Бидэнтэй нэгдэх

Тод мэдээ

Ц.Туваан АН-ын даргад нэр дэвшигчдийг Х.Баттулгын хүмүүсээр бүрдүүлжээ

Огноо:

,

Сэтгүүлч:

АН үнэндээ л онигоо болж байна. Хоёр тамга, хоёр дарга, хоёр дүрэмтэй болчихоод байгаа энэ намд дахин хоёр сонгуулийн хороо байгуулагдаж, өнөөдөр С.Эрдэнэ, Ц.Туваан нар бие биетэйгээ өрсөлдөн АН-ын даргад нэр дэвшигч нарт батламж гардуулав.

“АН-ыг авч үлдэнэ, хэн нэг хүний хувийн компани болгохгүй” гэж мэдэгдээд байгаа С.Эрдэнэ аргаа барсандаа буурал Э.Бат-Үүлийг дуудаж авчиран нэг батламж бичиж, халаасанд нь хийж өгөөд явууллаа.

Харин Ерөнхийлөгч Х.Баттулгыг АН-аас заавал дахин нэр дэвшүүлэх, дэвшүүлэх дэвшүүлэхдээ ямар нэг өрсөлдөгч үгүйгээр гаргаж ирэх даалгавар авсан Ц.Туваан Нийслэлийн АН-ын дарга асан Д.Пүрэвдаваа, УИХ-ын гишүүн О.Цогтгэрэл, намын залуусын төлөөлөл С.Эрдэнэболд, МҮХАҮТ-ын ерөнхийлөгч Р.Амартүвшин нарт батламж гардуулаад байна.

С.Эрдэнийн нэр дэвшүүлээд байгаа С.Бат-Үүл гишүүний хувьд Ц.Тувааны нэр дэвшигч нараас олон талаараа давуу. Гэвч Х.Баттулга намын даргын сунгаанаас өмнө түүнийг авлига, албан тушаалын хэргээр шоронд хийчих вий гэж АН-ынхан айж байна. Энэ айдас ор хоосон зүйл биш.

Х.Баттулга шүүх эрх мэдлийг гартаа авч, дуртай хүнээ яаж яллаж, шоронд илгээж, бас айлгаж байгааг сүүлийн үед бол буй үйл явдлууд баталж байгаа. Харин Х.Баттулгатай үзэл бодол, халаас нэгтэй Ц.Туваан яг Х.Баттулгыг найдвартай дэмжих өөрийн хүмүүсээ энэ удаа намын даргад сойхоор бэлтгэжээ.

Тодруулбал, Нийслэлийн АН-ын дарга асан Д.Пүрэвдаваа нь Монгол Улсын Ерөнхийлөгч Х.Баттулгын Байгаль орчин, хот хөдөөгийн хөгжлийн бодлого, агаарын бохирдол хариуцсан зөвлөхөөр ажиллаж байсан. УИХ-ын гишүүн О.Цогтгэрэл нь Х.Баттулгатай дотно холбоотой, түүнийг сайд байхад Чингэс бондноос 5 тэрбум төгрөг авч байсан, түншүүд. Нэр дэвшигч С.Эрдэнэболдын хувьд Ц.Туваантай ойрын хамаатан, Төв аймгийн улсууд.

МҮХАҮТ-ын ерөнхийлөгч Р.Амартүвшингийн хувьд Х.Баттулгатай хамгийн ойр байгаа хүмүүсийн нэг. Х.Баттулга Р.Амартүвшин нар нийлж “Хятадуудад 30 мянган хонь өгсөн, ЕТГ-тай хамтран “Малчдад ээлтэй төр” төслийг хэрэгжүүлэн, онд орохгүй бог малыг 30 000 төгрөгөөр худалдан авах ажиллагааг Баянхонгор аймгаас эхлэн зохион байгуулсан юм байна. Тэгээд махыг нь Мах импекст хямд үнээр өгчээ. Эндээс харахад Ц.Туваан зөвхөн Х.Баттулгын талын хүмүүсийг АН-ын даргын сунгаанд бүртгэв. Тэдний хэн ч ялсан Х.Баттулгад ашигтай.

Ийм хор найруулахын тулд Х.Баттулгын зааварчилгаагаар ЦТуваан нь Х.Тэмүүжин, Н.Алтанхуяг, Галиндэв нарыг улаан цайм нэр дэвшилтнээс хасч, олон өрсөлдөгч гаргаж ирэхгүйн тулд сонгуулийн зардлыг 1,2 тэрбумаар тогтоожээ. Т.Энхсайхнаас эхлээд 14 хүн дэнчингийн мөнгөө төлж чадахгүй нэрээ татав. Одоо Х.Баттулгын даалгавараар АН-ын сунгаанд оролцож байгаа Д.Пүрэвдаваа, О.Цогтгэрэл, С.Эрдэнэболд, Р.Амартүвшин нар тус бүр 300 сая төгрөг төлж өрсөлдөнө. Энэ мөнгийг Х.Баттулга халааснаасаа гаргаад өгчих нь тодорхой.

Гэхдээ АН-ыг хоёр талцуулан байж дахин Ерөнхийлөгч болохоор улаарч суугаа Х.Баттулгын энэ шунал АН-ын нэр хүндийг навсайтал унагаж, шившгийн хөндий рүү чирж байгаад намын гишүүд нь бухимдаж байна.

Дэлгэрэнгүй унших
сурталчилгаа
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод мэдээ

Тариалангийн үйлдвэрлэлийн нэгдсэн системд бүртгэх сургагч багш бэлтгэх сургалт боллоо

Огноо:

,

Монгол Улсын Засгийн газар, Хүнс, хөдөө аж ахуй, хөнгөн үйлдвэрийн яамнаас  хүнсний ногооны тариалан эрхлэгчдээ дэмжих зорилгоор стандартын шаардлага хангасан, зах зээлд худалдан борлуулсан 10 нэр төрлийн хүнсний ногоо (байцаа, шар лууван, шар манжин, хүрэн манжин, сонгино, саримс, хэмх, лооль, чинжүү, навчит ногоо)-ны 1 тонн тутамд 100 мянган төгрөгийн мөнгөн урамшууллыг энэ жилээс эхлэн олгохоор болсон. Тариаланчид, ногоочид энэхүү урамшуулалд хамрагдахын тулд:

  1. Газрын мэдээллийн нэгдсэн системд бүртгүүлсэн байх (egazar.gov.mn)
  2. Газар тариалангийн нэгдсэн систем (plant.mofa.gov.mn)-ийг тогтмол хөтөлж, гарал үүслийн цахим гэрчилгээ авсан байх
  3. Хүнсний ногооны борлуулалтыг и-баримт (e-barimt.mn) үүсгэн баталгаажуулсан байх гэсэн үндсэн гурван шаардлагыг хангасан байх ёстой.

Хүнсний ногоочдод урамшуулал олгох бэлтгэл ажлын нэг болох “Тариалангийн үйлдвэрлэлийн нэгдсэн сан” цахим бүртгэл, хяналтын системд тариаланчид, ногоочдыг бүртгэж, заавар зөвлөгөө өгөх сургагч багш бэлтгэх сургалтыг зохион байгууллаа.

Тус сургалтад Хүнс, хөдөө аж ахуй, хөнгөн үйлдвэрийн яам, ХХААХҮ-ийн Судалгаа хөгжлийн төв, Хөдөө аж ахуйн “Халх гол” үндэсний бүтээн байгуулалтын бүс, Монголын тариаланчдын үндэсний холбоо, “Монгол ногоо”, “Усалгаатай хөдөө аж ахуй” төслөөс хамрагдав.

Уг сургалтад хамрагдсан сургагч багш нар 21 аймгийн 100 сум, нийслэлийн 9 дүүргийн хүнсний ногооны тариалан эрхэлж байгаа ногоочдыг “Тариалангийн үйлдвэрлэлийн нэгдсэн систем”-д бүртгэж, цаашид хэрхэн ашиглах заавар зөвлөмжийг өгөх юм.

Тиймээс аймаг, орон нутгийн удирдлагууд сургалтын бэлтгэлийг сайтар базааж, нэгдсэн систем, урамшуулал олгох тухай видео шторк, гарын авлагыг түгээхэд хамтран ажиллахыг уриалж байна гэж Хүнс, хөдөө аж ахуй, хөнгөн үйлдвэрийн яамнаас мэдээллээ.

Дэлгэрэнгүй унших

Тод мэдээ

Технологийн компаниуд бүтээгдэхүүн, үйлчилгээгээ танилцууллаа

Огноо:

,

“Улаанбаатар хотын цахим шилжилт” төслийг танилцуулах үеэр мэдээлэл, технологийн тэргүүлэгч 70 гаруй аж ахуйн нэгжийн төлөөлөл бүтээгдэхүүн, үйлчилгээгээ олон нийтэд сурталчлан таниулах арга хэмжээ зохион байгуулсан юм. Энэ үеэр тэдний сэтгэгдлийг сонслоо.

“E-School”  СИСТЕМЭЭ СУРАГЧ, БАГШ, ЭЦЭГ ЭХЧҮҮДЭД ЗОРИУЛАН  БҮТЭЭСЭН

"Дижитал Эдү Менежмент" ХХК-ийн гүйцэтгэх захирал Б.Ундрал: -"Дижитал Эдү Менежмент" ХХК нь 2015 оноос эхлэн үйл ажиллагаагаа явуулж байгаа бөгөөд "Ай Си Ти групп" ХК-ийн охин компани. Бид хөгжүүлж буй “E-School”  системээ  ерөнхий боловсролын сурагч, багш, эцэг эхчүүдэд зориулан  бүтээсэн. Тодруулбал, “E-School” буюу сургуулийн удирдлагуудад, “E-Teacher”  буюу багш нарт, “E-Parent” буюу эцэг, эхчүүдэд зориулсан аппликэйшнүүдээс бүрдсэн систем юм. Эцэг, эхчүүд тус аппликэйшнийг ашиглан хүүхдийнхээ сурлага, хүмүүжил болоод тухайн өдрийнх нь идсэн хоол, сургуулийн автобустай холбоотой мэдээлэл зэргийг нэг дороос авах боломжтой. Одоогоор ерөнхий боловсролын 51 сургуулийн 2500 гаруй багш, 20 мянга гаруй сурагч, эцэг, эхчүүд манай системийг ашиглаж байна. Өмнө нь цомхон хүрээний хэрэглэгчид манай бүтээгдэхүүнийг ашигладаг байсан бол өнөөдрийн энэхүү “Улаанбаатар хотын цахим шилжилт” төсөлтэй уялдуулан нийслэлийн бүх эцэг, эх хүүхдийнхээ талаарх мэдээллийг гар утаснаасаа авах, боловсролын тэгш, хүртээмжтэй байдлыг бий болгоход чухал ач холбогдолтой арга хэмжээ болж байна.

ЭРҮҮЛ МЭНДИЙН КАРТЫГ БҮРЭН ЦАХИМЖУУЛАХ ЗОРИЛГОТОЙ

“И Клиник” ХХК-ийн Борлуулалт, маркетингийн албаны дарга  Ш.Дэлгэр: -Манай компани 2014 оноос эхлэн эрүүл мэндийн чиглэлээр үйл ажиллагаа явуулдаг компаниудад системээ хөгжүүлж эхэлсэн. Тодруулбал, эмнэлгийн удирдлага, лабораторийн удирдлага,  шүдний эмнэлэг, сувилал, эмийн сангийн системийг нэвтрүүлсэн юм. Үүнээс гадна эрүүл мэндийн датаг хадгалах үйлчилгээ,  дүрс оношилгооны системийг хөгжүүлж байгаа. 2022 оны гуравдугаар сараас эхлэн “И Клиник” эрүүл мэндийн нэгдсэн платформыг зах зээлд нэвтрүүлсэн. Уг платформоор дамжуулан улсын болон хувийн 40 гаруй эмнэлгийн 300 орчим эмчид онлайн үзлэгийн цаг захиалах боломжтой. Мөн лабораторийн удирдлагын системд бүртгэлтэй 100 гаруй лабораторид шинжилгээ өгөн, хариугаа онлайнаар авах боломж бүрдсэн. Цаашид жороор олгох эм болон бусад эмийг тус платформоор дамжуулан захиалах боломжийг бий болгохоор ажиллаж байна. Мөн цаасан хэлбэрийн эрүүл мэндийн картыг бүрэн цахимжуулах зорилготой байгаа.

БҮХ АВТОБУСНЫ БУУДАЛД КАРТ БОРЛУУЛАХ, ЦЭНЭГЛЭХ ТӨХӨӨРӨМЖ СУУРИЛУУЛАХ БОЛОМЖИЙГ БҮРДҮҮЛЖ БАЙГАА

"Ай Си Ти групп" ХК-ийн ТУЗ-ийн дарга Г.Лхамсүрэн: -Нийтийн тээврийн салбар цахимжаад, иргэд гар утаснаасаа автобусны буудал болон бусад мэдээллийг харах, автобусны буудлаас төлбөр тооцооны картаа авах, бүх төрлийн хэрэгслээр картаа цэнэглэх бололцоог монгол инженерүүд бий болголоо. Мөн автобусны карт борлуулах, цэнэглэх байршил хязгаарлагдмал байдаг асуудлыг халж, бүх автобусны буудалд карт борлуулах, цэнэглэх төхөөрөмжийг суурилуулах боломжийг үүсгэж байгаа. Түүнчлэн хөгжлийн бэрхшээлтэй иргэдэд хүрч үйлчлэх үүднээс эдгээр төхөөрөмжөө хиймэл оюун ухаанаар тоноглосон. Үүнээс гадна, автобусны байршлыг бодитоор хянах боломжийг нэвтрүүлснээр өвлийн хүйтэн нөхцөлд автобус удаан хүлээж зогсох зэрэг асуудлыг шийдэж байгаа. Бид гаднын нэг ч төлбөртэй систем ашиглаагүй. Картаас эхлээд бүх системийг монголчууд өөрсдөө хийснээрээ онцлог. Уг системийг Улаанбаатар хотын удирдлагуудад танилцуулахаас өмнө Эрдэнэт хотод нэвтрүүлсэн бөгөөд маш амжилттай хэрэгжиж байна. Одоо ашиглаж байгаа “U-Money” системээс хамаагүй бага өртөгтэй.  Хамгийн гол нь нийтийн тээврийн салбар тасралтгүй хөгжих ёстой. Тиймээс энэ намраас эхлэн Улаанбаатар хотын нийтийн тээврийн салбарт энэхүү системээ нэвтрүүлэхээр ажиллаж байна.

Нийслэлийн Сургалт, судалгаа, олон нийттэй харилцах газар

Дэлгэрэнгүй унших

Тод мэдээ

1.8 км урттай үерийн хамгаалалтын барилга, байгууламжийн ажил эхэллээ

Огноо:

,

Хан-Уул дүүргийн 8, 21 дүгээр хорооны нутаг дэвсгэрт байрлах Жаргалантын аманд 1.8 км урт үерийн хамгаалалтын барилга, байгууламжийн барилга угсралтын ажлыг эхлүүллээ.

Тодруулбал, тус байршилд түр зуурын усархаг бороо ороход авто зам, талбай усанд автаж, улмаар иргэд, аж ахуйн нэгж байгууллагуудад хүндрэлтэй нөхцөл байдал үүсдэг. Тиймээс тус асуудлыг шийдвэрлэх үүднээс НЗДТГ-ын захиалгаар Геодези, усны барилга, байгууламжийн газар 1.8 км урт үерийн хамгаалалтын барилга, байгууламжийн барилга угсралтын нэгдүгээр ээлжийн ажлыг ийнхүү эхлүүлээд байна.

Тухайн хэсэгт улсын онц чухал объект болох Эх нярайн эрүүл мэндийн үндэсний төв-2, Архивын ерөнхий газар болон томоохон аж ахуй нэгжүүд үйл ажиллагаа эрхэлдэг тул хөдөлгөөний эрчим ихтэй. Үерийн хамгаалалтын барилга, байгууламжийн ажлыг 2022-2023 онд хийж гүйцэтгэх бөгөөд эхний ээлжийн ажлыг 2022 оны наймдугаар сарын 20-нд дуусгахаар төлөвлөн ажиллаж байна.

ГЕОДЕЗИ, УСНЫ БАРИЛГА, БАЙГУУЛАМЖИЙН ГАЗАР ОНӨААТҮГ

Дэлгэрэнгүй унших
сурталчилгаа
Тод индэр3 цаг 37 минут

Ц.Хатанбаатар: Хүүхдийг гэмт хэрэг, осол, гэмтлээс урьдчилан сэргийл...

Тод мэдээ3 цаг 40 минут

Тариалангийн үйлдвэрлэлийн нэгдсэн системд бүртгэх сургагч багш бэлт...

Тод мэдээ3 цаг 43 минут

Технологийн компаниуд бүтээгдэхүүн, үйлчилгээгээ танилцууллаа

Тод мэдээ3 цаг 46 минут

1.8 км урттай үерийн хамгаалалтын барилга, байгууламжийн ажил эхэллэ...

Тод мэдээ3 цаг 49 минут

Монгол орны тахийн тоо толгой 1000 давлаа

Тод мэдээ3 цаг 53 минут

ТЦА: Хэт ядарсан үедээ жолоо барихаас татгалзаарай

Өнөөдөр3 цаг 56 минут

Үерийн аюулаас сэрэмжтэй байхыг онцгойлон анхааруулж байна

Тод мэдээ3 цаг 58 минут

Үндэсний их баяр наадмыг зохион байгуулах комиссын даргад салбар хор...

Өнөөдөр4 цаг 1 минут

Улаанбаатарт өдөртөө 28 хэм дулаан

Өнөөдөр4 цаг 10 минут

Үс шинээр үргээлгэх буюу засуулахад тохиромжгүй

Тод мэдээ2022/06/24

Виртуал хөрөнгийн үйлчилгээ үзүүлэгчийн анхааралд

Тод мэдээ2022/06/24

Нийслэлийн албан тушаалтнуудын автомашиныг хурааж эхэллээ

Санал болгох