Үйл явдал
Зөвшөөрөлгүйгээр ус ашиглан элс угааж байсан компанийн үйл ажиллагааг зогсоолоо
Өвөрхангай аймгийн Уянга сумын Өлтийн 7 дугаар багийн нутаг дахь MV-000362 дугаартай ашигт малтмалын ашиглалтын тусгай зөвшөөрлийн талбайд үйл ажиллагаа явуулж байсан нэгэн компанийн элс угаах ажиллагааг улсын байцаагчид энэ сарын 27-нд илрүүлэн зогсоожээ.
Хяналт шалгалтаар тус компани ус ашиглах дүгнэлт, гэрээ, зөвшөөрөлгүйгээр ус ашигласан нь тогтоогдсон тул Зөрчлийн тухай хуулийн 7.15 дугаар зүйлийн 2 дахь хэсгийг үндэслэн үйл ажиллагааг нь нэн даруй зогсоож, прокурорын тогтоолоор уг арга хэмжээг баталгаажуулжээ. Мөн зөрчил шалган шийдвэрлэх ажиллагааг эхлүүлсэн байна.
GPS төхөөрөмжөөр байршлын хэмжилт хийж, ArcGIS программтай тулган шалгахад элс угаах төхөөрөмж нь MV-000362 дугаартай тусгай зөвшөөрлийн талбайн гадна байрлаж байсан нь тогтоогджээ.
Иймээс гэмт хэргийн шинжтэй байж болзошгүй гэж үзэн холбогдох материалыг цагдаагийн байгууллагад шилжүүлэх саналыг прокурорт хүргүүлэхээр болжээ.
Хяналтын байгууллагаас ашигт малтмал олборлогч иргэн, аж ахуйн нэгжүүдэд ус ашиглахтай холбоотой зөвшөөрөл, гэрээ, дүгнэлтээ бүрэн бүрдүүлж, зөвхөн тусгай зөвшөөрлийн хүчинтэй талбайн хил хязгаарт үйл ажиллагаа эрхлэхийг анхаарууллаа. Мөн ийм төрлийн зөрчил илэрвэл хуульд заасан үндэслэлээр үйл ажиллагааг шуурхай зогсоож, хариуцлага тооцохыг сануулжээ.
Үйл явдал
Агаарын тээврийн зорчигчдын тоо эхний хагас жилд 1.2 саяд хүрчээ
2026 оны эхний хагас жилд агаарын тээврээр 1.2 сая зорчигч зорчсон нь өмнөх оны мөн үеэс 82.8 мянга буюу 8.2 хувиар өссөнийг Үндэсний статистикийн хороо мэдээллээ.
Нийт зорчигчийн 948.4 мянга буюу 82.5 хувь нь олон улсын, 201.7 мянга буюу 17.5 хувь нь орон нутгийн нислэгээр зорчжээ.
Олон улсын нислэгийн зорчигчдын тоогоор Улаанбаатар–Сөүл чиглэл тэргүүлж, 299.3 мянган хүн буюу нийт олон улсын зорчигчдын 31.6 хувийг эзэлсэн байна. Үүний дараа Бээжин чиглэлд 153.5 мянга, Токио чиглэлд 82.7 мянга, Истанбул чиглэлд 64.5 мянга, Хонгконг чиглэлд 51.7 мянган зорчигч зорчжээ.
Харин орон нутгийн нислэгийн зорчигчдын 81.6 хувь буюу 164.6 мянга нь Улаанбаатар–Оюутолгой чиглэлд зорчсон байна. Мөн Ховд, Өлгий, Мөрөн, Улиастай, Даланзадгад чиглэлүүд орон нутгийн хамгийн ачаалалтай нислэгүүдэд багтжээ.
Үйл явдал
Хуулиас давсан 83 дүрэм, журмыг хүчингүй болгожээ
Хууль зүй, дотоод хэргийн яам хуулиас давсан дүрэм, журмыг цэгцлэх, хууль тогтоомжийн давхардал, хийдлийг арилгах, төрийн байгууллагын үйл ажиллагааны үр нөлөөг сайжруулах чиглэлээр төлөвлөгөөт арга хэмжээг үе шаттай хэрэгжүүлж байна.
Энэ хүрээнд Хууль зүй, дотоод хэргийн сайд С.Амарсайханаар ахлуулсан ажлын хэсэг хуралдаж, ажлын явцыг хэлэлцэн холбогдох байгууллагуудад үүрэг, чиглэл өгчээ. Мөн Захиргааны хэм хэмжээний актын улсын нэгдсэн санд бүртгэлтэй шийдвэрүүдийг салбар бүрээр нь судалж, хууль тогтоомжид нийцүүлэх зөвлөмж, удирдамж бүхий албан бичгийг 131 байгууллагад хүргүүлсэн байна.
Өнөөдрийн байдлаар 30 байгууллагын 83 дүрэм, журмыг хүчингүй болгож, хуульд нийцүүлжээ. Мөн 12 байгууллагын 28 дүрэм, журмыг хүчингүй болгохоор ажиллаж байгаа аж.
Түүнчлэн бизнесийн үйл ажиллагаанд тавигдах зөвшөөрөл, бүртгэлийн ачааллыг бууруулах, хуульд заагаагүй хязгаарлалтыг арилгах, авлига, ашиг сонирхлын зөрчлийн эрсдэлийг бууруулах зорилгоор бизнесийн үйл ажиллагааг зохицуулсан хууль, дүрэм, журамд судалгаа, дүн шинжилгээ хийж, бизнесийн орчинд үзүүлэх нөлөөллийг Монголын Үндэсний худалдаа, аж үйлдвэрийн танхимтай хамтран үнэлж эхэлжээ.
Мөн төрийн байгууллагуудын чиг үүргийн давхардлыг арилгах, тогтолцоог оновчтой болгох хүрээнд хийсэн судалгааны дүнг Засгийн газрын Хяналт хэрэгжүүлэх газарт хүргүүлсэн байна. Цаашид Захиргааны хэм хэмжээний актын улсын нэгдсэн санд бүртгэлтэй 138 байгууллагын 2723 шийдвэрт дүн шинжилгээ хийхээр төлөвлөж байгааг Хууль зүй, дотоод хэргийн яам мэдээллээ.
Үйл явдал
COP-17: Газрын тогтвортой менежментэд хөрөнгө оруулах боломжийг хэлэлцэв
-
Чөлөөт бүс2020/07/10
Үндэсний их баяр наадмын соёл, урлагийн үзвэр, үйлчилгээний хөтөлбөр
-
Хэн юу хэлэв...2019/09/09
Үнэн төрхөө нуусан шөнийн ангууч
-
Хэн юу хэлэв...2022/05/18
Ү.Оюун-Эрдэнэ: Эцэг, эхчүүд хүүхдээ дагуулан замын хөдөлгөөнд оролцох үедээ тэдэ...
-
Үйл явдал2023/05/11
Улаанбаатарт өдөртөө 15 хэм дулаан