Тод мэдээ
Энэ хаврын цаг агаарын урьдчилсан төлөв
Агаарын температур:
Нийт нутгаар олон жилийн дунджаас дулаан байна. 3-р сард нутгийн баруун өмнөд хэсэг буюу Баян-Өлгийн ихэнх нутаг, Ховд, Говь-Алтайн өмнөд хэсгээр олон жилийн дунджийн орчим дулаан, 5-р сард Баян-Өлгийн нутгаар олон жилийн дунджийн орчим, үүнээс бусад нутгаар олон жилийн дунджаас дулаан байх төлөв гарсан байна.
Хур тунадас:
Гуравдугаар сард Хангайн уулархаг нутаг буюу Завханы нутаг, Баяхонгорын хойд хэсэг, Архангайн баруун хэсэг, Хөвсгөлийн ихэнх нутагт хур тунадас ахиу орно. Нутгийн зүүн өмнөд хэсгээр буюу Дорнод, Сүхбаатар, Дорноговийн нутгаар 3-р сард ордог хэмжээнээс харьцангуй бага хур тунадастай, бусад нутгаар олон жилийн дунджийн орчим орох төлөвтэй байна.
Дөрөвдүгээр сард ихэнх нутгаар олон жилийн дунджаас бага, Баян-Өлгийн нутаг, Ховд, Говь-Алтайн өмнөд хэсгээр олон жилийн дунджийн орчим хур тунадас орно.
Тавдугаар сард мөн ихэнх нутгаар олон жилийн дунджаас бага боловч Алтайн салбар уулс болон Хангайн уулархаг нутаг, Хөвсгөлийн уулархаг нутгаар олон жилийн дунджийн орчим хур тунадас орох төлөв гарчээ.
Тод мэдээ
Нөөцийн махны өргөтгөсөн худалдаа зохион байгуулна
Нөөцийн махыг гуравдугаар сарын 11-нээс есөн дүүргийн 375 хүнсний дэлгүүрээр борлуулж эхэлсэн. Мөн ирэх амралтын өдрүүдэд буюу энэ сарын 19, 20-нд нөөцийн махны өргөтгөсөн худалдаа зохион байгуулна. Тодруулбал, Баянгол, Чингэлтэй дүүрэгт тус бүр тав, Сонгинохайрхан дүүрэгт дөрөв, Баянзүрх, Хан-Уул, Сүхбаатар дүүрэгт тус бүр гурав, Налайх, Багануур дүүрэгт тус бүр нэг, нийт 25 байршилд өргөтгөсөн худалдаа зохион байгуулах юм. Өргөтгөсөн худалдаагаар хонины махыг гулуузаар, кг-ыг нь 8900 төгрөг, ямааны махыг гулуузаар, кг-ыг нь 6700 төгрөгөөр зарж борлуулна.
Засгийн газрын 2023 оны 344 дүгээр тогтоолоор баталсан “Стратегийн хүнсний улирлын нөөц бүрдүүлэх, зарцуулах журам”-ын хүрээнд нийслэлийн хүн амын 2024 оны хаврын улирлын махны нөөц бүрдүүлэх зорилгоор бэлтгэн нийлүүлэгч долоон аж ахуйн нэгжийг сонгон шалгаруулж, нийт 6337 тонн нөөцийн мах бэлтгэсэн. Тодруулбал, бэлтгэсэн нөөцийн махны 60 хувь нь хонь, 30 хувь нь үхрийн, 10 хувь нь ямааны мах байна.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
Тод мэдээ
Гадна зар сурталчилгаа, хаягийн стандартыг мөрдүүлж байна
Нийтийн ашиг сонирхлыг хамгаалах, иргэдийн аюулгүй орчинд ажиллах, амьдрах орчныг бүрдүүлэх зорилгоор холбогдох хууль, тогтоомж, дүрэм, журам, норм, стандартыг зөрчсөн зөрчлийг газар дээр нь шуурхай арилгуулан ажиллаж буй. Энэ хүрээнд шаардлагатай тохиолдолд зөрчил гаргасан иргэн, ААН-ийн газар эзэмших, ашиглах эрхийг хүчингүй болгох, газрыг чөлөөлөх, зөвшөөрөлгүй болон хууль, тогтоомж, барилгын норм ба дүрмийг зөрчиж барьсан байгууламжийг албадан буулгах, эрсдэл учруулж буй эд зүйл, техник хэрэгслийг хураах, зам талбайг чөлөөлөх чиглэлээр хотын стандартыг мөрдүүлж байна.
Тухайлбал, худалдаа, үйлчилгээний чиглэлээр үйл ажиллагаа явуулж буй иргэн, аж ахуйн нэгжийн гадна хаягийн стандартыг мөрдүүлэх ажлын хүрээнд холбогдох шалгалтыг хийж байна. Нийт 87 иргэн, аж ахуйн нэгж, байгууллагад сурталчилгааны байгууламжид тавих ерөнхий шаардлага зөвлөмж хүргүүлэн, 15 байгууллагын гадна хаягийг газар дээр нь буулгуулж зөрчлийг арилган ажиллалаа.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
Тод мэдээ
“Алтайн хүдэр” компанийн захирлуудаас тайлбар мэдүүлэг авна
Эрүүгийн цагдаагийн албанаас өнөөдөр /2024.04.15/ “Алтайн хүдэр”компанийн захирал Р.Базарын ажлын байранд нэгжлэг хийж байгаа аж. Тодруулбал, түүнийг мөнгө угаасан, хууль бусаар сонгууль санхүүжүүлж байж болзошгүй гэх үндэслэлээр ийнхүү шалгаж байгааг хуулийн байгууллагаас мэдээллээ.
Энэ хүрээнд “Алтайн хүдэр” компанийн гүйцэтгэх захирал В.Бат-Эрдэнэ болон ерөнхий захирал Р.Базараас тайлбар мэдүүлэг авахаар авч явжээ.
-
Тод мэдээ2022/03/15
Сургуулийн автобусыг хоёр чиглэлд нэмлээ
-
Тод мэдээ2021/05/08
Урамшуулал олгох журмын төслийг буцаав
-
Тод мэдээ2021/05/29
АНУ-ын Нэгдсэн штабын дарга Монгол цэргүүдэд мэндчилгээ ирүүллээ
-
Тод мэдээ2021/07/05
Өнөөдөр 65-аас дээш насны иргэдэд Спутник V вакцины давтан тун хийж эхэлнэ
Сэтгэгдэл