Тод мэдээ
Хан-Уул дүүргийн сонгогчид итгэл дүүрэн байна

УИХ-ын сонгуулийн Xll тойрогт МАН-аас нэр дэвшигчид болох Т.Мөнхсайхан, Л.Нинжжамц, Ж.Алдаржавхлан нар намын мөрийн хөтөлбөр, санал шийдлээ танилцуулах ээлжит уулзалтаа Хан-Уул дүүргийн 24 дүгээр хорооны иргэд, сонгогчидтой хийлээ.
Уулзалтын үеэр иргэдийн зүгээс Яармагийн зэвтэй усны шугамын хоолойг солих ажил хэзээнээс эхлэх, дэд бүтэц буюу сургууль цэцэрлэгийн тоог нэмэгдүүлэх талаар дүүргийн Засаг дарга Ж.Алдаржавхлангаас асууж тодруулсан бол нэр дэвшигч Л.Нинжжамцаас нийгмийн төлөө хийж хэрэгжүүлэх ажлыг тодотгож асуув. Харин Төрийн соёрхолт эмч Т.Мөнхсайханаас ирээдүй хойч болсон үр хүүхдүүдийн эрүүл мэндийн асуудлыг хэрхэн анхаарах тухай болон хүн амын эрүүл мэндийн төлөө юу хийх вэ хэмээн асууж, хариулт авлаа.
Дүүргийн Засаг дарга Ж.Алдаржавхлан:
-“Хан-Уул дүүргийн Засаг даргаар долоон жил зургаан сар ажиллажээ. Нийт 2500 өдөр та нарынхаа дунд ажилласан байна. Хорооныхоо гудамж талбай, хог шороо гээд та нарынхаа ажил амьдралыг маш сайн мэднэ. Тиймээс та нарыгаа төлөөлж Их хуралд нэрээ дэвшүүлж байна. Хороо, дүүрэгт ажиллаж байсан хүний хувьд тулгарч буй асуудлыг сайн мэднэ. Тиймээс шинэ түвшинд гарч ажиллах хэрэгтэй гэж үзсэн. Өнгөрсөн дөрвөн жилийн хугацаанд Хан-Уул дүүрэгт 22 цэцэрлэг, 10 гаруй сургууль барьж ашиглалтад оруулсан байна. Өдрөөс өдөрт хүн амын тоо нэмэгдэж байгаа учраас сургууль, цэцэрлэгийн эрэлт хэрэгцээ дийлдэхгүй байна. Нэмж сургууль, цэцэрлэг барина. 24 дүгээр хорооноос урагш хэсэг тусгай хамгаалалттай газар нутагт ордог болохоор сургууль, цэцэрлэг барих боломжгүй юм. Энэ хорооныхны хувьд зэвтэй усны асуудал бий. Усны шугам хоолойг засах ажлыг УСУГ эхлүүлсэн байгаа. 90 хоногийн хугацаанд угсарч дуусна. Ингээд та бүхэн цэвэр ус уух боломжтой болно.
Монголын мянга мянган эмэгтэйчүүдийн төлөөлөл, сэтгүүлзүйн тод төлөөлөл болсон Л.Нинжжамц:
-“Манай намаас Нийслэлийн хэмжээнд дөрөвхөн эмэгтэй нэр дэвшиж байгаа. Тэдний нэг нь би. Өөрийнхөө хүсэл мөрөөдөл олон ажлаа үргэлжлүүлэх, хууль санаачлахад миний дуу хоолой хэрэгтэй байгаа. Тиймээс та бүхний төлөөлөл болж чадна. Жендерийн тэгш эрх байдлыг хангах зорилгоор бүх намууд эмэгтэй нэр дэвшигчдийг явуулсан байгаа. МАН-аас нэр дэвшиж байгаа биднийг хамтаар нь, багаар нь дэмжээд өгөхийг хүсье. Монгол Улсынхаа хөгжлийн төлөө олон эрхзүйн баримтуудыг боловсруулж хангаж ажиллах боломжтой юм шүү.
Эгэл жирийн эмчээс Эрүүл мэндийн сайд болтлоо дэвшсэн Төрийн соёрхолт Т.Мөнхсайхан:
-Эрүүл мэндийн сайдын ажлаа хүлээлгэж өгөөд Ерөнхийлөгчийн зөвлөхөөр ажиллаж байна. Энэ хугацаанд Монгол хүний эрүүл мэндэд юу сөргөөр нөлөөлж байна, түүнийг арилгах бодлогыг хэрэгжүүлж байна. Монгол хүний эрүүл мэндэд архи согтууруулах ундааны зүйл хэтрүүлэн хэрэглэх шалтгаан нөхцөл өндөр байгаа нь тогтоогдсон. Дээр нь дутуу төрөлт, агаарын бохирдол, тамхидалт гэх мэт шалтгаанууд байна. Мэдээж хүүхдийн эрүүл мэндийн асуудалд анхаарна. Ер нь бага насны хүүхдүүд зүрх судасны өвчлөл өндөртэй байгаа судалгаа гарсан. Тиймээс багаас нь эрүүл мэндэд анхаарах зайлшгүй шаардлага үүсч байна. Хүн амынхаа эрүүл мэндийн төлөө ялангуяа залуусын эрүүл мэндийн төлөө ажиллана. Эрт илрүүлэг, урьдчилан сэргийлэх тогтолцоог сайн нэвтрүүлнэ.
Харин сонгогчдын төлөөлөл гурван нэр дэвшигчид хандаж хэлэхэд “Нас залуу цус шингэн идэр насныхан байна. Та гуравт итгэж байна. Төрд түмнээ төлөөлж гараад их зүйл хийгээрэй. Та гурвыг сонгогдоно гэдэгт итгэл дүүрэн байна. Эрүүл мэндийн салбарт, эх хүүхдийн нийгмийн салбарт, хот бүтээн байгуулалт дэд бүтцийн салбарт их ажил хийнэ гэдэгт итгэж байна” хэмээн захиас захилаа.

- Долдугаар хорооны иргэд, сонгогчидтой уулзав -
УИХ-ын сонгуулийн Xll тойрогт МАН-аас нэр дэвшигч Т.Мөнхсайхан, Л.Нинжжамц, Ж.Алдаржавхлан нар мөн долдугаар хорооны иргэд сонгогчидтой уулзаж санал бодлыг нь сонсож, мөрийн хөтөлбөрөө танилцуулж, асуусан асуултад нь хариулт өглөө.
Хан-Уул дүүргийн хэмжээнд 176 мянган сонгогчидтой бол 57 нэр дэвшигч өрсөлдөж байгаа юм. Тус дүүргийн долоодугаар хорооны сонгогчид “Залуу хүмүүс төрд гарч төрийн бодлого боловсруулж, ард иргэдийнхээ төлөө их ажил хийх хэрэгтэй. Ялангуяа эрүүл мэнд, эх хүүхдийн асуудал, нийслэлийн дэд бүтцийн асуудалд нэр бүхий гурван дэвшигчийг ажиллаж чадна гэдэгт итгэлтэй байна” хэмээж байв.
Сонгогчдын зүгээс Төрийн соёрхолт эмч Т.Мөнхсайханыг эрүүл мэндийн салбараа маш сайн мэддэг хүний хувьд их хуралд гарч энэ салбартаа олон үр өгөөжтэй ажил хийгээрэй хэмээн захилаа. Харин хот нийслэлийн дэд бүтэц, бүтээн байгуулалт засаг захиргааны шинэчлэлийн төлөө Ж.Алдаржавхлан даргыг сайн ажиллана хэмээн үзсэн бол нэр дэвшигч Л.Нинжжамцыг охид эмэгтэйчүүдийн жендерийн асуудалд мэдрэмжтэй хандаж, нийгэмд тулгамдаж байгаа олон асуудлыг шийдэж, шийдвэрлэлцэж чадна гэдэгт иргэд итгэж байгаагаа хэлж байв.
Уг уулзалтын үеэр дүүргийн Засаг дарга Ж.Алдаржавхлан “Хан-Уул дүүргийн тухайд шилжилт хөдөлгөөн ихтэй. Сүүлийн дөрвөн жилийн хугацаанд хүн амынх нь тоо 100 мянгаар нэмэгдэж өнөөдрийн байдлаар 285 мянган иргэн оршин сууж байна. Дүүргийн хэмжээнд бүтээн байгуулалт их хийгдэж байгаа. Нисэхийн аюулгүй тойрог дөрвөн замын уулзвар, хоёр түвшний уулзвартай болж байгаа бөгөөд ажил нь энэ сарын 21-нээс эхэлнэ. Яармагийн зам долдугаар сарын 1 гэхэд ашиглалтад орно” хэмээн мэдээлэл өгсөн юм.


Тод мэдээ
Энэ сарын 19-нд хууль зүйн зөвлөгөө үнэ төлбөргүй өгөх өдөрлөг болно
НЗДТГ, Монголын Хуульчдын холбоотой хамтран "Нийслэлийн иргэдийн хууль, эрх зүйн боловсролыг дээшлүүлэх" зорилгоор сар бүрийн 3 дахь долоо хоногийн лхагва гарагт иргэдэд хууль, эрх зүйн зөвлөгөө үнэ төлбөргүй өгөх өдөрлөгийг тогтмол зохион байгуулдаг. Энэ сарын өдөрлөг ирэх лхагва гарагт буюу гуравдугаар сарын 19-нд нийслэлийн Үйлчилгээний нэгдсэн төвүүд болох "Дүнжингарав", "Драгон", "Мишээл" экспо, "Сэлбэ", "Баянхошуу", Хорооллын эцсийн "E-март", Яармаг-Нийслэлийн нутгийн захиргааны цогцолбор барилга Б блок салбаруудад болно. Мөн 75050801, 75050802, 75050803, 75050804 дугаарын утсаар иргэдэд хууль, эрх зүйн анхан шатны зөвлөгөөг үнэ төлбөргүй өгөх юм.
Иргэн та гуравдугаар сарын 19-нд 09:00-16:00 цагийн хооронд нийслэлийн Үйлчилгээний нэгдсэн төвүүдэд очиж болон дээрх дугаарын утсаар холбогдож, иргэний, захиргааны, эрүүгийн, гэр бүлийн, гэрээний эрх зүй зэрэг өөрт тулгарч буй хууль, эрх зүйн асуудлаар үнэ төлбөргүй зөвлөгөө, туслалцаа авах боломжтой.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
Тод мэдээ
Зайсангийн зүүн гүүр буюу шинэ гүүрний шон суурилуулах ажлын явц 40 хувьтай үргэлжилж байна
Зайсангийн зүүн гүүр буюу хуучин гүүрийг нэгдүгээр сарын 10-наас хааж, гуравдугаар сарын 7-ны өдөр буулгаж дууссан. Хуучин гүүрийг буулгах явцад шинэ гүүрний шон суурилуулах ажлыг давхар гүйцэтгэж байсан бөгөөд өнөөдрийн байдлаар ажлын явц 40 хувьтай үргэлжилж байна. Газрын түвшнээс доош 17 метр гүнд шонг суурилуулж байна.
Түүнчлэн дам нурууг бэлтгэж, зөөвөрлөх ажил 95 хувьтай үргэлжилж байна. Мөн шал суурийн арматурыг өвлөөс эхлэн бэлтгэсэн тул ажлын явц 100 хувьтай дуусжээ. Уг шинэ гүүрийг зургаадугаар сард ашиглалтад оруулах юм.
Зайсангийн хуучин гүүрийг 1968 онд буюу одоогоос 57 жилийн өмнө ашиглалтад оруулж байсан. Үүнээс хойш засвар, шинэчлэлт огт хийгээгүй бөгөөд 2012 онд ашиглалтын түвшин D үнэлгээнээс бага, хэзээ ч нурж магадгүй гэсэн дүгнэлт гарсан юм. Иймээс 2022 оноос эхлэн Зайсангийн гүүрийг 225 метр, дөрвөн эгнээ бүхий төмөрбетон хос гүүрээр шинэчлэх, өргөтгөх ажлыг эхлүүлсэн. Улмаар баруун гүүрийг мөн адил шинэчилж, 2023 оны есдүгээр сард ашиглалтад оруулж байсан билээ.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
Тод мэдээ
Улаанбурханы эсрэг вакцинд нөхөж хамрагдаж болно
Улаанбурханы нөхцөл байдалтай холбогдуулаад Өрхийн эрүүл мэндийн төвүүд дээр вакцинжуулах үйл ажиллагаа ажлын өдрүүдэд 8.30-16.30 цагуудад хийгдэж байгаа аж. Тиймээс эцэг, эх, асран хамгаалагчид хүүхдийнхээ эрүүл мэндэд хариуцлагатай хандаж, улаанбурханы эсрэг товлолт вакцинд бүрэн хамруулсан эсэхийг тодруулах, товлолын дагуу улаанбурханы эсрэг вакцины 2 тунд хамрагдаагүй бол өрх, сумын эрүүл мэндийн төвд улаанбурханы эсрэг вакцинд нөхөж хамруулахыг ХӨСҮТ-өөс анхаарууллаа.
Хэрэв халуурсан, тууралт гарсан эсвэл улаанбурхан батлагдсан тохиолдолтой хавьтал болсон бол ХӨСҮТ-ийн яаралтай тусламжийн тасгийн 1 болон 2-р өрөөнд үзлэг, вакцинд хамрагдахыг уриаллаа.
-
Тод мэдээ2020/08/05
Амралтын газар, жуулчны баазуудад хамтарсан үзлэг шалгалт хийж байна
-
Тод индэр2020/08/06
Цахилгаан болон байгаль орчинд ээлтэй тээврийн хэрэгслээр шинэчлэлт хийнэ
-
Өнөөдөр2020/09/12
Ерөнхийлөгч Х.Баттулга Сүхбаатар, Дорнод аймгийн иргэдтэй уулзана
-
Тод мэдээ2023/05/17
Санхүүгийн луйвраас сэргийлье