Бидэнтэй нэгдэх

Тод зураг

Бохир хальж урссан хэсэгт халдваргүйтгэл хийлгүүлж байна

Огноо:

,

Сэтгүүлч:

Налайх дүүргийн нэгдүгээр хороонд улаан өнгөтэй бохир ус хальж урссан мэдээллийн дагуу Мэргэжлийн хяналтын байгууллага газар дээр нь шуурхай ажиллаж, хяналт шалгалт хийв. Шалгалтаар бохирын цооногоос улаан өнгөтэй бохир хальж урссан байсан тул Чандмань Налайх ОНӨААТҮГ-т дуудлага өгсөн ба тус газраас Ус сувгийн удирдах газраас харьяа бохирын цооног худгаа тогтмол лайдаж цэвэрлээгүйгээс бөглөрч хальсан гэх мэдээлэл өгсөн. Чандмань Налайх ОНӨААТҮГ нь гэрээний дагуу “Рефон” ХХК-аас 15 тонн, “Ундарга хайрхан” ХХК-аас 16 тонн, нийт 31 тонн бохирыг 09.28-ны өдөр зориулалтын тээврийн хэрэгслээр зөөж бохирын цооног руу хийжээ.

Харин Ус сувгийн удирдах газрын ажилтны мэдээлснээр 09.28-ны өдөр бохир хальж урссан худаг дээр бөглөрөл үүссэн тул цэвэрлэсэн бөгөөд үүний дараа механик хольц ихтэй бохир ус нийлүүлснээс болж дахин бөглөрч худгаас хальсан гэв. Бохир ус хальж урссан талбайд ариутгал халдваргүйтгэлийг мэргэжлийн байгууллагаар хийлгүүлж, аюулгүй болгуулав.

Налайх дүүрэгт мал нядлах чиглэлээр үйл ажиллагаа эрхэлдэг Ундарга хайрхан ХХК, Алтай чандмань ХХК, Шижир зул ХХК, Гомбохайрхан ХХК компани төвлөрсөн бохир ус зайлуулах системд холбогдоогүй, гэрээгээр бохир усаа зайлуулдаг. Шалгалтын зарим компанийн бохирын худаг бөглөрсөн байдалтай байсан тул дээрх компаниудын үйл ажиллагааг түр хугацаагаар зогсоолоо. Бохирын худгууд битүүмжлэл байхгүй, иргэд элдэв хог хаягдлаа худагт хаядаг бөгөөд эдгээр компаниуд бохирын цооногт бөглөрөл үүсгэх хэмжээний хольцтой бохир усаа хаясан байж болзошгүй аж.

Мэргэжлийн хяналтын байгууллага, цагдаагийн байгууллагаас үүссэн шалтгаан, нөхцөлийг тодруулахаар ажиллаж байна.

Дэлгэрэнгүй унших
сурталчилгаа
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод зураг

“Сүхбаатар” хөлөг онгоцыг татан гаргаж, эрэгт байрлууллаа

Огноо:

,

Хөвсгөл нуурт 1985 онд живсэн “Сүхбаатар” хөлөг онгоцыг 33 жилийн дараа татан гаргаж, эрэгт байрлууллаа.

Татан гаргах ажиллагаанд ОБЕГ-ын тэргүүн дэд дарга, хурандаа Ж.Чүлтэмсүрэнгээр ахлуулсан БХЯ, ЗХЖШ, түүний харьяа Зэвсэгт хүчний 011, 186, 234, 7780 дугаар анги, ОБЕГ, түүний харьяа Үндэсний аврах бригад, Давтан сургалт, сэргээн заслын төв-113, Ар тал хангалтын 115, Уул уурхайн аврах ангийн 09 дүгээр анги, Нийслэлийн болон Орхон, Хөвсгөл аймгийн Онцгой байдлын газар, ЗТХЯ-ны харьяа Далайн захиргааны газар, МХЕГ, “Эрдэнэт үйлдвэр” ТӨҮГ, ШУТИС, Хөвсгөл аймгийн ЗДТГ, Цагдаагийн газар, Алаг-Эрдэнэ сумын Хатгал тосгоны захирагчийн ажлын алба, “Хөвсгөл усан зам” ХК-ийн нийт 120 гаруй алба хаагч, 50 нэгж техник хэрэгсэлтэйгээр оролцсон юм.

  “Сүхбаатар” хөлөг онгоцыг татан гаргах ажиллагааг ШУТИС-ийн эрдэмтэн, судлаач, цэргийн зөвлөх инженерүүдийн тооцоо, судалгаанд үндэслэн дэлхийн жишигт болон Монгол Улсын боломжид нийцүүлэн боловсруулсан ажил гүйцэтгэх аргачлал буюу технологийн картын дагуу усны гүнд анх удаа зохион байгуулллаа.

   “Бор-500” загварын “Сүхбаатар” хөлөг онгоцны урт нь 43,3 м, өргөн нь 8,4м, өндөр нь 5,7м, жин нь 309 тн. Нуурын эргээс 110-120 метр, 12-16 метрийн гүнд живсэн байсныг нуурын гүнд, мандалд, эрэгт алба хаагчид ажиллан, татан гаргаад байна гэж Онцгой байдлын ерөнхий газраас мэдээллээ.

Дэлгэрэнгүй унших

Тод зураг

Улаанбаатар хотын 24 байршилд цэцэг суулгаж байна

Огноо:

,

Хот тохижилтын газар ОНӨААТҮГ Улаанбаатар хотын ногоон байгууламжийг нэмэгдүүлэх чиглэлээр энэ жил нийслэлийн 24 байршилд 195 мянган цэцэг суулгахаар төлөвлөсөн. Ингэхдээ ихэвчлэн нийслэлийн авто замын томоохон уулзварууд болоод цэцэрлэгт хүрээлэн, хөшөө дурсгалын өмнөх талбайд цэцэг суулгаж байгаа юм. Одоогийн байдлаар 18 байршилд суулгацаа байрлуулсан бөгөөд энэ сарын 24-ний дотор тохижилтын ажлыг дуусгахаар төлөвлөсөн байна.

Мөн Маршалын гүүр, Энхтайваны гүүр, Ленин клубээс Багшийн дээдийн уулзвар хүртэлх замын хайснууд, Сүхбаатарын талбайн гэрлийн шонгуудад савтай цэцэг байрлуулах аж. Түүнчлэн гоёлын бут, ногоон байгууламж, ургамлан хашлагыг хэлбэржүүлж, зүлэг тарьж байгаа юм.

Дэлгэрэнгүй унших

Тод зураг

Монголбанкны Эрдэнэсийн сангийн дэргэд “Мөнгөн тэмдэгтийн танхим” нээгдлээ

Огноо:

,

Монголбанк үйл ажиллагаагаа ил тод, нээлттэй болгох, олон нийтийн санхүүгийн боловсролыг дээшлүүлэх зорилгын хүрээнд “Банкны ажилтны өдөр”-ийг угтан Эрдэнэсийн сангийн дэргэд “Мөнгөн тэмдэгтийн танхим” нээлээ.

“Мөнгөн тэмдэгтийн танхим”-д Эрдэнэсийн санд хадгалагдаж буй эртний зоос, Монгол Улсад төлбөрийн үүрэг гүйцэтгэж байсан эд зүйлс, цаасан болон зоосон мөнгөн тэмдэгт, дурсгалын зоос зэрэг нэн ховор, түүхэн ач холбогдолтой үзмэрүүд хадгалагдаж байна. Тухайлбал 20 кг хунз цай, Манж Чин улсын үе, 1926 оноос өнөөг хүртэл гүйлгээнд хэрэглэж байсан зоосон мөнгө, төлбөрийн хэрэгслүүдийн иж бүрэн цуглуулгыг нэрлэж болох юм.

Монгол Улсын төлбөрийн хэрэгслийн хөгжлийн түүхийг олон нийтэд харуулах энэхүү танхимд сүүлийн үеийн дэвшилтэт технологийг ашиглаж "Холограмм угтагч, хөтөч", "6D хэмжээст хөдөлгөөн мэдрэгчид суурилсан боловсрол, сургалт, танин мэдэхүйн контент”, интерактив самбар болон АR дэлгэцэнд суурилсан "Санхүүгийн боловсрол, мультимедиа контентын үндсэн аппликейшн" зэргийг нэвтрүүлсэн бөгөөд үүгээр дамжуулан төлбөрийн хэрэгслийн мэдээллийг илүү сонирхолтой, ойлгомжтой байдлаар хүргэнэ.

Төлбөрийн хэрэгслийн түүхийг нэг дороос үзэх боломжтой энэхүү танхимд иргэд Ковид-19 цар тахлын тархалтын нөхцөл байдал намжсаны дараа зочилж үзэх, мэдээлэл авах нь нээлттэй байна.

Монголбанкны Эрдэнэсийн сан

Дэлгэрэнгүй унших
сурталчилгаа
Тод мэдээ14 цаг 3 минут

Цахим салбарын шилдгүүдийг тодруулдаг “Web awards-2021” ...

Тод мэдээ18 цаг 43 минут

Утаажилтын бүсээс 13 иргэнийг гаргаж, 2 иргэний амь насыг авран хамг...

Тод мэдээ18 цаг 46 минут

Нийтийн бие засах газрын загвар зураг боловсруулах уралдаан зарлаж б...

Тод мэдээ18 цаг 48 минут

Шүүхийн ерөнхий зөвлөлийн хуралдаан болно

Тод индэр19 цаг 8 минут

Л.Оюун-Эрдэнийг Монгол ардын намын даргаар сонголоо

Тод мэдээ19 цаг 16 минут

Улсын арслан Э.Оюунболдын барилдах эрхийг 8 жилээр хаслаа

Өнөөдөр20 цаг 57 минут

Улаанбаатарт өдөртөө 3 хэм хүйтэн

Тод мэдээ21 цаг 3 минут

УИХ дахь ажлын хэсгүүд хуралдана

Тод мэдээ21 цаг 30 минут

Өнөөдөр ажиллах шинжилгээний цэгүүд

Өнөөдөр21 цаг 34 минут

Өнөөдөр ажиллах дархлаажуулалтын цэгийг дүүрэг тус бүрээр танилцуулж...

Өнөөдөр21 цаг 46 минут

Үс шинээр үргээлгэх буюу засуулбал бие эрхтний хүч сайжирна

Тод индэр2021/12/06

Э.Анар: Цахим мөнгө нь санхүүгийн хүртээмжийг нэмэгдүүлэв

Санал болгох