Тод мэдээ
Хөндлөнгийн үнэлгээний баг Дундговь аймагт ажиллалаа
Монгол Улсад Олон улсын эрүүл мэндийн дүрмийг хэрэгжүүлж буй үндсэн чадавхийн хөндлөнгийн үнэлгээ хийж буй Дэлхийн эрүүл мэндийн байгууллагын үнэлгээний баг болон Эрүүл мэндийн яам, Халдварт өвчин судлалын үндэсний төв, Зоонозын өвчин судлалын үндэсний төвийн хамтарсан бүрэлдэхүүн энэ сарын 20-нд Дундговь аймагт ажиллалаа.
ДЭМБ-аас гишүүн орнуудтай хамтран 2005 онд боловсруулсан Олон улсын эрүүл мэндийн дүрэм нь хүн, мал, амьтны эрүүл мэнд, хүрээлэн буй орчинг хамгаалах, хил дамнасан болзошгүй халдварт өвчин, аюул заналаас сэргийлэх, хянаж зохицуулахад чиглэсэн заавал мөрдөх баримт бичиг юм.
Энэхүү баримт бичгийг хэрэгжүүлэх үндсэн чадавхид хөндлөнгийн үнэлгээ хийх олон улсын хамтарсан баг аймгийн Засаг даргын Тамгын газар, Эрүүл мэндийн газар, Зоонозын өвчин судлалын төв, Нэгдсэн эмнэлэгт хөндлөнгийн үнэлгээ хийж уулзалт хэлэлцүүлэг зохион байгууллаа.
Хэлэлцүүлгийн үеэр аймгийн Эрүүл мэндийн газар нийгмийн эрүүл мэндийн ноцтой байдлын үед хэрэгжүүлж буй тандалт, хариу арга хэмжээний талаар, Зоонозын өвчин судлалын төвөөс зоонозын өвчинтэй тэмцэх чиглэлээр хэрэгжүүлж буй тандалт, хариу арга хэмжээний чиглэлээр үнэлгээний багийнханд нэгдсэн мэдээлэл өглөө.
.jpg)
Тод мэдээ
Мал аж ахуйн удирдах ажилтны зөвлөгөөн боллоо
Хүнс, хөдөө аж ахуй, хөнгөн үйлдвэрийн яамны Мал аж ахуй бодлогын хэрэгжилтийг зохицуулах газраас салбарын удирдах ажилтны зөвлөгөөнийг зохион байгууллаа.
Зөвлөгөөнийг мал аж ахуйн салбарын бүтээмжийг нэмэгдүүлж, эрсдэлийг бууруулах зорилгоор “Уур амьсгалд ухаалаг мал аж ахуй ба гамшгийн эрсдэлийн удирдлага” сэдвийн хүрээнд явуулж, 21 аймаг, нийслэлий, Хүнс, хөдөө аж ахуйн газрын Мал аж ахуйн хэлтсийн дарга болон харьяа байгууллагуудын төлөөллийг хамруулав.
Энэ үеэр салбарын тулгамдсан асуудлыг тодорхойлж, тогтвортой хөгжүүлэх гарц шийдлийг хэлэлцсэн. Тухайлбал, өсвөр мал бордож, эдийн засгийн эргэлтэд оруулах, малын гаралтай бүтээгдэхүүний экспортыг тогтвортой тогтмол байлгах тухай асуудлуудыг зөвлөлдлөө гэж ХХААХҮЯ-наас мэдээллээ.
Тод мэдээ
БНСУ-д хөдөлмөрийн гэрээний ажилтан илгээсээр байна
Монгол Улсын Засгийн газар Гэр бүл, хөдөлмөр, нийгмийн хамгааллын яам болон БНСУ-ын Засгийн газар Хөдөлмөр эрхлэлт, хөдөлмөрийн яам хооронд байгуулсан гэрээ, хэлэлцээрийн дагуу хөдөлмөрийн гэрээт ажилтан илгээх үйл ажиллагааг ХХҮЕГ тасралтгүй зохион байгуулан ажиллаж байна.
БНСУ нь 17 улс орноос гадаад ажилтан хүлээн авдаг бөгөөд Монгол Улс 2004 оноос өнөөг хүртэл жил бүр ажиллах хүсэлтэй иргэдийг бүртгэх, илгээх үйл ажиллагааг зохион байгуулдаг Засгийн газрын хэрэгжүүлэгч агентлаг Цорын ганц Төрийн байгууллага юм.
БНСУ-ын хөдөлмөрийн хөлсний 2024 онд мөрдөгдөж буй хэмжээ цалингийн доод 2,060,740 вон байна.
Өнгөрсөн 2024 онд 722 хүн илгээсэн байна. Хөдөлмөрийн биржийн ажил хайгчаар байршсан иргэдэд улирал тутам ажлын санал ирж, сар бүрийн тогтсон өдөр илгээсээр байна.
Өнөөдөр буюу 2025 оны 04 сарын 02-ны өдөр аж үйлдвэрийн салбарт 22 ажилтан ажиллахаар тус улсыг зорилоо.
Мөн 04 дүгээр сарын 08-нд тогтвортой 13 ажилтан, ХАА, газар тариалан 2 ажилтан, Үйлчилгээ 2 салбарт 5, Барилга 1 ажилтан тус тус илгээхээр бэлтгэл ажил хийгдэж байна.
Мөн барилгын салбарт илгээгдэх иргэн хувийн шалтгаанаар явах боломжгүй гэх хариу өгөөд байгаа аж.
Сүүлийн үед БНСУ-аас ажлын санал ирсний дараа иргэдийн өөрсдийн хариуцлагагүй байдлаас шалтгаангүйгээр хойшлуулах, явахгүй гэх мэт шалтгаан ихээр гарч байгаа тул БНСУ-ын ажил олгогч тухайн ажилтныг 17 улсын ажил хайгч олон дундаас сонгож, тухайн улсдаа татвар төлж, бичиг баримтыг бүрдүүлэн 6 сар орчим хүлээсний дараа хүлээн авах, цаг хугацаа, санхүүгийн тодорхой хохирол амсах эрсдэлтэй байдал удаа дараа үүсгэж байна.
Иймд манай улсын ажил хайгч иргэдийг олноор сонгохгүй байх эрсдлийг үүсгэж байгаа тул ажлын санал ирсэн иргэдийг дээрх асуудал үүсгэхгүй байхыг сануулж байна.
Тод мэдээ
УИХ-ын чуулганы нэгдсэн хуралдаан /2025.04.03/
-
Тод мэдээ2021/07/26
Ерөнхий сайд Л.Оюун-Эрдэнэ Япон Улсын Эдийн засгийн сэргээн босголт “Ковид...
-
Тод индэр2019/09/23
Олон улсын “Дурсах өдөр”-ийг зохион байгууллаа
-
Өнөөдөр2023/01/04
УИХ: Байнгын хороодын хуралдаан болно
-
Өнөөдөр2020/02/14
БНХАУ чиглэлийн бүх нислэг, галт тэрэгний үйлчилгээг зогсоолоо