Тод зураг
Хотын эрхэмсэг дарга Фредди муур
Хотын даргын албан тушаалыг хүн төрөлхтөн бий болгосон. Гэвч дэлхийн түүхэнд амьтад хотын дарга болсон тохиолдол нэг бус гэнэ. Иймд та бүхний өдрийн цайны цагийн зугаа болгож хотын дарга болсон, сонгуульд нэр дэвшсэн мууруудын талаарх сонирхолтой товч мэдээллийг бэлтгэлээ.
Моррис муур
Мексикийн Веракрус мужийн Халапа хотын даргыг сонгох нэгэн сонгуулийн үеэр Моррис нэртэй муурыг нэр дэвшүүлж, сонгуулийн кампанит ажлыг нь “Хотын хархнаас ангижруулах” нэрийн дор явуулсан байна. “Би унтана, иднэ, тоглоно, жорлонд орно, дараа нь дахиад л унтана. Энэ бол хотын даргад нэр дэвшигчдийн бүгдийнх нь хэвшмэл дүр төрх” гэж муурын нэрийн өмнөөс төлөөлөгч нь бичсэн аж. Эцэст нь сонгуулийн санал хураалтын дүн гарахад Моррис муур 600 хүний санал авсан байжээ.
Стаббс муур
Аляскийн Талкетна хотын хүндэт даргаар Стаббс нэртэй муур сонгогдож байжээ. Талкетна хот нь 900 оршин суугчтай бөгөөд 1998 онд нэгэн шар муурыг хотын даргаараа сонгосон нь энэ юм. Энэ муур нийт 15 жил тус хотын даргын албыг хашиж байжээ.
Стэн муур
Канадын Халифакс хотын даргын сонгуульд бас нэгэн муур нэр дэвшсэн нь Таксидо Стэн юм. Дэлхий даяараа алдаршиж байсан Таксидо Стэн муур нь 3 жилийн турш "улс төр"-д хүч сорьсон гэдэг.
Фредди муур
АНУ-ын Висконсин мужийн Шарон хотын дарга болж чадсан Фредди муур хотынхоо иргэдийн шүтээн нь болсон аж. Хотын оршин суугчид энэ мууртай таарвал сайны тэмдэг гэж үзэн, анхаарал халамж тавьж, байгаа зүйлээрээ дайлдаг. Зарим нь бүр даргатайгаа уулзахын тулд тусгайлан цаг зав гаргаж уулзахыг эрмэлздэг гэнэ. Фреддиг зам хөндлөн гарахад бүх машин зогсож, түүний явж өнгөрөхийг тэвчээртэйгээр хүлээдэг байжээ.
Тод зураг
Сэлбэ 20 минутын хот
Гэр хорооллыг орон сууцжуулах “Сэлбэ 20 минутын хот” төслийн бүтээн байгуулалт эрчимтэй үргэлжилж байна. Төслийн хүрээнд нийт 113 блок орон сууц барих юм.
Үүнээс 93 блок орон сууц есөн давхар, 20 блок орон сууцыг 12 давхар барина. Өнөөдрийн байдлаар зарим орон сууцны есдүгээр давхрын цутгалтыг гүйцэтгэж байна.
Тод зураг
“Улаанбаатар марафон-2026” олон улсын гүйлтийн бүртгэлийг тавдугаар сарын 1-нд хаана
“Улаанбаатар марафон-2026” олон улсын гүйлтийн бүртгэл хаахад гурав хоног үлдлээ.
Марафонд гүйх оролцогчдыг тавдугаар сарын 1-ний 17:00 цаг хүртэл бүртгэнэ. Оролцогчид Hipay аппликейшн болон ulaanbaatar.marathon.mn цахим хуудсаар дамжуулан бүртгүүлэх боломжтой.
Өдгөө 11 дэх удаа зохион байгуулах гэж буй “Улаанбаатар марафон-2026” олон улсын гүйлтэд оролцохоор өнөөдрийн байдлаар 18 мянга гаруй хүн бүртгүүлээд байна.
Бүтэн марафоноос эхлээд гэр бүлийн болон тусгай ангиллын зай хүртэл долоон төрлийн сонголттой тул бүх насны хүмүүс оролцох боломжтой.
Иймд оролцогчид өөрийн насны ангилал, бэлтгэлийн түвшинд тохирсон зайгаа сонгон, тавдугаар сарын 1-ний 17:00 цагаас өмнө бүртгэлээ баталгаажуулаарай.
Тод зураг
Маргааш нийслэлийн зарим авто замын хөдөлгөөнийг түр хязгаарлана
П.Очирбат агсныг эцсийн замд үдэхтэй холбоотойгоор зарим авто замын хөдөлгөөнийг түр хязгаарлана. Уг үйл ажиллагаа өглөө 6:40 цагаас 3-р эмнэлгээс эхлэх бөгөөд хүндэтгэлийн цуваа 7 цаг 20 минутад Төв шуудангийн замд ирж, 9 цаг 40 минутад үднэ.
Энэ үеэр доорх байршлуудад ихдээ хөдөлгөөн түр хязгаарлах тул иргэд, олон нийтийг хүндэтгэлтэй хандахыг Нийтийн тээврийн бодлогын газраас хүслээ.
-
Дэлхий нийтээр..2026/01/15
Улсын нисэхийн тухай хуулийн шинэчилсэн найруулгын төслийг УИХ-д өргөн барина
-
Дэлхий нийтээр..2025/03/20
Сурагчдын хоол шим тэжээлийн байдлыг сайжруулахад мэргэжлийн байгууллагууд хамтр...
-
Дэлхий нийтээр..2021/05/10
Монголын Залуучуудын Холбоо “Ангид бай” аян зарлалаа
-
Дэлхий нийтээр..2024/04/29
Б.Мөнх-Эрдэнэ, Б.Бадамдорж нар сонгомол бөхийн төрлөөр олимпын эрхийн тэмцээнд о...