх төслүүдийн санхүүжилтийг улсын төсөвт тусгуулсанд талархах хүн олон байсан. Нийгэмд шүгэл үлээж, 30 жил нам нь солигддог ч эзэд нь хулгай, луйвраа үргэлжлүүлсээр ирсэн ужиг тогтолцоог зоригтой ил болгосон анхны Ерөнхий сайд учраас түүнийг багаар нь сонгохоо илэрхийлж байлаа. Ингэснээр зүүн бүсийн хөгжил эрчимжинэ гэдэгт иргэд итгэлтэй байна.

2024 онд Хэрлэн суманд улсын төсвөөс 90 гаруй тэрбум төгрөгийн хөрөнгө оруулалт хийгдэхээр тусгагдсан байна. Тухайлбал, Чойбалсан хотын усан хангамжийн болон дулаан хангамжийн магистраль шугам сүлжээг шинэчлэх, өргөтгөх, хот доторх хатуу хучилттай авто замыг шинэчлэх, өргөтгөх, “Шинэ Чойбалсан” 1800 айлын орон сууцны хорооллын дулааны шугам сүлжээ, “Шинэ хөгжил” сургуулийн барилгын өргөтгөл, 12-р сургуулийн бага сургуулийн барилга, 240 хүүхдийн суудалтай цэцэрлэгийн барилга зэрэг бүтээн байгуулалтыг хийх аж. 

Дэлгэрэнгүй унших
сурталчилгаа
Тод мэдээ5 цагын өмнө

Хан-Уул дүүргийн иргэд Т.Мөнхсайхан, Л.Нинжжамц, Ж.Алдаржавхлан нары...

Тод мэдээ5 цаг 4 минут

Баянзүрх дүүрэгт Монгол Ардын намаас нэр дэвшигчид иргэд сонгогчидто...

Тод мэдээ5 цаг 5 минут

Чойбалсан хотынхон Ерөнхий сайдаа багаар нь сонгож, бүсийн хөгжлөө э...

Тод мэдээ5 цаг 8 минут

Д.Амарбаясгалан тэргүүтэй “Морьтой Аравт” баг Ховд, Увс,...

Тод мэдээ5 цаг 11 минут

Нийт дуудлагын 112 нь ус цаг уурын гаралтай байжээ

Тод мэдээ5 цаг 15 минут

Хандив, зарцуулалтын явцын тайлангаа аудитын байгууллагад хүргүүлнэ

Тод мэдээ5 цаг 40 минут

Дархан хотод спорт цогцолбор ашиглалтад орлоо

Тод мэдээ5 цаг 41 минут

Үргэлжилсэн борооны улмаас үүссэн нөхцөл байдалд шуурхай арга хэмжээ...

Өнөөдөр5 цаг 44 минут

Гамшгаас хамгаалах өндөржүүлсэн бэлэн байдлын зэрэгт шилжүүллээ

Тод мэдээ5 цаг 47 минут

Нийт 304 иргэнийг аюулгүй бүсэд гаргажээ

Өнөөдөр5 цаг 48 минут

Ерөнхийлөгч У.Хүрэлсүх Бүгд Найрамдах Узбекистан Улсад төрийн айлчла...

Өнөөдөр5 цаг 56 минут

Улаанбаатарт өдөртөө 27 хэм дулаан

Тод мэдээ2024/06/23

Сүүлийн 30 жилийн алдааг засах гэж системийн авлигатай тэмцэж байгаа...

Тод мэдээ2024/06/23

Ерөнхий сайд Л.Оюун-Эрдэнийн тэргүүлсэн Засгийн газар зоригтой, хурд...

Тод мэдээ2024/06/23

Т.Мөнхсайхан, Л.Нинжжамц, Ж.Алдаржавхлан нарын иргэд, сонгогчидтой х...

Тод мэдээ2024/06/22

Халхголчууд Засгийн газрын бодлогыг тогтвортой үргэлжлүүлж, МАН-ыг б...

Тод мэдээ2024/06/22

Монгол Ардын намаас Төвийн бүсэд нэр дэвшигчид Дархан-Уул аймагт ажи...

Тод мэдээ2024/06/22

Баянзүрх дүүргийн 13, 14, 42 дугаар хорооны иргэд МАН-ын нэр дэвшигч...

Тод мэдээ2024/06/22

Ерөнхий сайдын эхлүүлсэн ажлыг үргэлжлүүлэхийн тулд Монгол Ардын нам...

Тод мэдээ2024/06/22

Налайх, Багануур, Багахангай дүүргийн бүтээн байгуулалтыг үргэлжлүүл...

Тод мэдээ2024/06/22

Говьсүмбэрчүүд хийсэн ажил, хэлэх үгтэй нэр дэвшигчдэд итгэл хүлээлг...

Тод мэдээ2024/06/22

Монгол Ардын намаас Сонгинохайрхан дүүрэгт нэр дэвшигчид “Улаа...

Тод мэдээ2024/06/22

Монгол Ардын намаас Хан-Уул дүүрэгт нэр дэвшигчдэд иргэд итгэл үзүүл...

Тод мэдээ2024/06/22

Зүүн бүсийг хөгжүүлэх төлөвлөгөө нь бэлэн учраас Ерөнхий сайдаа бага...

Тод мэдээ2024/06/22

Монгол Ардын намын Ерөнхий Нарийн Бичгийн дарга Д.Амарбаясгалан Завх...

Тод мэдээ2024/06/22

Нийслэлийн Монгол Ардын намын хорооноос орон нутгийн сонгуулийн мөри...

Тод мэдээ2024/06/21

Баянзүрх дүүргийн 8, 38, 39 дүгээр хорооны иргэд Монгол Ардын намаас...

Тод мэдээ2024/06/21

Говийн бүсийн иргэд бүсчилсэн хөгжлийн бодлогыг дэмжиж байна

Тод мэдээ2024/06/21

Баянхонгорчууд Монгол Ардын намыг багаар нь дэмжинэ гэв

Тод мэдээ2024/06/21

Хур хог цэвэрлэх ажлыг эхлүүллээ

Санал болгох