Тод зураг
Перугийн алдарт Мачу Пикчу
Та бүхэнд Перу улсад орших Мачу Пикчу гэх эртний инкүүдийн хотын тухай танилцуулж байна. Мачу Пикчу (Англи хэл:Machu Picchu) буюу Кечуа хэлээр "Хуучин оргил" хэмээн утгачилагддаг уг газар нь Кускогоос баруун хойд зүгт 70 орчим км-т, Перугийн Урубамба хөндийн орчимд орших далайн түвшнээс дээш 2430 метр өргөгдсөн уулсын оргил хяр дээр байгуулагдсан Колумбын өмнөх Инкүүдийн хот юм. Уг газар нь Инкийн орхигдсон хот хэмээн нэрлэгдэж машид алдаршсан бөгөөд магадгүй дэлхийн дийлэнх хүмүүст Инкийн эзэнт гүрэнг дурсахад хамгийн түрүүнд санаанд нь ордог алдартай газар байж ч болох юм.
Уг хот нь 1450 он орчим баригдсан бөгөөд хүмүүс тэнд 100 гаруй жил оршин амьдарч байгаад Испаничууд Инкийн эзэнт гүрэнг байлдан дагуулах үеэр орхисон байна. Үүнээс хойш олон зууны турш уугуул нутгийнхнаас бусад хүмүүсийн хэн нь ч энэ хотын талаар мэдэхгүй байсаар хорьдугаар зуунтай золгосон байна. 1911 онд АНУ-ын түүхч Хирам Бинхам Мачу Пикчуг дэлхий дахинаа нээж өгсөн байна.
Үүнээс хойш Мачу Пикчу нь жуулчдын хамгийн их очдог газруудын нэг болсон бөгөөд 1981 онд Перугийн түүхийн өвийн хамгаалалд бүртгэгдсэн ба 1983 онд ЮНЕСКО-ын Дэлхийн өвд бүртгэгдсэн байна. Мөн шинэ ертөнцийн 7 гайхамшигт дэлхий нийтийн санал асуулгаар шалгаран оржээ.
Мачу Пикчу нь Инкүүдийн сонгодог Архитектур болох Хуурай-хадан хана аргаар баригдсан ба хотын гол байгууламж нь Нарны сүм Интихуатана юм. Уг хотыг үзэхээр зөвхөн 2003 онд л гэхэд 400000 жуулчин ирсэн нь түүнийг хэр алдартай болохыг харуулж байгаа хэрэг билээ.
/4WEB-edef6bdba0da436389c0dd02b94b7fb1.jpg)
Тод зураг
Сонирхолтой гэрэл зургуудаас...
Эрхэм уншигч та бүхнийг гэрэл зургийн сонирхолтой ертөнцөөр аялуулж байна..
Хятадын Волонг байгалийн дархан газарт амьдардаг 16 настай аварга том панда /Гэрэл зургийг Ами Витале/
Халуун нарнаас нуугдсан яст мэлхийний сүрэг... /Гэрэл зургийг Томас Песчак/
Автозамын хөдөлгөөнд саад болж, түгжрэл үүсгэсэн баавгайнууд /Гэрэл зургийг Аарон Хуэй/
Мичиган мужийн Флинт хотын эгч дүүс... Тэд өдөр бүр хотынхоо гал сөнөөгчдөд савласан унды усыг нь хүргэж өгдөг байна. /Гэрэл зургийг Уэйн Лоуренс/
Йеллоустоун голд живсэн бизоны сэг дээр цугларсан чонын сүрэг /Гэрэл зургийг Ронан Донован/
Грекийн Дельфи хот. Афина Пронаиагийн сүм бүрэнхий болоход... /Гэрэл зургийг Винсент Ж/
Хүчингийн хэрэгт хилсээр буруутгагдан 22 жил шоронд суусан Кирк Одом /Гэрэл зургийг Макс Агилера-Хеллвег/
Өмнөд Африкийн Хлухлюве Умфолозийн цэцэрлэгт хүрээлэнд хулгайн анчдын агнасан хар хирс /Гэрэл зургийг Брент Стиртон/ /
Эмнэлгийн тусламжыг оройтож авсанаас нүднийх нь эвэрлэг бүрхэвч гэмтсэн 67 настай Герд Гаманаб /Гэрэл зургийг Брент Стиртон/
Зэвсэгт бүлэглэлүүдийн халдлагаас сэрэмжилж Вирунгагийн цэцэрлэгт хүрээлэнг хамгаалж буй дайчид... /Гэрэл зургийг Брент Стиртон/
Нар жаргасны дараах Тайпэй... /Гэрэл зургийг Дина Литовский/
Гурван долоо хоногтой хандгайн тугалын анхны нүүдэл... /Гэрэл зургийг Жо Риис/
Энэтхэгийн Сундарбан муж дахь нүдний эмнэлэг... Энэ улсад найман сая гаруй харааны бэрхшээлтэй иргэн байдаг аж... /Гэрэл зургийг Брент Стиртон/
Загасчны хөлөг онгоцон дээр хөлдөөсөн туна загас... /Гэрэл зургийг Адам Дин/
Хоол хайж 30 метрийн өндөрт авирсан Орангутан сармагчин /Гэрэл зургийг Тим Ламан/
Тод зураг
Нийслэлийн Онцгой комисс хуралдаж, шийдвэрээ гаргалаа
Засгийн газар 2020 оны 11 дүгээр сарын 11-ний орой хуралдаж, коронавируст цар тахлын шинэ нөхцөл байдалтай холбогдуулан зарим шийдвэрийг гаргасан. Улмаар Гамшгаас хамгаалах хуулийн 11.3-т заасны дагуу Монгол Улсын хэмжээнд нутгийн болон төрийн захиргааны байгууллагыг 2020 оны 11 дүгээр сарын 12-ны өдрөөс 2020 оны 11 дүгээр сарын 22-ныг хүртэл бүх нийтийн бэлэн байдлын зэрэгт шилжүүлсэн.
Мөн 2020 оны 11 дүгээр сарын 12-ны өдрийн 06.00 цагаас 2020 оны 11 дүгээр сарын 17-ны өдрийн 06.00 цаг хүртэл тав хоногийн хугацаанд улсын хэмжээнд хатуу хөл хорио тогтоосныг УОК-ын дарга мэдэгдсэн юм. Засгийн газар шийдвэрээ танилцуулсны дараа Нийслэлийн Онцгой комисс хуралдав.
Монголд анх удаа авч буй бүх нийтийн бэлэн байдлын зэргийн үеэр хүнсний дэлгүүр, супермаркет, хүнсний зах, хүнсний үйлдвэр, эмийн сан, эмнэлэг, хэвлэл мэдээлэл харилцаа холбооны байгууллага, буяны үйл ажиллагаа, шатахуун түгээх станц, нефть хангамжийн байгууллагууд, худаг-усан хангамж, эрчим хүч, дулааны цахилгаан станцууд, түлш, дулаан хангамжийн үйлдвэрлэл, түгээлтийн байгууллагууд, хот хоорондох хүнсний тээвэрлэлт хэвийн горимоор ажиллах болсныг Нийслэлийн онцгой комиссын дарга Д.Сумъяабазар хэллээ.
Нийслэлийн Онцгой комиссын дарга Д.Сумъяабазар “Болзошгүй эрсдэлээс ард иргэдээ хамгаалахын тулд улсын хэмжээнд бүх нийтийн бэлэн байдлын зэрэгт шилжүүллээ. Нөхцөл байдал амаргүй байна. Тиймээс Улаанбаатар хотын хэмжээнд ЗДТГ, Захирагчийн ажлын алба, газар хэлтэс, дүүргүүд нарийн зохион байгуулалтад орж ажиллаж байна. Улсын хэмжээнд бэлэн байдлын зэрэг тогтоон, коронавируст цар тахлын халдварын хүрээг богино хугацаанд хянаж, хяналтдаа авахаар зорьж байгаа.
Иргэдийнхээ амь насыг хамгаалах нь төрийн үүрэг. Бид иргэдтэйгээ хамтран ажиллаж байж өнөөдрийн нөхцөл байдлыг давж гарна. Ард иргэдийнхээ сайн сайхан, эрүүл мэндийн төлөө энэхүү арга хэмжээг авч байгаа юм гэдгийг иргэдэд ойлгуулж, хүсэж, бүр гуйж ажиллана шүү. Тийм учраас шаардлагагүй тохиолдолд иргэдийг гэрээсээ гарахгүй байхыг сануулж, урьдчилан сэрэмжлүүлж, учирлаж ойлгуулахад дүүрэг орон нутгийн удирдлагууд анхаарч ажиллах нь зүйтэй юм. Тэр тусмаа Нийслэлийн онцгой комиссоос гаргасан нийтийн тээврийн цагийн горимыг сайн таниулж, иргэдийг сандарч, бухимдахгүй, тайван байлгах үүднээс үнэн зөв мэдээллээр шуурхай ханган, аль ч түвшиндээ зөв зохион байгуулалт, эмх цэгц, сахилга баттай ажиллаарай” хэмээв.
Мөн нийслэлийн газар хэлтсийн удирдлагууд, дүүргийн Засаг дарга нар гэнэтийн байдалд бэлэн байж, доод шатны албан хаагчдаа шууд удирдлага, мэдээлэл, арга зүйгээр яаралтай хангаж ажиллахыг тэрбээр үүрэг болголоо.
Тод зураг
Кинон дээрх ноцтой алдаануудаас…
“Биелэгдэшгүй даалгавар 2”-т Том Круз, Дугрэй Скотт хоёр агаар мотоциклтойгоо үсрэх трюк хийгээд газарт унаж цааш тулаанаа үргэлжлүүлдэг хэсэг гардаг. Ингэхэд тэдний газарт унах хүч нь кв.м-т 350.000 ньютон байх ёстой гэнэ. Ийм үйлдлийг туршсан хүмүүсийн 50% нь газар дээрээ нас бардаг байна.
«Армагеддон» дээр Брюс Уиллис багийнхныхаа хамтаар Техас шиг хэмжээтэй солирыг 100 мегатонн хүчтэй бөмбөгөөр дэлбэлэн дэлхийгээ авардаг. Тэгвэл яг тийм хэмжээний солирыг голоор нь дэлбэлэн хувааж дэлхийн хоёр талаар өнгөрөөнө гэвэл ийм хэмээтэй 80 сая бөмбөг хэрэгтэй ажээ.
Мел Гибсон «Апокалипсис» киногоороо майячуудыг хэтэрхий харгис, зэрлэг балмад байдлаар харуулдаг. Тэгвэл тэдгээр эртний хүмүүс нь тухайн үедээ өндөр соёлжсон, хөгжлийн дээд цэгтээ хүрсэн бас алдартай математикч астрономчдыг төрүүлсэн ард түмэн байжээ. Харин хүн тахих үзэгдэл байсан. гэхдээ тэдгээр зөвхөн алс холын дайны цэргийн олзныхон байдаг байж. Тэднийг ч бүгдийг нь нэг дор тэгэж зүрхийг сугалан толгойг нь цавчиж хаядаггүй байжээ. Тэр тусмаа ойр газар нутгийнхаа энгийн ард иргэдийг хэзээч алч устгаж байсангүй.
“Тусгаар тогтнолын өдөр” кинод дэлхий дээр сарны массын дөрөвний нэгтэй тэнцэх нисдэг бит дэлхийг бүрхдэг. Хэрвээ ийм хөлөг газарт тэгэж их ойртож ирсэн тохиолдолд маш хүчтэй далайн даюалгаа үүсэх аж. Агаарын даралтын шахалтын улмаас. Мөн үүнтэй зэрэгцэн аймшигт газар хөдлөлт ч болно гэнэ.
“МЭӨ 10.000 он” кинонд Умард Африкт мамонтууд оччихсон байдаг. Энэ нь хүйтэн газрын амьтан. Хэрвээ халуу шатам Африк руу тэд зүглэлээ гэхэд бүгд замдаа “шатаж” үхнэ.
“300” киноны гол баатар Леонид хааны шүдэн дэхь пломба /ломб/ мэддэг ажээ.
“Трои” кинон дээр баатаруудаа оршуулахдаа нүдэн дээр нь зоос тавьдаг. Эртний Грект ийм заншил байсан. Гэхдээ энэ нь Трояны дайнаас хойш хэдэн зуун жилийн дараа бий болсон ёслол гэнэ. Харин Трояний үед зоосон мөнгө ч гарч ирээгүй байжээ.
