Бидэнтэй нэгдэх

Тод индэр

Ж.Ганбаатар: Хөрөнгө оруулалтын таатай орчныг бүрдүүлэхэд бүх түвшинд анхаарч ажиллана

Огноо:

2 сар 16 өдөр.өмнө

,

Сэтгүүлч:

Канадын хайгуулч, олборлогчдын холбоо (PDAC)-оос 91 дэх жилдээ зохион байгуулж буй “Олон улсын эрдэс баялгийн хайгуул, олборлолтын чуулга уулзалт 2023” арга хэмжээ энэ сарын 5-8-ны өдүүдэд Канад улсын Торонто хотноо боллоо.
 
Монгол Улс нь энэхүү арга хэмжээнд 2006 оноос хойш 17 дахь жилдээ оролцож байгаа бөгөөд чуулганаар гадаадын хөрөнгө оруулагчдад Монголын уул уурхайн салбарын талаар цогц мэдээлэл өгөх, салбарын сайдууд болон хөрөнгө оруулагчид, оролцогч талуудтай санал солилцох чухал ач холбогдолтой уулзалтуудад оролцлоо. Мөн анх удаа үзэсгэлэнгийн талбай ажиллуулж, “Монголын өдөр” арга хэмжээг зохион байгуулсан нь хөрөнгө оруулагчдын анхаарлыг татсан, эрэлт өндөр арга хэмжээ болсныг оролцогчид онцлов. Түүнчлэн өөрийн орны ашигт малтмалын хэтийн төлөв, салбарын дэд бүтэц, хууль эрх зүйн орчны шинэчлэл, цаашид баримтлах бодлогын талаарх мэдээлэл бүхий тараах материал бэлтгэн хүргэлээ.
 
Чуулганаар Уул уурхай, хүнд үйлдвэрийн сайд Ж.Ганбаатар Монгол Улсын ашигт малтмалын нөөц бололцоо, салбарын бодлогын шинэчлэлийн талаар илтгэл тавьж, Уул уурхайн сайд нарын дээд хэмжээний уулзалтад оролцлоо. Тэрээр мөн Канад Улсын Парламентын нийтийн танхимын дарга Энтони Рота, Канад Улсын Байгалийн баялгийн дэд сайд Жон Ф.Ж Ханнафорд, Англи (ИБУИНВУ)-ийн Эрдэс баялгийн асуудал хариуцсан сайд Nusrat Ghani, мөн Канад, АНУ-ын хөрөнгө оруулалтын сангууд, банкууд, хөрөнгө оруулагчдыг урьж уулзан салбарын хөрөнгө оруулалтын асуудлаар санал солилцлоо. Уулзалтын үеэр салбарын сайд хөрөнгө оруулагчдад уул уурхайн салбарт хөрөнгө оруулах боломж, давуу тал, хөрөнгө оруулагчдад тулгарч байсан бэрхшээлүүдийг шийдвэрлэж буй талаар, мөн салбарын дэд бүтцийг сайжруулах чиглэлд анхаарч ажиллаж буйг танилцуулсан.
 
Чуулга уулзалтын албан ёсны арга хэмжээний дараа сайд Ж.Ганбаатар Канад улсын Олон улсын худалдаа, экспорт, жижиг дунд бизнес, эдийн засгийн хөгжлийн сайдын парламентын нарийн бичгийн дарга Ариф Вирани, АНУ-ын Эрчим хүчний нөөцийн товчооны Эрчим хүчний засаглал, хүртээмж хариуцсан нарийн бичгийн дарга Пол Хюпер, Канадын EDC банкны төлөөлөл, Бүгд Найрамдах Энэтхэг Улсын Уул уурхайн яамны Төрийн нарийн бичгийн дарга Вивек Бхарадваж нартай уулзсан.
 
Америкийн нэгдсэн улс нь манай улстай газрын ховор элемэнт, баттарейн түүхий эдийн чиглэлээр хамтран ажиллах өндөр сонирхолтой байгаагаа илэрхийлсэн бол Канад Улс өөрийн орны байгальд ээлтэй, хүлэмжийн хийн ялгарлыг бага байлгах технологийг Монгол улсад нутагшуулах, түүнчлэн уул уурхайн дэвшилтэт техник, мэргэжлийн боловсон хүчин бэлтгэх, нийлүүлэх чиглэлд хамтран ажиллах сонирхлоо илэрхийлсэн.
 
PDAC2023 чуулганаар манай улс, уул уурхайн салбарын хөрөнгө оруулалтын орчин өдрөөс өдөрт таатай болж өөрчлөгдөж байгаа, хариуцлагатай уул уурхайг бүх талаар дэмжиж, найдвартай, тогтвортой түншлэгч байх, хөрөнгө оруулалтын үр өгөөжийг төсөл хэрэгжүүлэгч болон нутгийн иргэдэд харилцан үр ашигтай хүргэх, ойлголцол дээр тулгуурлан хамтран ажиллах боломжтойг хөрөнгө оруулагчдад хүргэхийг зорьж ажиллалаа.
 
Эх сурвалж: УУХҮЯ
Дэлгэрэнгүй унших
сурталчилгаа

Сэтгэгдэл

Тод индэр

Саудын Арабын хаант улсын Гадаад хэргийн сайд ханхүү Файсал бин Фархан Аль-Саудтай уулзав

Огноо:

2 өдрийн өмнө

,

Гадаад харилцааны сайд Б.Батцэцэг Саудын Арабын Хаант Улсад хийж буй албан ёсны айлчлалынхаа хүрээнд Саудын Арабын Хаант Улсын Гадаад хэргийн сайд, Эрхэм дээд Ханхүү Файсал бин Фархан Аль-Саудтай тавдугаар сарын 25-ны өдөр уулзав.

Уулзалтын үеэр талууд хоёр улсын харилцаа, хамтын ажиллагааны асуудлуудаар дэлгэрэнгүй санал солилцож, хамтын ажиллагааны болон улс төрийн зөвлөлдөх уулзалтын тухай Монгол Улсын Гадаад харилцааны яам, Саудын Арабын Хаант Улсын Гадаад хэргийн яам хоорондын харилцан ойлголцлын санамж бичигт гарын үсэг зурж, анхны улс төрийн зөвлөлдөх уулзалтыг ойрын хугацаанд зохион байгуулахаар тохиролцов.

Сайд Б.Батцэцэг Монгол Улс Булангийн орнуудтай хөгжүүлж буй гадаад бодлогын хүрээнд Саудын Арабын Хаант Улстай харилцан ашигтай хамтын ажиллагааг хоёр улсын хөгжлийн бодлогыг уялдуулан хөгжүүлэх өргөн боломж байгааг тэмдэглэв.

Энэ хүрээнд уул уурхай, эрчим хүч, хөдөө, аж ахуйн салбарт Саудын Арабын хөрөнгө оруулалтыг татах, манай улсаас мах, махан бүтээгдэхүүний экспортыг эхлүүлэх, аялал жуулчлалыг харилцан дэмжих, оюутан солилцох сонирхолтой байгааг илэрхийлээд ногоон хөгжлийн хүрээнд төсөл, хөтөлбөр хэрэгжүүлэх саналыг тавив.

Гадаад хэргийн сайд Ханхүү Файсал бин Фархан Аль-Сауд хоёр улсын найрсаг харилцаа, хамтын ажиллагааг дээрх салбаруудад идэвхижүүлэн хөгжүүлэхийн чухлыг онцлоод, хоёр улсын ГХЯ-д хоорондын цаашдын хамтын ажиллагааны эхлэлийг ийнхүү тавьж байгаад баяртай байгаагаа илэрхийлэв.

Дэлгэрэнгүй унших

Тод индэр

Манай улсын парламент дахь эмэгтэйчүүдийн эзлэх хувь 17.1 байна

Огноо:

3 өдрийн өмнө

,

2022 оны байдлаар Тогтвортой хөгжлийн зорилгын 5.5.1а буюу Парламент дахь эмэгтэйчүүдийн эзлэх хувь улсын хэмжээнд 17.1 хувьтай байна. Энэ нь дэлхийн 187 орны дундажтай харьцуулахад 9.4 нэгж хувиар доогуур түвшинд байна.
 
Дэлхийн 187 улсын Парламентын танхим дахь эмэгтэйчүүдийн эзлэх хувь 26.5 байгаа бөгөөд улсаар нь харвал:
 
- Руанда 61.3%,
- Куба 53.4%,
- Никарагуа 51.7%,
- Шинэ Зеланд 50.4%,
- Мексик 50.0%,
- Арабын Нэгдсэн Эмират Улс 50.0%-тай байна.
 
Харин
 
- Нигери 3.6%,
- Оман 2.3%,
- Вануату 1.9%,
- Папуа Шинэ Гвиней 1.7%-тай байгаа нь хамгийн бага байгаа бол Бүгд Найрамдах Йемен Улс парламентдаа нэг ч эмэгтэй гишүүнгүй байна.
 
Эх сурвалж: ҮСХ
Дэлгэрэнгүй унших

Тод индэр

Хэнтий, Сүхбаатар, Дорнод аймаг руу тусламжийн цуваа хөдөллөө

Огноо:

5 өдрийн өмнө

,

Энэ сарын 19-нд зүүн аймгуудын нутгаар цас орж, салхины хурд 18-20 м/с хүрч, Хэнтий, Сүхбаатар аймгийн зарим сумдын нутгаар салхины хурд зарим үед 28-30 м/с хүрч хүчтэй цасан шуурга шуурсны улмаас Хэнтий, Сүхбаатар, Дорнод аймагт цаг агаарын гамшигт үзэгдэл болсон.

Үүнтэй холбогдуулан Монгол Улсын Шадар сайд, Улсын онцгой комиссын даргын шийдвэрээр ХХААХҮЯ, ЭХЯ, ОБЕГ, ЦУОШГ-ын төлөөлөл оролцсон шуурхай хурлыг зохион байгуулж, дараах арга хэмжээг авч хэрэгжүүллээ.

Тодруулбал, Хэнтий, Дорнод, Сүхбаатар аймагт болсон цаг агаарын аюулт үзэгдлийн улмаас орон гэргүй болсон иргэдэд Улсын нөөцөөс гэр, Хэнтий, Сүхбаатар аймгуудад шатахууны дэмжлэг болон халдвар хамгааллын хувцас хэрэглэл, хүнсний багц олгохоор боллоо.

Шийдвэрийн дагуу Улсын нөөцөөс дээрх бараа, материалыг хүргэх ажлыг зохион байгуулж байна гэж Онцгой байдлын ерөнхий газраас мэдээллээ.

Дэлгэрэнгүй унших
сурталчилгаа
Тод мэдээ2023/05/26

Онцгой байдлын ажиллагааны удирдлагын төв, сургуулийн бодлого, төлөв...
Тод индэр2023/05/26

Саудын Арабын хаант улсын Гадаад хэргийн сайд ханхүү Файсал бин Фарх...
Тод мэдээ2023/05/26

“Нүүдлийн соёлын боловсрол” хөтөлбөрийн нээлт болно
Тод мэдээ2023/05/26

“Капитал” банканд бүртгэлтэй үл хөдлөх хөрөнгөнөөс сонго...
Тод мэдээ2023/05/26

“Барилга байгууламжийн чанарын улсын зөвлөгөөн-2023” бол...
Тод мэдээ2023/05/26

Сайд А.Бямбацогт элчин сайд Алексей Николаевич Евсивковтай уулзаж, с...
Чөлөөт бүс2023/05/26

ЦАГ АГААР: Улаанбаатарт өдөртөө 15 хэм дулаан
Өнөөдөр2023/05/26

Үс шинээр үргээлгэх буюу засуулахад тохиромжгүй
Тод мэдээ2023/05/25

Ирэх долоодугаар сараас эхлэн орон нутгийн 9 чиглэлд нислэг үйлдэнэ
Тод мэдээ2023/05/25

Монголд анх удаа агаарын шоу болно
Тод индэр2023/05/25

Манай улсын парламент дахь эмэгтэйчүүдийн эзлэх хувь 17.1 байна
Тод мэдээ2023/05/25

ДАШТ-ээс медаль хүртсэн бокс, жүдогийн тамирчдыг хүлээн авч уулзлаа
Тод мэдээ2023/05/25

“ART FAIR 2023” Дүрслэх урлагийн үзэсгэлэн, худалдааг ан...
Тод мэдээ2023/05/25

Малчин өрхийн 57 хувь нь гамшгийн эрсдэл даах чадвар дунджаас доогуу...
Тод мэдээ2023/05/25

Казахстан Улсын авлигатай тэмцэх байгууллагатай хамтран ажиллах сана...
Өнөөдөр2023/05/25

Үерийн аюулаас сэрэмжлүүлж байна!
Өнөөдөр2023/05/25

ЦАГ АГААР: Улаанбаатарт өдөртөө 13 хэм дулаан
Өнөөдөр2023/05/25

Үс шинээр үргээлгэх буюу засуулбал өнгө зүс сайжирна
Тод мэдээ2023/05/24

Хууль, норм дүрэм, стандартын хэрэгжилтийг хангуулах Ажлын хэсэг хор...
Тод мэдээ2023/05/24

Нийт нутгийн 10 орчим хувьд бэлчээрийн ургамал цухуйгаагүй байна
Тод мэдээ2023/05/24

“Сэндбоксын зөвлөлийн дүрэм”-ийг шинэчлэн баталлаа
Тод мэдээ2023/05/24

Дорнод аймгийн Онцгой байдлын газарт тоног төхөөрөмж өглөө
Тод мэдээ2023/05/24

Үерийн аюулаас сэрэмжлүүлж байна!
Тод мэдээ2023/05/24

Налайх дүүргийн сурагчид спорт өдөрлөгт идэвхтэй оролцлоо
Тод мэдээ2023/05/24

Гадаад харилцааны сайд Б.Батцэцэг Саудын Арабын хаант улсад айлчилна...
Өнөөдөр2023/05/24

УИХ: Өнөөдөр хуралдах ажлын хэсгүүд
Өнөөдөр2023/05/24

ЦАГ АГААР: Улаанбаатарт өдөртөө16 хэм дулаан
Өнөөдөр2023/05/24

Үс шинээр үргээлгэх буюу засуулбал эд, мал арвижна
Тод мэдээ2023/05/23

Тусгай хамгаалалттай газруудад “Smart 7” мэдээллийн сист...
Тод мэдээ2023/05/23

Бөхчүүд, бөх сонирхогчид, хэвлэл мэдээллийн төлөөлөлтэй нээлттэй уул...

Санал болгох