Бидэнтэй нэгдэх

Өнөөдөр

Ерөнхий сайд У.Хүрэлсүх: Он дуусахаас өмнө 31 сургууль, 41 цэцэрлэг ашиглалтад орно

Огноо:

,

Сэтгүүлч:

Есдүгээр сарын 01-ний энэ өдөр Монгол Улсын Ерөнхий сайд У.Хүрэлсүх Нийслэлийн Баянзүрх дүүргийн 147 дугаар сургууль болон хөгжлийн бэрхшээлтэй хүүхдийн сувиллын цэцэрлэг, яслийн 10 дугаар цогцолборын хичээл, сургалттай танилцлаа. 147 дугаар сургуулийг БНХАУ-ын Засгийн газрын буцалтгүй тусламжаар барьж өнгөрсөн тавдугаар сард ашиглалтад оруулсан байна. 

960 хүүхдийн суудалтай, 130 багш, ажилтантай энэ сургуульд 1135 хүүхэд суралцаж эхэллээ. Сургууль ашиглалтад орохоос өмнө хүүхдүүд Баянзүрх, Амгалан цогцолбор, 14, 44, 53, 92  дугаар сургуульд хуваагдан хичээллэдэг байжээ. Сургуулийн хамт олон КОВИД-19 цар тахлаас урьдчилан сэргийлэх зорилгоор ариутгал, халдваргүйжүүлэлт хийн, гар угаах, ариутгах бодис, биеийн халуун хэмжигч байрлуулж, нэг хүүхэд-нэг ширээ гэсэн зарчмаар хичээллэж байна.

 

Монгол Улсын Ерөнхий сайд дараа нь хөгжлийн бэрхшээлтэй хүүхдийн сувиллын цэцэрлэг, яслийн 10 дугаар цогцолборт очлоо. Энэ цогцолбор 0-3 хүртэлх насны хүүхдүүдийг асарч, хүмүүжүүлдэг 42 дугаар ясли нэртэйгээр 1964 онд байгуулагдсан түүхтэй. Ерөнхий сайд У.Хүрэлсүх цэцэрлэг, яслийн барилгыг өргөтгөхөд шаардагдах 5.3 тэрбум төгрөгийг 2018 онд шийдүүлснээр долоон жил гацаад байсан барилгын ажил үргэлжилж, өнгөрсөн зургаадугаар сард ашиглалтад орсон байна. Эмчилгээний хэсэг, тосон бариа, ахуй болон хэл засал, сургалтын болон дасгал, хөдөлмөрийн танхим, спорт заал, усан бассейн, гал тогоо гээд олон улсын стандартад нийцсэн цогцолбортой болсноор тархины саажилттай болон тулгуур эрхтэний бэрхшээлтэй хүүхдийг хамруулах, сэргээн засах эмчилгээ, нийгмийн хөгжил, хамгааллын үйлчилгээ үзүүлэх боломж нэмэгджээ. Энэ хичээлийн жилд зургаа хүртэл насны 165 хүүхэд хамрагдсан бөгөөд цаашид хөгжлийн бэрхшээлтэй хүүхэдтэй ажиллах ердийн цэцэрлэгийн багшид арга зүйн дэмжлэг үзүүлэх, эцэг, эхчүүдийг зөвлөгөө, мэдээллээр хангах, дэмжлэг үзүүлэх төв болон өргөжих юм. 

Монгол Улсын Ерөнхий сайд эцэг, эхчүүдийн төлөөлөлтэй уулзахдаа “хүүхдүүдийн сурч боловсрох орчинг нь сайжруулж, зориулалтын сургууль шинээр барихад анхаарна” гэлээ. Мөн 2020 он гарсаар 30 сургууль, 45 цэцэрлэг ашиглалтад орсон бол ондоо багтаан 31 сургууль, 41 цэцэрлэгийн барилга, өргөтгөл, сургуулийн 24 дотуур байрыг ашиглалтад хүлээн авах гэж байгааг хэлэв. КОВИД-19 цар тахлаас үүдэн эдийн засаг хүндрэлтэй байгаа ч боловсролын салбарын төсөв, санхүүжилтийг бууруулахгүй байхад Засгийн газар онцгой анхаарч байгааг тодотголоо. Тэрээр сургууль, цэцэрлэгийн үйл ажиллагааг хэвийн горимд шилжүүлэх эсэх нь нөхцөл байдлаас шалтгаална гээд багш, сурган хүмүүжүүлэгчид, эцэг, эх, хүүхдүүд мэргэжлийн байгууллагын заавар, зөвлөмжийг дагаж мөрдөж байхыг хүслээ. 

 

Өнөөдөр улсын хэмжээнд 1475 цэцэрлэг, ерөнхий боловсролын 834 сургууль, 93 их, дээд сургууль, коллеж танхимын болон танхимын бус хэлбэрээр сургалтаа эхэлж, нэг сая 40 мянга гаруй хүүхэд, залуус хичээлдээ орлоо. Эдгээрийн 83 мянга гаруй нь нэгдүгээр ангид элсэн орж байна. Боловсрол, шинжлэх ухааны яам 2020-2021 оны хичээлийн жилд суралцагчдын сурах, хөгжих, төлөвших, сурлагын амжилт, чанарт ахиц гаргах, багш нарыг мэргэжлээрээ тасралтгүй хөгжих боломжийг бүрдүүлэх, багш, ажилтнаа дэмжих, эцэг, эхтэй түлхүү хамтран ажиллах зорилт дэвшүүлжээ гэж Засгийн газрын Хэвлэл мэдээлэлтэй харилцах хэлтсээс мэдээллээ.
Дэлгэрэнгүй унших
сурталчилгаа
Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Өнөөдөр

Улаанбаатарт өдөртөө 19 хэм хүйтэн

Огноо:

,

Малч­ид, иргэд, тээвэрчдэд зориулсан мэдээ: Ойрын хоногуудад ихэнх нутгаар хүйтэн байна.

2020 оны 12 дугаар сарын 03-ны 08 цагаас 20 цаг хүртэл: Баруун болон төвийн аймгуудын нутгаар солигдмол үүлтэй, Увс нуурын хотгор болон Хэнтийн уулархаг нутгаар ялимгүй цас орно. Бусад нутгаар багавтар үүлтэй, цас орохгүй. Салхи ихэнх нутгаар баруун хойноос секундэд 5-10 метр. Завхан голын эх, Хүрэнбэлчир орчмоор 24-29 хэм, Алтай, Хангай, Хөвсгөл, Хэнтийн уулархаг нутаг, Идэр, Эг, Үүр, Туул, Тэрэлж голын хөндийгөөр 18-23 хэм, Сэлэнгийн сав газар, говийн бүс нутгийн баруун өмнөд хэсэг, цас багатай газраар 6-11 хэм, бусад нутгаар 14-19 хэм хүйтэн байна.

УЛААНБААТАР ХОТ ОРЧМООР: Багавтар үүлтэй. Цас орохгүй. Салхи баруун хойноос секундэд 4-9 метр. 17-19 хэм хүйтэн байна.

2020 оны 12 дугаар сарын 04-нөөс 12 дугаар сарын 08-ныг хүртэлх
цаг агаарын урьдчилсан төлөв

5, 6, 7-нд Хангай, Хөвсгөл, Хэнтийн уулсаар цас орно. Салхи их төлөв баруун хойноос секундэд 5-10 метр. Завхан голын эх, Хүрэнбэлчир орчмоор шөнөдөө 38-43 хэм, өдөртөө 24-29 хэм, Алтай, Хангай, Хөвсгөл, Хэнтийн уулархаг нутаг, Идэр, Тэс, Туул, Тэрэлж, Хэрлэн голын хөндийгөөр шөнөдөө 30-35 хэм, өдөртөө 18-23 хэм, говийн бүс нутгийн баруун хэсэг болон цас багатай газраар шөнөдөө 16-21 хэм, өдөртөө 7-12 хэм, бусад нутгаар шөнөдөө 22-27 хэм, өдөртөө 15-20 хэм хүйтэн байна.

ЦАГ УУР, ОРЧНЫ ШИНЖИЛГЭЭНИЙ ГАЗАР
УРЬДЧИЛАН МЭДЭЭЛЭХ ХЭЛТЭС

Дэлгэрэнгүй унших

Өнөөдөр

Өнөөдөр хулгана, бич жилтнээ аливаа үйлийг хийхэд эерэг сайн

Огноо:

,

Өнөөдөр аргын тооллын 2020 оны арванхоёрдугаар сарын 3. Бархасвадь гараг. Билгийн тооллын XVII жарны "Хотолыг баригч" хэмээх Шороон хулгана жилийн өвлийн тэргүүн улаагчин гахай сарын Билгийн тооллын 18. Пүрэв гараг.  Өглөгт охин одтой, есөн улаан мэнгэтэй, цагаан луу өдөр.

Өдрийн наран 8 цаг 23 минутад мандан, 17 цаг 01 минутад жаргана. Тухайн өдөр хулгана, бич жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, хишиг даллага дуудуулах, насан бүтээл хийлгэх, зэтгэрийг номхотгох, хөгжмийн зэмсэг урлах, хур оруулах, дархны үйлд сайн.

Гүүр тавих, газар шороо ухахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.

Дэлгэрэнгүй унших

Өнөөдөр

Байнгын болон дэд хороо, ажлын хэсгийн хуралдаан болно

Огноо:

,

УИХ-ын байнгын болон дэд хороо, ажлын хэсгийн өнөөдрийн /2020.12.02/ цахим хуралдааны тов, хэлэлцэх асуудлын дарааллыг УИХ-ын даргын дэргэдэх Зөвлөлийн 2020 оны 11 дүгээр сарын 27-ны өдрийн хурлаар батласнаар хүргэж байна.


1. Нутгийн удирдлагын дэд хорооны хуралдаан /Төрийн байгуулалтын байнгын хорооны хуралдааны дараа/ 11.30 цагаас “Жанжин Д.Сүхбаатар” танхимаас цахим хэлбэрээр хуралдана.
Хэлэлцэх асуудал:

  • Дэд хорооны ажлын үндсэн чиглэл, төлөвлөгөөний төсөл.

2. Төрийн байгуулалтын байнгын хорооны хуралдаан 09.30 цагаас “Их Хуралдай” танхимд хуралдана.
Хэлэлцэх асуудал:


3. Нийгмийн бодлогын байнгын хорооны хуралдаан 14.00 цагаас “Жанжин Д.Сүхбаатар” танхимд болно.
Хэлэлцэх асуудал:

  • Жендэрийн эрх тэгш байдлыг хангах талаарх хууль тогтоомжийн хэрэгжилтийн төлөв байдал, жендэрийн ялгаварлан гадуурхалттай холбоотой гомдлын хянан шийдвэрлэлтийн талаарх Хүний эрхийн Үндэсний Комиссын илтгэл.

Улсын Их Хурлын даргын 2020 оны 45 дугаар захирамжаар байгуулсан Улсын Их Хурлын гишүүний ёс зүйн дүрмийн шинэчилсэн найруулгын төслийг боловсруулж, Улсын Их Хурлын тогтоолын төслийг өргөн мэдүүлэх үүрэг бүхий ажлын хэсгийн хуралдаан 10.00 цагаас “Үндсэн хууль” танхимаас цахим хэлбэрээр хуралдана.

Дэлгэрэнгүй унших
сурталчилгаа
Тод мэдээ20 минутын өмнө

Автобусанд бага насны хүүхэд, настай хүмүүсийг дагуулсан зорчигчид и...

Тод мэдээ29 минутын өмнө

Өмнөговь аймаг ахмад настангууддаа 2 тонн нүүрс үнэ төлбөргүй олгоно...

Тод мэдээ44 минутын өмнө

Нэгдсэн Үндэстний Байгууллагын Суурин зохицуулагч Тапан Мишратай цах...

Тод мэдээ53 минутын өмнө

Аймгуудын Засаг дарга нартай цахим хурал хийлээ

Тод мэдээ1 цагын өмнө

УИХ-ын чуулган өнөөдөр цахимаар хуралдана

Тод мэдээ1 цаг 4 минут

Төсвийн байнгын хороо өнөөдөр хуралдана

Тод мэдээ1 цаг 9 минут

Үндсэн хуульд оруулсан нэмэлт, өөрчлөлтийг сурталчлан танилцуулах ца...

Өнөөдөр1 цаг 13 минут

Улаанбаатарт өдөртөө 19 хэм хүйтэн

Тод мэдээ1 цаг 16 минут

Мөс цөмрөх аюулаас сэрэмжлүүлж байна!

Өнөөдөр1 цаг 20 минут

Өнөөдөр хулгана, бич жилтнээ аливаа үйлийг хийхэд эерэг сайн

Тод мэдээ2020/12/02

Emart дэлгүүр эмх замбараагүй байдлаас сэргийлж байна

Тод мэдээ2020/12/02

ЗГ: Тусгаарлах байрны зардал, ариутгал, халдваргүйжүүлэлтэд гурван т...

Санал болгох