Тод мэдээ
Хугацаат цэргийн алба хаагчдад мэргэжил олгоно
Зэвсэгт хүчний Хуурай замын цэргийн командлал, Техник Технологийн дээд сургууль, Техник Технологийн Политехник коллеж хоорондын хамтын ажиллагааг хөгжүүлэх, хамтран ажиллах чиглэл тогтоох уулзалт энэ сарын 18-ны өдөр боллоо.
Тус уулзалтад Хуурай замын цэргийн ахлагч, тэргүүн ахлагч Д.Мөнхбаяр тэргүүтэй командлалын холбогдох албан тушаалтнууд болон харьяа нэгтгэл, ангийн тэргүүн ахлагч, захирагчийн орлогч нар оролцож, хамтын ажиллагааны чиглэлээ тодорхойлов. Тухайлбал, Хуурай замын цэргийн нэгтгэл, ангиудын алба хаагч, тэдний гэр бүлийн гишүүдийг Техник Технологийн дээд сургуулийн сургалтад хамруулах, мэдлэг, мэргэшил, боловсролын зэргийг нь ахиулах, тэтгэвэрт гарах алба хаагчдыг мэргэжлийн сургалтад хамруулах тухай ярилцаж тохиролцлоо.
Түүнчлэн хугацаат цэргийн алба хаагчдад мэргэжил олгох, төрөл бүрийн богино хугацааны сургалтад харилцан хамруулах, хоёр байгууллагын үйл ажиллагааг дэмжсэн эерэг мэдээллийг олон нийтэд түгээх, оюутан залууст цэрэг-эх оронч үзлийг төлөвшүүлэхэд хамтран ажиллахаар санал солилцож, сургалтын орчин нөхцөлтэй нь танилцсан юм гэж Хуурай замын цэргийн командлалаас мэдээллээ.
Тод мэдээ
“Телеграммаар даалгавар биелүүлж мөнгөө өсгөөрэй” гэх зар залилан
Тод мэдээ
Монгол Улс Олон улсын цоохор ирвэсийн холбоонд гишүүнээр элсэнэ
Засгийн газрын ээлжит хуралдаан 2025 оны аравдугаар сарын 15-нд боллоо. “Олон улсын цоохор ирвэсийн холбоонд Монгол Улс элсэхийг дэмжих тухай” Засгийн газрын тогтоолын төслийг хэлэлцэн дэмжлээ.
Манай улсын хувьд тус холбооны гишүүн болсноор монгол орны цоохор ирвэс, түүний амьдрах орчныг хамгаалах, ирвэстэй нутагт амьдардаг иргэд, малчдын амьдралын чанарыг дээшлүүлэх ач холбогдолтой ажээ.
БНЭУ муурын төрлийн амьтдыг хамгаалах зорилгоор “Олон улсын том муурын холбоо” байгуулах санаачилга дэвшүүлж, Монгол Улсын тус санаачилгад нэгдэн орох хүсэлтийг 2023 онд анх ирүүлжээ.
Тод мэдээ
Олон улсын нарны эрчим хүчний холбоо байгуулах тухай ерөнхий хэлэлцээрт нэгдэв
Олон улсын нарны эрчим хүчний холбоо байгуулах тухай ерөнхий хэлэлцээрт Монгол Улсын Засгийн газар нэгдэн орсныг баталж, Засгийн газрыг төлөөлөн харилцах байгууллагаар Эрчим хүчний яамыг томиллоо.
Олон улсын нарны эрчим хүчний холбоо нь 2015 онд байгуулагдсан. Бүгд Найрамдах Энэтхэг Улсад төвтэй төрийн бус байгууллага юм.
Тус байгууллага нь Олон улсын сэргээгдэх эрчим хүчний агентлагийн үйл ажиллагаатай давхцахгүй, нарны эрчим хүчний нөөц ихтэй улс орнуудад тулгамдсан асуудлыг хамтран шийдэх, хэрэгжүүлэх төсөл хөтөлбөрт санхүүгийн эх үүсвэр бий болгоход дэмжлэг үзүүлэх, нарны эрчим хүчний хэрэглээг нэмэгдүүлэх зорилготой ажээ. Энэхүү холбоонд нэгдсэнээр бүс нутгийн сэргээгдэх эрчим хүчний хамтын ажиллагааг хөгжүүлэх, нарны эрчим хүчний хэрэглээг дэмжих, үйлдвэрийг нэмэгдүүлэх, байгаль орчинд ээлтэй технологийг нэвтрүүлэх, хүлэмжийн хийг бууруулах зэрэг давуу талтай юм.
-
Тод мэдээ2019/06/20
Сургууль, цэцэрлэг барих концессын гэрээг цуцлав
-
Тод мэдээ2025/06/13
Өнөр хорооллын ус тогтдог хэсгүүдэд инженерийн иж бүрэн шугам угсарч, авто зам т...
-
Тод индэр2021/01/21
У.Хүрэлсүх улс төрд шинэ соёл тогтоолоо
-
Тод зураг2019/07/19
Өнөөдөр цахилгаан шугам тоноглолд засвар үйлчилгээ хийх хуваарь